व्हीएस न्यूज - लग्नाचे आमिष दाखवून एका तरुणीवर प्रियकराने बलात्कार केला. तरूणी गर्भवती राहिल्यानंतर लग्नास नकार देणाऱ्या प्रियकराला वाकड पोलिसांनी अटक केली आहे. हा प्रकार वाकडमध्ये नुकताच उघडकीस आला आहे. सूरज नामदेव नढे (वय-29, रा. वाकड) असे अटक केलेल्या तरुणाचे नाव आहे. तर 24 वर्षी तरुणीने या प्रकरणी वाकड पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, वाकडमध्ये राहणारा सूरज नढे आणि पीडित मुलगी चिंचवडमध्ये एकाच महाविद्यालयात शिकत होते. त्यांच्यातील मैत्रीचे रूपांतर प्रेमात झाले. सूरजने तरुणीला लग्नाचे आमिष वारंवार स्वतःच्या घरात, हॉटेलमध्ये घेवून जात तिच्याशी शरीरसंबंध ठेवले. मार्च 2018मध्ये पीडित तरुणी सात आठवड्यांची गरोदर असल्याचे पुढे आले. त्यानंतर सूरज याने तिच्याशी लग्न करण्यास नकार दिला. पीडित तरुणीने सूरजचे घर गाठले. मात्र, त्यांच्या कुटुंबीयांनीही स्वीकारण्यास नकार देत तिच्या चारित्र्यावर संशय घेतला. अखेर या पीडित तरुणीने वाकड पोलिसांत तक्रार दिली. सहाय्यक पोलीस निरीक्षक डी. के. आढाव अधिक तपास करत आहेत.

व्हीएस न्यूज - पिंपरी चिंचवड शहरात राष्ट्रवादी काँग्रेसकडून आज आणि उद्या हल्लाबोल मोर्चाचे आयोजन करण्यात आले आहे. त्यानिमित्त पिंपळे सौदागर जगताप डेअरी चौक येथे लावण्यात आलेला अधिकृत फलक प्रशासनाकडून क्रेनच्या सहाय्याने काढण्याचा प्रयत्न झाला. दरम्यान ही कारवाई सुरू असल्याचे समजताच राष्ट्रवादीचे नेते नगरसेवक नाना काटे यांनी घटनास्थळी धाव घेतली. अधिकृत फलक असताना कारवाई का करता असा सवाल त्यांनी अधिकार्यांना विचारला. त्यावेळी अधिकार्यांनी सारवासारवीची उत्तरे देत तो फलक पुन्हा लावल्याने या वादावर पडदा पडला. त्यानंतर मात्र सत्ताधारी भाजपच्या सुडबुध्दीच्या राजकारणाची चर्चा सुरू झाली आहे.

नाना काटे म्हणाले की, पिंपरी चिंचवड शहरात अनधिकृत फ्लेक्स उभारू नयेत ही राष्ट्रवादीची भूमिका आहे. मात्र अधिकृत फ्लेक्सवर कारवाई करणे चुकीचे आहे. एकीकडे शहरात सर्रासपणे अनधिकृत फलक लावले जात असताना केवळ सुडबुध्दीने राष्ट्रवादीच्या फलकावर कारवाई केली जात आहे. राष्ट्रवादीचा शहरात दोन दिवस हल्लाबोल मोर्चा आहे. त्याची धास्ती सत्ताधारी भाजपने घेतली आहे. आज जगताप डेअरी चौकात हल्लाबोलच्या अधिकृत फलकावर प्रशासनाने कारवाई सुरू केली होती. मात्र मी त्यांना जाब विचारला तेव्हा त्यांना त्याचे कारणही योग्य पध्दतीने देता आले नाही. सत्ताधार्यांच्या दबावामुळेच ही कारवाई होणार होती. अखेरीस हतबल होऊन अधिकार्यांनी तो फलक पुन्हा लावला.

व्हीएस न्यूज - आगामी लोकसभा आणि विधानसभा निवडणुकीत पक्षाची मोर्चेबांधणी करण्यासाठी महाराष्ट्र नवनिर्माण सेनेच्या नेत्यांनी संघटन मजबूत करण्यावर लक्ष केंद्रीत केले आहे. पक्षबांधणी अधिक मजबूत करण्यासाठी मनसेत सुमारे शंभर कार्यकर्त्यांचा प्रवेश झाला आहे.

