व्हीएस न्यूज - पिंपरी चिंचवड महानगरपालिकेच्या वतीने संत सेवालाल महाराज यांच्या जयंतीनिमित्त त्यांच्या प्रतिमेस नगरसदस्या अनुराधा गोरखे व सह आयुक्त दिलिप गावडे यांच्या हस्ते पुष्पहार अर्पण करूण अभिवादन करण्यात आले.
यावेळी सहाय्यक आयुक्त आशा देवी दुरगुडे व अण्णा बोदडे यांच्या हस्तेही संत सेवालाल महाराज यांच्या प्रतिमेस पुष्पाजली अर्पण करण्यात आली. या जयंतीनिमित्त माहिती व जनसंपर्कचे किशोर केदारी, संतोष जाधव, आकाश चव्हाण, बंजारा समाजाचे सामाजिक कार्यकर्ते नंदुभाऊ राठोड, गुलाब राठोड व रवि गोरसिकवाडी कर्मचारी रवि राठोड, बालाजी रोठोड, सीताराम राठोड व रावसाहेब राठोड आदि उपस्थित होते.
...Read More

व्हीएस न्यूज - पिंपरी चिंचवड महापालिकेच्या वतीने क्रांतीवीर वासुदेव बळवंत फडके व लहूजी वस्ताद साळवे यांच्या पुण्यतिथी निमित्तचिंचवड स्टेशन येथील त्यांच्या पुतळ्यास सत्तारुढ पक्षनेते एकनाथ पवार, नगरसदस्या अनुराधा गोरखे यांच्या हस्ते पुष्पहार अर्पण करून अभिवादन करण्यात
आले.
यावेळी माजी नगरसदस्य राम पात्रे, सह आयुक्त दिलिप गावडे, सहाय्यक आयुक्त अण्णा बोदडे, सहाय्यक आरोग्याधिकारी एम.एम.शिंदे सामाजिक कार्यकर्ते नितीन घोलप, भाऊसाहेब अडागळे, अण्णासाहेब कसबे, संदिप जाधव, आबाजी भवाळ, विलास डोलारे, अरुण जगताप, उमेश शिंदे, राजू ओव्हाळ, भरत जगताप, ज्ञानेश्वर पोळ, दादा कसबे, माहिती व जनसंपर्कचे किशोर केदारी आदी मान्यवर उपस्थित होते.
...Read More

व्हीएस न्यूज - पिंपरी-चिंचवड शहरवासियांवर सत्ताधारी भाजपने अन्यायाकारक पध्दतीने पाणीपट्टीची दरवाढ केली आहे. ही दरवाढ त्वरीत रद्द करावी, अशी मागणी भारिप बहुजन महासंघाचे अध्यक्ष देवेंद्र तायडे यांनी केली आहे.
याबाबत त्यांनी महापलिका आयुक्त श्रावण हर्डीकर यांना निवेदन दिले आहे. त्यात म्हटले आहे की, पाणीपट्टीची अन्यायकारक दरवाढ जनतेवर लादू नका. पवना बंदिस्त पाईप लाईनसाठी जागा ताब्यात नसताना करोडो रूपयांचा खर्च करण्यात आला. ते पैसे तत्कालीन अधिकाऱ्यांकडून वसूल करावा, अशी मागणीही तायडे यांच्यासह गुलाब पानपाटील, राजेंद्र साळवे, विष्णु सरपदे, विनोद जाधव, गौतम जगभार आदींनी केली आहे.
...Read More

व्हीएस न्यूज - पिंपरी-चिंचवड चेंबर ऑफ इंडस्ट्रीज कॉमर्स सर्व्हिसेस ऍण्ड ऍग्रीकल्चरचा दहावा वर्धापन दिन नुकताच मोठ्या उत्साहात चिंचवड येथे साजरा करण्यात आला.
यावेळी चेंबरचे संस्थापक आणि अध्यक्ष ऍड. आप्पासाहेब शिंदे, सचिव रंगनाथ गोडगे-पाटील, चेंबरचे रामदास माने, प्रदिप वैद्य, विश्वास जगताप, व्हि. एस. काळभोर, जयंत कड, प्रमोद राणे, योगेश बाबर, विनोद बंन्सल आदी उपस्थित होते.
अध्यक्ष ऍड. शिंदे यांनी एमआयडीसीला स्वतंत्र औद्योगिक दर्जा का द्यावा लागेल, याबाबत सविस्तर माहिती दिली.
...Read More

