व्हिएस न्युज - राष्ट्रीय आरोग्य मिशन व भारतीय गुणवत्ता परिषद यांच्या वतीने घेण्यात आलेल्या स्वच्छता अभियानाच्या सर्वेक्षणात पिंपरी (पुणे) येथील डॉ. डी. वाय. पाटील मेडिकल हॉस्पिटल व संशोधन केंद्र देशात सर्वोत्तम ठरले आहे. या कामगिरीबद्दल राष्ट्रीय पातळीवरील ‘कायाकल्प २०१९’ हा पुरस्कार देऊन हॉस्पिटलचा केंद्रीय आरोग्यमंत्री डॉ. हर्ष वर्धन यांच्या हस्ते नवी दिल्लीत सन्मान करण्यात आला. संस्थेचे ट्रस्टी डॉ. यशराज पाटील, अधिष्ठाता डॉ. जे. एस. भवाळकर, वैद्यकीय अधीक्षक डॉ. एच. एच. चव्हाण यांनी हा पुरस्कार स्वीकारला. यावेळी श्री अश्विनी कुमार चौबे राज्यमंत्री, आरोग्य व कुटुंब कल्याण, प्रीती सुदान, सचिव - आरोग्य व कुटुंब कल्याण , डॉ. बी. के राव, अध्यक्ष एन ए बी एच व इतर मान्यवर उपस्थित होते.

केंद्रीय आरोग्य मंत्रालयाने यावर्षी प्रथमच कायाकल्प पुरस्कार स्पर्धेसाठी देशातील ६५३ खाजगी रुग्णालयांचाही सर्वेक्षणास सहभाग केला होता. रुग्णसेवेचा दर्जा, स्वच्छता, देखभाल, संसर्ग नियंत्रण, जैविक कचर्याचे व्यवस्थापन, निर्जंतुकीकरण प्रक्रिया, स्वच्छता जनजागृती, आदी प्रमुख घटकांचा सर्वेक्षणात समावेश करण्यात आला होता. यात डॉ. डी.वाय. पाटील हॉस्पिटलने सर्वाधिक गुण प्राप्त केले व सर्वेक्षणात देशात प्रथम क्रमांक मिळवला. कुलपती डॉ. पी. डी. पाटील, उपाध्यक्षा सौ. भाग्यश्रीताई पाटील, सचिव डॉ. सोमनाथ पाटील, संचालक डॉ. स्मिता जाधव, ट्रस्टी डॉ. यशराज पाटील, यांच्या मार्गदर्शनाखाली हॉस्पिटलने ही कामगिरी केली.

महाराष्ट्राचा बहुमान : डॉ. पी.डी. पाटील

“राष्ट्रीय पातळीवरचा देशातील सर्वोत्कृष्ट पुरस्कार मिळणे, हा फक्त आमच्या हॉस्पिटलचा बहुमान नसून महाराष्ट्राचा तसेच आमच्या पिंपरी-चिंचवड या उद्योगनगरीचाही बहुमान आहे. पिंपरीसारख्या उद्योगनगरीत जागतिक स्तरावरील सोयीसुविधांनी युक्त हॉस्पिटल व रिसर्च सेंटर उभारण्याचे माझे स्वप्न होते. ते पूर्ण होतानाच राष्ट्रीय स्तरावरचा प्रथम पुरस्कार मिळणे हा दुग्धशर्करा योग आहे. मी अजिबात अतिशयोक्ती न करता सांगतो की, या हॉस्पिटलला आजवर देश-विदेशातील असंख्य मान्यवरांनी भेट दिली आणि प्रत्येकजण येथील सुविधा पाहून थक्क झाला आहे. सध्याच्या काळात अतिशय भयावह आजार बळावले आहेत. सर्वसामान्य रुग्णांना त्यावरील उपचार अजिबात परवडणारे नाहीत. अशा काळात केंद्र व राज्य शासनाच्या रुग्णसेवेच्या सर्व योजना या हॉस्पिटलमध्ये राबविण्यात येतात. रुग्णांना सर्वाधिक सुविधा देणारे हे राज्यातील प्रथम क्रमांकाचे हॉस्पिटल आहे.”

