बँकेची टेक्नॉलॉजी, फायरवॉल इतकी मजबूत असताना हा दरोडा पडलाच कसा? आणि हे सगळं होत असताना बँकेला याची कुणकुणही कशी लागली नाही? असा प्रश्न पडला आहे.

व्हिएस न्युज - कॉसमॉस बँकेवर डिजिटल दरोडा पडला आहे, तोही केवळ 2 तास आणि 13 मिनिटात आणि गायब झाले 94 कोटी 42 लाख रुपये. बँकिंग विश्वाला हादरवणारी ही घटना 11 आणि 13 ऑगस्टला घडली आहे. बँकेची टेक्नॉलॉजी, फायरवॉल इतकी मजबूत असताना हा दरोडा पडलाच कसा? आणि हे सगळं होत असताना बँकेला याची कुणकुणही कशी लागली नाही? असा प्रश्न पडला आहे.

खातेदारांची बनावट व्हिसा कार्ड तयार करण्यात आली. ती वापरुन 21 देशात वेगवेगळ्या लोकांनी पैसे काढले. प्रत्यक्षात खऱ्या व्हिसा कार्डचा वापर झाला नाही. त्यापुढे जाऊन हाँगकाँगमधील हॅनसेन बँकेतील एलएम ट्रेडिंग कंपनीतही स्विफ्ट मेसेजिंग सिस्टिमद्वारे 13 कोटी 50 लाख ट्रान्सफर करण्यात आले. जे रिकव्हर करण्यासाठी बँक प्रयत्नशील असल्याचा दावा केला जातोय.

कॉसमॉस बँकेवर डिजिटल दरोडा, दोन तासात 94 कोटी गायब!

दरम्यान, हा दरोडा नेमका पडला कसा, यासाठी हॅकर्स काय करतात याबद्दल आम्ही सायबर सिक्युरिटी एक्स्पर्ट मुस्लीम कोसर यांच्याशी बातचीत केली. मुस्लीम कोसर यांच्या म्हणण्यानुसार, बँकेच्या नेटवर्कमध्ये सर्व्हर असतात. हे बहुतेककरून स्विफ्ट या नावाच्या सिस्टिमचे हे सर्वर असतात. अटॅकर आधी या सर्व्हरला छेद देण्याचा प्रयत्न करतात. त्यात ते यशस्वी झाल्यावर ते सर्व्हरला हॅक करतात. एकदा हे झालं की त्यांचं काम सोपं होतं. त्यांनतर बँकेतून भारताबाहेरच्या इतर खात्यांमध्ये पैसे पाठवणं शक्य होतं. हे पैसे पाठवण्याचं काम अनेक पातळीवर करणं शक्य आहे.

यातली शेवटची पायरी म्हणजे 'कॅश आऊट'... म्हणजे फेरफार केलेले हे पैसे त्या अकाऊंटमधून पैसे बाहेर काढणं. कॅश आऊटही अनेक पद्धतींनी होऊ शकतं. ते पैसे दुसऱ्या अकाऊंटमध्ये पाठवू शकतात, एटीएम कार्डही वापरलं जाऊ शकतं. एक मोठी रक्कम बँकेतून हॅक करून काढल्यावर ती अनेक अकाऊंटमध्ये छोट्या-छोट्या रकमेच्या स्वरूपात विभागली जाते. त्यामुळे कॅश आऊट करण सोपं होतं. त्यामुळे हा हल्ला ट्रेस बॅक करणंही कठीण होऊन बसतं, असं मुस्लीम कोसर सांगतात.

व्हीएस न्युज - स्वातंत्र्य दिनाच्या पूर्वसंध्येला म्हणजेच मंगळवार दि 14 ऑगस्ट 2018 रोजी सायंकाळी महापुरुषांच्या-क्रांतिकारी वीरांच्या सन्मानार्थ,तसेच नागरिकांमध्ये राष्ट्रभावना जागृत करण्याजोगी पिंपरी चौक येथील महात्मा ज्योतिबा फुले स्मारक येथे "युवा स्वातंत्र्य रॅली" चे आयोजन करण्यात आले होते.

सदर रॅली मध्ये तरुण वर्ग , महिला, लहान मुले जेष्ठ नागरिकांनी मोठया संख्येने सहभाग घेतला.पाऊसाची तमा न बाळगता भर पाऊसात देखील नागरिक रॅलीमध्ये मोठ्या संख्येने सहभागी होते.

