व्हीएस न्युज - पिंपरी चिंचवड परिसरातील संघटीत व असंघटीत कामगारांच्या विविध प्रश्नांवर चर्चा करण्यासाठी कै. भिकू वाघेरे पाटील प्रतिष्ठानच्या वतीने येत्या शनिवारी (दि. 3 नोव्हेंबर) रहाटणी येथील थोपटे लॉन्स येथे दुपारी 3 वाजता ‘कामगार परिषदेचे’ आयोजन करण्यात आले असल्याची माहिती स्वागताध्यक्ष व पिंपरी चिंचवड राष्ट्रवादी कॉंग्रेस पार्टीचे शहराध्यक्ष संजोग वाघेरे पाटील यांनी पत्रकार परिषदेत दिली.

सोमवारी पिंपरी येथे आयोजित केलेल्या पत्रकार परिषदेत निमंत्रक व माजी नगरसेवक अरुण बो-हाडे, समन्वयक दिलीप पवार, स्थायी समितीचे माजी अध्यक्ष प्रशांत शितोळे, कामगार नेते महेश डोंगरे, महाद्रंग वाघेरे, चारुशिला जोशी, मनोज माछरे, सुनिल पाटसकर, पद्मजा पवार, दामोदर वहिले, योगेश कोंढाळकर, किरण देशमुख, रविंद्र घाडगे, सुरेश काशीद, संतोष नाणेकर, हरप्रित सलुजा, फझल शेख आदी उपस्थित होते. या कामगार परिषदेचे उद्‌घाटन किमान वेतन सल्लागार मंडळाचे अध्यक्ष डॉ. रघुनाथ कुचिक यांच्या हस्ते होणार आहे. यावेळी माजी केंद्रीय मंत्री शरद पवार, माजी उपमुख्यमंत्री अजित पवार, पालकमंत्री गिरीष बापट मार्गदर्शन करणार आहेत. खासदार श्रीरंग बारणे, शिवाजीराव आढाळराव पाटील, सुप्रिया सुळे, अमर साबळे, अनिल शिरोळे, महापौर राहुल जाधव, आमदार लक्ष्मण जगताप, महेश लांडगे, ॲड. गौतम चाबुकस्वार, बाळा भेगडे, सुरेश गोरे, संग्राम थोपटे, पिंपरी चिंचवड मनपाचे पक्षनेते एकनाथ पवार, विरोधी पक्षनेते दत्ता साने उपस्थित राहणार आहेत. कामगार नेते अजित अभ्यंकर, सी. श्रीकुमार, अरविंद श्रोत्री, कैलास कदम, मेघा थत्ते, बबन झिंजुर्डे, बाबा कांबळे, विजय पाळेकर, मारुती जगदाळे, उदय भट आदी मार्गदर्शन करणार आहेत.

या कामगार परिषदेत केंद्र व राज्य सरकारने कामगार कायद्यात केलेले बदल, राष्ट्रीय रोजगार वृध्दी मिशन (नीम), आय.टी, संरक्षण खात्यातील, एमआयडीसीतील तसेच इतर क्षेत्रातील संघटीत व असंघटीत कामगारांच्या विविध प्रश्नांविषयी चर्चा केली जाणार आहे. संसद व विधीमंडळात नेतृत्व करणा-या लोकप्रतिनिधींसमोर हि चर्चा व्हावी व भविष्यात त्यांनी सभागृहात कामगारांना भेडसावणा-या प्रश्नांची सोडवणूक होण्यासाठी प्रयत्न करावेत हा या कामगार परिषद आयोजित करण्यामागे उद्देश आहे.

यावेळी एच.ए., नीम, संरक्षण खात्यात परकीय गुंतवणूक त्यामुळे कामगारांचे भवितव्य, एमआयडीसीत कामगारांची होणारी फसवणूक, कंत्राटी कामगार, कमवा शिका योजना, ईएसआय योजना, पेन्शन, ग्रॅच्युईटी, महागाई भत्ता, वेतनवाढ करार, व्यवसाय कर, घरेलू कामगार, आयटीमधील कामगार, कामगार आयुक्तालयाशी संबंधीत प्रश्न आदी विषयांवर साधक बाधक चर्चा व मार्गदर्शन होणार आहे. परिषदेत झालेल्या चिंतनानंतर सर्व कामगार संघटनांना एका व्यासपिठावर आणून त्यांचा एकत्रित फोरम तयार करण्यात येईल. या परिषदेत पिंपरी चिंचवड, मावळ, मुळशी, चाकण, हिंजवडी परिसरातील सर्व कामगार संघटनांचे प्रतिनिधी व कामगारांनी उपस्थित रहावे असे आवाहन परिषदेचे निमंत्रक अरुण बो-हाडे यांनी केले आहे.