मनसेचे नगरसेवक सचिन चिखले हे पिंपरी चिंचवड महापालिकेच्या माध्यमातून शहरात पक्षाचे नेतृत्व करतात. त्यांच्या नेतृत्वाखाली पक्ष बांधणीचे काम जोरात सुरू आहे. आगामी लोकसभा आणि विधानसभा निवडणुकीची जबाबदारी चिखले यांच्यासह पक्षाच्या शहर पदाधिका-यांवर सोपविण्यात आली आहे. निवडणुकीला सामोरे जाण्यापूर्वी पक्षाचा आढावा घेण्यासाठी पक्षाचे ज्येष्ठ नेते बाळा नांदगावकर यांनी शहरातील मनसैनिकांची नुकतीच आढावा बैठक घेतली. त्यांच्या अडीअडचणी जाणून घेतल्या. यापुढे शहरात जाणिवपूर्वक लक्ष घालणार असल्याचे आश्वासन देखील त्यांनी कार्यकर्त्यांना दिले आहे. त्यामुळे मनसे पदाधिका-यांमध्ये नवचैतन्य निर्माण झाले आहे. प्रत्येक कार्यकर्ता पक्षवाढीसाठी जोमाने कामाला लागला आहे.

पक्षवाढीसाठी मनसेच्या विविध संघटनांची कार्यकारिणी मजबूत करण्यावर भर दिला जात आहे. त्यासाठीच सेनेच्या कार्यकारिणीतील विविध पदे रविवारी जाहिर करण्यात आले. विद्यार्थी सेनेचे शहराध्यक्ष हेमंत डांगे, शहराध्यक्ष सचिन चिखले यांच्या हस्ते पदाधिका-यांना नियुक्त पत्र देण्यात आले. त्यामध्ये अक्षय नाळे (सचिव), अनिकेत प्रभु (उपशहर अध्यक्ष), अमित तापकीर (उपशहर अध्यक्ष), गौरव लोटलीकर (विद्यार्थी उपशहराध्यक्ष), प्रतिक शिंदे (विभाग अध्यक्ष), सचिन शिंदे (विभाग अध्यक्ष), बंटी कदम (विभाग अध्यक्ष),महेश येवले (विभागाध्यक्ष) आदी पदाधिका-यांची नियुक्ती करण्यात आली आहे.

व्हीएस न्यूज - राज्याचे मुख्यमंत्री देवेंद्र फडणवीस यांचा इंन्ट्रेस नागपूरात आहे, तर जिल्ह्याचे पालकमंत्री गिरीष बापट यांचा पुण्यात आहे. पिंपरी चिंचवडकरांच्या प्रश्नांशी यांना काहीच देणंघेणं नाही.निवडणुकीपूर्वी दिलेली आश्वानसे हे विसरलेत. निवडून दिलेल्या आमदारांचे शहरवासियांच्या समस्यांकडे लक्ष नाही. त्यामुळे शहराला आता वालीच उरला नाही अशी टिका राष्ट्रवादीचे नेते माजी उपमुख्यमंत्री अजित पवार यांनी केली.

भोसरी येथील गावजत्रा मैदान येथे आयोजित हल्लाबोल सभेत ते बोलत होते. यावेळी खासदार सुप्रिया सुळे, दिलीप वळसे पाटील, आमदार जयंत पाटील, शशिकांत शिंदे,राष्ट्रवादीच्या महिला प्रदेश अध्यक्षा चित्रा वाघ, माजी आमदार बापू पठारे, विलास लांडे, शहराध्यक्ष संजोग वाघेरे, नगरसेवक-नगरसेविका, पदाधिकारी आदी उपस्थित होते.