यावेळी माजी सैनिक, खेळाडू, यांचा सत्कार करण्यात आला.लहान मुलांनी देशभक्ती गीतावर नृत्य सादर करून हुतात्म्यांना अनोखी श्रद्धांजली अर्पण केली.तसेच नागरिकांना स्वातंत्रता दिवसाच्या पूर्वसंध्येला मिठाई वाटुन शुभेच्छा देण्यात आल्या.

संविधानाची शपथ घेऊन कार्यक्रम सुरू झाला त्यावेळी सर्व राजकीय पक्ष व संघटनेचे पदाधिकारी उपस्थित होते प्रमुख पाहुणे म्हणून सिनेट सदस्य अभिषेकदादा बोके,रविकांतजी वरपे यांची उपस्थिती होती. राष्ट्रवादी काँग्रेसचे शहराध्यक्ष संजोग वाघेरे , नगरसेविका वैशाली काळभोर,सुलक्षणा शिलवंत/धर,नगरसेवक विक्रांत लांडे, विजय लोखंडे,अरुण बोऱ्हाडे होते , माजी नगरसेवक मारुभापकर,शिवसेनेकडून कामगार नेते इरफान सैय्यद, रुपेश कदम,आर पी आय वाहतूक चे प्रदेशअध्यक्ष अजीज शेख,शहर संघटक अल्ताफ शेख , पुणे युथकाँग्रेसचे युवानेते मानस पगार, संभाजीब्रिगेड तर्फे नकुल भोईर, अपना वतनचे सिद्दीकभाई शेख,अंनिस तर्फे संजय बारी शेकाप व अनेक संघटनेचे पदाधिकारी उपस्थीत होते.

राष्ट्रगीताद्वारे या कार्यक्रमाची सांगता झाली या कार्यक्रमाचे आयोजन इम्रान युनूसभाई शेख आणि संघटनेच्या कार्यकर्त्यांनी केले होते.

व्हीएस न्युज - दिघी पोलीस स्टेशनच्या हद्दीत मटका, जुगार क्लब, अवैध लॉटरी, हातभट्टी, अवैध ताडी, लॉज मधील वेश्या व्यवसाय, गुटखा, पॅगोची अवैध वाहतुक सर्रासपणे सुरु आहेत. त्यामुळे स्थानिकांना मोठ्या प्रमाणात त्रास सहन करावा लागत असून दिघी पोलिस स्टेशनच्या हद्दीत सुरु असलेले अवैध धंदे तातडीने बंद करण्याची मागणी स्थानिक रहिवासी नथ्थू पिराजी शिंदे यांनी केली आहे. पिंपरी – चिंचवड महापालिकेच्या पत्रकार कक्षात झालेल्या पत्रकार परिषदेत ते बोलत होते.

अवैध्य धंद्याबाबत दिघी पोलिस स्टेशनला सात ते आठ तक्रार अर्ज केले. तसेच झोन फोर कार्यालय, सहाय्यक पोलिस आयुक्त खडकी विभाग, सामाजिक सुरक्षा विभाग यांच्याकडे वारंवार तक्रारीचे अर्ज दिले. परंतु, पोलिस प्रशासनाकडून याबाबत कुठलीही दखल घेण्यात आलेली नाही. दिघी पोलिस स्टेशनच्या हद्दीत मटका, कधी वडापाव दुकानात कधी सलुनच्या दुकानात चालतो. लॉजमध्ये मोबाईलवर फोटो दाखवून ग्राहकांना वेश्या पुरवल्या जातात. जुगार क्लब, हातभट्टी, अवैध्य ताडी जागा बदलून चालू आहे. अशा सर्व अवैध धंदे चालवणाऱ्या धंदे वाल्यांना एम.पी.डी.ए. लावण्याचे राज्यात विघातक कृत्यांना प्रतिबंध करण्यासाठी अधिनियम १९८१ मध्ये सुधारणा विधेयक शासनाने विधान परिषदेत नागपुर अधिवेशन २०१८ मध्ये मंजूर केले आहे. परंतु दिघी पोलीस स्टेशन शासनाच्या अधिनियम १९८१ च्या सुधारीत विधेयकाच्या विरोधात काम करत आहे. तसेच, मोठे हप्ते खाऊन दिघी पोलिस स्टेशन च्या हद्दीत, मटका, जुगार क्लब, अवैध लॉटरी, वेश्या व्यवसायावर अवैध ताडी, हातभट्टी अशा धंदेवाल्यांना मदत करीत असल्याचा आरोपही त्यांनी यावेळी केला.