व्हिएस न्युज - संगमवाडी परिसरात एका युवकाची निर्घृण हत्या करण्यात आली आहे. बॉम्बे सॅपर्स येथील वेपन ट्रेनिंग सेंटरच्या आवारातील मोकळ्या जागेत एका युवकाच्या डोक्यात दगड घालून त्याची हत्या करण्यात आली. सोमवारी (29 ऑक्टोबर) ही घटना उघडकीस आली. नरसिंग कुमार गर्ग (वय 38 वर्ष) असे हत्या करण्यात आलेल्या युवकाचे नाव आहे. तो मूळचा राजस्थानमधील रहिवासी होता.

याप्रकरणी पोलिसांनी दुर्गेश गोस्वामी (वय29 वर्ष) अटक केली आहे. पोलिसांनी दिलेल्या माहितीनुसार, नरसिंग गर्ग आणि दुर्गेश गोस्वामी हे दोघेही सुतारकामाचा व्यवसाय करत होते. या सुतारकामाचे २ हजार रुपये गर्ग याने गोस्वामी याला द्यायचे होते. पण तो पैसे देत नव्हता. रविवारी गोस्वामी याने त्याच्याकडे पुन्हा पैशाची मागणी केली. तेव्हा त्याने गोस्वामीला लोहगावहून बोलावून घेतले. रात्री दोघंही दारू प्यायले. यावेळी गर्गने त्याला १ हजार रुपये दिले. त्यानंतर दोघंही घरी जात असताना संगमवाडी येथे त्यांच्यात पुन्हा पैशाने वाद झाला. गोस्वामी याने आणखी एक हजार रुपये दे, असे त्याला सांगितले. वादाचे रुपांतर हाणामारीमध्ये झाले. यावेळेस गर्ग जमिनीवर पडला. तेव्हा गोस्वामीने दगड उचलून त्याच्या डोक्यात घातला. या घटनेत गर्गचा जागीच मृत्यू झाला. त्याला ठार करुन गोस्वामी लोहगावला घरी पसार झाला.

दरम्यान, संगमवाडी येथे एकाची हत्या झाल्याची माहिती विश्रांतवाडी पोलिसांना मिळाली. पोलिसांनी तपासाची चक्रे भराभर फिरवली आणि मिळालेल्या माहितीच्या आधारे गोस्वामीचं घर गाठलं. गोस्वामीकडून पोलिसांनी गर्गचे पाकिट, मोबाइल जप्त केले आणि त्याला बेड्या ठोकल्या.

व्हिएस न्युज - वाळू ट्रक चालकास आडवून त्याच्याविरुद्ध पोलिसात तक्रार न दाखल करण्यासाठी ५० हजार रुपयांच्या खंडणीची मागणी करून त्यापैकी १० हजार रुपये घेऊन गेल्याप्रकरणी रिपब्लिकन पार्टी ऑफ इंडीयाच्या (आठवले गट) वाहतूक आघाडीच्या शहराध्यक्षावर गुन्हा दाखल करण्यात आला आहे. याप्रकरणी विश्रांतवाडी पोलीस ठाण्यात गुन्हा दाखल केला आहे.

याप्रकरणी निरा नरसिंहपूर (ता. इंदापूर) येथील एका ट्रक चालकाने पोलिसांत फिर्याद दिली आहे. पोलिसांनी अॅड. मुकेश बी. शहारे याच्याविरुद्ध गुन्हा दाखल केला आहे. शनिवारी रात्री साडेनऊच्या सुमारास विश्रांतवाडीच्या मच्छी मार्केटजवळील बनाना लिफ हॉटेलच्या समोर हा प्रकार घडला. फिर्यादी हे वाळूचा ट्रक घेऊन जात असताना आरोपी मुकेश शहारे याने ट्रक आडवून ५० हजार रुपयांची खंडणी मागितली. जर खंडणी दिली नाही तर पोलिसांना बोलवण्याची धमकी दिली. तसेच जाताना १० हजार रुपये घेऊन गेल्याने आरोपी मुकेश शहारे याच्याविरुद्ध गुन्हा दाखल करण्यात आला आहे. या गुन्ह्याचा तपास फौजदार बोरसे करीत आहेत.

व्हीएस न्युज - क्रिकेटच्या सामन्यांवर सट्टा लावणार्‍यांवर पिंपरी पोलीसांनी कारवाई केली. पाकिस्तान विरूध्द ऑस्टेलिया यांच्यातील टी २० सामन्यावर सट्टा घेत असताना वैभवनगर येथील आरोपींच्या राहत्या घरी रात्री उशिरा ही कारवाई करण्यात आली. (राम गोवर्धन बजाज, वय ४४ रा. वैभवनगर पिंपरी), (गोविंद प्रभुदास ललवानी, वय ४१, रा. वैष्णवीदेवी मंदीरा जवळ, पिंपरी) अशी अटक करण्यात आलेल्या सट्टेबाजांची नावे आहेत.

