व्हीएस न्यूज – टाटा मोटर्सची उपकंपनी असलेल्या ताल मॅन्युफॅक्‍चरिंग सोल्युशन कंपनीच्या सुमारे सव्वाशे कामगारांना आठ हजार सहाशे रुपयांची भरीव वेतनवाढ देण्यात आली आहे. टाटा मोटर्स एम्प्लॉईज युनियनचे कामगार प्रतिनिधी आणि व्यवस्थापन यांच्यात हा करारकरण्यात आला. गेली 25 महिने रखडलेला करार अखेर झाल्याने कामगारांना दिलासा मिळाला आहे. हा करार एक सप्टेंबर 2015 ते 31 ऑक्‍टोबर 2018 या तीन वर्षांसाठी असणार आहे.

करारानुसार पगारातील वाढीव रक्‍कम तीन टप्प्यात देण्यात येणार आहे. तसेच प्रत्येक वर्षी फिक्‍स 3400 रुपये वाढ ही देण्यात येणार आहे. त्यानुसार पहिल्या वर्षी 9 हजार 592, दुसऱ्या वर्षी 10 हजार 882 तर तिसऱ्या वर्षी 12 हजार रुपये इतकी वेतनवाढ होणार आहे.

टाटा मोटर्सचे मुख्य कार्यकारी अधिकारी व कार्यकारी संचालक सतीश बोरवणकर, ताल कंपनीचे अध्यक्ष आर.एस.ठाकूर यांच्यामुळे हा करार होऊ शकला. व्यवस्थापनाच्या वतीने मुख्य संचालन अधिकारी अमित भिंगुर्डे, शंतनू सील, सुहास कुलकर्णी आदींनी तर युनियनच्यावतीने अध्यक्ष समीर धुमाळ, कार्याध्यक्ष सतीश काकडे, महासचिव उत्तम चौधरी, तालचे प्रतिनिधी राम भगत, राजेंद्र पाटील आदींनी स्वाक्षरी केली. तांत्रिक सहायक म्हणून संदीप पिंगळे यांनी काम पाहिले.

व्हीएस न्यूज – संभाजीनगर येथील महापालिकेच्या निसर्गकवी बहिणाबाई चौधरी प्राणी संग्रहालयात सीसीटीव्ही कॅमेरे बसविलेले नाहीत. याचाच फायदा घेवून तेथील मानधनावरील अधिकारी व कर्मचाऱ्यांच्या संगनमताने मगरीची पिल्ले, अजगर, मांडूळाच्या चोरीसह त्यांच्याविषाची तस्करी करु लागले आहेत. तसेच, प्राणी संग्रहालयात दिल्ली सेंट्रल झू ऍथोरिटीच्या नियमांची पायमल्ली करुन संबंधित अधिकाऱ्यांस राहण्यास घर उपलब्ध केले आहे. विशेष म्हणजे, सर्पांसाठी खाद्य म्हणून उंदीर खरेदी केली जाते. हाफकिन या संस्थेकडून एक उंदीर 75पैशाला मिळतो. मात्र, जीबी एन्टरप्रायझेस या खासगी संस्थेकडून तब्बल 138 रुपयाला एक उंदीर खरेदी करण्यात येत आहे. यामध्ये संबंधितांनी लाखो रुपयांचा घोटाळा केला आहे, अशी टीका आता होवू लागली आहे.

दरम्यान, उंदीर खरेदी आणि सर्व अनागोंदी कारभाराची सखोल चौकशी करण्याची मागणी लोकशाही संस्थेच्या वतीने आयुक्‍त श्रावण हर्डीकर यांच्याकडे केली आहे. संभाजीनगर (चिंचवड) येथे महापालिकेने निसर्गकवी बहिणाबाई चौधरी प्राणी संग्रहालय उभाण्यात आलेले आहे.त्या प्राणी संग्रहालयाचा राज्याच्या प्राणी संग्रहालय प्राधिकरणात समाविष्ठ करण्यात आलेला आहे. दिल्लीच्या सेंट्रल झू ऍथोरिटीच्या परवानगीने बहिणाबाई चौधरी प्राणी संग्रहालयात स्थापत्य विषयक कामे सुरु करण्यात आली. तसेच पक्षी, प्राणी यांच्या राहणीमानच्या अनुषंगानेसंग्रहालयात विविध बदल करण्यात येवू लागले आहेत. त्यानूसार प्राणी संग्रहालयात ऍनाकोंडा देखील आणण्याची तयारी महापालिकेने दर्शवली होती.