जागतिक दर्जाच्या सोयी-सुविधा

डॉ. डी. वाय. पाटील हॉस्पिटलची २०१८ मध्ये गिनेस बुक ऑफ वर्ल्ड रेकॉर्डमध्ये नोंद झाली आहे. येथे अद्ययावत २००० बेड असून अतिदक्षता विभागात १७५ बेड आहेत. अत्यंत उच्च दर्जाचे ३० मॉड्युलर ऑपरेशन थिएटर तसेच १९ बाह्यरुग्ण विभाग आहेत. हॉस्पिटलमध्ये जागतिक स्तरावरील हायटेक रोबोटिक सेंटर आहे. हृदयरोग, कर्करोग, मेंदू विकार, हाडांचे विकार आदी गंभीर आजारांपासून जवळपास सर्व आजारांवर या ठिकाणी अद्ययावत उपचार केले जातात. येथील बालरुग्ण विभाग देशात सर्वोत्तम ठरावा. २ लाखांहून अधिक मोठ्या, ३ लाख छोट्या शस्त्रक्रिया, ७५ हजारांवर प्रसूती या हॉस्पिटलमध्ये झाल्या आहेत.

व्हीएस न्युज - पिंपरी चिंचवड महापालिकेतील राष्ट्रवादीच्या नगरसेवकांनी व कार्यकर्त्यांनी विधानसभा निवडणुकीत गाफील न राहता प्रभागवार प्रचारयंत्रणा राबवावी. भाजपने केलेली चुकीची कामे लोकांसमोर मांडावीत, असे आवाहन राष्ट्रवादीचे नेते माजी उपमुख्यमंत्री अजित पवार यांनी येथे केले. राष्ट्रवादी कॉंग्रेस, कॉंग्रेस आघाडीचे पिंपरी मतदारसंघातील उमेदवार अण्णा बनसोडे यांच्या प्रचारार्थ अजित पवार यांनी आज पिंपरीत नगरसेवकांची बैठक घेतली.या बैठकीत ते बोलत होते.

यावेळी राष्ट्रवादीचे शहराध्यक्ष संजोग वाघेरे, राष्ट्रवादी कॉंग्रेस, कॉंग्रेस आघाडीचे पिंपरी मतदारसंघातील उमेदवार अण्णा बनसोडे, पिंपरी चिंचवड महापालिकेतील विरोधी पक्षनेते नाना काटे, माजी महापौर मंगलाताई कदम, योगेश बहल, रंगनाथ फुगे, वैशाली घोडेकर, कविचंद भाट, माजी विरोधी पक्षनेते दत्ता साने, राष्ट्रवादी महिला कॉंग्रेसच्या शहराध्यक्षा वैशाली काळभोर, राष्ट्रवादी युवक कॉंग्रेसचे शहराध्यक्ष विशाल वाकडकर, युवती अध्यक्षा वर्षा जगताप, स्थायी समितीचे माजी सभापती जगदीश शेट्टी, अजित गव्हाणे, शमीम पठाण, राष्ट्रवादीचे प्रवक्ते फजल शेख, आजी-माजी नगरसेवक, पदाधिकारी, कार्यकर्ते उपस्थित होते.

अजित पवार म्हणाले की, भाजपच्या वतीने 370वे कलम रद्द केल्याचा मुद्दा फोकस केला जात आहे. अर्थात्‌ 370वे कलम रद्द केल्याचे राष्ट्रवादीने स्वागतच केले आहे. मात्र, शेतक-यांचे प्रश्न, महिला सुरक्षेचा प्रश्न, बेरोजगारी असे अनेक प्रश्न आहेत. हे प्रश्न 370वे कलम रद्द करून सुटणार नाहीत. हे लोकांमध्ये जाऊन सांगितले पाहिजे. प्रत्येक निवडणुकीत मतदार वेगळा विचार करून मतदान करत असतो. त्यामुळेच छत्तीसगढ, राजस्थान, मध्यप्रदेश, आंध्रप्रदेश, तेलंगणा या राज्यात कॉंग्रेसच्या विचाराची सरकारे आली. हे लक्षात घ्या व कामाला लागा, असे आवाहन पवार यांनी केले.

यानिमित्त आयोजित पत्रकार परिषदेत बोलताना अजित पवार म्हणाले की, पिंपरी चिंचवड महापालिकेत भ्रष्टाचार वाढला आहे. शहरात गुन्हेगारी वाढत आहे, महिला व मुली सुरक्षित नाहीत. पोलिस आयुक्तालय होऊनही काहीही उपयोग झालेला नाही. राष्ट्रवादीच्या काळात शहरात मोठ्या प्रमाणात विकासकामे झाली. मात्र, भाजपने शहराची वाट लावून टाकली आहे, असे पवार म्हणाले.

व्हीएस न्युज - पिंपरी विधानसभा मतदार संघातील राष्ट्रवादी कॉंग्रेस - कॉंग्रेस मित्रपक्षा आघाडीचे उमेदवार माजी आमदार अण्णा बनसोडे यांनी आज विजयादशमी व धम्मचक्र प्रवर्तन दिनाचे औचित्य साधून शहरात मान्यवरांच्या भेटीगाठी घेतल्या. तसेच मतदारांशी संपर्क साधला.