या कारवाईक त्यांच्याकडून एलईडी टिव्ही, सेट ऑफ बॉक्स, १६ मोबाईल हँन्डसेट, वही, पेन्सिल, प्लँस्टिक टेबल, टेबल कव्हर, इलेक्ट्रीक वायर, व्हाईस रेकॉर्डर, मोबाईल चार्जिंग हब, मोबाईल चार्जिंग बॉक्स, लँपटॉप व चार्जर, रोख रक्कम असा एकूण २ लाख २३ ७१६ रूपये किंमतीचा मुद्देमाल हस्तगत करण्यात आला आहे. या प्रकरणी पोलीस उपनिरिक्षक व्ही.बी. बढे पुढील तपास करत आहेत.

व्हिएस न्युज - महानगरपालिकेचे माजी उपमहापौर आणि राष्ट्रवादी काँग्रेस पक्षाचे विद्यमान नगरसेवक दीपक मानकर जितेंद्र जगताप यांच्या आत्महत्याप्रकरणी मागील काही महिन्यापासून अटकेत आहेत. या प्रकरणाचा तपास चालू असतानाच आता कोथरुड पोलीस स्टेशनमध्ये मानकर यांच्यावर आणखी एक गुन्हा दाखल करण्यात आला आहे. जमिनीची बनावट कागदपत्रे तयार करून जमीन विक्री करून यातून कोट्यावधी रुपयांची फसवणूक केल्याप्रकरणी हा गुन्हा दाखल करण्यात आला आहे. यामध्ये मानकर यांच्यासह साधना वर्तक, मुकुंद माधवराव दीक्षित यांचाही समावेश आहे.

पोलिसांनी दिलेल्या माहितीनुसार, आदिती दीक्षित यांच्या शिवाजीनगर, पिंपरी वाघिरे, साधू वासवानी चौकातील जागेची बनावट कागदपत्रे तयार करून त्याची विक्री करण्यात आली. या जमीन विक्रीतून मिळालेले कोट्यवधी रुपये दीपक मानकर, साधना वर्तक आणि मुकुंद दीक्षित यांनी घेतले. ही जागा आपल्या मालकीची असताना त्या जागेच्या विक्रीतून मिळालेले पैसे आपल्याला देण्यात आले नाहीत अशी तक्रार आदिती दीक्षित यांनी दिली आहे. त्यावरुन गुन्हा दाखल करण्यात आला आहे. या घटनेचा पुढील तपास सुरु असल्याचे पोलिसांकडून सांगण्यात आले आहे. मात्र या प्रकरणामुळे दिपक मानकर यांच्या अडचणीत आणखी वाढ झाली असल्याचे चित्र आहे.

व्हीएस न्युज - शिवसेना आणि राष्ट्रवादी काँग्रेसमधील शाब्दीक वादावादीचे पडसाद आता रस्त्यावर उमटू लागले आहेत. शिवसेनेने आजच्या सामनाच्या अग्रलेखातून राष्ट्रवादी काँग्रेसचे नेते अजित पवार यांच्यावर अत्यंत बोचऱ्या शब्दात टीका केल्यानंतर राष्ट्रवादी काँग्रेसही आक्रमक झाली आहे.

आज कोल्हापूरात अजित पवारांनी बाळासाहेब ठाकरे यांचे स्मारक ५वर्षे का रेंगाळले ? हा माझा प्रश्न चुकीचा नव्हता. स्पष्ट बोलल्यानेच त्यांना कोल्हापुरी मिरची झोंबली, असा शिवसेनेवर पलटवार केला. त्यानंतर पुण्यातील अभिनव चौकात सामना ऑफिस समोर राष्ट्रवादी काँग्रेस पक्षाचे शहर अध्यक्ष चेतन तुपे यांच्या नेतृत्वाखाली सामना पेपरच्या काही प्रती जाळण्यात आल्या.

सामना ऑफिस समोर पोलीस बंदोबस्त वाढविण्यात आला असून शिवसैनिक देखील ऑफिस समोर आले आहेत. युवा एल्गार मेळावा संपल्यानंतर कोल्हापुरातही राष्ट्रवादी काँग्रेसच्या कार्यकर्त्यांनी सामनाच्या प्रतीचे दहन केले.

काय म्हटले शिवसेनेने

अजित पवारांची खोपडी रिकामी असून ते एक गटारी किडा आहे. गटारातील घाण पाण्यावर तो श्वास घेतो. भ्रष्टाचाराच्याच प्राणवायूवर जगतो. अशा व्यक्तीस आम्ही किंमत देत नाही, काकांच्या पुण्याईने व कृपेनेच ते तरले आहेत. राष्ट्रवादी काँग्रेस हा पक्ष शरद पवारांच्या करंगळीवर तरलेला एकखांबी तंबू असून या तंबूचा कळस म्हणजे अजित पवारांची रिकामी खोपडी आहे. अजित पवार या माणसाला महाराष्ट्राच्या राजकारणात काडीमात्र किंमत नाही, हे महाशय अधूनमधून शेतकऱ्यांचे प्रश्न, दुष्काळी परिस्थिती यावर त्यांच्या ‘मुतऱ्या’ थोबाडाने बोलत असतात, अशा शब्दात शिवसेनेने त्यांच्यावर टीका केली.

