व्हीएस न्युज - मारवाडी येथे शॉर्टसर्किटमुळे मोहम्मदिया आर्ट ग्लास या काचेच्या कंपनीत आग लागली .या आगीत अडकलेल्या चार कामगारांची अग्निशमन दलाने सुखरुप सुटका केली.

ही घटना शनिवारी (दि.६) रात्री उशीरा घडली. इरफान शेख (वय ४५), अखिल मुजावर (वय ४५), आसिफ (वय ३५) आणि शान बाज (वय ३५) असे सुटका करण्यात आलेल्या कामगारांची नावे आहेत.

मिळालेल्या माहितीनुसार, शनिवारी रात्री उशीरा मोरवाडीतील मोहम्मदिया आर्ट ग्लास येथे शॉर्टसर्किट होऊन मीटरमध्ये आग लागली होती. यावेळी इरफान, अखिल, आसिफ आणि शान बाज हे चौघे कंपनीमध्ये झोपले होते. मीटरमधून धूर निघत असल्याचे एकाने पाहिले. परंतु, बाहेरून शटर बंद आणि मोठा पाऊस सुरू असल्याने त्यांना बाहेर पडता येत नव्हते. परिसरात करंट देखील उतरला होता. म्हणून कोणी शटरकडे गेले नाही. आत झोपलेल्या कामगार इरफान शेख याने फोनद्वारे अग्निशमन दलाला माहिती दिली. काही वेळातच तेथे अग्निशामक दल दाखल झाले. त्यांनी महावितरणला फोन करून वीजप्रवाह बंद करण्यास सांगितला आणि आतील घाबरलेल्या कामगारांना आवाज देऊन शटर उघडण्यास सांगितले. आणि कामगारांना सुखरूप बाहेर काढण्यात आले. ही कामगिरी अग्निशामक अधिकारी अशोक कानडे, हनुमंत होले, निखिल गोगवले, अमोल चिपळूणकर, संभाजी दराडे, वाहन चालक विशाल बाणेकर यांच्या पथकाने केली.

व्हीएस न्युज - पिंपरी येथील इंदिरागांधी उड्डाणपुलाच्या दुरावस्थेत दिवसेंदिवस वाढ होताना दिसते, ही बाब अनेक वेळा प्रशासनाच्या निदर्शनात आणून सुद्धा त्याकडे दुर्लक्ष होत आहे.

पिंपरी मातोश्री ग्रुपचे संस्थापक अध्यक्ष गणेश आहेर यांनी दिलेल्या प्रसिद्धी पत्रात म्हटले आहे की " इंदिरागांधी उड्डाणपुलाचे ऑडिट करून तत्काळ दुरुस्ती कारवी अन्यथा सदरील ठिकाणी काही दुर्घटना घडल्यास त्याचे पूर्ण जबाबदार प्रशासन राहील अशी खात्री प्रशासनाने द्यावी".

इंदिरागांधी उड्डाणपुलाचे ऑडिट करून तत्काळ दुरुस्ती कारवी असी मागणी गेले अनेक दिवसांपासून गणेश आहेर प्रशासनाकडे करत आहेत.

व्हिएस न्युज - आयफाज हमीद कुरेशी यांची ३० जुन रोजी ए.आय.एम.आय.एम वाहतूक आघाडी पिंपरी चिंचवड शहर अध्यक्ष पदी नियुक्ती करण्यात आली.

नियुक्तीचा कार्यक्रम खराळवाडी येथील संपर्क कार्यालयात पार पडला. पिंपरी चिंचवड तथा पश्चिम महाराष्ट्र अध्यक्ष अकिल मुजावर यांनी नियुक्ती पत्र दिले.

यावेळ ए.आय.एम.आय.एम चे पश्चिम महाराष्ट्राचे प्रवक्ते धर्मराज साळवे,पश्चिम महाराष्ट्र महिला अध्यक्ष अंजना गायकवाड आणि कार्यकर्ते उपसथित होते.