अजित पवार म्हणाले, महापालिका निवडणूकीत वाटलं होतं की शहराशी अनेक वर्षे जवळकीचे नाते होते. शहराचा चेहरामोहरा बदलण्याचे काम केले. महापालिका निकालाच्या वेळी जनता विकासाच्या मागे गेली नाही. जनतेने आमचा पराभव केला. शहरात होत असलेले बदल, कचरा समस्या, अनेकांचा हस्तक्षेप पिंपरी-चिंचवडकरांना मान्य आहे का?आयुक्तालयाचा निर्णय झाला. पण त्याचा उपयोग नाही. इथे दहशद असून सरकार, पालकमंत्री पावले उचलताना दिसत नाहीत. शहराला कोणी वाली राहिलेले नाही. रस्त्यांच्या टेंडरची घाई केली गेली. कालवा समितीच्या बैठकीला फक्त पालिकेचे आयुक्त होते. तुमच्या पिण्याच्या पाण्यासाठी बैठकीला हे हजर राहू शकत नाही. भीमा कोरेगावला कायदा सुव्यवस्था सरकारने राखली नाही. तिथे निष्पाप मुलाचा बळी गेला. घरे, दुकाने जाळली. त्यामागचा मास्टरमाइंड कोण, हे कळाले पाहिजे. बैलगाडा शर्यंतीबाबत खासदार, आमदार फक्त भावनांशी खेळत आहेत, अशी टिका त्यांनी केली.

देशाचे राजकारण पवारसाहेबांच्या अवती-भवती फिरत आहे. त्यांच्यासाठी आपले आमदार, खासदार वाढले पाहीजेत. त्यासाठी राष्ट्रवादीचे घड्याळ चालले पाहिजे. शेतक-यांना सरकारने उध्वस्त केले. नीरव मोदी, ललित मोदी हजारो कोटी घेऊन गेले. देशात महागाई वाढली. रेशनींगला मका देतात. जगात महाराष्ट्रात पेट्रोल महाग आहे. आत्महत्या रोखण्यासाठी काही उपाय करण्याची गरज आहे. मंत्रालय आता आत्महत्यालय झाले आहे. महाराष्ट्र चांद्यापासून बांद्यापर्यंत बिकट अवस्था झाली आहे. उद्योगांना पोषक वातावरण नाही. भोसरीत मैदानाच्या आरक्षणात टप-या टाकून स्थानिक गुंड तेथे हप्ते गोळा करतात. शाळा काढण्याचा परवाना उद्योगपतींना दिला आहे. भारत कुठे स्वच्छ झाला ? हे सरकारने दाखवावे. सरकारमध्ये एकवाक्यता नाही. प्रशासनावर त्यांची पकड नाही. केंद्रात, राज्यात जंगलराज आले आहे.

सत्ता, सत्तेतून पैसा आणि पैसातून सत्ता हे समिकरण सुरू आहे. अनधिकृत बांधकामे, शास्तीकरापासून दिलासा देण्याची इच्छाशक्ती नाही. फडणवीसांना नागपूर, बापटांना पुण्याचे प्रेम आहे. बापट काहीही बोलतात. भ्रष्टाचाराने बरबटलेले, पण आव वेगळा आणतात. स्मार्ट सिटीचा पैसा किती आला ? पुण्यात कमळाबाई तिन नंबरला गेली. कुठं नेऊन ठेवलाय भारत, महाराष्ट्र, पिंपरी-चिंचवड आणि भोसरी ? हा प्रश्न उपस्थित करून शिरुरची जागा आलीच पाहिजे. जेवढी ताकद द्या. फायदा तुमचाच आहे. बेजबाबदार, नाकर्ते सरकार घालवू, असा निश्चय करण्याचे आवाहन त्यांनी कार्यकर्त्यांना केले.

जयंत पाटील म्हणाले, विकासाचं स्वप्न दाखवलं गेलं, लोकांनी भाजपला नव्हे तर मोदींना बघून मतदान केलं. चार वर्षात भाजपने दिलेली खोटी आश्वासने किती खरी झालीत हे जनतेला समजलेयं. जनतेला फसवलं की, जनता आता त्यांना सत्तेत राहून देणार नाहीत. चौकीदार बनवा असं सांगून नरेंद्र मोदी पंतप्रधान झाले होते. मात्र विजय माल्या, निरम मोदी सारखे अनेक उद्याेगपती करोडों रूपये घेऊन फरार झालेत. मग कसली चौकीदारी करत होते. पावलो पावली थापा मारणारे सरकार आहे, खोटं बोलून सत्तेत आलेत. निवडणुकीपूर्वी केलेले एकही आरोप सिध्द करता आले नाहीत. १६ मंत्र्यांनी केलेले भ्रष्टाचारांना क्लिन चिट मुख्यमंत्र्यांनी दिली. उंदरात भ्रष्टाचार करणारे आमदार तुम्ही निवडून दिलेत. आता तुम्ही विचार करा, राष्ट्रवादीच्या मागे ताकद उभी करा.