अण्णा बनसोडे यांनी काल (सोमवारी) ज्येष्ठ नेते, माजी महापौर आझमभाई पानसरे, माजी महापौर मंगलाताई कदम, माजी उपमहापौर राजू मिसाळ, दिनकर दातीर पाटील, पिंपरी चिंचवड महापालिका स्थायी समितीचे माजी सभापती जगदीश शेट्टी, नगरसेवक जावेद शेख, माजी नगरसेवक दिगंबरशेठ काळभोर, संतोष कुदळे, प्रसाद शेट्टी, निलेश पांढारकर, काळूराम पवार, उद्योजक किर्ती शहा, व्यंकटेश देवगीरीकर, दादा नाईक, चतुर पांढारकर, निलेश शिंदे, बाळासाहेब ठाणगे, राजू कोहली, भरत सोळंकी, दिपक चोप्रा आदींच्या भेटीगाठी घेतल्या.

दरम्यान आज विजयादशमी व धम्मचक्र प्रवर्तन दिनाचे औचित्य साधून माजी आमदार बनसोडे यांनी शहरात मान्यवरांच्या भेटीगाठी घेतल्या. तसेच मतदारांशी संपर्क साधून त्यांना विजयादशमी व धम्मचक्र प्रवर्तनदिनाच्या शुभेच्छा दिल्या. प्राधिकरण आकुर्डी येथील तक्षशिला बुध्द विहार येथे धम्मचक्र प्रवर्तनदिनानिमित्त काढण्यात आलेल्या शांती मिरवणूकीत ते सहभागी झाले होते. यावेळी प्रताप सोनवणे, हिरामण रामटेके, दत्तात्रय मिसाळ, मंगला मुनेश्वर, निर्मला वालकर, रंजना निमगडे, इंदूमती वाघमारे, रंजना निमगरे, गुणवंत रामटेके, बाळासाहेब कांबळे, सुनिल तायडे, यशवंत भालेराव, संजय शिंदे, उत्तम गायकवाड, गौतम जाधव, कश्यप ठमके, अर्जुन सावंत, अजय जगताप आदी उपस्थित होते.

व्हीएस न्युज - धम्मचक्र प्रवर्तन दिनाच्या निमित्ताने आज रोजी लोकजनशक्ती पार्टीच्या वतीने पिंपरीतील डाॅ. बाबासाहेब आंबेडकर यांच्या पुतळ्यास पुष्पहार घालून अभिवादन करण्यात आले. तसेच डाॅ. बाबासाहेब आंबेडकर स्मारकाच्या आवारात फुलांच्या माळा लावून सजावट करण्यात आली.

या कार्यक्रमाचे मुख्य आयोजन लोकजनशक्ती पार्टीचे प्रदेश सचिव धुराजी शिंदे यानी केले.

यावेळी लोकजनशक्ती पार्टीचे दिनकर ओव्हाळ, अरूण मैराळे, विनोद भालेराव, नवनाथ धोत्रे, कांचन जावळे, दिलीप कांबळे, गिरीश सोनवणे, हरीभाऊ गायकवाड, विठ्ठल गायकवाड, आदी उपस्थित होते.

व्हिएस न्युज - राज्य सरकारकडून आर्थिकदृष्ट्या दुर्बल गटातील रूग्णांना उपचारासाठी आर्थिक मदत मिळावी म्हणून आमदार महेश लांडगे यांनी पाठपुरावा केला. त्यांच्या प्रयत्नातून मुख्यमंत्री सहाय्यता निधीच्या माध्यमातून भोसरी विधानसभा मतदारसंघातील 156 गरजू रुग्णांना 1 कोटी 65 लाख रुपयांची वैद्यकीय मदत देण्यात आली. त्यामुळे गरजूंना मोठा आधार मिळाला, असे प्रतिपादन पिंपरी चिंचवड महापालिकेचे माजी नगरसेवक दत्तात्रय गायकवाड यांनी येथे केले.

भोसरी विधानसभा मतदारसंघातील भारतीय जनता पार्टी, शिवसेना, आरपीआय, रासप, रयत क्रांती शेतकरी संघटना आणि शिवसंग्राम संघटना महायुतीचे उमेदवार आमदार महेश लांडगे यांच्या प्रचारार्थ दिघी येथे आयोजित बैठकीत माजी नगरसेवक गायकवाड बोलत होते.

या वेळी ते म्हणाले की, सरकारतर्फे मुंबई सार्वजनिक विश्वस्त व्यवस्था अधिनियम अंतर्गत मुख्यमंत्री सहाय्यता निधी या न्यासाची स्थापना करण्यात आली आहे. मुख्यमंत्री देवेंद्र फडणवीस यांच्या अध्यक्षतेखाली त्याचे व्यवस्थापन केले जाते. मुख्यमंत्री देवेंद्र फडणवीस यांनी या योजनेची प्रभावी अंमलबजावणी केली. भोसरी मतदारसंघातील गरजूंना त्याचा लाभ मिळावा यासाठी आमदार महेश लांडगे यांनी प्रयत्न केले. त्यातून गरजू रुग्णांना मदत मिळाल्याचे गायकवाड यांनी सांगितले.