व्हिएस न्युज - भोसरी येथील मुंजोबा मित्र मंडळ गणपती मंदिरा सामोर रेकॉर्डवरील गुन्हेगारास २८ जुन रोजी अटक करून भोसरी पोलिस ठाण्यात गुन्हा दाखल करण्यात आला. सागर साहेबराव शेवते (वय - ३०,रा. घरकूल चखली ) असे अटक केलेल्या गुन्हेगाराचे नाव आहे. सदरील आरोपी कडूून ३०हजार ४०० रू किमतीचे बनावट पिस्तल आणि दोन जिवंत काडतूस जप्त करण्यात आले.

सागर शेवते याच्यावर यापूर्वी भोसरी पोलिस ठाणे येथे शारीरिक दुखापत व निगडी पोलिस ठाणे येथे अग्नीशस्त्र बाळगण्याचे असे एकूण दोन गुन्हे दाखल आहेत.

शांतीनगर भोसरी येथे गस्त घालत असताना पो.ना किरण काटकर यांच्या बतमीदारा काडून मिळालेल्या बातमी नुसार वरिष्ठ पोलीस निरिक्षक सुधीर अस्पत यांच्या अधिपत्याखाली पोलीस उप-निरक्षक विठ्ठल बडे यांनी सापा रचून मोठ्या शिताफीने गुन्हेगारास ताब्यात घेतले.

सदरची कारवाई पिंपरी चिंचवड आयुक्तालयचे पोलीस आयुक्त आर के पद्मनाभन,अप्पर पोलीस आयुक्त रामनाथ पोकळे ,सह पोलीस आयुक्त राजाराम पाटील यांचे मार्गदर्शनाखाली खंडणी दरोडा विरोधी पथकाचे वरिष्ठ पोलीस निरीक्षक सुधीर अस्पत, पोलीस उपनिरीक्षक विठ्ठल बडे ,पोलीस कर्मचारी अजय भोसले ,महेश खांडे ,किरण काटकर ,उमेश पुलगम ,किरण खेडकर ,शरीफ मुलाणी, नितीन लोखंडे, शैलेश सुर्वे व सागर शेडगे यांचे पथकाने केली आहे.

व्हिएस न्युज - मध्यरात्रीत कोंढवा तालाब कंपनीसमोर बांधकाम करणाऱ्या मजुरांच्या झोपड्यांवर मोठी सीमाभिंत कोसळली. अग्निशमन दलाकडून मिळालेल्या प्राथमिक माहितीनुसार या दुर्घटनेत एकूण 15 जणांचा मृत्यू झाला आहे. मृतांमध्ये मुले आणि महिलांचा समावेश आहे. तर मातीच्या ढिगाऱ्याखालून 3 जणांना सुखरूप बाहेर काढले. दरम्यान, घटनास्थळी एनडीआरएफकडून मदत आणि बचाव कार्य सुरू होते. एनडीआरएफने दिलेल्या महितीनुसार, प्रशिक्षित श्वान बोलावून मातीच्या ढिगाऱ्यखाली कोनं आहे का याची तपासणी केल्यानंतर मदतकार्य थांबविले आहे.