परंतु, त्या ऍनाकोंड्यास राहण्यास योग्य जागा व पुरक वातावरण नसल्याने तो प्रस्ताव अद्याप बारगळला आहे. बहिणाबाई चौधरी प्राणी संग्रहालयातील सुरुवातीच्या काळातील पक्षी, प्राणी अन्यत्र स्थलातंर केले आहेत. सध्यस्थितीत काही मोजकेच प्राणी, पक्षी पाहावयास मिळतआहेत. प्राणी संग्रहालयातील मानधनावरील कर्मचाऱ्याकडून योग्य हाताळणी होत नसल्याने सर्पांसह पक्ष्यांची विक्री होवू लागली आहे. महापालिकेचे योग्य नियंत्रण नसल्याने कर्मचाऱ्यामार्फत हे प्रकार वाढले आहेत. संग्रहालयातून सर्पांची चोरी होवूनही पालिकेने अद्याप धडाघेतलेला नसून त्या ठिकाणच्या अतंर्गत भागात सीसीटीव्ही कॅमेरे बसविण्यात आलेले नाहीत.

दरम्यान, महापालिकेने दिल्लीच्या सेंट्रल झू ऍथोरिटीच्या नियमांची पायमल्ली करुन प्राणी संग्रहालयात राहण्यास घर देतो येत नाही.पण, तरीही संबंधित अधिकाऱ्यास घर उपलब्ध करुन दिले आहे. प्राणी संग्रहालयात अधिकारी वास्तव्य करीत असतानाही पक्षी, प्राणी यांची तस्करीआणि सर्पांच्या विषाची तस्करी होवू लागली आहे. प्राणी संग्रहालयातून अजगर, मगर, मोर, मांडूळ यांची चोरी होवूनही उर्वरित प्राण्याची नोंद ठेवलेली नाही. प्राण्यांच्या खाद्य खरेदीत प्रचंड अपहार होत आहे, त्यानूसार हापकिनमधून 75 पैशाला 1 उंदीर हे सापाला खाद्य मिळतअसताना जीबी एटरप्रायझेस यांच्याकडून 138 रुपयाला 1 उंदीर खरेदी करुन लाखो रुपयांची उधळपट्टी सुरू आहे.याकडे संबंधित अधिकाऱ्यांचे दुर्लक्ष होत आहे. याविषयी अधिक माहिती देण्यास संबंधित उद्यानातील अधिकारी टाळाटाळ करीत आहेत.

महापालिका प्राणी संग्रहालयात सर्पांची चोरी, त्यांच्या विषाची तस्करी होवूनही आयुक्‍त श्रावण हर्डीकर यांनी हे प्रकरण गंभीरपणे घेतलेले नाही, अजगराची चोरी झाल्यानंतर तीन दिवस विलंब लावून हा प्रकार दाबण्याचा प्रकार सुरु होता. सुरुवातील मगर चोरीलागेल्यानंतर त्या प्रकरणी सुरु असलेली चौकशी तपास थांबविण्यात आला, त्यानंतर पुन्हा एक मगर चोरीला गेल्याचे दिसून आले. तसेच सात मोरापैकी एक मोरही गायब आहे. सर्प उद्यानात सापांच्या मृत्यूचे प्रमाण अचानक वाढले आहे. त्याशिवाय ऍनिमल किपर भरती प्रकरणातगुणांमध्ये घोळ करुन वशिलेबाजीने प्रशिक्षित नसलेल्या उमेदवाराची भरती झाल्याचे दिसून आले आहे. एवढे गंभीर प्रकार घडूनही महापालिका आयुक्‍त हर्डीकर हे जणु काही घडलेच नाही, अशा अविभार्वात राहिले आहेत. प्राणी व पक्षी चोरी प्रकरणाचा तपास दप्तरी दाखलकरण्यात आल्याची चर्चा आहे. याबाबत वरील प्रकरणाची तत्काळ चौकशी करुन संबंधित दोषींवर कठोर कारवाई करावी, अशी मागणी लोकशाही संस्थेचे अजय लोंढे यांनी मुख्यमंत्र्यासह आयुक्‍तांकडे केली आहे.