व्हीएस न्यूज - चिंचवड येथील नॉव्हेल इंटरनॅशनल स्कूल आणि कनिष्ठ महाविद्यालयात करिअर मार्गदर्शन मेळावा शुक्रवारी पार पडला. बारावीनंतर पुढील क्षेत्र कसे निवडायचे. परदेशात करिअरच्या कोणत्या विविध संधी उपलब्ध होतील. त्यासाठी कोणता शैक्षणिक अभ्यास करणे गरजेचे आहे. याबद्दलचे मोफत मार्गदर्शन विद्यार्थ्यांना 11 अमेरिकन युनिर्व्हसिटीच्या प्रतिनिधींनी केले. या करिअर मार्गदर्शन मेळाव्याला विद्यार्थी व पालकांचा अतिशय उत्तम प्रतिसाद मिळाला.
या मेळाव्याला पेनसिल्व्हानिया स्टेटच्या असोसिएट डायरेक्टर सुप्रिया कानेटकर यांच्यासह अबर्न मार्केटिंग मॅनेजर करण ललिल, रिक्रूटमेंट मॅनेजर हर्ष जोशी, अबर्न ऍकॅडमिक कौन्सिलर भाग्यश्री, संचालिका रिबेका बहन, रिद्धी मेहता, कॅसोलिन क्लाप्सी, ग्रॅंड व्हॅली स्टेट युनिव्हर्सिटीचे ख्रिस्तोफर हेंड्री, जॉन्सन कॉलेजचे समन्वयक डर्बन चेस, जॉक्सन मिशीगन, आफरीन नाझ, नुपूर खुराना आदी उपस्थित होते. या करिअर मेळाव्यात अकरावी व बारावी वाणिज्य शाखा व विज्ञान शाखेच्या विद्यार्थ्यांबरोबर त्यांचे पालकही उपस्थित होते.
संयोजिका सुप्रिया कानिटकर म्हणाल्या की, पुण्याच्या महाविद्यालयात आम्ही प्रथमच अशा करिअर मार्गदर्शन मेळाव्याचे आयोजन करीत आहोत. आम्हाला विद्यार्थी व पालकांकडून अतिशय उत्तम प्रतिसाद मिळत आहे. भारतीय विद्यार्थ्यांचे विविध क्षेत्रातील कौशल्य व बुद्धिमत्ता लक्षात घेता अमेरिकन युनिर्व्हसिटीज या अशाच उत्तमोत्तम कौशल्य व बुद्धिमत्ता असलेल्या विद्यार्थ्यांच्या शोधात असतात. विद्यार्थी आणि पालकांचा मेळाव्यासाठी मिळालेल्या उत्तम प्रतिसादामुळे दरवर्षी, असे मेळावे घेतले जातील. ज्यामुळे विद्यार्थ्यांना त्यांच्या पुढील क्षेत्रातील दिशा ठरवण्यासाठी योग्य मार्गदर्शन व संधी मिळेल. नॉव्हेल महाविद्यालयाने दिलेल्या पाठींब्यामुळे त्यांनी शाळेचे संस्थापक अध्यक्ष अमित गोरखे यांचे आभार मानले. यावेळी नॉव्हेल संस्थेचे संस्थापक अध्यक्ष अमित गोरखे व प्राचार्या डॉ. कांचन देशपांडे उपस्थित होत्या.

व्हीएस न्यूज - हातगाडी व पथारीधारकांचे पुर्नवसन करावे मागणीसाठी खडकी येथील कॅंटोन्मेंट बोर्डाच्या कार्यालयासमोर गुरुवारी समाजवादी पक्षाच्या कार्यकर्त्यांनी धरणे आंदोलन केले. समाजवादी पक्षाचे पिंपरी चिंचवड शहराध्यक्ष रफिक कुरेशी व खडकी विभाग अध्यक्ष विलास कांबळे यांच्या नेतृत्वाखाली हे आंदोलन झाले. रवी यादव, सालार शेख, रामरुप यादव, मोहम्मद खान, रमेश शाहू, लक्ष्मी परदेशी, सलिमा शेख, माधवी पिल्ले, रेखा कांबळे, संतोषी चौधरी, रशिदा इराणी, अस्मिता स्वामी, अमृत पिल्ले आदी व्यावसायिक आंदोलनात सहभागी झाले होते. हातगाडी व पथारीधारकांचे योग्य ठिकाणी योग्य प्रकारे पुर्नवसन केले जावे अशी त्यांची मागणी होती.
मागील वर्षभरापासून कॅंटोन्मेंट बोर्ड वाहतुकीस अडथळा ठरणाऱ्या हातगाडी व पथारी व्यवसायिकांवर कारवाई करीत आहे. यातील बाधित व्यवसायिकांना जुन्या पाण्याच्या टाकीजवळ जागा उपलब्ध करुन देण्यात आली होती. मात्र तेथे व्यवसाय नीट चालत नसल्याने पूर्वीच्याच गोलमार्केट, टिकाराम चौक या ठिकाणी व्यवसाय करण्यास परवानगी द्यावी अशी मागणी समाजवादी पक्षाने केली आहे. कॅंटोन्मेंट सदस्य दुर्योधन भापकर व हातगाडी संघटनेचे अध्यक्ष भरत ठाकूर यांनी आंदोलनकर्त्यांची भेट घेऊन या प्रकरणी मार्ग काढण्याचे आश्वासन दिले.
...Read More