या ठिकाणी चालू आहेत अवैध धंदे –

दिघी पोलीस स्टेशनच्या हद्दीत देहुफाटा व्यायाम शाळेजवळ, दिघीगाव दत्तनगर जवळ ममता स्वीट होम, तसेच तनिष कंट्रक्शन शेजारी मटका अड्डे चालु आहेत. देहुफाटा पेट्रोल पंप जवळ तसेच बारासू हॉटेल, दिघी जुना जकात नाकाजवळ जुगार क्लब चालु आहे. दिघीतील पोलीस स्टेशनच्या हद्दीत २७ लॉज चालु आहेत. अनेक लॉजमध्ये ५ ते २० मुली ठेऊन वेश्या व्यवसाय सर्रासपणे सुरु आहे. तसेच दिघी पोलीस स्टेशनच्या हद्दीत डुडुळगाव, देहुफाटा, मॅगझीन चौक, आदर्श नगर, दत्तनगर, दिघी येथे हातभट्टी व ताडीचे १२ गुत्ते सुरू आहेत. दिघी पोलीस स्टेशनच्या हद्दीत ३२ लहान मोठे अवैध ढाबे सर्व प्रकारची दारु विकतात. देहुफाटा ते मोशी व देहुफाटा ते विश्रांतीवाडी मार्गावर २०० पॅजो गाड्या प्रत्येकी १० सिटे भरून वाहतुक करतात. पोलीस स्टेशन हप्ते घेऊन ओव्हर लोड गाड्या भरण्याचे काम याठिकाणी सुरु आहे. दिघी पोलीस स्टेशनच्या हद्दीत २ गुटखा होलसेलची गोडाऊन असून ७० पान टपरीवर गुटखा विक्री चालते. भाई लोकांची हप्ते वसुली अन्यथा दुकानदाराच्या गाड्यांची तोडफोड करण्याचा प्रकार या ठिकाणी नवीन नाही. या संदर्भात पोलीस स्टेशन, एसीपी, डीसीपी यांना तक्रार अर्ज दिले. तर पोलीस स्टेशनच्या हद्दीतील गुंडांनी मला जिवे मारण्याची धमकी दिली. धक्काबुक्की व मारहाण केली. याबाबतही पोलिसांना तक्रार दिल्याचे शिंदे यांनी सांगितले.

व्हीएस न्युज - प्रभाग क्रमांक ९ मधील खराळवाडी येथील सोनकर रेसिडेन्सि समोरील परिसरात सर्व रस्त्यांच्या पेव्हिंग ब्लॉकची आणि ड्रेनेजची दुरावस्था झाली आहे. त्यामुळे नागरिकांना मोठ्या प्रमाणात त्रास होत आहे.

आयुक्त श्रावण हर्डीकर यांनी याकडे लक्ष घालण्याची मागणी अखिल वाल्मिकी समाज चे माजी महासचिव नरेश रामकिशन जीनवाला यांनी केली आहे. नरेश जिनवाल यांनी महापालिका आयुक्त श्रावण हर्डीकर यांना या मागणीचे लेखी निवेदन दिले आहे त्यात असे म्हणले आहे की, ‌

"प्रभाग क्रमांक ९ मधील खराळवाडी येथील सोनकर रेसिडेन्सी समोरील परिसरात रस्त्यांची खुपच दुरावस्था झाली असुन रस्त्यामधे मोठमोठे खड्डे झालेले आहेत, पेव्हिंग ब्लॉक उखडले आहेत, रस्त्याच्या बांधणीकडे व दुरुस्तीकडे दुर्लक्ष केल्यामुळे एकही रस्ता सुसज्ज नाही. सध्या पावसाचे दिवस सुरु असल्याने सदर खड्यात पाणी साचल्यामुळे अपघाताच्या घटना यापूर्वीही घडलेल्या असुन पुढेही घडण्याची शक्यता नाकारता येत नाही, शाळेतील लहान मुले, वयोवृद्ध नागरिकांची होणारी अडचण लक्षात घेता तात्काळ येथील रस्त्यांची आणि हड्रेनेजची डागडुजी करावी आवश्यक ठिकाणी तात्काळ मुरूम व पेव्हिंग ब्लॉक बसवण्यात यावे अन्यथा जनआंदोलन उभारण्यात येईल".