पुण्यातील दुर्घटनेची चौकशी करा; मुख्यमंत्र्यांनी दिले जिल्हाधिकाऱ्यांना आदेश

भिंत कोसळून झालेल्या दुर्घटनेत मृत्युमुखी पडलेल्या लोकांबद्दल मुख्यमंत्री देवेंद्र फडणवीस यांनी ट्विटद्वारे संवेदना व्यक्त केली असून या दुर्घटनेची सखोल चौकशी करण्याचे आदेश पुण्याच्या जिल्हाधिकाऱ्यांना देण्यात आलेले आहेत. दरम्यान, दुर्घटनेबाबत चौकशी करून जबाबदार व्यक्तींवर कारवाई केली जाईल, असे जिल्हाधिकारी नवल किशोर राम यांनी सांगितले. या दुर्घटनेत मृत्युमुखी पडलेल्या व्यक्तींच्या नातेवाईकांना नियमानुसार शासनाकडून आवश्यक ती मदत केली जाईल, असेही ही त्यांनी सांगितले. दुर्घटनेची माहिती मिळाल्यानंतर जिल्हाधिकारी राम यांनी घटनास्थळी भेट देऊन पाहणी केली व मदत कार्याबाबत आवश्यक त्या सूचना केल्या.कोंढवा येथील दूर्घटनेवरून प्रथमदर्शनी असे लक्षात येते की बांधकाम मजुरांसाठी जी राहण्याची व्यवस्था करण्यात आली होती, ती सुरक्षित नव्हती. जिल्हा प्रशासनाकडे या बांधकामविषयक सर्व माहिती उपलब्ध असून त्याची चौकशी करून जबाबदार व्यक्तींवर कारवाई केली जाईल, असेही जिल्हाधिकारी नवल किशोर राम यांनी स्पष्ट केले.

कोंढवा दुर्घटना प्रकरणी पोलिसाकडूनही चौकशी करणार- पोलीस आयुक्त

भिंत कोसळून झालेल्या दुर्घटनेची प्रशासन आणि पोलिसाकडूनही चौकशी केली जाणार आहे तसेच, या संपूर्ण घटनेत जबाबदार व्यक्तींला लवकरच अटक करण्यात येणार आहे. असे पोलीस आयुक्त डॉ. के. वेंकटेशम यांनी सांगितले. दरम्यान, पुण्यातील या दुर्घटनेत मृत्युमुखी पडलेल्या लोकांबद्दल मुख्यमंत्री देवेंद्र फडणवीस यांनी संवेदना व्यक्त केली असून या दुर्घटनेची सखोल चौकशी करण्याचे आदेश पुण्याच्या जिल्हाधिकाऱ्यांना देण्यात आलेले आहेत. तसेच या दुर्घटनेतील मृत्यूला बिल्डर आणि महापालिकेचे अधिकारी दोषी आहेत असा आरोप माजी आमदार महादेव बाबर यांनी केला आहे. तर महापौर मुक्ता टिळक, मनसेचे गटनेते वसंत मोरे, नगरसेवक साईनाथ बाबर यांनीही घटनास्थळाची पाहणी केली.

व्हिएस न्युज - पिंपरी चिंचवड महानगरपालिका नागरवस्ती विकास योजने अंतर्गत महिलांना गेले आनेक दिवस फॅशन डिझायनिंगचे प्रशिक्षण देण्यात येत होत. प्रत्येक महिला बचत गटातील महिलांना दिनांक २५\०६\२०१९ रोजी मातोश्री ग्रूपचे संस्थापक अध्यक्ष गणेश आहेर यांच्या प्रमूख उपस्थिती मध्ये प्रमाणपञ वाटप करण्यात आले.

यावेळी महिला बचत गटाच्या प्रमूख व शिवसेना विभाग संघटिका भाग्यश्रीताई म्हस्के यांच्या अध्यक्षतेखाली ह्या कार्यक्रमाचे आयोजन काळेवाडी येथे करण्यात आले. तसेच या वेळी शिवसेना मा. विभागप्रमूख खंडू शिरसाठ, शिवसैनिक बाळासाहेब गायकवाड ,विभागप्रमूख गोरख पाटील निलंगेकर, सामाजिक कार्यकर्ते रमेश शिंदे यांचे सहकार्य लाभले.

फॅशन डिझायनर दिपाली अतुल पांडे,किरण प्रकाश नाईक,श्वेता श्रीधर शिर्के,वैशाली अभय कूलथे, दिपाली दिपक मोरे,रोहिणी योगेश सरोदे,जयश्री सूनिल देवकर,चैताली अमोल तांबोळकर, मनीषा अनिल मगर, रूपाली महेश धावरे, पूजा प्रकाश मोरे या सर्व महिलांना प्रमाणपत्र देऊन गौरवण्यात आले. प्रमाणपत्र वाटपाच्या कार्यक्रमाला मोठ्या संख्येने महिला उपस्थित होत्या.