चित्रा वाघ म्हणाल्या, बेरोजगारी वाढलीय, घर कसं चालवायचं महिलांपुढे मोठा प्रश्न आहे. रोजगार नसल्यामुळे तरूण गुन्हेगारीकडे वळतोय. रेशन दुकानात धान्याचा पत्ता नाही. गँस महागलाय, स्वयंपाक करणं मुश्किल झालेय. महिलांवरील अत्याचार वाढलेत. कायदा आणि सुवव्यवस्था फक्त कायद्यावरच राहिलीय. या शहरावर अजितदादांनी भरभरून प्रेम केले. पिंपरी चिंचवड दादांचा आत्मा आहे. आज शहराचं चित्र बदललयं, घाणीचे साम्राज्य वाढलयं, नगरसेवक पालिकेत कचरा नेऊन टाकत आहेत. येणार्या निवडणूकीत परिस्थिती नक्कीच बदलणार आहे.

शशिकांत शिंदे म्हणाले, राज्याच्या कानाकोपर्यातून हल्लाबोल सभेला सुरूवात झाली. विकास काय असतो हे पिंपरी चिंचवडला बघितल्यावर होतं. अजितदादांच्या स्वप्नपूर्तीतून घडले होते. परंतू गेल्या तीन वर्षापासून पिंपरीचा विकास शोधतोय. राज्याच्या सुरक्षिततेचे तीन तेरा वाजलेत. सत्तेच्या मस्तीत आहेत, म्हणून पवार साहेबांवर टिका करू नका. कामगारांचे अस्तित्व धोक्यात आणण्याचा प्रयत्न या सरकारची सुरू आहे. शेतकरी

व्हीएस न्युज - खोटी बातमी दिल्यास पत्रकाराची मान्यता रद्द करण्यासंदर्भात केंद्राने आदेश काढला होता. मग खोटी, फेक आश्वासने देणाऱ्या मंत्र्यांची मंत्रिपदे रद्द का होऊ नयेत, असे मत सामाजिक कार्यकर्ते अरूण बकाल यांनी व्यक्त केले आहे.
प्रसिध्दीस दिलेल्या निवेदनात म्हटले आहे की, मोदी सरकार सत्तेवर येण्यापुर्वी अच्छे दिन आने वाले है, प्रत्येकाच्या खात्यात 15 लाख जमा करने वाले है, स्वामिनाथ आयोगाच्या शिफारस लागू केल्या जातील. प्रत्येकाच्या हाताला काम देण्यात येईल, दोन कोटीबेरोजगारांना नोकऱ्या देण्यात येतील, अशी अऩेक खोटी आश्वासने देऊन मोदींनी सत्ता काबिज केली. महाराष्ट्रातील शिक्षण मंत्री विनोद तावडे यांनी तर दोन वर्षात पाच वेळा 24 हजार शिक्षकांची भरती करण्यासंदर्भात फक्त आणि फक्त खोट्या घोषणा केल्या. त्यामुळे खोट्याबातम्या देणाऱ्या पत्रकाराची मान्यता रद्द करण्याचा कायदा करता तर मग खोटी आश्वासने दिल्यास मंत्रिपदही रद्द करण्याची मागणी बकाल यांनी केली आहे.

व्हीएस न्यूज - भरधाव वेगातील ट्रॅक्टरने दुचाकीला धडक दिली. यामध्ये तरूणीचा गंभीर जखमी होऊन उपचारादरम्यान मृत्यू झाला तर तरूण किरकोळ जखमी झाला आहे. ही घटना कासारसाई येथील मुरकुटे वस्ती येथे 16 मार्च रोजी घडली.
सृष्टी सुभाष पाठक (वय-25, रा. कस्पटे वस्ती, वाकड) असे मृत्यू झालेल्या तरूणीचे नाव आहे. आयुश खंडेलवाल (वय-24, रा. औंधगाव) हा किरकोळ जखमी झाला आहे.
पोलीसांनी दिलेल्या माहितीनुसार, फिर्यादी आयुष व सुष्टी 16 मार्च रोजी एकाच दुचाकीवरून जात होते. मुरकुटे वस्ती येथून जाताना भरधाव ट्रॅक्टरने त्यांच्या दुचाकीला जोरदार धडक दिली. यामध्ये गंभीर जखमी झालेल्या सृष्टीचा उपचारादरम्यान मृत्यू झाला. तर आयुश हा किरकोळ जखमी झाला. घटनास्थळी न थांबता ट्रॅक्टर चालकाने पोबारा केला. फौजदार ए. व्ही. बोराटे अधिक तपास करत आहेत.