व्हीएस न्युज - मराठा सेवा संघ संभाजी ब्रिगेडचे या सामाजिक संघटनेचे 9 वे राज्यस्तरीय अधिवेशन शनिवारी दि. 27 व रविवारी 28 ऑक्टोबर पीएनपी हॉल, अलिबाग, जि. रायगड येथे आयोजित करण्यात आले करण्यात आले आहे. या अधिवेशनास पुणे जिल्हा व पिंपरी चिंचवड शहरातुन हजारो कार्यकर्ते जाणार असल्याची माहिती संभाजी ब्रिगेडचे राज्य समन्वयक शांमाराम कुंजीर, राज्य संघटक रमेश हांडे, पुणे जिल्हाध्यक्ष विशाल तुळवे, पिंपरी चिंचवड महानगराध्यक्ष सुधीर दामोदर पुंडे यांनी पिंपरी येथे आयोजित केलेल्या पत्रकार परिषदेत दिली.

अधिवेशनाचे उद्घाटन शनिवारी (दि. 27) सकाळी 9 वाजता पाटीदार आरक्षण आंदोलनाचे नेते हार्दिक पटेल यांच्या हस्ते होणार आहे. या अधिवेशनाचे स्वागताध्यक्ष पद शेतकरी कामगार पक्षाचे सरचिटणीस जयंत पाटील भूषविणार आहेत. यावेळी प्रमुख पाहुणे म्हणून आमदार जितेंद्र आव्हाड, सुनील तटकरे, पंडीत पाटील, धैर्यशिल पाटील, प्रशांत ठाकुर, माजी आमदार हसन मुश्रीफ, मिनाक्षीतार्इ पाटील तसेच मुस्लिम एज्युकेशन सोसायटीचे अध्यक्ष पी.ए. इनामदार, बीआरएसपीचे अध्यक्ष डॉ. सुरेश माने, अलिबाग नगरपालिकेचे नगराध्यक्ष प्रशांत नार्इक आदी उपस्थित राहणार आहेत.

उद्‌घाटनाच्या सुरुवातीला शिवशाहिर राजेंद्र कांबळे यांचा पोवाडा होणार आहे. दुपारच्या सत्रात दुपारी ‘आर्थिक सक्षमीकरण, आणि कृषी व उद्योग व्यवसायातील संधी’ या विषयावर उद्योजक राजेंद्र धुरगुडे-पाटील, उद्योजक मासिकचे संपादक धर्मेंद्र पवार, मिटकॉनचे मुख्यव्यवस्थापक गणेश खामगळ, नाशिकच्या सह्याद्री फाऊंडेशनचे विलास शिंदे, उद्योजक मनोज कदम मार्गदर्शन करणार आहेत. प्रमुख पाहुणे म्हणुन आमदार बाळाराम पाटील, भरतशेठ गोगावले, अनिकेत तटकरे, सुरेश लाड, उद्योजक जे. एम. म्हेत्रे व चित्रलेखा पाटील आदी उपस्थित राहणार आहेत. दुपारी 3:30 वाजता ‘दहशतवादाचे बदलते स्वरूप’; ‘भिमा कोरेगाव दंगल प्रकरण’; ‘सनातन संस्था समाजसुधारकांच्या झालेल्या हत्या’ आदी विषयांवर आमदार जितेंद्र आव्हाड, माजी आयपीएस अधिकारी एस. एम. मुश्रीफ, संभाजी ब्रिगेडचे प्रदेश संघटक अमोल मिटकरी व प्रवक्ता यशवंत गोसावी मार्गदर्शन करणार आहेत. यावेळी प्रमुख पाहुणे म्हणुन आमदार निरंजन डावखरे, आमदार अवधुत तटकरे, आमदार मनोहरशेठ भोर्इर आदी उपस्थ्ति राहणार आहेत. सांयकाळी 5:30 वाजता ‘मोर्च पे चर्चा’; ‘मराठा समाजाने काढलेले मोर्चे’; ‘महाराष्ट्रात निघालेले बहुजन क्रांती मोर्चे’; ‘मराठा, धनगर, मुस्लीम आरक्षण यापुढील समस्या’ या विषयांवर बामसेफचे नेते कुमार काळे, अखिल भारतीय मराठा महासंघचे सरचिटणीस राजेंद्र कोंढरे, मराठा क्रांती मोर्चाचे समन्वयक शांताराम कुंजीर, ओबीसी सेवा संघाचे प्रदिप ढोबळे, महाराष्ट्र मुस्लिम संघाचे अध्यक्ष फकीर मोहम्मद ठाकूर यांच्याशी झी चोविस तासचे निवेदक अजित चव्हाण संवाद साधणार आहेत.

