व्हीएस न्यूज - पीएमपीएमएल बसची वाट पाहत थांबलेल्या तरूणाला अज्ञात टेम्पोने जोरदार धडक दिली. यामध्ये तरूणाचा गंभीर जखमी होऊन मृत्यू झाला. ही घटना बुधवारी सकाळी नऊ वाजता मुंबई-बेंगलोर हायवेवर म्हाळुंगे- बालेवाडी येथे घडली. गणेश पंडीत कांरडे (वय-22, रा. कामदनी अपार्टमेंट, बालेवाडी) असे मृत्यू झालेल्या तरूणाचे नाव आहे. याप्रकरणी अर्जुन कांबळे (वय-28, रा. बालेवाडी) यांनी फिर्याद दिली आहे. पोलीसांनी दिलेल्या माहितीनुसार, गणेश बुधवारी सकाळी मुंबई-बेंगलोर हायवेवर म्हाळुंगे येथील पीएमपीएमएल बस थांब्यावर बसची वाट पाहत थांबला होता. भरधाव वेगाने आलेल्या टेम्पोने गणेशला जोरदार धडक दिली. गंभीर जखमी झालेल्या गणेशचा जागीच मृत्यू झाला. टेम्पो चालकाने घटनास्थळी न थांबता पसार झाला. पोलीस निरीक्षक धुमाळ अधिक तपास करत आहेत.

व्हीएस न्यूज - दहशत निर्माण करणारा व पिंपरी पोलीस ठाण्यात विविध गंभीर गुन्हे दाखल असलेला सराईत गुन्हेगार अमर नानासाहेब चव्हाण (वय-20, रा. इंदिरानगर, चिंचवड) याच्यावर पोलीस आयुक्त रश्मी शुक्ला यांनी एमपीडीए अंतर्गत गुरूवारी कारवाई केली.
सराईत गुन्हेगार चव्हाण हा पिंपरी परिसरात गेल्या काही दिवसांपासून दहशत माजवित होता. चव्हाणवर विविध गंभीर गुन्हे दाखल आहेत. पिंपरीतील कायदा व सुव्यवस्था अबाधित ठेवण्यासाठी त्याच्यावर एमपीडीए कायद्यान्वये कारवाई करण्याची शिफारस पिंपरी पोलीस ठाण्याचे वरिष्ठ पोलीस निरीक्षक डॉ. विवेक मुगळीकर यांनी पोलीस आयुक्त रश्मी शुक्ला यांच्याकडे केली होती. त्यानुसार शुक्ला यांनी सराईत गुन्हेगार चव्हाणवर एमपीडीए अंतर्गत कारवाई केली आहे. चव्हाण एका गुन्ह्याप्रकरणी येरवडा जेलमध्ये शिक्षा भोगत आहे.

व्हीएस न्यूज - पिंपरीतील सराईत गुन्हेगारावर गोळीबार करणाया दहा आरोपींवर महाराष्ट्र संघटीत गुन्हेगारी नियंत्रण कायद्या (मोक्का) अंतर्गत कारवाई करण्यात आली आहे. विकी शंकलिंग सुतार (वय23),बाबुराव सोमलिंग पाटील (वय 20), प्रतिक सुरेश वाघेरे (वय 21),बबलु महाविर पाल (वय 31), रितेश उर्फ छोटू दिनेश लिंगावत (वय21), सचिन दत्तु नढे (वय 23), अविनाश दत्तु नढे (वय 28), विजय अरूण नढे (वय 27) राहुल कैलास विश्वकर्मा (वय21) अशी मोक्काअंतर्गत कारवाई केलेल्या आरोपींची नावे आहेत. या गुन्ह्यात एका वर्षीय अल्पवयीन मुलालाही ताब्यात घेण्यात आले होते. 15सप्टेंबर 2015 रोजी संतोष अशोक कुरवत (वय 32, रा. काळेवाडी) या सराईत गुन्हेगारावर महापालिका निवडणुकीतील भांडणातून आरोपींनी पिस्तुलातून गोळीबार केला. या हल्ल्यात चार गोळ्य़ा झाडल्याने कुरवत गंभीर जखमी झाला. आरोपींवर मोक्का अंतर्गत कारवाई करण्याबाबतचा अहवाल पोलीस आयुक्त रश्मी शुक्ला यांच्याकडे पाठविण्यात आला होता. त्यास शुक्ला यांनी बुधवारी मंजुरी दिली, अशी माहिती पिंपरी पोलीस ठाण्याचे वरिष्ठ पोलीस निरीक्षक डॉ. विवेक मुगळीकर यांनी दिली.