व्हीएस न्यूज - कै.पांडुरंग धोडिंबा माकर प्रतिष्ठान व शेखर काटे युवा मंच यांच्या वतिने जागतिक आरोग्य दिनानिमित्त कै जगन्नाथ देवकर यांच्या स्मरणार्थ आरोग्य कर्मचाऱ्यांना 'आरोग्य सेवा गौरव पुरस्कार' देऊन गौरविण्यात आले.
सामाजिक कार्यकर्ते शेखर काटे, प्रविण देवकर, प्रतिष्ठानचे अध्यक्ष दीपक माकर यांच्या हस्ते दापोडी येथे हुतात्मा भगतसिंग विद्यालय येथे पुरस्कार वितरण समारंभ पार पडला. यामध्ये सिद्धार्थ सातपुते, मंगल आरडे,बबिता जाधव, विमल गलांडे, आरती चंदा, लक्ष्मी भोसले, संगिता गायकवाड, सोनाली अडागळे, योगिनी निंबाळकर, भारती झाटे, दत्ता कांबळे, सुनिल देहाडे, मिना सोनवाल, उषा जीनवाल, रेखा गोहर, रमा बाराथे, शोभा नाईकनवरे यांना गौरविण्यात आले.
यावेळी आमोल गोरे, दिपक काटे, प्रमोद गायकवाड, अनिल कुलकर्णी, गुलाब आल्हाट, रवींद्र कांबळे उपस्थित होते.
दिपक माकर म्हणाले, पुढील वर्षी 100 आरोग्य कर्मचाऱ्यांना प्रतिष्ठानच्या वतीने गौरविण्यात येणार आहे. सूत्रसंचालन दिपक काटे यांनी, तर आभार दिपक माकर यांनी मानले.

व्हीएस न्युज - छत्रपती शिवाजी महाराज, महात्मा फुले व डॉ. बाबासाहेब आंबेडकर यांच्या संयुक्त जयंती निमित्ताने संत तुकाराम नगर येथे व्याख्यान कार्यक्रमाचे आयोजन करण्यात आले आहे. ज्येष्ठ विचारवंत रावसाहेबकसबे, इतिहास संशोधक श्रीमंत कोकाटे यांचे संयुक्तरित्या होणारे हा व्याख्यानसत्राचा कार्यक्रम संत तुकारामनगर येथील पंचशील बुद्धविहाराजवळ सायंकाळी साडेपाच वाजण्याच्या सुमारास होणार आहे.

या व्याख्यानमाचे उद्घाटन महापालिकेतील विरोधी पक्षनेते योगेश बहल यांच्या हस्ते होईल. स्वराज अभियानचे महाराष्ट्र अध्यक्ष मानव कांबळे कार्यक्रमाच्या अध्यक्षस्थानी असणार आहेत. शहरात प्रथमच हे दोनदिग्गज वक्ते एकत्रितरित्या एका विचारमंचावर येणार असून पिंपरी चिंचवड शहरातील सर्व पुरोगामी विचारधारेच्या संस्था व संघटनेचे या कार्यक्रमासाठी सहकार्य लाभले आहे. जगदगुरू प्रतिष्ठानचे अध्यक्ष ॲड. लक्ष्मणरानवडे, अशोक सर्वागीण विकास सोसायटीचे अध्यक्ष डॉ. अशोक शिलवंत, व मराठा सेवा संघाचे पुणे जिल्हा अध्यक्ष प्रकाश जाधव यांनी या कार्यक्रमाचे संयोजन केले आहे.

व्हीएस न्यूज - मध्यरात्री सव्वादोनच्या सुमारास एका महिलेच्या घरात बळजबरीने घुसून अज्ञात आरोपीने तिच्यावर जबरदस्ती करण्याचा प्रयत्न केला. महिलेने अब्रू वाचविण्यासाठी शयनगृहाच्या गॅलरीतून उडी मारली.यामध्ये महिलेचा उजवा पाय फॅक्चर झाला आहे. हा धक्कादायक प्रकार गुरुवारी मध्यरात्री सव्वादोनच्या सुमारास रहाटणीतील महाराष्ट्रनगर येथे घडला.