यावेळी गायकवाड म्हणाले की, भोसरी विधानसभा मतदारसंघातील सर्वच मोठ्या रुग्णालयांमध्ये आमदार महेश लांडगे यांनी आमदार कार्यालय प्रतिनिधी नियुक्त केला आहे. त्यांच्या आधारे रुग्णाला रुग्णालयात दाखल करण्यापासून ते त्याला रुग्णालयातून डिस्चार्ज मिळेपर्यंत सर्व मदत केली जाते. कोणत्याही व्यक्तीला रुग्णालयासंदर्भात व रुग्ण सेवेबाबत समस्या उद्‌भवू नये ही यामागची संकल्पना आहे. पिंपरी चिंचवड महापालिकेच्या वतीने चालविल्या जाणा-या यशवंतराव चव्हाण स्मृती रुग्णालयात (वायसीएम) आमदार महेश लांडगे यांनी सुरू केलेल्या ‘डेस्क’ला चांगला प्रतिसाद मिळत आहे. अशाच प्रकारे भोसरीतील आरोग्य सुविधा सक्षम करण्याबाबत पावले टाकण्यात येत आहेत, असे ते म्हणाले. ज्येष्ठ नागरिकांची वयोमर्यादा 65 वरून 60 करण्यात यावी त्यांना रक्तदाब व मधुमेह असल्यास औषधे मोफत द्यावीत. महात्मा फुले जीवनदायी आरोग्य योजनेत ज्येष्ठांचा समावेश करावा, ज्येष्ठांसाठी स्वतंत्र आयुक्तालय स्थापन करावे आदी मागण्यासांठी ज्येष्ठ नागरिक महासंघाने राज्यातील जिल्हाधिकारी व तहसिलदार कार्यालयासमोर आंदोलने केली होती.

त्यांच्या मागण्यांचा पाठपुरावा आमदार महेश लांडगे यांनी केला, असे सांगून गायकवाड म्हणाले की, पालक आणि ज्येष्ठ नागरिक परिक्षा आणि कल्याण अधिनियम 2007 या कायद्यानुसार ज्येष्ठ नागरिकांना मासिक खर्च देण्याचे दायित्व मुलांवर असावे. तसेच ज्येष्ठांचे जीवन व मालमत्ता सुरक्षित रहावी अशा तरतूदी राज्य सरकारच्या धोरणात करण्यात याव्यात, अशी मागणी आमदार लांडगे यांनी विधानसभेत केली होती. त्याबाबत भाजप सरकार सकारात्मक विचार करत असल्याचे सांगण्यात आले. पुन्हा महायुतीचे सरकार आल्यानंतर याबाबत निर्णय अपेक्षित असल्याचे माजी नगरसेवक गायकवाड यांनी सांगितले.

व्हीएस न्यूज - महाराष्ट्राचे पहिले मुख्यमंत्री, संयुक्त महाराष्ट्राचे शिल्पकार यशवंतराव चव्हाण हे मराठी मनांचा मानबिंदू. संयुक्त महाराष्ट्राचे पहिले मुख्यमंत्री महाराष्ट्राच्या कृषी व औद्योगिक विकासाचा पाया घालणारे, राज्यात सहकार क्षेत्राची पायीभरणी करणारे आणि पंचायत राज्याच्या माध्यमातून तळागाळातल्या समाजाला त्यांच्या लोकशाही हक्क मिळवून देणारे नेते म्हणून अवघा महाराष्ट्र यशवंतराव चव्हाण यांच्याकडे बघतो, अशा या द्रष्ट्या नेत्याचे स्वप्न पूर्ण करण्यासाठी युवकांनी समाजकारण व राजकारणात पुढे यायला हवे, असे आवाहन मार्गदर्शन ज्येष्ठ व्याख्याते निवृत्त मुख्याध्यापक राजेंद्र पाटील यांनी भोसरी येथे केले.