‌

सदरील कामाची चौकशी करून ठेकेदार, अभियंता व इतर प्रशासन स्थापत्य विभाग यांची चौकशी करून अहवाल उपलब्ध करून ठेकेदार, अभियंता यांच्यावर उचित कारवाई करावी. ‌

व्हीएस न्युज - पिंपरी-चिंचवडच्या २० लाख जनतेची पोलीस आयुक्तलयाची आता प्रतीक्षा संपणार आहे.अखेर पिंपरी चिंचवड पोलीस आयुक्तालयाचे कामकाज उद्या स्वातंत्र्य दिनाच्या मुहूर्तावर ध्वजारोहण करून सुरू केलं जाणार आहे.महानगर पालिकेच्या ऑटोक्लस्टर इमारतीत तात्पुरत्या स्वरूपात कामकाजाचा शुभारंभ होईल.मात्र प्रत्यक्षात तिथं केवळ आयुक्तालय नावाचे फलक आणि ध्वजारोहनाचं साहित्य पोहचल आहे. त्यामुळं आयुक्तालय सुरू करण्याची घाई नेमकी कोणासाठी आणि कशासाठी असा प्रश्न शहरवासीयांकडून विचारला जातोय.

पिंपरी-चिंचवड पोलीस आयुक्तलयाच खऱ्या अर्थाने प्रेमलोक पार्क येथील शाळेच्या इमारतीत कामकाज सुरू होणार आहे.मात्र याठिकाणच्या सुशोभीकरणाचे काम १५ ऑगस्ट पर्यंत पूर्ण होण्याची चिन्ह नाहीत.म्हणून आयुक्तलयाच तात्पुरत्या स्वरूपात कामकाज हे महानगर पालिकेच्या ऑटोक्लस्टर येथून सुरू करण्याची घोषणा झाली.अवघ्या काही तासात ही घोषणा पूर्ण होणार अशी आस शहरवासीय लावून आहेत.मात्र प्रत्यक्षात ऑटोक्लस्टर मध्ये केवळ आयुक्तलयाच नाम फलक आणि ध्वजारोहनच साहित्य पोहचलेले आहे.या व्यतिरिक्त कामकाज सुरू करण्यासाठी ना कोणतं साहित्य पोहचलय ना सोयीसुविधा.त्यामुळे आयुक्तलय सुरू करण्याची घाई कोणासाठी आणि कशासाठी असा प्रश्न शहरवासीय विचारत आहेत.

तर खऱ्या अर्थाने प्रेमलोक पार्क येथील शाळेच्या इमारतीत याचं कामकाज सुरू केलं जाईल. तेथील सर्व काम हे महापालिका पूर्ण करणार आहे. परंतु महापालिकेची ही टेंडर प्रक्रिया अजून पूर्ण झाली नाही.त्यामुळं खऱ्या अर्थाने आयुक्तलयाच कामकाज कधी सुरू होणार याच उत्तर अनुत्तरित राहात आहे।एकंदरीतच हा सर्व अनागोंदी कारभार पाहता, आयुक्तालय केवळ नावापुरत सुरू होईल अस दिसत आहे.यामुळे शहरवासीयांची सुरक्षा रामभरोसे कायम राहणार हे नक्की.

व्हीएस न्युज - पुण्यातील कॉसमॉस बँकेतील खाती परदेशातून हॅक झाल्याचा आरोप होत आहे. परदेशी हॅकर्सनी एकूण 94 कोटी 42 लाख रुपयांचा अपहार केल्याचा दावा बँकेने केला आहे. पुण्यातील चतुःश्रुंगी पोलिस ठाण्यात अज्ञात हॅकरविरोधात गुन्हा दाखल करण्यात आला आहे.

हॉंगकॉंगमधून आपल्या बँकेतील खाती हॅक केली आणि तब्बल 95 कोटी रुपयांचा अपहार केला, अशी तक्रार कॉसमॉस बँकेने पोलिसात केली आहे. बँकेने सर्व खातेधारकांचे पैसे सुरक्षित असल्याची ग्वाही दिली असून सुरक्षिततेसाठी दोन दिवस बँकेची एटीएम सेंटर बंद राहणार असल्याचं जाहीर केलं आहे.