व्हीएस न्यूज - पिंपरी चिंचवड एज्युकेशन ट्रस्टच्या (पीसीईटी) रावेत येथील पिंपरी चिंचवड अभियांत्रिकी महाविद्यालय आणि संशोधन केंद्र (पीसीसीओईआर) येथे शुक्रवारी (दि. 12 जानेवारी) ‘इंडिया बुक ऑफ रेकॉर्ड’चे आयोजन करण्यात आले आहे. या कार्यक्रमात एका दिवसात कमीतकमी वेळेत बहुतांश कॉपीराईटची नोंदणी करण्यात येणार आहे. यावेळी अभियांत्रिकीचे विद्यार्थी व शिक्षक आपले संशोधन प्रकल्प अहवाल कॉपीराईटसाठी ऑन लाईन पध्दतीने नोंदणी करणार आहेत. अशा पध्दतीचे रेकॉर्ड आतापर्यंत झालेले नाही. अशी माहिती पीसीसीओईआरचे प्राचार्य डॉ. हरिष तिवारी यांनी माहिती दिली. यावेळी सावित्रीबाई फुले पुणे विद्यापीठाचे उप कुलसचिव प्रमोद भडकवडे, सहाय्यक संचालक तंत्रशिक्षण विभाग पुणेचे आर.पी. गायकवाड, जीपीपीचे संगणक विभाग प्रमुख यु.वी.कोकाटे आदी उपस्थित राहणार आहेत. प्रा. हरिष तिवारी व डॉ. अर्चना चौगुले मार्गदर्शन करणार आहेत. पीसीसीओईआरने नावाप्रमाणेच संशोधन क्षेत्रात मोठी झेप घेत मागील वर्षापासून पंच्चाहत्तर पेटंट आणि पंधरा कॉपीराईट नोंदविले आहेत.

व्हीएस न्यूज - पोलिसांच्या गणवेषाची आणि जबाबदारीची जाणिव वेळोवेळी वरिष्ठांनी करुन दिली. त्यामुळे नेहमी सामाजिक दृष्टीकोन डोळ्यापुढे ठेवून निर्णय घेतले. अशी भावना निवृत्त सहाय्यक पोलिस आयुक्त इसाक बागवान यांनी व्यक्त केली.