व्हीएस न्युज - नवी सांगवी येथील श्री गणेश सहकारी बँकेच्या अध्यक्षपदी संजय गणपत जगताप यांची; तर उपाध्यक्षपदी सुरेश तावरे यांची बिनविरोध निवड करण्यात आली. संचालक मंडळाच्या सभेमध्ये ही निवड करण्यात आली.

यावेळी संचालक सूर्यकांत गोफणे, शिवलिंग किनगे, राजेंद्र राजापुरे, दत्तात्रय चौगुले, शशिकांत कदम, गणेश करंजकर, उद्धव पटेल, अभय नरडवेकर, मनोहर ढोरे, मारुती तरटे, संतोष देवकर, अंकुश जवळकर, संगीता कांकरिया, राजश्री जाधव, शिवाजी शिंदे व वसंत गुंड उपस्थित होते.

ग्राहकांना अधिक चांगल्या सुविधा उपलब्ध करून देणे, कर्जपुरवठा वाढवणे व थकीत कर्ज वसुलीला प्राधान्य देणार असल्याचे नवनिर्वाचित अध्यक्ष संजय जगताप यांनी या सभेमध्ये सांगितले.

व्हीएस न्युज - पिंपरी येथील डॉ. डी. वाय पाटील आयुर्वेद महाविद्यालय व संशोधन केंद्र, पिंपरी पुणे येथे केंद्रीय आयुष मंत्रालय, भारत सरकार यांच्या निर्देशानुसार स्वस्थवृत्त व योग विभागाच्या वतीने २१ जून जागतिक योग दिन उत्साहात साजरा झाला सकाळच्या योग सत्राचे उद्घाटन आयुर्वेद महाविद्यालयाच्या प्रागंणात महापौर राहुल जाधव यांच्या हस्ते झाले.

करा योग रहा निरोग हा आरोग्य मंत्र त्यांनी युवकांना दिला आरोग्यासाठी नियमित योग करावा व योगाचे महत्त्व सांगून राहुल जाधव यांनी योग संदेश दिला.

याकार्यक्रमाला विद्यपीठाचे कुलगुरु डॉ. एन. जे पवार, आयुर्वेद महाविद्यालयाचे प्राचार्य डॉ. गुणवंत येवला, होमिओपॅथी महाविद्यालयाचे प्राचार्य डॉ. धर्मेद्र शर्मा, भौतिकोपचार महाविद्यालयाचे प्राचार्य डॉ. तुषार पालेकर, परिचारिका महाविद्यालयांच्या प्राचार्य रुपाली साळवी, आयुर्वेद उप प्राचार्य डॉ प्रशांत खाडे, योग प्रभारी डॉ. संतोष कांबळे, सल्लागार डॉ. बी.पी पांडे उपस्थित होते.

या योग सत्रात विविध योगासने, सूर्यनमस्कार, प्राणायाम, ओंकार ध्यान, ध्यानधारणा योगाभ्यास करण्यात आला. या कार्यक्रमात डॉ. डी. वाय. पाटील विद्यापीठ व विद्याप्रतिष्ठान सोसायटी अंतर्गत येणारे विद्यालय व महाविद्यालयातील विद्यार्थी शिक्षक व शिक्षकेत्तर कर्मचारी योगाभ्यास सत्रात सहभागी होते. एकूण ४१० सह्भागार्थीनी लाभ घेतला.

योग दिनानिमित्त विविध कार्यक्रमाचे आयोजन करण्यात आले आहे यामध्ये निबंध स्पर्धा, योग दिंडी, योगाभ्यास वर्ग, भिंती चित्र स्पर्धा, रांगोळी, व्याख्यानमाला इ. चे आयोजन आयुर्वेद महाविद्यालयात करण्यात आले होते. प्रत्येक स्पर्धेतून तीन विजेत्या स्पर्धकांना गौरविण्यात आले.