व्हीएस न्यूज - तामिळनाडू मधील सेलम येथे नुकत्याच पार पडलेल्या सहाव्या राष्ट्रीय सिनियर (मेन) चेस बॉक्‍सिंग स्पर्धेत शहरातील राष्ट्रीय खेळाडू राहुल धोत्रे याने ९० किलो वजनगटात सुवर्णपदक पटकाविले. यामुळे त्याची आंतरराष्ट्रीय चेस बॉक्‍सिंग स्पर्धेसाठी भारतीय संघात निवड झाली आहे.

आंतरराष्ट्रीय चेस बॉक्‍सिंग स्पर्धा जुलै २०१८ मध्ये होणार असून या स्पर्धांसाठी निवड होणारा राहुल शहरातील राहुल धोत्रे यांनी पहिला खेळाडू आहे. राहुल हा पिंपरीतील दि.सेवा विकास को ऑप बँक पिंपरीमध्ये काम करतो. बँकेचे अध्यक्ष अँड. अमर मुलचंदानी व सर्व संचालक व कर्मचारी यांनी त्याचे अभिनंदन केले. क्रीडा प्रशिक्षक आंतरराष्ट्रीय चेस बॉक्‍सर कृष्णा सोहनी यांचे वेळोवेळी मार्गदर्शन लाभले आहे. या यशाबद्दल राहुलचे विविध स्तरांमधून कौतुक होत आहे. सुरुवातीपासून खेळाची आवड असल्याने, राहुलने नोकरी करत असताना देखील खेळाकडे दुर्लक्ष होऊ दिले नाही. त्याला बँकेच्या संचालक मंडळाने प्रोत्साहन देत सहकार्य केले.

व्हीएस न्यूज - मावळचे खासदार श्रीरंग बारणे यांच्या वाढदिवसाचे औचित्यसाधुन पनवेल, उरण, खालापुर कर्जत भागातील सामाजिक श्रेत्रातील क्रिडा, वारकरी संप्रदाय क्षेत्रात उल्लेखनीय कार्य केलेल्या व्यक्तींचा जिवन गौरव पुरस्कार देऊन सन्मानित करण्यात आले. राज्याचे सार्वजनिक बांधकाम मंत्री एकनाथ शिंदे यांच्या हस्ते पनवेल येथे आद्यक्रांतीकार वासुदेव बळवंत फडके नाट्यगृहात हा सोहळा संपन्न झाला. या प्रसंगी खासदार श्रीरंग बारणे, डॉ. श्रीकांत शिंदे, आमदार मनोहरशेठ भोईर, किशोरी पेडणेकर, बबन पाटील, रेखा ठाकरे आदी उपस्थित होते.

यावेळी एकनाथ शिंदे यांच्या हस्ते श्रीरंग बारणे यांचा नागरी सत्कार करण्यात आला. त्यानंतर एकनाथ शिंदे म्हणाले मावळ मतदार संघ घाटावर व घाटाखाली असा जोडला आहे. शहरीभागा बरोबरच ग्रामिण आदिवाशी असा असलेला मतदार संघ खासदार बारणे यांनी प्रचंड मेहनतीने संपर्क ठेऊन बांधला आहे. त्यांचा जनसंपर्क दांडगा असुन त्यांनी अनेक विकासाची कामे मार्गी लावली आहे. लोकसभेतही त्यांचे काम चांगले असुन प्रत्येक प्रश्नांची माहिती घेऊन तो सोडवण्याचा प्रयत्न ते करत आले आहे. लोकसभेतील त्यांच्या कामाबद्दल त्यांना पुरस्कार ही देण्यात आला. ही मावळ लोकसभा मतदार संघातील नागरिकांसाठी अभिमानाची बाब आहे. त्यांच्या वाढदिवसाचे औचित्य साधत समाजामध्ये चांगले काम करणाऱ्या व्यक्तींचा त्यांनी सन्मान केला. ह.भ.प. मारुती महाराज राणे, जी.एम.म्हात्रे, प्रदिप साहेबराव ठाकरे, बळवंत नारायण शिरधणकर, निलम कदम राजपुत, अपर्णा द्वारकानाथ पाटील/ठोंबरे, सिद्धेश हेमंत शिंदे, मधुकर काळूराम धोंगडे, अशोक नारायण जंगले, मा.वि.म. कापरेकर तथा तात्यासाहेब कापरेकर यांचे सामाजिक काम अतिशय चांगले असल्याचे उद्गगार त्यांनी काढले. हे सर्व व्यक्ती अतिशय चांगले काम करतात, त्यांची प्रेरणा सर्वांनी घेतली पाहिजे. सामाजिक कामातील आपले योगदान म्हणजे त्या अर्थाने त्यांचा जिवनाचा गौरव आसल्याचे शिंदे यावेळी म्हणाले.