आकुर्डीतील बीना एज्युकेशन सोसायटीच्या वतीने 2017 चा कौमी एकता (राष्ट्रीय एकात्मता) पुरस्कार मुंबईचे निवृत्त सहाय्यक पोलिस आयुक्त इसाक इब्राहीम बागवान यांना कर्नल इर्षाद अहमद खान यांच्या हस्ते प्रदान करण्यात आला. यावेळी पोलिस उपायुक्त गणेश शिंदे, सहाय्यक पोलिस आयुक्त सतिश पाटील, संस्थेचे संस्थापक अध्यक्ष इकबाल खान, सचिव रफीक आतार, मुख्याध्यापिका समीना मोमीन, खजिनदार हमजा खान, सरचिटणीस आझम खान, विश्वस्त मतलूब उस्मानी, अकमल खान, अब्दुलाह खान, ॲड. कुंडलीक गावडे आदी उपस्थित होते. बागवान म्हणाले की, बारामतीमध्ये शेतकरी कुंटूंबात माझा जन्म झाला. वडीलाच्या कडक शिस्तीमुळे लहानपणापासूनच व्यायामाची सवय लागली. शालेय जीवनात पोलिसांचा गणवेष आणि त्यांचा रुबाब मला आकर्षित करीत होता. त्यामुळे मी शालेय व महाविद्यालयीन काळात एनसीसीमध्ये सहभाग घेतला. पोलिस खात्यात भरती झाल्यानंतर मधूकर झेंडेंसारख्या वरिष्ठांकडून खूप शिकायला मिळले व सामाजिक जबाबदारीची जाणिव झाली. त्यातूनच समाजाला वेठीस धरणा-या मन्या सुर्वे या गुंडाचा एन्काऊंटर केला. वरिष्ठांच्या मार्गदर्शनाखाली पोलिस सापळा लावून 26/11 च्या हल्ल्यात साडेतीनशे निरपराध नागरिकांचे प्राण वाचवू शकलो. माझे वरिष्ठ अधिकारी मधूकर झेंडे आणि डॉ. वेंकटेश या कडक शिस्तीच्या अधिका-यांबरोबर काम करण्याची संधी मिळाली. त्यामुळे माझा निवृत्तीनंतर तिसरे राष्ट्रपती पारितोषिक देऊन सन्मान करण्यात आला. असेही बागवान यांनी सांगितले. कार्यक्रमाचे अध्यक्ष कर्नल इर्षाद अहमद खान मार्गदर्शन करताना म्हणाले की, शालेय जीवनातच विद्यार्थ्यांमध्ये राष्ट्रीय एकात्मतेची भावना वाढीस लावण्यासाठी बीना इंग्लिश मिडीअम स्कूल सारख्या संस्था काम करतात. यातूनच सर्व जाती धर्मांचा आदर करणारी सुसंस्कृत पिढी घडेल असा मला विश्वास आहे. यावेळी विद्यार्थ्यांनी जीएसटी, नोटाबंदी,महागाई, बालमजूरी, 26/11 हल्ला, महिला व लहान मुलांची तस्करी आणि राष्ट्रीय एकात्मता याविषयावर नाटीका सादर केल्या. स्वागत इकबाल खान, सूत्रसंचालन रफीक आतार आणि आभार समिना मोमीन यांनी मानले.

व्हीएस न्यूज - पिंपळे सौदागर येथील शिवार रोडवरील रोझलँड रेसिडेन्सी सोसायटी शेजारी पिंपरी चिंचवड महापालिकेकडून प्रशस्त उद्यान उभारण्यात येत आहे. या उद्यानाला राजमाता जिजाऊ असे नाव देण्यात यावे अशी मागणी राष्ट्रवादीचे नगरसेवक नाना काटे यांनी केली आहे.

नाना काटे यांनी याबाबत ड प्रभाग अध्यक्षांकडे निवेदनाव्दारे मागणी केली आहे. त्यात म्हटले आहे की, पिंपळे सौदागर येथील सर्व्हे नं.१३०,१३२,१३३,१३४ मधील महापालिका उद्यानांसाठी आरक्षण क्र.३७१ ब प्रमाणे २.०० हेक्टर जागेत प्रशस्त उद्यान तयार करण्याचे काम प्रगतीपथावर आहे. पिंपळे सौदागर येथील हे सर्वात मोठे व सर्व सोयीनी युक्त असे उद्यान होणार आहे. यामध्ये वैशिष्ट्य पूर्ण कारंजे, लहान मुलांसाठी खेळायचे हिरवळ युक्त मैदान, जॉगिंग ट्रँक, हास्य क्लब परिसर, मिनी ट्रेन, ध्यानधारना करण्यासाठी जागा, रंगी बेरंगी छोटे रोपटे, हस्त कला दालन, बोटिंग सहल केंद्र अशी अनेक सोयीनीयुक्त उद्यान साकारण्यात येत आहे.