मालवेअर व्हायरसचा वापर करुन कॉसमॉस बँकेच्या व्हिसा आणि डेबिट कार्ड धारकांची माहिती चोरण्यात आली. त्या माहितीच्या आधारे हॅकरने 12 हजार व्यवहार केले. बँक खात्यांमधून परदेशात तब्बल 78 कोटी रुपये, तर भारतात अडीच कोटी रुपये वळते केल्याचा आरोप होत आहे. 80.5 कोटी रुपये 11 ऑगस्टला वळते केल्यानंतर 13 ऑगस्टला असाच प्रकार घडला.

कॉसमॉस बँकेतील खात्यांवरुन हाँगकाँगच्या हँसेन बँकेमधे असलेल्या ए. एल. एम. ट्रेडींग कंपनी या नावाने असलेल्या बँक खात्यावर 13 कोटी 92 लाख रुपये वळते करण्यात आले. असे एकूण 94 कोटी 42 लाख रुपये कॉसमॉस बँकेतील खात्यांमधून काढून घेण्यात आले. पुण्यातील गणेश खिंड रस्त्यावर असलेल्या बँकेच्या मुख्यालयातील ए. टी. एम. स्वीच सर्व्हरवर मालवेअरच्या सहाय्याने हल्ला करुन हॅकिंग करण्यात आलं. बँकेकडून चतुःश्रुंगी पोलिस स्टेशनमध्ये तक्रार दाखल करण्यात आली असून या प्रकरणाचा तपास सायबर गुन्हे शाखेकडे सोपवण्यात आला आहे.

कसा झाला अपहार?

दोन बँकांमध्ये व्यवहार करण्यासाठी स्विचिंग सिस्टिम असते. मात्र कॉसमॉस बँकेची फसवणूक करण्यासाठी आभासी स्विचिंग सिस्टिम मालवेअरच्या सहाय्याने तयार करण्यात आली. या आभासी स्विचिंग सिस्टिमने कॉसमॉसच्या व्हिसा आणि डेबिट खात्यांमधून 11 ऑगस्टला अवघ्या दोन तास तेरा मिनिटांमधे 12 हजार व्यवहार झाल्याचं दाखवलं.

आभासी स्विचिंग सिस्टिमने मागणी करताच कॉसमॉस बँकेच्या यंत्रणेने पैसे वळते केले. मात्र नंतर ही स्विचींग सिस्टिम खोटी असल्याचं लक्षात आलं. या 12 हजार व्यवहारांमधून तब्बल 80 कोटी 50 लाख रुपये एटीएमधून काढण्यात आले. या 80 कोटींपैकी 78 कोटी रुपये हे वेगवेगळ्या 21 देशांमधील एटीएम खात्यांमधून काढण्यात आले, तर अडीच कोटी रुपये भारतातील एटीएममधून काढण्यात आले.

कॅनडातून मोठ्या प्रमाणात पैसे काढण्यात आल्याची माहिती आहे. तर भारतात काढण्यात आलेले पैसे हे प्रामुख्याने मुंबई आणि इंदूरमधून काढण्यात आले. दुसऱ्या प्रकारात कॉसमॉस सहकारी बँकेच्या खात्यांमधून हाँगकाँगमधील हॅनसेन बँकेत 13.5 कोटी रुपये 13 ऑगस्टला वळते करण्यात आले. त्यासाठीही आभासी स्विचिंग सिस्टिमचा उपयोग करण्यात आला. यामागे आंतरराष्ट्रीय टोळी असण्याचा अंदाज आहे. बँकेने सर्व खातेधारकांचे पैसे सुरक्षित असल्याची ग्वाही दिली असून सुरक्षिततेसाठी दोन दिवस बँकेची एटीएम सेंटर बंद राहणार असल्याचं जाहीर केलं आहे.

व्हीएस न्युज - धीरज रामसिंग तामचीकर यांची पिंपरी-चिंचवड शहर (जिल्हा) वीजेएनटी सेल अध्यक्षपदी नियुक्ती करण्यात आली.