खासदार बारणे म्हणाले की, रायगड या भागातील नागरीकांनी मला खूप प्रेम दिले. त्यांच्या पाठबळावरच मी लोकसभेत चांगले काम करू शकलो. मी घाटावर असुनही कधीही या भागाकडे दुर्लक्ष केले नाही आणि करणारही नाही. माझ्या वाढदिवसाचे औचित्य साधुन या सर्व मान्यवरांनी सत्कार स्विकारला. हिच प्रेरणा मला माझ्या राजकीय कारकिर्दिला प्रोत्सान देईल. एकनाथ शिंदे यांनी माझा सन्मान केला असुन तो संपुर्ण मावळ लोकसभेतील जनतेचा सन्मान केला असल्याचे उद्गगार त्यांनी काढले. या प्रसंगी मनोहर भोईर, संजय मोरे, किशोरी पेडणेकर यांनीही आपले मनोगत व्यक्त केले. नरेश रहाळकर यांनी आभार प्रदर्शन केले.

व्हीएस न्यूज - केंद्र आणि राज्यात सत्तेत येण्यापूर्वी भाजपने आश्वासनांची खैरात केली होती. आता त्यांना त्यांचा विसर पडलायं. दिल्लीपासून गल्लीपर्यंत भाजपच्या नेत्यांनी जनतेला केवळ आश्वासनांची ‘गाजरं’ दिली होती. त्याचाच निषेध म्हणून पिंपरी चिंचवड राष्ट्रवादी काँग्रेसच्या वतीने आज ‘गाजर डे’ साजरा केला असल्याचे शहराध्यक्ष संजोग वाघेरे पाटील म्हणाले.

पिंपरीतील डॉ.बाबासाहेब आंबेडकर चौकात आज युवती राष्ट्रवादी काँग्रेसच्यावतीने भाजप सरकारच्या निषेधार्थ ‘गाजर डे’ साजरा करण्यात आला. यावेळी शहराध्यक्ष संजोग वाघेरे पाटील, युवती अध्यक्ष वर्षा जगताप, युवक अध्यक्ष विशाल वाकडकर, महिला अध्यक्षा नगरसेविका वैशाली काळभोर, सुलक्षणा शिलवंत, निकीता कदम, कार्याध्यक्ष प्रशांत शितोळे, नगरसेवक पंकज भालेकर, फजल शेख, प्रदेश सरचिटणीस लाला चिंचवडे, विशाल काळभोर, विद्यार्थी आघाडीचे अध्यक्ष सुनिल गव्हाणे, उपाध्यक्ष हर्षवर्धन भोईर, कुणाल थोपटे, सागर तापकीर तसेच मोठ्या संख्येने पदाधिकारी कार्यकर्ते उपस्थित होते.

संजोग वाघेरे पाटील म्हणाले की, गल्लीपासून दिल्लीपर्यंत भाजपने सत्तेेत येण्यापूर्वी अनेक खोट्या घोषणांची ‘गाजरं’ या जनतेला दाखवली होती. तरूणांना नोकरी असेल, किंवा व्यापार्यांचा रोजगार, शेतकरी, विद्यार्थी या सर्वांनाच खोटी आश्वासन दिली होती. पिंपरी चिंचवडबाबत बोलायचं म्हटलं तर मेट्रो निगडीपर्यंत नेण्याचं या भाजप सरकारनं ‘गाजरचं’ दाखवलयं, रिंगरोडच्या बाबतीतही भाजपवाल्यांनी गरिब जनतेची फसवणूकच केली. अनधिकृत बांधकामांचा प्रशेन तर १०० दिवसांत सोडवू असं ‘गाजरचं’ दाखवलं होतं. शास्तीकराचा तर या सत्तेत मस्त झालेल्या भाजपच्या मंडळींना विसरच पडलायं. पाणी फुकट देणार असं ‘गाजर’ दाखवून तिप्पट पाणीकर महापालिकेतील पदाधिकार्यांनी वाढवण्याचा घाट घातलायं. सत्तेत येऊन या भाजपच्या मंडळींनी केवळ आश्वासनांची ‘गाजरचं’ दिली आहेत. खोट्या घोषणांचा केवळ पाऊस पाडलायं म्हणून आज राष्ट्रवादीने या फसव्या सत्ताधार्यांचा निषेध करण्यासाठी ‘गाजर डे’साजरा केला असल्याचे ते म्हणाले.