व्हीएस न्युज - शहरातील कायदा-सुव्यवस्था राखण्यासाठी अनेक वर्षांपासून मागणी होणाऱ्या स्वतंत्र पोलिस आयुक्तालयाची घोषणा मुख्यमंत्री देवेंद्र फडणवीस यांनी केल्यामुळे पिंपरी-चिंचवडकरांची स्वप्नपूर्ती होणार आहे. पिंपरी-चिंचवडसह मीरा-भाईंदर आणि कोल्हापूर येथे स्वतंत्र आयुक्तालय सुरू करण्यात येणार असल्याचे मुख्यमंत्री फडणवीस यांनी अर्थसंकल्पीय अधिवेशनात एका प्रश्नाला उत्तर देताना सांगितले.
पिंपरी-चिंचवडसाठी स्वतंत्र आयुक्तालय देण्याचे आश्वासन मुख्यमंत्र्यांनी पुणे सुपरफास्ट' या कार्यक्रमात दिले होते.
शहरातील आमदार लक्ष्मण जगताप, महेश लांडगे, अॅड. गौतम चाबुकस्वार यांच्यासह आमदार डॉ. नीलम गोऱ्हे, राहुल कुल, शरद सोनावणे यांनीदेखील लक्षवेधीद्वारे सरकारचे लक्ष वेधले होते. गेल्या अनेक वर्षांपासून हा विषय प्रलंबित होता. माजी आमदार विलास लांडे, अण्णा बनसोडे यांनीदेखील यासाठी पाठपुरावा केला आहे.
पुणे पोलिस आयुक्तालयांतर्गत असलेल्या पिंपरी-चिंचवडमध्ये वर्षाला सुमारे चार हजार गुन्ह्यांची नोंद होते. औद्योगिक पट्ट्यामुळे देशातील विविध राज्यांमधून कामगार येथे स्थायिक होत असतात. त्यामुळे त्यांच्या गरजा आणि उपलब्ध सोयी-सुविधा यातूनदेखील अनेकदा कायदा-सुव्यवस्थेचा प्रश्न निर्माण होत असतो. हिंजवडी आयटी पार्क, झपाट्याने विस्तार होणारे शहर या सर्व बाबींमुळे आयुक्तालयाची गरज वेळोवेळी अधोरेखित झाली आहे. मुख्यमंत्री देवेंद्र फडवणीस यांनी भोसरी येथील कार्यक्रमात शहराला स्वतंत्र आयुक्तालय देण्याची ग्वाही दिली होती. त्यानंतर यासाठी एक समिती स्थापन करण्यात आली होती. या समितीने गृह विभागाकडे स्वतंत्र आयुक्तालयाचा अहवाल पाठवला होता. त्यामध्ये काही त्रुटी आढळल्याने दुरुस्ती करून हा अहवाल पाठविण्यात आला होता. वित्त विभागासह गृह विभागाने यामध्ये आवश्यक सुधारणा सुचविल्यानंतर हा अहवाल नुकताच मुख्यमंत्र्यांकडे सादर करण्यात आला होता.
चोर, दहशतवाद्यांचा वावर
शहराला स्वतंत्र आयुक्तालय मिळाल्याने शहरातील गुन्हेगारी आटोक्यात आणण्यास बरीच मदत होणार आहे. संशयित दहशतवाद्यांचेही येथे वास्तव्य असल्याचे अनेकदा उघड झाले आहे. कुदळवाडीत भटकळ बंधूंच्या वास्तव्याची शक्यता, जंगली महाराज रस्ता येथील साखळी बॉम्बस्फोटातील आरोपींनी कासारवाडीत बॉम्ब तयार करणे, नक्षलवाद्यांचे स्लीपर सेल आणि संशयितांचे वास्तव्य, दहशतवाद्यांशी संबंध असलेल्या बांगलादेशींचे बनावट कागदपत्रांद्वारे वास्तव्य आदी बाबी तपास यंत्रणांनी उघड केल्या आहेत. स्वतंत्र आयुक्तालयानंतर या घटनांना काही प्रमाणात तरी चाप बसू शकतो.