यावेळी राष्ट्रवादी काँग्रेस पार्टी वीजेएनटी सेल महाराष्ट्र राज्य प्रदेशाध्यक्ष हिरालाल राठोड व शहराध्यक्ष संजोग वाघेरे-पाटील, विरोधी पक्षनेते दत्ता (काका) साने, प्रवक्ते फजल शेख, महिला अध्यक्षा वैशाली काळभोर, माजी नगरसेवक नगरसेवक मुलचंद भाट, विजय लोखंडे, शकुंतला भाट, विशाल काळभोर, इम्रान शेख, विनोद कांबळे, सचिन माने, विश्रांती पाडाळे, मनिषा गटकळ, बाळासाहेब पिल्लेवार, निलेश पुजारी, साऊल शेख, सरोदा तामचीकर, धीरज तामचीकर, अमर गंभिरे, विजय दळवी, विलास महाजन विष्णू सरगर, भालदार गुलामअली, दिनेश पटेल, अरूणा बनसोडे, वर्षा तामचीकर, भुपेंद्र तामचीकर, श्रीकांत राठोड, रितेश तामचीकर, गणेश तामचीकर, सर्जेराव जगताप, विजय भाट, आकाश राठोड, देवी थोरात, प्रमोद ठाकूर, सोमश तामचीकर, विकी भाट सचिन सकाटे, अभिजीत भालेराव, सैफ खान, सुर्यकांत पात्रे, अमर कांबळे, योगेश आयवळे, गणेश शिंदे, शिवदास चिलवंत, शिवाजी सुरवसे, निर्मला माने, शादाब खान, देवी थोरात, विलास भाट, जहिर खान, सुनाज भाट, नरेंद्र तामचीकर, अशोक तामचीकर, सुनील अडागळे इत्यादींसह अनेक पदाधिकारी व कार्यकर्ते उपस्थित होते.

व्हीएस न्युज - पिंपळेसौदागरमधील राष्ट्रवादी काँग्रेसचे नगरसेवक विठ्ठल ऊर्फ नाना काटे यांच्या वाढदिवसानिमित्त चिंचवड विधानसभा मतदारसंघात मोफत शस्त्रक्रिया आणि आरोग्य शिबिराचे आयोजन करण्यात आले आहे. थेरगाव, गुजरनगर येथील लक्ष्मीबाई बारणे उद्यानात वाकड, गणेशनगर आणि थेरगाव भागातील नागरिकांसाठी रविवारी (दि. १२) हे शिबीर घेण्यात आले. त्यामध्ये ३०० हून अधिक नागरिकांची मोफत तपासणी करण्यात आली. वाकड, गणेशनगर, थेरगाव भागातील नागरिकांसाठी थेरगाव, गुजरनगर येथील लक्ष्मीबाई बारणे उद्यानात रविवारी शिबीर घेण्यात आले.

नगरसेवक विठ्ठल उर्फ नाना काटे, राष्ट्रवादी काँग्रेस पक्षाचे शहराध्यक्ष संजोग वाघेरे, नगरसेवक मयूर कलाटे, विद्यार्थी संघटनेचे अध्यक्ष सुनिल गव्हाणे, महिला प्रभाग अध्यक्षा सुप्रिया गव्हाणे, माजी स्वीकॄत सदस्य गोरक्षनाथ पाषाणकर, विद्यार्थी संघटनेचे कार्याध्यक्ष उमेश काटे, विशाल काळभोर, माजी नगरसेवक निलेश पांढरकर, विशाल पवार, प्रशांत सपकाळ आदी या वेळी उपस्थित होते.

या कार्यक्रमाचे आयोजन विशाल वाकडकर, सुनिल गव्हाणे, गोरक्षनाथ पाषाणकर, संतोष गोडांबे, अक्षय शेडगे, विशाल झुंबरे, जुबेर शेख, किशोर पाटोळे, चेतन विटकर, धैर्यशील धर्मे व पिंपरी चिंचवड शहर राष्ट्रवादी विद्यार्थी काँग्रेसच्या वतीने करण्यात आले. थेरगाव येथील पडवळनगरमध्ये दुसरे आरोग्य शिबीर घेण्यात आले. त्याचे आयोजन आयोजन सामाजिक कार्यकर्ते प्रभाकर महाराज ववले, विशाल काळे, सागर खवळे यांनी केले. या शिबिरात साडे चारशेहून अधिक नागरिकांची मोफत तपासणी करण्यात आली.