व्हीएस न्यूज चिंचवड येथील महावीर चौकात रस्ता ओलांडत असलेल्या नऊ वर्षांच्या मुलाचा टेम्पोने धडक दिल्यामुळे मृत्यू झाला आहे. या प्रकरणी पिंपरी पोलीस ठाण्यात अज्ञात टेम्पोचालकाविरुद्ध गुन्हा दाखल करण्यात आलाआहे.

पोलिसांकडून मिळालेल्या माहितीनुसार मंगेश भोसले वय 34, रा. मंचर, शिंदेवाडी, आंबेगाव यांनी फिर्याद दिली आहे. भोसले यांचा नऊ वर्षांचा मुलगा राजवीर सोमवारी (दि.30)हा जेवण बनविण्यासाठी पाणी आणायला महावीरचौक येथून भारत पेट्रोल पंपावर चालला होता. त्यावेळी वेगाने आलेल्या एका टेम्पोने त्याला जोरदार धडक दिली. यामुळे गंभीर जखमी झालेल्या राजवीरचा मृत्यू झाला.

व्हीएस न्यूज - लोहपुरुष सरदार वल्लभभाई पटेल यांच्या जयंतीदिनी देशभरात सर्वत्र “एकता दिवस” साजरा करण्यात येत आहे. त्या निमीत्ताने पिंपरी-चिंचवड सरदार वल्लभभाई पटेल जयंती उत्सव समितीच्यावतीने आज(मंगळवार, दि.३१ रोजी) सकाळी साडेसहा वाजेच्या सुमारास एकता दौडचे आयोजन करण्यात आले. चिंतामणी चौक ते भेळ चौक, प्राधिकरण अशा “एक भारत, श्रेष्ठ भारत –एकता दौड”चा प्रारंभ आयुक्त श्रावण हर्डीकरयांच्याहस्ते हिरवी झेंडी दाखवून चिंतामणी चौक येथून करण्यात आला.

यावेळी, चिंतामणी चौक येथे उपस्थित असलेल्या नागरिकांना आयुक्त हार्डीकर यांनी राष्ट्रीय एकात्मतेची शपथ दिली. या कार्यक्रमास, स्वच्छ भारत अभियानाचे ब्रॅन्ड ॲम्बेसेडर चंद्रकांत कुलकर्णी, सत्तारुढ पक्षनेता एकनाथ पवार, उपमहापौर शैलेजा मोरे, स्थायी समिती सभापती सीमा सावळे, नगरसेवक नामदेव ढाके, ब प्रभाग अध्यक्ष सचिन चिंचवडे, नगरसेविका करुणा चिंचवडे, नगरसेवक ॲड. मोरेश्वर शेडगे, नगरसेविका अनुराधा गोरखे, माधुरीकुलकर्णी, उद्योजक कुंदन ढाके, मिलिंद चौधरी, सामाजिक कार्यकर्ते शेखर चिंचवडे, बिभीषण चौधरी, शंकर पाटील, रुपेश पाटील, दिपक महाजन, प्रदिप पटेल, भुषण पाटील, प्रमोद चौधरी, अनुप मोरे, प्रवीण पाटील, किरणचौधरी, रविंद्र बऱ्हाटे, डॉ. प्रशांत पाटील, किरण पाचपांडे, गौरी सरोदे, निना खर्चे, दत्ता पाटील उपस्थित होते.

या दौडमध्ये, सरदार वल्लभभाई पटेल प्रतिष्ठाण, समता भातृ मंडळ, गुजर स्नेहवर्धिनी, केदारेश्वर प्रतिष्ठाण, लेवा पाटीदार संघ (भातृ मंडळ), लेवा पाटीदार मित्र मंडळ सांगवी, लेवा युवा संघ, लेवा संघिनी मंच, लेवा शक्ती यासंघटनांसह विद्यार्थी, क्रीडा संघटना तसेच, महापालिकेच्या विविध विभागाचे अधिकारी व कर्मचारी, नागरिकांनी मोठ्या संख्येने सहभाग नोंदविला. चिंतामणी चौक येथून सुरुवात झालेल्या दौडचा समारोप भेळ चौक ते पुन्हाचिंतामणी चौक असा झाला.