"आपले आरोग्य सुदृढ निरोगी राहावे आणि सर्वांचा कल योग व सूर्यनमस्काराकडे वाढावा. योग विषयी जनजागृती व्हावी तसेच प्रचार व प्रसार व्हावा" या प्रमुख उद्देशाने या विविध स्पर्धा घेण्यात आल्या होत्या कार्यक्रमाचे सूत्रसंचालन डॉ स्मृतिका तावरे व आभार प्रदर्शन डॉ प्रशांत खाडे केले. संपूर्ण योगसप्ताह व योग दिनाच्या कार्यक्रमाचे यशस्वी आयोजन योग प्रभारी डॉ संतोष कांबळे स्वस्थवृत्त विभाग यांनी केले.

व्हिएस न्यूज - मागील पाच वर्षात केंद्र व राज्य सरकारने राबविलेल्या चुकीच्या धोरणांमुळे देशाचा विकासदर कमी झाला आहे. उद्योग व रोजगारात वाढ होण्याऐवजी घट झाली आहे. राज्य सरकारच्या मुद्रा योजनेसारख्या अनेक योजना फसव्या ठरल्या आहेत. यामुळे तरुणांच्या बेरोजगारीत वाढ होत आहे. त्याच्या निषेधार्थ पुणे व पिंपरी चिंचवड शहर जिल्हा राष्ट्रवादी युवक कॉंग्रेसच्या वतीने बुधवारी (19 जून) दुपारी 12 वाजता पुण्यातील रास्ता पेठ येथील जिल्हा कौशल्य विकास व रोजगार व उद्योजकता मार्गदर्शन केंद्रावर (एम्प्लॉयमेंट ऑफिस) भव्य मोर्चा काढण्यात येणार आहे, अशी माहिती राष्ट्रवादी युवक कॉंग्रेसचे पिंपरी चिंचवड शहराध्यक्ष विशाल वाकडकर यांनी प्रसिद्धीस दिली आहे.

चिंचवड येथे सोमवारी (17 जून) युवक कॉंग्रेसच्या पदाधिका-यांची राष्ट्रवादी युवक कॉंग्रेसचे निरीक्षक निशांत वाघमारे यांच्या उपस्थितीत व राष्ट्रवादी युवक कॉंग्रेसचे पिंपरी चिंचवड शहराध्यक्ष विशाल वाकडकर यांच्या अध्यक्षतेखाली बैठक आयोजित करण्यात आली होती. या वेळी युवक कॉंग्रेसचे प्रदेश संघटक विशाल काळभोर, राष्ट्रवादी युवक कॉंग्रेसचे प्रदेश सरचिटणीस संदीप (लाला) चिंचवडे, युवक कार्याध्यक्ष योगेश गवळी, पिंपरी विधानसभा युवक अध्यक्ष शेखर काटे, चिंचवड विधानसभा युवक अध्यक्ष शाम जगताप, राष्ट्रवादी कॉंग्रेसचे सर्व युवक पदाधिकारी व कार्यकर्ते उपस्थित होते.

व्हीएस न्युज - आपल्या संस्कृतीत पत्रकारितेतील पितृपुरूष देवर्षी नारद मुनी हे एक विद्यापीठच होते असे प्रतिपादन न्यूज भारती चे संपादक व मुस्लिम राष्ट्रीय मंचाचे अ.भा.संयोजक विराग पाचपोर यांनी केले, ते आज विश्व संवाद केंद्र पुणे व क्रांतिवीर चापेकर स्मारक समिती चिंचवड तर्फे येथील क्रांतिविर चापेकर वाड्यात आयोजित देवर्षी नारद जयंती कार्यक्रमात प्रमुख वक्ते म्हणून बोलत होते. पुढे बोलतांना त्यांनी या नारद जयंती दिनाचे महत्व विशद केले तसेच त्यांनी पूर्वांचलातील स्थित्यंतर हा विषय मांडला , पूर्वोत्तर भारतातील आधीची परिस्थिती , प्रतिकूल परिस्थितीत राष्ट्रीय स्वयंसेवक संघाने त्या भागात केलेली सेवा कार्ये, विद्या भारती च्या माध्यमातून शिक्षण क्षेत्रातील भरीव काम, उभी झालेली शाळा, महाविद्यालये , जनजातीय बांधवांची स्थिती , तेथील विकास या सर्व विषयावर त्यांनी सविस्तर विवेचन केले.