व्हीएस न्युज - मराठा आरक्षणामध्ये आत्मबलीदान केलेल्या काकासाहेब शिंदे आणि जगन्नाथ सोनवणे तसेच पोलिस कर्मचारी शाम काटगावकर यांना निगडीतील भक्ती शक्ती उद्यान येथे रविवारी (दि. 29) शहर कॉंग्रेस, राष्ट्रवादी कॉंग्रेस, मनसे या पक्षांच्या वतीने आणि विश्व श्रीराम सेनेच्या पदाधिकारी व कार्यकर्त्यांनी सामुहिक श्रध्दांजली अर्पण केली. यावेळी मराठा, मुस्लिम आणि धनगर समाजाला आरक्षण मिळालेच पाहिजे. असे फलक घेऊन कार्यकर्त्यांनी श्रध्दांजली अर्पण केली.

यावेळी पिंपरी चिंचवड शहर जिल्हा कॉंग्रेस कमिटीचे अध्यक्ष सचिन साठे, राष्ट्रवादी कॉंग्रेसचे शहराध्यक्ष संजोग वाघेरे पाटील, मनसे शहराध्यक्ष सचिन चिखले, ज्येष्ठ नगरसेवक व माजी उपमहापौर राजू मिसाळ, माजी नगरसेवक मारुती भापकर, माजी नगरसेविका शमिम पठाण, शिक्षण मंडळाचे माजी अध्यक्ष विजय लोखंडे आदींसह बहुसंख्य कार्यकर्ते उपस्थित होते.

व्हीएस न्युज - नवनिर्मित पिंपरी-चिंचवड पोलिस आयुक्तालयाचे पहिले पोलिस आयुक्त होण्याचा मान ज्येष्ठ आयपीएस अधिकारी आर.के. पद्मनाभन यांना मिळण्याची दाट शक्‍यता आहे. त्यांच्या नावावर शिक्कामोर्तब झाल्याचे समजते. उद्या यासंदर्भात आदेश निघणार आहे. त्याबरोबर राज्यभरातील आणखी काही ज्येष्ठ आयपीएस अधिकाऱ्यांचीही खांदेपालट होणार आहे. त्यात पुण्यालाही नवे आयुक्त मिळणार आहेत.

दोन दिवसांपूर्वीच पिंपरीच्या नव्या पोलिस आयुक्तालयात दोन नंबरचे पद असलेले अतिरिक्त आयुक्त व तीन नंबरवरील दोन उपायुक्तांची बदली झाली आहे.त्यानंतर प्रतीक्षा होती ती आयुक्तांचीच. ती सुद्धा उद्या पूर्ण होण्याची शक्‍यता आहे. राज्याचे अतिरिक्त पोलिस महासंचालक (एडीजी,महामार्ग) पद्मनाभन यांची बदली पिंपरी-चिंचवड येथे होणार असल्याचे विश्‍वसनीय वृत्त आहे. त्याबरोबर राज्यातील चार पोलिस आयुक्तांचीही बदली होणार आहे. त्यात नागपूरचे पोलिस आयुक्त डॉ. के. वेंकटेशन यांचा समावेश आहे.त्यांची बदली पुण्याचे पोलिस आयुक्त म्हणून होणार असल्याचे समजते. तर, विद्यमान आयुक्त रश्‍मी शुक्‍ला या पद्मनाभन यांची जागा घेण्याची शक्‍यता आहे.

राज्य गुन्हे अन्वेषण विभागाचे प्रमुख व तडफदार असा लौकिक असलेले अतिरिक्त पोलिस महासंचालक यांची नवी मुंबईचे आयुक्त म्हणून बदली होणार असल्याचे संकेत मिळाले आहेत. तर, असेच डॅशिंग अधिकारी असलेले ठाण्याचे पोलिस आयुक्त परमवीरसिंह यांना राज्याचे अतिरिक्त पोलिस महासंचालक (कायदा व सुव्यवस्था) या पदावर नेमले जाणार आहे.तर राज्य लाचलुचपत प्रतिबंधक विभागाचे (एसीबी) प्रभारी पोलिस महासंचालक विवेक फणसळकर हे परमवीरसिंह यांची जागा घेणार आहेत. अतिरिक्त पोलिस महासंचालक (तुरुंग) डॉ.भुषणकुमार उपाध्याय हे डॉ. वेंकटेशन यांच्या जागी जातील,असे समजते. तर, नवी मुंबईचे पोलिस आयुक्त हेमंत नगराळे यांना लगेच बदलीचे ठिकाण देण्यात आलेले नाही.