या उद्यानामुळे पिंपळे सौदागरच्या शिरपेचात आणखी एक भर पडणार आहे. अशा या उद्यानाला राजमाता जिजाऊ उद्यान असे नाव देण्यात यावे. अशा मागणीचे नगरसेवक नाना काटे यांनी ड प्रभाग समिती सभेमध्ये अध्यक्षाना पत्र दिले आहे.

व्हीएस न्यूज - जेष्ठ सिने अभिनेते ऋषी कपूर व अभिनेते रणधीर कपूर यांच्या हस्ते १६ व्या पुणे इंटरनॅशनल फिल्म फेस्टिवल या विस्तारित चित्रपट महोत्सवाचे चिंचवड येथे शुक्रवार दि.१२ जानेवारी सायंकाळी ६.३० वाजता होणार असल्याची माहिती महापौर नितीन काळजे यांनी पत्रकार परिषदेत दिली.

पिंपरी येथे झालेल्या या पत्रकार परिषदेला आयुक्त श्रावण हर्डीकर, सत्तारूढ पक्षनेते एकनाथ पवार, स्थायी समिती सभापती सीमा सावळे, उपमहापौर शैलजा मोरे, नगरसेविका भीमाताई फुगे, सहशहर अभियंता प्रविण तुपे, आदी उपस्थित होते.

पुणे फिल्म फाऊंडेशन, महाराष्ट्र शासन आणि पिंपरी चिंचवड महापालिका यांच्या संयुक्त विद्यमाने आयोजित १६ वा पुणे इंटरनॅशनल फिल्म फेस्टिवल या विस्तारित चित्रपट महोत्सवाचे पिंपरी चिंचवड विभागातील उद्घाटन शुक्रवार दि.१२ जानेवारी रोजी सायंकाळी ६.३० वाजता होणार आहे. जेष्ठ सिने अभिनेते ऋषी कपूर व अभिनेते रणधीर कपूर यांच्या हस्ते होणार उद्घाटन होणार असून यावेळी पिफ चे अध्यक्ष व संचालक डॉ. जब्बार पटेल उपस्थित राहणार आहेत. या उद्घाटन कार्यक्रमापूर्वी सायं. ५ वाजता पुण्यातील नामवंत गायक विवेक पांडे व गायिका कोमल, निवेदक घनशाम अग्रवाल व संगीत संयोजन चिंतन मोढा यांचा सुमधुर गीतांचा कार्यक्रम होणार आहे. उद्घाटन कार्यक्रमानंतर पुनश्च उर्वरित सुमधुर गीतांचा कार्यक्रम होणार असून, त्यानंतर लगेचच सायलेंट मिस्ट व सिक्रेट इनग्रिडीएन्ट हे जागतिक स्तरावरील प्रसिध्द चित्रपट दाखविण्यात येणार आहे.

दि.१३ ते १८ जानेवारी दरम्यान या पुणे इंटरनॅशनल फिल्म फेस्टिवलमध्ये विविध भाषेतील व देशातील एकूण ४६ चित्रपट तसेच ५ प्रदर्शित न झालेले मराठी चित्रपट कार्निव्हल सिनेमा चिंचवड येथील स्क्रीन नं. ३ व ४ मध्ये दाखविण्यात येणार आहेत. तरी शहरातील जास्तीजास्त नागरिकांनी या पर्वणीचा लाभ घ्यावा असे आवाहन महापौर नितीन काळजे यांनी केले आहे.