याप्रकरणी संबंधित महिलेने वाकड पोलीस ठाण्यात फिर्याद दिली आहे. त्यानुसार अज्ञात आरोपीच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी महिला गुरुवारी रात्री एकटीच घरामध्ये होती. मध्यरात्री सव्वादोनच्या सुमारास अज्ञात आरोपी फिर्यादीच्या घरी बळजबरीने घुसला. तिच्यावर जबरदस्ती करण्याचा प्रयत्नकेला. तसेच महिलेशी अश्लील भाषा वापरली. अब्रू वाचविण्यासाठी महिलेने जीवाच्या आकांताने ओरडत आरोपीच्या तावडीतून सुटका करून शयनगृहाच्या गॅलरीतून उडी मारली. यामध्ये महिलेचा उजवा पाय फ्रॅक्चर झालाअसून डावा हाताच्या बोटाला मार लागला आहे. तिच्यावर खासगी रुग्णालयात उपचार सुरु असल्याचे, पोलिसांनी सांगितले. वाकड पोलीस अधिक तपास करत आहेत.

व्हीएस न्यूज - नोटाबंदी होते, प्लॉस्टिक बंदी होते मग महाराष्ट्रात दारू बंदी कधी करणार असा सवाल पिंपरी-चिंचवड शहर कॉंग्रेस ज्येष्ठ नागरिक सेलचे अध्यक्ष लक्ष्मण रूपनर यांनी केला आहे.

रूपनर यांनी याबाबत प्रसिध्दीस दिलेल्या निवेदनात म्हटले आहे की, महाराष्ट्रात दारूमुळे अनेक तरूणांचे जीवन उद्‌वस्त, काहींचे संसार धुळीस मिळाले आहेत. तर दारू पिऊन मोटार चालविल्यामुळे अनेकांचे जीव गेले आहेत. दारूमुळे महाराष्ट्रातील तरूण पिढी बरबाद होत असताना सरकार महसूल मिळतो, म्हणून दारूबंदी करत नाही. ही लाजिरवाणी बाब आहे. नोटा बंदी करता, प्लॉस्टिक बंदी करता मग दारूबंदी केली पाहिजे, अशी मागणी रूपनर यांनी केली आहे. तसेच दारूबंदी न केल्यास रूपनर यांनी स्वतः आंदोलन करण्याचा इशारा दिला आहे.

व्हीएस न्यूज - नवी सांगवीतील 20 जेष्ठ नागरिक दररोज सकाळी पहाटे साडेचारपासून फेमस चौक, शिवनेरी चौक, एम के चौक, गोविंद गार्डन, कोकणे चौकापर्यंत आठ किलो मीटरचा पायी प्रवास करतात. वाटेने गौळणी, भारुडे, खंडोबाची गाणी, देवीची गाणी, अभंग टाळ्या वाजवत चालत जातात.

आजच्या धकाधकीच्या जीवन शैलीमुळे बैठे कामाची सवय, मानसिक ताण तणाव यामुळे आरोग्यावर परिणाम होतो. वयाच्या पन्नाशीतच अनेकांना दुष्परिणामांना सामोरे जावे लागते. याचे गांभीर्य लक्षात घेवून 20 ज्येष्ठ नागरिक "हरिनाम गजरात नाही भय चिंता, ऐसें बोले गीता भागवत, या प्रमाणे लवकर उठून भगवंताचे नामस्मरण करत आम्ही चालतो असे आप्पाजी चव्हान यांनी सांगितले. गेल्या 15 वर्षा पासून नित्यनियमाने चालत असतांना येणाऱ्या जाणाऱ्या नागरिकांना जय श्रीराम म्हणून नमस्कार घालतो. सर्व महिला व पुरुषही आम्हाला नमस्कार घालत असल्याचे मानवी हक्क संरक्षण आणि जाग्रतीचे शहराध्यक्ष अण्णा जोगदंड यांनी सांगितले.

यामध्ये बाबू चौधरी, जे. डी. पाटील, प्रमोद हींगाण, रघुनाथ कदम, अंबादास शहाने, हरीचंद्र ढिगळे, लिंबाजी थिटे, सदाशिव सावंत, वसंत पाटील, बाबु जंगम, जयसिंग पाटील, विठ्ठल देवकर, शिवानंद तालिकोटी, सूरेश कोंडाळकर, अंबादास शहाणे आदी ज्येष्ठ नागरिक सहभागी होतात.