कार्यक्रमाला प्रमुख वक्ते विराग पाचपोर तसेच क्रांतिवीर चापेकर स्मारक समितीचे अध्यक्ष गिरीश प्रभुणे , राष्ट्रीय स्वयंसेवक संघाचे जिल्हा कार्यवाह विलास लांडगे, विश्व संवाद केंद्राचे मिलिंद कांबळे यांची प्रमुख उपस्थिती होती. कार्यक्रमाची सुरुवात भारतमाता व देवर्षी नारद यांच्या प्रतिमा पूजनाने झाली, प्रास्ताविक मिलिंद कांबळे यांनी तर आभार चापेकर स्मारक समितीचे सहकार्यवाह रवींद्र नामदे यांनी मानले.

कार्यक्रमात सहभागी सर्व पत्रकार वृंदाचा सत्कार करण्यात आला यामध्ये प्रामुख्याने अविनाश चिलेकर, राजन वडके, विश्वास मोरे आदी जेष्ठ पञकार यांचे सह अनेक वृत्तपत्रे, वृत्त वाहिन्या, न्यूज पोर्टल पञकारांची उपस्थिती होती. कार्यक्रमाला राष्ट्रीय स्वयंसेवक संघाचे पिंपरी चिंचवड जिल्ह्याचे प्रमुख कार्यकर्ते उपस्थित होते. कार्यक्रमाची सांगता पसायदानाने झाली.

व्हीएस न्युज - पिंपरी-चिंचवडकरांना व्हेज आणि नॉनव्हेज जेवणाची वेगळी चव आता हॉटेल पाटील पॅलेसच्या माध्यमातून मिळणार आहे. भिगवनच्या मच्छीचा आस्वादही खवैयांना घेता येणार आहे.

चिंचवड-वाल्हेकरवाडी रस्त्यावर प्रशस्त जागेत हॉटेल पाटील पॅलेस सुरू झाले असून, याचे उद्घाटन आमदार लक्ष्मण जगताप आणि धनगर समाजाचे नेते गोपीचंद पडळकर यांच्या हस्ते करण्यात आले.

यावेळी उपमहापौर सचिन चिंचवडे, उद्योजक शंकर जगताप, नगरसेविका करूणा चिंचवडे, आशा शेंडगे, प्रियांका बारसे, हॉटेलचे मालक बंडू मारकड, राकेश भरणे, राजेंद्र चिंचवडे, शेखर चिंचवडे, उद्योजक अजय दूधभाते, मनोजकुमार मारकड, सुरेश कांबळे, अरविंद पवार, अपर्णा डोके, सिद्धेश्वर बारणे, अनंत कोऱ्हाळे, माऊली सुर्यवंशी, सुर्यकांत गोफणे, अमोल थोरात, श्रीकांत धनगर, बाळासाहेब वाघमोडे, प्रविण काकडे, प्रेमकांत बोबडे, बिरू व्हनमाने, अभिमन्यू गाडेकर, महावीर काळे, काका मारकड, अजित चौगूले, अंबादास पडळकर, डॉ. दिनेश गाडेकर, अंकलेश सरोदे, संतोष मदने, संतोष काशीद, हंसराज बोबडे, दिपक भोजने आदी उपस्थित होते

. उद्घाटक आमदार लक्ष्मण जगताप याप्रसंगी म्हणाले, 'आनंद लुटावा आणि आनंद वाटावा', या उक्तीप्रमाणे हॉटेलमध्ये येणाऱ्या प्रत्येकाला आनंद मिळेल. हॉटेल पाटील पॅलेसमुळे पिंपरी-चिंचवडच्या नावलौकिकात निश्चित भर पडेल. गोपीचंद पडळकर यांनी सांगितले, की तत्पर सेवा हा आजच्या युगाचा मंत्र आहे. बाहेरुन पिंपरी-चिंचवडमध्ये येणाऱ्या खवैयांनाही भिगवणच्या मच्छीचा आस्वाद घेता येणार आहे. त्यामुळे हॉटेल पाटील पॅलेस लवकरच नावारुपास येईल, असे गौरवोद्‌गारही त्यांनी काढले.