व्हीएस न्यूज - भोसरी गावचे ज्येष्ठ नागरिक पै. आनंदा (आण्णा) धोंडीबा लांडगे (वय 76 वर्षे) यांचे मंगळवारी (दि. 9 जानेवारी) राहत्या घरी वृध्दापकाळाने निधन झाले. त्यांच्या मागे पत्नी, तीन मुले, एक विवाहित कन्या, सुना, नातवंडे असा परिवार आहे. पिंपरी चिंचवड श्रमिक पत्रकार संघाचे अध्यक्ष व दैनिक महाराष्ट्र टाइम्सच्या पिंपरी कार्यालयाचे मुख्य वार्ताहर सुनिल लांडगे यांचे ते वडील होत.

भोसरीतील स्मशानभूमित मंगळवारी दुपारी आनंदा लांडगे यांच्या अंत्यसंस्कार प्रसंगी खासदार श्रीरंग बारणे, आमदार महेश लांडगे, माजी आमदार ज्ञानेश्वर लांडगे, विलास लांडे, ज्येष्ठ माजी नगरसेवक वसंत लोंढे, पिंपरी चिंचवड श्रमिक पत्रकार संघाचे माजी अध्यक्ष नंदकुमार सातुर्डेकर, पवना सहकारी बँकेचे उपाध्यक्ष जयनाथ काटे आदींनी त्यांना श्रध्दांजली वाहिली. यावेळी पिंपरी चिंचवड शहरातील अनेक नगरसेवक, नगरसेविका आणि शिक्षण,सामाजिक, राजकीय, सहकार, शेती, उद्योग, व्यवसाय, व्यापार क्षेत्रातील बहुसंख्य नागरिक उपस्थित होते.

' स्पंदन - २०१८' वार्षिक पारितोषिक वितरण समारंभ संपन्न

व्हीएस न्यूज - ' विद्यार्थी हा देशाच्या विकासातील अविभाज्य घटक आहे.स्पर्धेत टिकून राहाण्यासाठी अभ्यासाबरोबरच क्रीडा स्पर्धांमुळे विद्यार्थ्यांचा शारीरिक व मानसिक विकास होण्यास मदत होते. ' असे प्रतिपादन सावित्रीबाई फुले पुणे विद्यापीठाचे कुलगुरू डॉ. नितीन करमळकर यांनी केले. ताथवडे येथील बालाजी कॉलेज ऑफ आर्टस्, कॉमर्स अँड सायन्सच्या 'स्पंदन - २०१८' या वार्षिक पारितोषिक वितरण समारंभाचे उदघाटन त्यांच्या हस्ते करण्यात आले. कुलगुरूंच्या हस्ते यावेळी विविध क्रीडाप्रकारांमधील विजयी संघ,शंभर टक्के उपस्थिती, वार्षिक परीक्षेमध्ये प्रथम क्रमांक मिळवणारे विद्यार्थी अशा ८० विद्यार्थ्यांना पारितोषिके आणि प्रशस्ती पत्रके देण्यात आली.बालाजी कॉलेजमधील शिस्त, अभ्यास पद्धतीचे त्यांनी यावेळी कौतुक केले.संस्थापक कर्नल डॉ ए.बालसुब्रमान्यम यांच्या अध्यक्षतेखाली महाविद्यालयाचा हा वार्षिक पारितोषिक वितरण समारंभ आयोजित करण्यात आला होता.

संचालक डॉ.जी.के.शिरुडे यांनी पाहुण्यांचे स्वागत केले. प्राचार्य डॉ.गणपतराव शितोळे, महाविद्यालय विकास समितीच्या अध्यक्षा डॉ. डिम्पल सैनी यांनी प्रास्ताविक केले. प्रा.अरुण वानखडे, प्रा.मोनिका कुलकर्णी यांनी नियोजन केले. तर डॉ.जयश्री नाम्बियार यांनी उपस्थितांचे आभार मानले.