यावेळी, आयुक्त हार्डीकर म्हणाले, देशाची अखंडता राखण्याचे काम लोहपुरुष सरदार वल्लभभाई पटेल यांनी केले असून देशभरात त्यांच्या जयंतीनिमीत्त एकता दौड आयोजित केली जाते. ही दौड देशातील राष्ट्रीय एकात्मताटिकवून ठेवण्यासाठी मदत करीत असून यामध्ये सर्व वयोगटातील नागरिक सहभागी होत आहे. त्यामुळे हा देश एक राहिल, देशाची अखंडता कायम राहणार असून कोणतीही शक्ती देशात दुरावा निर्माण करू शकणार नसल्याचेत्यांनी सांगितले.

सरदार वल्लभभाई पटेल यांनी आपल्या सामर्थ्याने, आपल्या बौद्धिक कौशल्याने, आपल्या राजकीय इच्छाशक्तीने देशाला एकतेचा संदेश दिला. त्यानुसार, प्रत्येक भारतीयाने देखील देशभक्तीच्या भावनेने भारताची एकता मजबूतबनवण्यासाठी आपापली जबाबदारी पार पाडायला हवी. देशात अंतर्गत विरोध जागृत करण्यासाठी, अनेक प्रकारच्या शक्ती कार्यरत आहेत. अशा वेळी एकतेसाठी जागरूक प्रयत्न करणे आवश्यक असते, हा उद्देश्य समोर ठेवूनरॅलीचे आयोजन करण्यात आले असल्याचे मत नगरसेवक नामदेव ढाके यांनी व्यक्त केले.

रक्तदान शिबीरात १०५ बाटल्यांचे संकलन…

सरदार वल्लभभाई पटेल यांच्या जयंतीनिमीत्त मंगळवारी चिंचवडमधील आहेर गार्डन येथे केदारेश्वर प्रतिष्ठान व पिंपरी सिरॉलॉजिकल इन्स्टीट्यूट ब्लॅड बँक यांच्या विद्यमाने घेण्यात आलेल्या रक्तदान शिबीरात १०५रक्तदात्यांनी रक्तदान केले. या शिबीरासाठी डॉ. धर्मेंद्र गांधी, डॉ.ई.बी.पाटील, डॉ. जितेंद्र कोलते, डॉ. सदानंद नाईक यांच्या मार्गदर्शनाखाली संतोष कांबळे, अमोल जानुगडे, तेजंद्र गिरासे, किरण वानखेडे, दिपक पाटील आदींनीसहकार्य केले.

व्हीएस न्यूज – काळेवाडी येथील उड्डाणपुलावर भरधाव वेगाने जाणाऱ्या कारचालकाने धडक दिल्याने एका दुचाकीस्वार तरुणाचा मृत्यू झाला. ही घटना 10 ऑक्‍टोबर रोजी रात्री आठ वाजता घडली.वाकड पोलिसांनी या प्रकरणी अज्ञात वाहनचालकावर गुन्हा दाखल केला.

पोलिसांकडून मिळालेल्या माहितीनुसार श्रीकांत यशवंत कांबळे (वय.28, रा.सिद्धार्थनगर, दापोडी) असे या अपघातात मृत्यू झालेल्या तरुणाचे नाव आहे. 10 ऑक्‍टोबर रोजी रात्री आठ वाजता डांगे चौक ते काळेवाडी या उड्डाणपुलावरुन श्रीकांत दुचाकीवरून जगताप डेअरी चौकाकडे येत होता. यावेळी ओव्हरटेक करण्याच्या प्रयत्नात एका कारने श्रीकांतच्या दुचाकीला धक्का दिला. यामध्ये श्रीकांत गंभीर जखमी झाला.

कारचालक अपघात झाल्यानंतर घटनास्थळी थांबला नाही किंवा श्रीकांतला रुग्णालयातही न नेता तेथून पळ काढला. इतर नागरिकांनी तातडीने श्रीकांतला दवाखान्यात दाखल केले मात्र उपचारा दरम्यान त्याचा मृत्यू झाला. याप्रकरणी अज्ञात कारचालका विरुद्ध वाकड पोलीस ठाण्यात गुन्हा दाखल केला असून सहायक पोलीस निरीक्षक टी.एस.भोगम पुढील तपास करत आहेत.