व्हीएस न्युज - लग्नाच्या कारणावरुन झालेल्या वादातून प्रियकरानेच प्रेयसीचा खून केल्याची घटना एच ए कॉलनी पिंपरी येथे घडली. किरण अरुण काते (वय २३, रा. महात्मा फुलेनगर झोपडपट्टी, एमआयडीसी, भोसरी) असे खून झालेल्या तरुणीचे नाव आहे. या प्रकरणी आरोपी अक्षय विनायक लाखे (वय २०, रा. भोरमळा, जुना ओरा रोड, नाशिक) याला अटक करण्यात आली आहे.

या प्रकरणी तरुणीचा मामा रविंद्र दामोदर ससाणे (वय ३८, रा. महात्मा फुलेनगर झोपडपट्टी, एमआयडीसी, भोसरी) यांनी फिर्याद दिली आहे.

पोलिसांनकडूक मिळालेल्या माहितीनुसार , किरण काते आणि अक्षय विनायक लाखे यांच्यात प्रेमसंबंध होते. बुधवारी रात्री ते भेटले असता त्यांच्यात लग्नाच्या कारणावरुन भांडण झाले. त्यावेळी आरोपी अक्षयने किरण हिचा एचए कॉलनीतील बंगला नंबर एफ २ येथे गळा दाबून व डोक्यात वीट घालून खून केला.

ही घटना गुरुवारी सकाळी उघडकीस आली. त्यानंतर घटनेची माहिती कळताच पोलीस उपायुक्त स्मार्तना पाटील, पिंपरी पोलिस स्टेशनचे वरिष्ठ पोलीस निरीक्षक कल्याण पवार, पोलीस निरीक्षक गुन्हे रंगनाथ उंडे, सहाय्यक पोलीस निरीक्षक अन्सार शेख, पोलीस उपनिरीक्षक हरिदास बोचरे आदींनी घटनास्थळी धाव घेतली.

पोलिसांना घटनास्थळी सापडलेल्या मोबाईल वरून मिळालेल्या माहितीनुसार तपास केला असता आरोपी किरण राहत असलेल्या वस्तीतील लोकांकडे चौकशी करुन माहिती घेतली असता अक्षय हा किरणला बुधवारी भेटला असल्याचे समोर आले. तसेच तो बुधवारी रात्री महात्मा फुलेनगर झोपडपट्टी येथे बहिणीकडे आला होता, अशीही माहिती मिळाली. त्यानंतर लगेचेच पोलिसांनी आरोपीच्या बहिणीकडे चौकशी केली असता अक्षय हा नाशिकला जाण्यासाठी नाशिकफाटा येथे गेला असल्याची माहिती मिळाली. त्यानंतर पोलीस पथक तातडीने नाशिक फाटा येथे गेले असता आरोपी अक्षय हा शिवशाही बसमध्ये बसला असल्याचे दिसून आले. त्यानंतर त्याला ताब्यात घेत त्याच्याकडे कसून चौकशी केली असता त्याने गुन्ह्याची कबुली दिली.

ही कामगिरी वरिष्ठ निरिक्षक कल्याण पवार, निरिक्षक रंगनाथ उंडे, सहायक निरिक्षक अन्सार शेख, उपनिरिक्षक हरिदास बोचरे, उत्कर्षा देशमुख, कर्मचारी राजेंद्र भोसले, आजिनाथ सरक, रमेजा गोलंदाज, प्रतिभा मुळे, रोहित पिंजरकर, अविनाश देशमुख, सुहास डंगारे, नामदेव राऊत यांच्या पथकाने केली.