भोसरीतील कै. पै. धोंडीबा उर्फ गणपत फुगे (पाटील) क्रीडा मंडळाच्या वतीने नवरात्रोत्सवानिमित्त आयोजित केलेल्या सांस्कृतिक कार्यक्रमात ‘यशवंतराव चव्हाण उत्तुंग व्यक्तिमत्व’ या विषयावर व्याख्यान देताना पाटील बोलत होते. या महोत्सवाचे आयोजन युवानेते अमर फुगे यांनी केले होते. यावेळी कार्यक्रमाचे अध्यक्ष वसंतराव कदम, पिंपरी चिंचवड सेवानिवृत्त संघटनेचे विलास देसाई, दादाराव सोनवणे, शांताराम वाळुंज, हनुमंत पोखरकर, वसंत जाचक, आप्पा घुले, शंकर मुळे, पंढरीनाथ गोरडे, धनंजय गोरे, अशोक हुंबे, अनिल हुंबे, बाळासाहेब लाकाळ, आत्माराम लाकाळ, बाळासाहेब पाटील आदी उपस्थित होते.

पाटील यांनी सांगितले की, यशवंतराव चव्हाण यांचा जन्म क-हाड तालुक्यातील देवराष्ट्रे या गावात 12 मार्च 1913 ला कराड तालुक्यात झाला. तर 25 नोव्हेंबर 1984 ला त्यांचे निधन झाले. 71 वर्षांच्या त्यांच्या कार्यकीर्दीत त्यांनी समाजकारण, राजकारण, शेती, सहकार, उद्योग, शिक्षण या क्षेत्रात महाराष्ट्राचे नाव पुढे आणले. तीन पंतप्रधानांच्या मंत्रिमंडळात यशस्वीपणे जबाबदारी पार पाडलेल्या यशवंतरावांना राजकीय जीवनात अवघड परिस्थितीशी मुकाबला करावा लागला. प्रशासनावर त्यांचा आदरयुक्त दबदबा होता. देशातील सरकारपूढे ज्वलंत परिस्थिती उभी राहावी आणि ती शमवण्याची जबाबदारी यशवंतरावांनी पार पाडावी, असे अनेकदा घडले. बांगलादेशच्या युध्दामुळे निर्माण झालेल्या अवघड आर्थिक परिस्थितीत देशाचे अर्थमंत्रिपद त्यांना सांभाळावे लागले. 1962 च्या चीन युद्धाच्यावेळी त्यांनी पुण्यात शनिवारवाडा येथे घेतलेल्या सभेत नागरिकांना देशसेवेसाठी मदतीचे आवाहन केले होते. त्यांच्या आवाहनाला प्रतिसाद देऊन त्यावेळी पुण्यातील नागरिकांनी लाखो रुपयांचा निधी व पाच पोत्यांपेक्षा जास्त सोने देशासाठी दान दिले होते. मुंबई राज्यातील दोन प्रमुख भाषिकांत विश्र्वास निर्माण करणे. सैन्यदल व उच्च अधिका-यांचे मनोधैर्य वाढवणे आणि संसदीय कार्यपद्धतीस निर्माण होणारा धोका टाळणे, ही मोठी जबाबदारी यशवंतरावांनी पेलली. हे पंतपधान नेहरू यांनी पाहिले. मुंबई महाराष्ट्रालाच मिळाली पाहिजे ही यशवंतराव चव्हाण यांची आग्रही भूमिका पंतप्रधान पंडीत नेहरू यांना मान्य करावी लागली; महाराष्ट्र कलश महाराष्ट्रात आणण्याचे काम यशवंतराव यांनी केले. महाराष्ट्राच्या औद्यागिक सहकार क्षेत्राच्या पायाभरणीचे श्रेय यशवंतरावांनाच द्यावे लागेल, असेही पाटील यांनी सांगितले.

स्वागत अमर फुगे, सुत्रसंचालन शंकर मुळे आणि आभार परशुराम फुगे यांनी मानले.

व्हीएस न्युज - पिंपरी येथील मातोश्री सामाजिक संस्थेच्या सर्व पदाधिकाऱ्यांनी पिंपरी विधानसभेत भगवा फडकवण्याचा निर्धार करत पिंपरी विधानसभेचे शिवसेना- भाजपा - आर.पी.आय महायूतीचे अधिकृत उमेदवार गौतम चाबूकस्वार यांना पाठींबा जाहिर करण्यात आला.

संस्थेचे संस्थापक अध्यक्ष गणेश आहेर यांनी प्रसिध्दी पत्रकाद्वारे दिलेल्या माहितीनुसार संस्थेच्या सर्व पदाधिकाऱ्यांनी मतदारसंघातून चाबुकस्वार यांना मोठे मताधिक्य मिळवून देण्यासाठी कंबर कसली आहे. पिंपरी येथून आमदार महायुतीचाच होणार असा विश्वासही गणेश आहेर यांनी दिला.