रविवारी (दि.28) सकाळी 9 ते 10 प्रत्येक जिल्हा पदाधिका-यांचे मनोगत होणार आहे. सकाळी 10 वाजता ‘समाजकारण व राजकारणातील वर्तमान स्थिती’; ‘गुन्हेगारी प्रवृत्तीचे राजकारण’; ‘आर्थिकतेतून होणारे राजकारण लोकशाहिस मारक’; राजकारणाकडे युवकांचा पाहण्याचा दृष्टीकोन या विषयांवर संभाजी ब्रिगेडचे प्रवक्ता श्रीमंत कोकाटे, राजकीय विश्लेषक डॉ. प्रकाश पवार, ज्येष्ठ व्याख्याते प्रदिप सोळुंके मार्गदर्शन करणार आहेत. सकाळी 11: 30 वाजता ‘प्रचार, प्रसार माध्यमे व सोशल मिडीयाचे अनन्य साधारण महत्व’ विषयांवर ज्येष्ठ पत्रकार ब्रम्हा चट्टे पाटील, रविकांत वर्पे, राजकुमार घोगरे, भय्या पाटील, महादेव बारगुडे, अनिल माने आदी मार्गदर्शन करणार आहेत. दुपारी 2 वाजता अशिवेशानाच्या समारोप सत्रात प्रमुख पाहुणे खासदार युवराज संभाजीराजे छत्रपती, विधान सभेचे विरोधी पक्षनेते राधाकृष्ण विखे पाटील, माजी खासदार रणजितसिंह माहिते पाटील, बारामती ॲग्रोचे रोहीत राजेंद्र पवार, रायगड जिल्हा परिषद अध्यक्षा आदिती तटकरे, उपाध्यक्ष आस्वाद पाटील आणि अध्यक्षपदी मराठा सेवा संघ संभाजी ब्रिगेडचे प्रदेश अध्यक्ष प्रविणदादा गायकवाड उपस्थित राहणार आहेत. यावेळी मराठा सेवा संघाचे महासचिव विजय कुमार ठुबे, मराठा सेवा संघाचे प्रदेश अध्यक्ष विजय घोगरे, उद्योजक जेएम म्हात्रे, इतिहास संशोधक श्रीमंत कोकाटे, ज्येष्ठ व्याख्याते प्रदिप साळुंखे, मराठा आंदोलक महिला नेत्या जयश्रीताई शेळके, राष्ट्रमाता जिजाऊ तैलचित्राचे निर्माते बंडूभाऊ मोरे, ॲड. समीर घाटवे, संजय उरमोडे यांना मराठा भूषण पुरस्कार देऊन गौरविण्यात येणार आहे. अशीही माहिती पुणे जिल्हाध्यक्ष विशाल तुळवे व पिंपरी चिंचवड महानगराध्यक्ष सुधिर दामोदर पुंडे यांनी दिली. तसेच अधिवेशनासाठी पिंपरी चिंचवड शहर व पुणे जिल्हातुन बहुसंख्य कार्यकर्त्यांनी उपस्थित राहावे असे आवाहन संभाजी ब्रिगेडचे राज्य समन्वयक शांमाराम कुंजीर, राज्य संघटक रमेश हांडे, पुणे जिल्हा कार्याध्यक्ष प्रमोदसिंह गोतराणे यांनी केले. यावेळी शहर उपाध्यक्ष प्रविण बोर्‍हाडे, लहुजी लांडगे, किर्तीसिंह कोरेकर, गणेश दहिभाते, विशाल जरे, वैभव जाधव, गौतम दिवे, रशिद सय्यद, गणेश गारगोटे, शिवाजी बोत्रे, स्वप्नील वर्पे, ॠषिकेश वाजगे, अ‍ॅड. संतोष दाते, बाळासाहेब साने, गौतम डावखर, सतिश काळे सोमनाथ बोत्रे, प्रतिक कांबळे, भैय्यासाहेब गजधने, अमोल मानकर, अंतिम जाधव, अक्षय गायकवाड, सुमित वाघमारे,विनोद साळुंके आदी उपस्थित होते.