व्हिएस न्युज - आळंदी ते पंढरपूर पायी दिंडीत चाललेल्या दोन वारकरी महिलांना एका अज्ञात टेम्पोचालकाने धडक दिली. या अपघातात दोन्ही महिलांचा मृत्यू झाला. याप्रकरणी एमआयडीसी भोसरी पोलिसांनी शिताफीने तपास करत टेम्पोचालकाला अटक केली. पांडुरंग बबन पनमंद (वय ४२, रा. सैराज कॉम्प्लेक्स, राजगुरूनगर, ता. खेड) असे अटक करण्यात आलेल्या टेम्पोचालकाचे नाव आहे. जनाबाई अनंता साबळे (वय ५५) आणि सुमनबाई वैजनाथ इंगोले (वय ६०, दोघी रा. परळी वैजनाथ, बीड) अशी अपघातात मृत्यू झालेल्या वारकरी महिलांची नावे आहेत.

पोलिसांनी दिलेल्या माहितीनुसार, जनाबाई आणि सुमनबाई अंबाजोगाईमधील एका दिंडीत अंबाजोगाई ते आळंदी आणि आळंदी ते पंढरपूर या पायी दिंडीत निघाल्या होत्या. ४ जुलै रोजी दिंडी मोशी येथील हॉटेल अथर्वसमोर मुक्कामाला थांबली होती. पहाटे साडेपाचच्या सुमारास प्रातःविधीसाठी जात असताना अज्ञात टेम्पोने त्यांना धडक दिली. या धडकेत त्या गंभीर जखमी झाल्या. यामध्ये दोघींचाही मृत्यू झाला. याप्रकरणी अज्ञात टेम्पोचालकाविरोधात एमआयडीसी भोसरी पोलीस ठाण्यात गुन्हा दाखल करण्यात आला.

प्रत्यक्षदर्शी कोणीही नसल्याने या प्रकरणाचा तपास करणे पोलिसांसमोर मोठे आव्हान होते. या प्रकरणाचा तपास करत पोलीस उपनिरीक्षक ईश्वर जगदाळे आणि पोलीस शिपाई सुहास जगताप यांनी मोशी, कुरळी, चाकण भागातील सीसीटीव्ही कॅमेरे तपासले. त्यामध्ये त्यांनी एकूण २०६ वाहनांची तपासणी करून गुन्ह्यातील टेम्पोचा शोध घेतला. टेम्पोचालकाला अटक करण्यात आली आहे. एमआयडीसी भोसरी पोलीस तपास करीत आहेत.

व्हीएस न्युज - नव्याने सुरू होत असलेल्या पिंपरी चिंचवड पोलीस आयुक्तालयासाठी दोन पोलीस उपायुक्तांची नियुक्ती करण्यात आली आहे. महाराष्ट्र शासनाच्या गृह विभागाने शुक्रवारी (दि.२७) काढलेल्या आदेशान्वये भारतीय पोलीस सेवा आणि राज्य पोलीस सेवेतील पोलीस अधीक्षक आणि पोलीस उपायुक्त पदावरील राज्यातील ९५ अधिकाऱ्यांच्या बदल्या करण्यात आल्या आहेत. त्यामध्ये दोन तडफदार पोलीस अधिकाऱ्यांची नियुक्ती पिंपरी चिंचवड पोलीस आयुक्तालयात पोलीस उपायुक्त म्हणून करण्यात आली आहे. नम्रता पाटील आणि विनायक ढाकणे यांची पिंपरी चिंचवड पोलीस आयुक्तालयात पोलीस उपायुक्त म्हणून नियुक्ती करण्यात आली आहे.

नम्रता पाटील यापूर्वी पोलीस महासंचालक कार्यालय, मुंबई येथे सहाय्यक पोलीस महानिरीक्षक (आस्थापना) पदावर कार्यरत होत्या. तर विनायक ढाकणे पोलीस उपायुक्त, औरंगाबाद शहर येथे कार्यरत होते. दोन्ही तडफदार पोलीस अधिकारी उपायुक्त म्हणून पिंपरी चिंचवड पोलीस आयुक्तालयाला मिळाले आहेत. या निवडीनंतर पोलीस आयुक्त म्हणून कुणाची नियुक्ती होणार याकडे सर्वांचे लक्ष लागले आहे.