मातोश्री संस्थेचे संस्थापक अध्यक्ष गणेश आहेर यांच्या संग पदाधिकारी गोरख पाटील, बाळासाहेब गायकवाड, मारुती म्हस्के, माऊली जाधव, दत्ता गिरी, निलेश भोरे, महेश गूळगोंडा, जितेंद्र चौधरी, नरसिंग माने, संदिप कारंडे, नारायण खूशलानी, उमेश भायानी, रामू चयंन्दास, विनोद वावरे, सत्तार सय्यद,आणा नायडू, ताराचंद क्रिपलानी, राहूल कदम, पिंट्या वावरे, तसेच मातोश्री सामाजिक संस्थेचे सर्व शहरातील पदाधिकारी उपस्थित होते.

व्हीएस न्युज - आगामी विधानसभा निवडणुकीची उमेदवारी जवळजवळ सर्व पक्षांनी जाहिर केली आहे. भाजपकडून १२५ शिवसेनेकडून 70 मनसेकडून 27 उमेदवारांच्या नावांची यादी जाहीर करण्यात आली आहे.

बुधवारी रात्री ( दि.०२) राष्ट्रवादी काँग्रेसने आपल्या पक्षाच्या ७७ उमेदवारांची यादी जाहीर केली,परंतु ७७ उमेदवारांच्या यादीत पिंपरी, चिंचवड आणि भोसरी ची उमेदवारी अद्याप जाहिर झाली नसल्यामुळे इच्छुक उमेदवारांमध्ये आणि कार्यकर्त्यांमध्ये अस्वस्थता वाढली आहे.