व्हीएस न्युज - विश्व हिंदू परिषद बजरंग दल पिंपरी चिंचवड शहर विभागाच्या वतीने रविवारी (दि. 28) शहरात व मावळ विभागात महारक्तदान शिबीराचे आयोजन करण्यात आले आहे. 2 नोव्हेंबर 1990 रोजी कारसेवकांवर झालेल्या गोळीबारात हौताम्य प्राप्त झालेले कोठारी बंधू आणि हजारों रामभक्तांच्या स्मरणार्थ घेण्यात येणा-या या शिबीरात रक्तदान करण्या-या सर्वांना बजरंग दलाच्या वतीने टी शर्ट भेट देण्यात येणार आहेत. अशी माहिती बजरंग दल प्रांत संयोजक लहुजी धोत्रे, जिल्हा कार्याध्यक्ष धनाजी शिंदे, विश्व हिंदू परिषदेचे जिल्हा मंत्री संदेश भेगडे यांनी गुरुवारी पिंपरी येथे आयोजित केलेल्या पत्रकार परिषदेत दिली. यावेळी बजरंग दलाचे जिल्हा संयोजक कुणाल साठे, विश्व हिंदू परिषदेचे शहर मंत्री नितीन वाटकर, बजरंग दल शहर संयोजक नाना सावंत तसेच सागर चव्हाण, अभिजीत शिंदे आदी उपस्थित होते.

संदेश भेगडे यांनी सांगितले की, बजरंग दल देव, देश, धर्म रक्षणाकरीता सेवा, सुरक्षा, संस्काराच्या माध्यमातून सदैव कार्य करीत आहे. राम जन्मभूमी येथे कारसेवकांवर 2 नोव्हेंबर 1990 रोजी गोळीबार करण्यात आला त्यावेळी कोठारी कुटूंबातील दोन सख्ये भाऊ आणि हजारो रामभक्तांना हौताम्य प्राप्त झाले. त्यांच्या स्मरणार्थ श्रध्दांजली वाहण्यासाठी विश्व हिंदू परिषद, बजरंग दल गेल्या अनेक वर्षांपासून देशभर महारक्तदान शिबीराचे आयोजन करते. या महायज्ञात लाखों रक्तदाते उर्स्फुतपणे सहभागी होऊन रक्तदान करतात.

संकलित रक्त आवश्यक त्या सैनिकांना देशभरातील मिलेट्री हॉस्पीटलला आणि गरजू रुग्णांना देण्यात येते. या महारक्तदान शिबीराअंतर्गत पिंपरी गावात सकाळी 9 ते सायंकाळी 5 वाजेपर्यंत भैरवनाथ मंदीर येथे रक्तदात्यांनी सहभागी व्हावे, असे आवाहन बजरंग दलाच्या वतीने करण्यात आले आहे. तसेच चिंचवड - मनपा शाळा वाल्हेकरवाडी चौक आणि केंद्राई गो शाळा सुदर्शन नगर, भोसरी - सखुबाई गवळी उद्यान, मोशी - भारत माता चौक, चिंबळी - जिल्हा परिषद शाळा, चिखली - विठ्ठल रुखमाई मंदीर आणि घरकुल वसाहत, निगडी - सिध्दी विनायक नगरी, आकुर्डी - संजय काळे मैदान, कासारवाडी - गणेश मंदीरासमोर शास्त्रीनगर, थेरगाव - बोट क्लब रोड दत्तनगर, शिवमंदीर गणेश नगर, गणपती मंदीर भोरडेनगर, साई मंदीर थेरगाव गावठाण, वाकड - म्हातोबा मंदीर, पिंपळे सौदागर - महादेव मंदीर पोलिस चौकीसमोर, पिंपळे गुरव - ज्येष्ठ नागरिक संघ सुदर्शन नगर, बोपखेल - मारुती मंदीर, दापोडी - हनुमान मंदीर दापोडी गावठाण, सांगवी - नरसिंह हायस्कुल, रहाटणी - नखाते वस्ती, काळेवाडी - विठ्ठल रुख्मीनी मंदीर, इंद्रायणी नगर - मिनी मार्केट इंद्रायणी नगर, यमुनानगर - सावित्रीबाई फुले बिल्डींग, रुपीनगर - हनुमाननगर अशा सत्तावीस ठिकाणी आणि मावळ विभागात सतरा ठिकाणी महारक्तदान शिबीराचे आयोजन करण्यात आले आहे.

व्हीएस न्युज - पिंपरी चिंचवड महापालिका सभेत कृत्रिम पाणी टंचाईवरून तब्बल ६ तास चर्चा झाली. सर्वपक्षीय नगरसेवकांनी प्रशासनावर हल्लाबोल चढविला, परंतू नेमके पाणी मुरतयं कुठे? याचा उलघडा त्यावेळी आयुक्तांकडून झाला नव्हता. आज आयुक्तांनी या अपुऱ्या पाणी पुरवठ्याचे ‘खापर’ अनधिकृत नळजोड धारकांवर फोडले. शहरात दररोज होत असलेल्या पाणी पुरवठ्या पैकी तब्बल ३८ टक्के पाण्याची गळती आणि चोरी होत असल्याचा ‘धक्कादायक’ खुलासा त्यांनी केला.