व्हीएस न्यूज - महापालिकेच्या प्राथमिक शाळा, अनुदानित, खासगी विनाअनुदानित, कायम विनाअनुदानित शाळांमध्ये 31 ऑक्‍टोबर हा दिवस सरदार वल्लभभाई पटेल यांचा जन्मदिवस राष्ट्रीय एकता दिवस म्हणून साजरा करण्यात येणार आहे. तसेच, शाळांमध्ये पाठोपाठ इंदिरा गांधी पुण्यतिथी साजरी केली जाणार आहे. तसेच भ्रष्टाचार विरोधी जनजागृती समितीच्यावतीने दक्षता सप्ताह साजरा करण्यात येणार आहे. दक्षता सप्ताह कार्यक्रमाचे देखील शाळांमध्ये साजरा करण्याचे नियोजन करण्यास सांगितले आहे. नुकत्याच शाळा सुरू झालेल्या आहेत. शाळांमध्ये हे कार्यक्रम राबविण्यात यावेत, असे पिंपरी-चिंचवड शिक्षण मंडळ विभागाच्यावतीने परिपत्रक काढले आहे.

व्हीएस न्यूज - महाराष्ट्राचे आराध्यदैवत असलेल्या छत्रपती शिवाजी महाराजांचे नाव घेऊन कर्जमाफीच्या नावाखाली भाजप सरकारने शेतकऱ्यांची फसवणूक केली आहे. छत्रपतींच्या नावाचा गैरवापर करून भोळ्या-भाबड्या शेतकऱ्यांची पिळवणूक करु नका, असे आवाहन कॉंग्रेसचे चिंचवड विधानसभा ब्लॉक अध्यक्ष संदेशकुमार नवले यांनी प्रसिद्धीस दिलेल्या पत्रकात केले आहे.

ऐन दिवाळीच्या तोंडावर मुख्यमंत्री देवेंद्र फडणवीस यांनी शेतकऱ्यांना कर्जमाफी प्रमाणपत्रांचे वाटप केले. त्यानंतर या शेतकऱ्यांच्या बॅंक खात्यावर कर्जाऊ रक्कम जमा करण्याचे आदेश प्रशासनाला दिले. दिवाळीत बॅंका बंद असल्याने शेतकऱ्यांच्या खात्यावर ही रक्कम तांत्रिक कारणामुळे जमा होऊ शकली नाही. आता दिवाळी संपून आठवडा होत आला असला, तरीदेखील शेतकरी बॅंक खात्यावर रक्कम जमा होण्याची वाट पाहत आहेत. ही शेतकऱ्यांची घोर फसवणूक आहे. केवळ स्वत:च्या स्वार्थासाठी भाजप सकरकाने छत्रपती शिवाजी महाराजांचे नाव घेऊन शेतकऱ्यांची पिळवणूक करु नये, असे आवाहन केले आहे.

व्हीएस न्यूज – पिंपरी-चिंचवड शहरातील 41 स्वयंरोजगार सहकारी संस्थांची नोंदणी रद्द करण्यात आली. त्यामुळे त्यांना महानगर पालिकेकडून देण्यात येणारी कामे यापुढे बंद होतील. तसा आदेश आयुक्‍त श्रावण हर्डिकर यांनी दिला आहे.

त्या संस्था कायदा, नियम व उपविधीतील तरतुदीचे पालन करीत नसल्याचे आढळून आले. त्यामुळे उपनिबंधक कार्यालयाने त्या संस्थाची 31 मार्च 2016 ते 31 मार्च 2017 अखेर नोंदणी रद्द केली. आता त्या स्वयंरोजगार संस्थांचे कायदेशीर अस्तित्व संपुष्टात आले आहे. याबाबत उपनिबंधक प्रतिक पोखरकर यांनी सदर संस्थांचा अहवाल सादर केला. सदर संस्थांची यादी सर्व विभागांना पाठवण्यात आली आहे. परंतू, शासन निर्णय सार्वजनिक बांधकाम विभाग व जल संपदा विभाग यांनी मजूर कामगार सहकारी संस्था व सुशिक्षित बेरोजगार अभियंता यांचेकडून काम करुन घेण्याची तरतूद आहे. त्यानुसार महापालिकेच्या सर्व विभागांनी नगर विकास विभागाचे परिपत्रक अवलोकन होवून मजूर कामगार सहकारी संस्था व सुशिक्षित बेरोजगार अभियंता यांना काम देण्यात यावे, असे आयुक्‍त हर्डिकर यांनी आदेशात म्हटले आहे.