७७ उमेदवारांची व त्यांच्या मतदार संघाची माहिती खालील प्रमाणे

1 सिंदखेडा – संदिप बेडसे

2 चोपडा – जगदीश वळवी

3 जळगाव ग्रामीण- पुष्पा ज्ञानेश्वर महाजन

4 अमळनेर – अनिल पाटील

5 एरंडोल – डॉ. सतिश पाटील

6 चाळीसगाव – राजीव देशमुख

7 पाचोरा – दिलीप वाघ

8 जामनेर – संजय गरुड

9 सिंदखेडराजा – राजेंद्र शिंगणे

10 मुर्तीजापूर- रविकुमार राठी

11 हिंगणघाट – राजू तिमांडे

12 काटोल- अनिल देशमुख

13 हिंगणा- विजय घोडमारे

14 पुसद- इंद्रनिल मनोहर नाईक

15 किनवट- प्रदिप नाईक

16 लोहा- दिलीप धोंडगे

17 वसमत- चंद्रकांत नवघरे

18 जिंतूर – विजय भांबळे

19 घनसांगवी- राजेश टोपे

20 बदनापूर – बबलू चौधरी

21 भोकरदन – चंद्रकांत दानवे

22 कळवण – नितीन पवार

23 येवला – छगन भुजबळ

24 सिन्नर – माणिकराव कोकाटे

25 निफाड – दिलीप बनकर

26 दिंडोरी – नरहरी झिरवळ

27 विक्रमगड – सुनिल भुसारा

28 शहापूर- दैलत दरोडा

29 मुरबाड – प्रमोद हिंदुराव

30 उल्हासनगर – भरत गंगोत्री

31 कल्याण पूर्व – प्रकाश तरे

32 मुंब्रा-कळवा – जितेंद्र आव्हाड

33 विक्रोळी – धनंजय पिसाळ

34 दिंडोशी – विद्या चव्हाण

35 अणुशक्ती नगर – नवाब मलीक

36 श्रीवर्धन – अदिती तटकरे

37 जुन्नर- अतुल बेनके

38 आंबेगाव – दिलीप वळसे पाटील

39 दौंड – रमेश थोरात

40 इंदापूर – दत्तात्रय भरणे

41 बारामती – अजित पवार

42 वडगाव शेरी – सुनिल टिंगरे

43 खडकवासला – सचिन दोडके

44 पर्वती – अश्वीनी कदम

45 हडपसर – चेतन तुपे

46 अकोले – किरण लहामटे

47 कोपरगाव – आषुतोष काळे

48 शेगाव – प्रताप ढाकणे

49 पारनेर – निलेश लंके

50 अहमदनगर शहर- संग्राम जगताप

51 कर्जत जामखेड – रोहीत पवार

52 गेवराई – विजयसिंह पंडीत

53 माजलगाव – प्रकाश सोळंखे

54 बीड – संदीप क्षीरसगार

55 केज – पृथ्वीराज साठे

56 परळी – धनंजय मुंडे

57 अहमदपूर – बाबासाहेब पाटील

58 उदगीर – संजय बनसोडे

59 परांडा – राहूल मोटे

60 पंढरपूर – भारत भालके

61 फलटण – दीपक चव्हाण

62 वाई – मकरंद जाधव

63 कोरेगाव – शशिकांत शिंदे

64 कराड उत्तर – बाळासाहेब पाटील

65 पाटण – सत्यजित पाटणकर

66 सातारा – दीपक पवार

67 दापोली – संजय कदम

68 गुहागर – सह्देफव बेटकर

69 चिपळूण – शेखर निकम

70 रत्नागिरी – सुदेश मयेकर

71 सावंतवाडी – बबन साळगावकर

72 राधानगरी – के पि पाटील

73 कागल – हसन मुश्रीफ

74 इस्लामपूर – जयंत पाटील

75 शिराळा – मानसिंग नाईक

76 तासगाव(कवठे महांकाळ) – सुमन आर पाटील

77 शिरुर – अशोक पवार

व्हीएस न्युज - भारतीय जनता पार्टीने १२५ उमेदवारांची पहिली यादी जाहीर केली आहे. यात पिंपरी-चिंचवडमधील आमदार महेश लांडगे आणि आमदार लक्ष्मण जगताप यांचा समावेश आहे. महेश लांडगे हे २०१४ ची निवडणूक अपक्ष लढले होते. मात्र, यावेळी ते भाजपा पक्षाकडून अधिकृत उमेदवार ठरणार आहेत. तर विद्यमान आमदार लक्ष्मण जगताप हे भाजपाकडून विधानसभा लढवली होती.

भाजपाने जाहीर केलेल्या उमेदवारी यादीत पिंपरी-चिंचवड भाजपा शहराध्यक्ष, आमदार लक्ष्मण जगताप यांना चिंचवड विधानसभा मतदारसंघातून उमेदवारी देण्यात आली आहे. जगताप हे २००९ मध्ये अपक्ष निवडून आले होते. त्यानंतर २०१४ ला त्यांनी भाजपाच्या साथीने निवडणूक लढवली होती. यातही त्यांना यश आले आणि मताधिक्याने ते विजयी झाले होते. दरम्यान, २०१४ च्या मोदी लाटेत भोसरी मतदारसंघातून आमदार महेश लांडगे निवडून आले होते. त्यानंतर त्यांनी भाजपाला साथ देत सहयोगी सदस्यत्व स्वीकारले होते.

भोसरी विधानसभा मतदारसंघात तर्क-वितर्क लढवण्यात येत होते. आमदार महेश लांडगे हे अपक्ष लिवडणूक लढवणार असल्याची चर्चा रंगली होती. मात्र, भाजपाने अधिकृत उमेदवारी जाहीर केल्यानंतर चर्चेला पूर्णविराम मिळाला आहे. दरम्यान, चिंचवड आणि भोसरी मतदारसंघात या दोन्ही विद्यमान आमदारांच्या विरोधात राष्ट्रवादी कोणते तगडे उमेदवार देणार हे महत्वाचे ठरणार आहे.

व्हीएस न्युज - पिंपरी चिंचवड शहरातील कार्यक्षम पोलीस अधिकारी तसेच शहरातील गुन्हेगारी संपुष्टात आणण्यासाठी सातत्याने प्रयत्नशील असणारे मोहननगर पोलीस चौकीचे सहाय्यक पोलीस निरीक्षक अन्सार शेख यांची तत्काळ बदली करण्याची मागणी पिंपरी येथील मातोश्री सामाजिक संस्थाचे संस्थापक अध्यक्ष गणेश अहिरे यांनी प्रसिध्दी पत्रकाद्वारे केली.

गणेश अहिरे म्हणतात की "पिंपरी चिंचवड शहरातील गुन्हेगारी वाढत असल्याची कबुली एकीकडे पोलीस आयुक्तांनी दिली असताना अन्सार शेख सारख्या कार्यक्षम पोलीस अधिकारी पिंपरी पोलीस स्टेशन मधून बदली करणे कितपत योग्य आहे, राजकिय दबवापोटी जर चांगल्या अधिकार्यांच्या बदल्या होत असेल तर असा स्वार्थ बाळगनाऱ्यांचा मातोश्री सामाजिक संस्थेच्या वतीने तसेच सर्वसामान्य जनतेच्या वतीने जाहिर निषेध व्यक्त केला.

व्हीएस न्युज - पिस्तुल आणि चाकूचा धाक दाखवून तीन चोरट्यांनी साडेतीन लाखांची रोकड आणि गळ्यातील सोन्याची चैन लुटण्याचा प्रयत्न फसला. ही घटना बुधवारी रात्री अकराच्या सुमारास घडली. याप्रकरणी एकाला अटक करण्यात आली आहे.