३१ ऑक्टोंबरपासून अनधिकृत नळ कनेक्शन धारकांवर फौजदारी गुन्हे दाखल करण्यात येणार असून या विभागाच्या सर्वच अधिकाऱ्यांच्या सुट्ट्या देखील रद्द करण्यात आल्याचे सांगत आयुक्त श्रावण हर्डीकर यांनी एकप्रकारे अघोषित ‘पाणीबाणी’ जाहीर केली. आयुक्त श्रावण हर्डीकर यांनी आज पत्रकार परिषद घेऊन याबाबत माहिती दिली. ते म्हणाले की, पिंपरी चिंचवड शहरात होत असलेल्या विस्कळीत पाणी पुरवठ्यावरून महासभेत नगरसेवकांनी अनेक तक्रारी केल्या.

यंदाच्या वर्षी समाधानकारक पाऊस झाला असला तरी परतीचा पाऊस झालेला नाही. विद्युत पुरवठा खंडीत झाल्यामुळे रावेत बंधाऱ्यात पाणी न आल्याने पाणी पुरवठा विस्कळीत झाल्याच्या घटना गेल्या महिन्यात अनेकदा घडल्यात. धरणात पाणी असले तरी वर्षभर पुरवायचे आहे. १ एप्रिल २०१७ पासून शहरात ५० हजार नवीन नळ कनेक्शन दिले असून सुमारे ३ लाखाने लोकसंख्या वाढली आहे. शहरात अनधिकृत नळजोड मोठ्या प्रमाणात झाले आहेत. त्यामुळे पाणी गळतीही वाढली असून पाणी दुषित होत आहे. अशा सर्व अनधिकृत नळजोड धारकांचे सर्व्हे सुरू आहेत. शहरातील या सर्व अनधिकृत नळजोड धारकांनी ३१ ऑक्टोंबर पर्यंत पालिकेला कळवून त्यांचे कनेक्शन दंड भरून अधिकृत करून घ्यावेत. अन्यथा ३१ ऑक्टोंबर पासून त्यांच्यावर फौजदारी गुन्हे दाखल करण्यात येतील. अधिकारी, कर्मचाऱ्यांकडून कृत्रिम पाणी टंचाई होत असल्याचे निदर्शनास आल्यास त्यांच्यावर निलंबनाची कारवाई केली जाईल. शहरात जर कोणी बांधकामांकरिता पाण्याचा गैरवापर करत असेल तर दंडात्मक कारवाई केली जाईल.

२४x७ पाणी पुरवठ्याचे काम असमाधानकारक दिसल्यास ठेकेदारावर कठोर कारवाई केली जाईल. आंध्रा, भामा आसखेड तसेच पवना बंद पाईप लाईनच्या कामाचा पाठपुरावा सुरू आहे. पुढील १० दिवस पाणी पुरवठ्याशी संबंधित अधिकारी, कर्मचाऱ्यांच्या सुट्ट्या रद्द करण्यात आल्यात. शहरात मोटार पंप लाऊन पाणी चोरणाऱ्यांची शोध मोहिम सुरू करण्यात आली आहे. महापालिकेच्या कारवाई दरम्यान राजकीय हस्तक्षेप होऊ नये म्हणून पोलीस बंदोबस्तात ही कारवाई केली जाईल असे आयुक्तांनी शेवटी बोलताना स्पष्ट केले.

व्हिएस न्युज - चिंचवड दळवीनगर झोपडपट्टीत गॅस सिलिंडरच्या स्फोटामुळे भीषण आग लागली. या आगीत होरपळून दोघांचा मृत्यू झाला असून या अग्नितांडवात पाच घरं जळून खाक झाली आहेत. प्रदीप मेटे आणि शंकर क्षीरसागर अशी या आगीत मृत्यूमुखी पडलेल्यांची नावे आहेत.

दळवीनगर झोपडपट्टीतील एका घरात गुरुवारी पहाटे गॅस सिलिंडरचा स्फोट झाला. यामुळे भीषण आग लागली. ही आग लगतच्या घरांमध्येही पसरली. या भीषण आगीत दोन जणांचा मृत्यू झाला असून आगीत पाच घरं जळून खाक झाली. अग्निशमन दलाचे पथक घटनास्थळी पोहोचले असून आगीवर नियंत्रण मिळवण्यात आले आहे.

समलिंगी मित्राच्या घरी जाणं जीवावर बेतलं

आगीमध्ये होरपळून मृत्यू झालेल्या दोघांतील शंकर क्षीरसागर हा तृतीयपंथी आहे, त्यांना भेटण्यासाठी प्रदीप मोटे हे रात्री उशिरा आले होते. रात्री प्रदीप आला आणि अचानक पहाटे ही भीषण घटना घडली यात प्रदीप आणि शंकर यांचा होरपळून मृत्यू झाला आहे. शंकर क्षीरसागर हा तृतीय पंथी आहे, त्यांना भेटण्यासाठी प्रदीप मोटे हे रात्री आले होते.