व्हीएस न्यूज - पंक्चर झालेल्या मोटारीचे टायर बदलण्यास मदतीचा बहाणा करून एका टोळक्याने चालकाला मारहाण करीत त्यांच्याकडील बारा हजार रूपये किंमतीचा मोबाईल जबरदस्तीने हिसकावून नेला. हा प्रकार रविवारी रात्री साडेअकरा वाजता बाणेर येथे मर्चिडीस बेंझ शोरूम समोर घडला. याप्रकरणी दोघांना अटक केली असून एक अल्पवयीन मुलाला ताब्यात घेण्यात आले आहे.
सागर उत्तम तडाके (वय-20, रा. काळभोरनगर, आकुर्डी), अशोक ऊर्फ खंड्या जाधव (वय-20, रा. इंदिरानगर वसाहत, चिंचवड स्टेशन) असे अटक केलेल्या दोन आरोपींची नावे आहेत. 17 वर्षीय अल्पवनीय मुलाला ताब्यात घेण्यात आले असून त्याचे दोन साथीदार फरार आहेत. याप्रकरणी सचिन ढावरे (वय-23, रा. अशोकनगर, ताथवडे) याने हिंजवडी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, सचिन याची मोटार रविवारी रात्री साडेअकरा वाजता बाणेर येथील मर्चिडीझ बॅझ शोरूम समोर पंक्चर झाली. त्यावेळी ते पंक्चर झालेले टायर बदलत असताना दोन दुचाकीवरून आलेल्या पाच आरोपींनी त्याला मदतीचा बहाणा केला. सचिनला आरोपीने मारहाण करत त्याच्या खिशातील 12 हजार रूपये किंमतीचा मोबाईल घेवून आरोपी पसार झाले. सचिनने त्वरीत 100 नंबरवर फोन केल्यानंतर पोलीसांनी आरोपींचा पाठलाग करत तिघांना ताब्यात घेतले. तर दोन आरोपी पळून जाण्यात यशस्वी झाले. फौजदार एम. के. आबनावे अधिक तपास करत आहेत.
...Read More

व्हीएस न्यूज - 11 जणांच्या टोळक्याने हातात तलवारी, काड्या, सिमेंट ब्लॉकने दहशत माजवित सहा गाड्यांची, घरांच्या काचांची तोडफोड केली. ही घटना रामनगरमधील सैनिक वसाहत परिसरात सोमवारी रात्री साडेदहा ते अकराच्या दरम्यान घडली. पोलिसांनी याप्रकरणी दोघांना अटक केली आहे. चोवीस तासात वाहन तोडफोडीच्या तीन घटना घडल्यामुळे नागरिकांमध्ये भितीचे वातावरण आहे.
सागर दत्तु नलावडे (वय 21, रा. रामनगर), सागर गणेश भिसे (वय 19, रा. दत्तनगर) असे अटक करण्यात आलेल्या आरोपींची नावे आहेत. विनोद राकेश पवार, पवन विष्णू लष्करे, सुरज गायकवाड, अजय विश्वनाथ ओव्हाळ, वैभव ओव्हाळ, सागर सातकर, अभिषेक गाणगाव, निसार शेख, युवराज माने (सर्व राहणार चिंचवड) हे फरार आहेत. याप्रकरणी आण्णासाहेब माधवराव शिरसाट (वय-60 रा. रामनगर चिंचवड) यांनी पिंपरी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, मोहननगर परिसरात सोमवारी रात्री टोळक्यांनी परिसात दहशत निर्माण करण्यासाठी वाहनांची तोडफोड केली. या टोळक्याने तलवार, लाठ्या आणि सिमेंटच्या गट्टूच्या सहाय्याने वाहनांची तोडफोड केली. यामध्ये सहा गाड्या फोडल्या असून 23 हजार 400 रुपयांचे नुकसान झाले. फिर्यादी यांच्याकडील अडीच हजार रुपये या टोळक्याने तलवारीच्या धाकाने काढून घेतले. पिंपरी पोलीस फरार आरोपींचा कसोशिने तपास करत आहेत.
...Read More