संदीप श्रीपती ढवले (वय 33, रा. मु.पो. हुंडारे वस्ती, पिंपरी बुद्रुक, ता. खेड, जि. पुणे) असे अटक केलेल्या आरोपीचे नाव आहे. तर त्याचा साथीदार किरण जाधव आणि अन्य एकजण अंधाराचा फायदा घेत पळून गेले. विशाल घनश्‍याम सोमानी (वय 40, रा. कोकणे चौकाजवळ, रहाटणी) यांनी पिंपरी पोलिस ठाण्यात फिर्याद दिली आहे. पोलिसांनी दिलेल्या माहितीनुसार, सोमानी यांचे चाकण येथे वाईन शॉप आहे. रात्री दुकान बंद करून जमा झालेले साडेतीन लाख रुपये घेऊन आठ कामगारांसह ते आपल्या घरी जाण्यास निघाले. यातील तीन आरोपी दोन दुचाकीवरून त्यांचा चाकणपासून पाठलाग करीत होते. ते पिंपरी येथील अशोक टॉकीजजवळ आले असता दुचाकीवरील चोरट्यांनी त्यांना अडविले. पिस्तुल आणि चाकूचा धाक दाखवून सोमानी यांच्या गळ्यातील सोनसाखळी ओढण्याचा प्रयत्न केला. मात्र सोमानी व त्यांच्या कर्मचाऱ्यांनी आरोपी ढवले याला पकडून ठेवले. यामुळे घाबरलेले इतर दोघेजण पळून गेले.

घटनेची माहिती मिळताच पिंपरी पोलीस घटनास्थळी दाखल झाले. त्यांनी आरोपी ढवले याला चाकूसह ताब्यात घेतले. याबाबत अधिक तपास उपनिरीक्षक ज्ञानोबा निकम करीत आहेत.

व्हीएस न्युज - पुणे महानगरपालिकेने ड्रेनेज कामगार यांच्या दृष्टीने एक पाऊल पुढे टाकले आहे.सामाजिक न्याय व सक्षमिकरण मंत्रालयाच्या अंतर्गत काम करण्याऱ्या एनएसकेएफडीसि व एससिजिजे या दोन्ही संस्थाच्या माध्यमातून काम करणाऱ्या कॅम फॉउंडेशन या संस्थेच्या वतीने इंद्रधनुष्य हॉल नवी पेठ पुणे येथे प्रशिक्षण कार्यक्रम राबविण्यात आला.

या प्रशिक्षणच्या माध्यमातून सफाई कामगारांचा दर्जा उंचवण्यासाठी व त्यांचा कामामध्ये गर्व निर्माण करण्यासाठी सफाई कामगारांवर भर देण्यात आला. पुणे येथील कैम-फॉउंडेशन या अधिकृत प्रशिक्षण संस्थेच्या जनरल मॅनेजर स्मिता सिंग, प्रशिक्षक शिवराज जाधव व ईश्वर इंगळे हे GOI certified ट्रेनर असून त्यानी सफाई कामगारांना उत्कृष्ट पद्दतीने प्रशिक्षण देण्याचे काम केले.

सदर प्रशिक्षनात पिपीटी ,फोटो, व्हिडिओ,प्रात्याशिक ई .वापर करून सोप्या पद्दतीने प्रशिक्षण दिले गेले. रोटरी क्लब ऑफ पुणे साऊथ यांच्या वतीने या 35 सफाई कर्मचाऱ्याना बॅग, सेफ्टी गॉगल, मास्क, ग्लोज, रेफ्लेकटिंग जॅकेट,हॅन्ड वॉश, गम बूट हे साहित्य मोफत देण्यात आले. सदर प्रशिक्षण घेतल्यानंतर आज त्यांना प्रमाणपत्र आणि सेफ्टी किट बॅग देण्यात आली.

सदर प्रशिक्षण सफाई कामगारांसाठी उपयोगी असून भविष्या मध्ये उर्वरित सफाई कामगारांना सुद्धा प्रशिक्षण देण्याचा मानस माननीय ज्ञानेश्वर मोळक सहाय्यक आयुक्त घन कचरा व्यवस्थापन विभाग पुणे महानगरपालिका आणि आदरनिय अभिजीत जोग अध्यक्ष रोटरी क्लब ऑफ पुणे साऊथ यांनी व्यक्त केला.

या प्रशिक्षणासााठी पुणे महानगरपालिका चे सहाय्यक आयुक्त घनकचरा व्यवस्थापण ज्ञानेश्वर मोळक , महानगरपालिका च्या डॉ. केतकी घाटके, कॅम अवीदा एनवायरो इंजिनीरिंग या कंपनी चे मा. संचालक आदरनिय मनोहर कृष्णा, कॅम फॉउंडेशन च्या जनरल मॅनेजर स्मिता सिंग, ऍडमिन ऑफिसर ऐश्वर्या जोशी ट्रेनर शिवराज जाधव,ईश्वर इंगळे तसेच पर्यावरण अधिकारी मंगेश दिघे इ. उपस्थित होते.