रात्री प्रदीप आला आणि अचानक पहाटे ही भीषण घटना घडली यात प्रदीप आणि शंकर यांचा होरपळून मृत्यू झाला आहे. शंकर सोबत भाचा,आई,बहीण,दाजी हे सर्व एकत्र घरात राहतात ते या भीषण अपघातातून बचावले आहेत. प्रदीप आणि शंकर यांच्यात चांगले मैत्रीचे संबंध होते. अशी माहिती चिंचवड पोलीस ठाण्याचे गुन्हे पोलीस निरीक्षक व्ही.व्ही.खुळे यांनी दिली आहे.

व्हीएस न्युज - प्रभाग क्र २७ काळेवाडी राहटणीतील आदिनाथ कॉलनी येथील परिसरात पालिकेने चालु केलेल्या ड्रेनेज लाईनच्या दुरूस्तीचे काम तात्काळ पूर्ण करण्यात यावे, अशी मागणी शिवसेना तिरोडा मतदार संघाचे संपर्कप्रमुख युवराज दाखले यांनी "ग" प्रभाग मुख्य अधिकारी (थेरगाव) सौ. झगडे यांच्या कडे निवेदनाद्वारे केली होती.

या मागणीची दखल घेत ‘ग प्रभाग’ क्षेत्रीय प्रशासन अधिकारी यांनी स्थापत्य (ड्रेनेज दुरूस्ती) विभागाकडुन श्रीनगरमधील आदिनाथ कॉलनीमध्ये ड्रेनेज दुरूस्तीचे काम हाती घेउन पूर्ण केले आहे.

कामाच्या दिरंगाईमुळे कॉलनीतील महिला, जेष्ठ नागरिक व शालेय विद्यार्थीं यांना मनस्ताप सहन करावा लागत होता, तसेच परिसरात घाणीचे साम्राज्य पसरले होते व साथीच्या रोगांना आयतेच निमंत्रण मिळत असल्याचे निदर्शनास आल्यामुळे, शिवसेना तिरोडा मतदार संघाचे संपर्कप्रमुख युवराज दाखले, रहाटणी उपविभागप्रमुख प्रदिप दळवी, रहाटणी शाखा प्रमुख अंकुश कोळेकर आदींच्यावतीने प्रशासनाकडे पाठपुरावा चालू होता. प्रशासनाने प्रभागातील ड्रेनेज लाईनचे काम तात्काळ पूर्ण न केल्यास, खोदकाम केलेल्या जागी वृक्षारोपण करू असा इशारा देण्यात आला होता.

त्यामुळे शिवसेनेच्या मागणीची दखल घेत ‘ग प्रभाग’ अधिकारी’ सौ. झगडे यांनी प्रशासनाच्या माध्यमातून या परिसरातील काम पूर्ण केले आहे.

परिसरातील नागरिकांच्या वतीने युवराज दाखले आणि शिवसेनेच्या कार्यकर्त्यांका पालिका प्रशासनाचे आणि ‘ग प्रभाग’ अधिकारी’ सौ. झगडे यांचे आभार मानले असून, केलेल्या कामाचे समाधान व्यक्त केले आहे.

व्हीएस न्युज - पिंपरी-चिंचवड पोलीस आयुक्तालयात कार्यरत असलेल्या १६ पोलीस निरीक्षक, ४३ फौजदार आणि सहायक पोलीस निरीक्षकांच्या सोमवारी वारी अंतर्गत बदल्यांचे आदेश जारी करण्यात आले. यामध्ये ९ सहायक पोलीस निरीक्षक तर ३४ फौजदारांचा समावेश आहे.

बदली करण्यात आलेल्या पोलीस निरीक्षकांच्या यादीत खालील नावांचा समावेश आहे. (कंसात बदलीचे ठिकाण)

सतीश पवार (देहूरोड तळेगाव वाहतूक विभाग), शहाजी पवार (पिंपरी पोलीस स्टेशन), सुनील दहिफळे (चाकण पोलीस स्टेशन), प्रकाश जाधव (नियंत्रण कक्ष), अजय जोगदंड (विशेष शाखा), पांडुरंग गोफणे (भोसरी पोलीस स्टेशन), विठ्ठल कुबडे (आळंदी-दिघी वाहतूक विभाग), राजेंद्र निकाळजे (तळेगाव दाभाडे पोलीस स्टेशन), रविंद्र जोंधळे (विशेष शाखा व अतिरिक्त पदभार पिंपरी-चिंचवड अतिक्रमण विभाग), अमरनाथ वाघमोडे (देहूरोड गुन्हे व प्रशासन), अजय भोसले (निगडी पोलीस स्टेशन), मसाजी काळे (चिखली पोलीस स्टेशन), बालाजी सोनटक्के (एमओबी व पीसीबी), सुधाकर काटे (युनीट २ व सायबर गुन्हे), सुधीर अस्पत (खंडणी व दरोडा) व श्रीराम पोळ (अंमली पदार्थ व आर्थिक गुन्हे)