जागांच्या पाहणीला सुरवात
मुख्यमंत्र्यांनी गुरुवारी (२२ मार्च) आयुक्तालयाची घोषणा केल्यावर दुसऱ्या दिवशी पोलिस उपायुक्त गणेश शिंदे यांच्यासह महापालिका अधिकाऱ्यांनी आयुक्तालयासाठी शहरातील महापालिकेच्या जागांची पाहणी केली. यामध्ये निगडी प्राधिकरणातील हेडगेवार भवन, चिंचवड प्रेमलोक पार्क येथील महापालिकेची शाळा, निगडी चौकातील 'फ' क्षेत्रीय कार्यालय, नेहरूनगर येथील 'क' प्रभाग कार्यालय, मासूळकर कॉलनी येथील तंत्रनिकेतन विभागाची जुनी इमारत, थेरगाव येथील 'ग' क्षेत्रीय कार्यालय; तसेच चिंचवडमधील कामठे चौकातील महापालिकेच्या इमारतींची पाहणी करण्यात आली आहे. उपायुक्त, सहायक आयुक्त, गुन्हे शाखेचे सहायक आयुक्त यांच्या कार्यालयांसाठी जागांची पाहणी सुरू करण्यात आली आहे.
चोर, दहशतवाद्यांचा वावर
शहराला स्वतंत्र आयुक्तालय मिळाल्याने शहरातील गुन्हेगारी आटोक्यात आणण्यास बरीच मदत होणार आहे. संशयित दहशतवाद्यांचेही येथे वास्तव्य असल्याचे अनेकदा उघड झाले आहे. कुदळवाडीत भटकळ बंधूंच्या वास्तव्याची शक्यता, जंगली महाराज रस्ता येथील साखळी बॉम्बस्फोटातील आरोपींनी कासारवाडीत बॉम्ब तयार करणे, नक्षलवाद्यांचे स्लीपर सेल आणि संशयितांचे वास्तव्य, दहशतवाद्यांशी संबंध असलेल्या बांगलादेशींचे बनावट कागदपत्रांद्वारे वास्तव्य आदी बाबी तपास यंत्रणांनी उघड केल्या आहेत. स्वतंत्र आयुक्तालयानंतर या घटनांना काही प्रमाणात तरी चाप बसू शकतो.
जागांच्या पाहणीला सुरवात
मुख्यमंत्र्यांनी गुरुवारी (२२ मार्च) आयुक्तालयाची घोषणा केल्यावर दुसऱ्या दिवशी पोलिस उपायुक्त गणेश शिंदे यांच्यासह महापालिका अधिकाऱ्यांनी आयुक्तालयासाठी शहरातील महापालिकेच्या जागांची पाहणी केली. यामध्ये निगडी प्राधिकरणातील हेडगेवार भवन, चिंचवड प्रेमलोक पार्क येथील महापालिकेची शाळा, निगडी चौकातील 'फ' क्षेत्रीय कार्यालय, नेहरूनगर येथील 'क' प्रभाग कार्यालय, मासूळकर कॉलनी येथील तंत्रनिकेतन विभागाची जुनी इमारत, थेरगाव येथील 'ग' क्षेत्रीय कार्यालय; तसेच चिंचवडमधील कामठे चौकातील महापालिकेच्या इमारतींची पाहणी करण्यात आली आहे. उपायुक्त, सहायक आयुक्त, गुन्हे शाखेचे सहायक आयुक्त यांच्या कार्यालयांसाठी जागांची पाहणी सुरू करण्यात आली आहे.
आयुक्तालयांतर्गत १५ पोलिस ठाणी
या आयुक्तालयात अप्पर महासंचालक किंवा विशेष पोलिस महानिरीक्षक दर्जाच्या अधिकाऱ्याची नियुक्ती होऊ शकते. नवी मुंबईच्या धर्तीवर शहराचे आयुक्तालय होणार आहे. पुणे शहर पोलिसांच्या झोन तीनमधील पिंपरी, चिंचवड, निगडी, भोसरी, एमआयडीसी, सांगवी, हिंजवडी, वाकड यासह दिघी आणि शहर पोलिसांच्या अखत्यारित असलेले अन्य एक पोलिस ठाण्याचा पिंपरी-चिंचवड आयुक्तालयात समावेश केला जाणार आहे. या व्यतिरिक्त नव्याने सुरू होणारे चिखली पोलिस ठाणे आणि ग्रामीण पोलिसांच्या अखत्यारित असलेली देहूरोड, तळेगाव दाभाडे, तळेगाव एमआयडीसी, आळंदी व चाकण आदी पोलिस ठाणी नव्याने होणाऱ्या आयुक्तालयाला जोडण्यात येणार आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
.jpg)
.jpg)
.jpg)