व्हीएस न्यूज – दिवाळीची सुट्टी संपत आली असून आज म्हणजेच सोमवारपासून बहुतेक शाळा सुरू होत आहेत. सुट्टी एवढ्या लवकर कशी संपली अशी खंत बाळगत चिमुकल्यांनी पुन्हा शाळेत जाण्याची तयारी सुरू केली आहे. 15 ते 20 दिवसांच्या सुट्टीनंतर आता सोमवारपासून पुन्हा शाळेची घंटा खणखणू लागणार आहे. त्यामुळे दिवाळीच्या सुट्टीमुळे आलेली थोडी मरगळ झटकायला आता शिक्षकांना आणि आई बाबांनाही वेळ लागणार. बऱ्याच जणांनी एसटीचा संप मिटल्यानंतर गावाकडचा रस्ता धरला होता. आता शाळा सुरू होत असल्याने परतीचा प्रवास सुरू झाला आहे. गेल्या दोन-तीन दिवसांपासून बस स्थानकांवर गावाकडून परतणाऱ्या मुलांची आणि पालकांची गर्दी दिसत आहे.

पिंपरी-चिंचवड शहरात महापालिका व खासगी मिळून सुमारे 600 हून अधिक शाळा आहेत. तसेच नर्सरी व बालवाड्यांची संख्याही 300 हून अधिक आहे. शहरातील विद्यार्थी संख्या देखील खूप जास्त आहे. वर्गखोल्यांवर चढलेली धूळ साफ करून विद्यार्थ्यांचा प्रवेश होणार आहे. काही शाळांमध्ये दिवाळीनंतर विद्यार्थ्यांचे वेलकम करण्याची जोरात तयारी सुरू आहे. बऱ्याच शाळांचा झालेल्या प्रथमसत्र परीक्षेचा निकाल देखील दिवाळीनंतर लागणार आहे. त्यामुळे त्या निकालाची उत्सुकता आणि धाकधूक देखील विद्यार्थ्यांना लागली आहे. बरीच मंडळी शाळेच्या पहिल्या दिवशी दांडी मारणार असली तरी निकालाच्या उत्सुकतेपोटी हजेरी लावतात. तर बऱ्याच जणांनी अजून दोन दिवस उशिरा शाळेत जाण्याचे नियोजन केले आहे. दिवाळी मजा करण्यात, खेळण्यात आणि बागडण्यात गेली असल्याने काही मुलांचे गृहपाठ अजून बाकी आहेत. मुले गृहपाठ पूर्ण करण्यात व्यस्त आहेत. खासगी शाळा व महाविद्यालयांमध्ये शिक्षकांचे पेपर तपासणीचे काम सुरू होते. त्यामुळे शिक्षकांना प्रथम सत्राचे पेपर तपासण्याचीही धास्ती होती. विद्यार्थी पहिल्याच दिवशी उत्सुकतेपोटी निकालाबद्‌दल विचारतात. गृहपाठाच्या वहीला देखील गुण असल्यामुळे त्यातही बाजी कोण मारणार, याची चढाओढ असते.

सुट्यांसाठी गेलेल्या बालचमूचा परतीचा प्रवास सुरू झाला आहे. दिवाळीची सुट्टी संपल्याची खंत तर असते पण त्याहून अधिक मित्रांना बऱ्याच दिवसांनी पुन्हा भेटण्याचा आनंद ही असतो. दिवाळीच्या सुट्टीत घेतलेले नवीन कपडे, भेटवस्तू याबद्‌दल मित्रांना सांगायचे असते. फराळ आणि फटाक्‍यांचे वर्णन ही करायचे असते तर काही जण सहलीला तर काही कला शिबिरांना जातात त्याबद्‌दल आपल्या मित्रांना भरभरुन माहिती देण्यासाठी चिमुकले उत्सुक आहेत. दिवाळीनंतर शाळांमध्ये गॅदरिंग आणि खेळ स्पर्धा होतात. बच्चे कंपनी याची तयारी करण्यासाठी आणि त्याबाबत आपल्या मित्रांसोबत चर्चा करण्यासाठी देखील उत्सुक असते.

व्हीएस न्यूज – पिंपरी-चिंचवड नवनगर विकास प्राधिकरणाच्या हद्दीतील पेठ क्रमांक 7 आणि 10 मध्ये उद्योगांना भूखंड दिले आहेत. त्यामध्ये लघु उद्योगांनी प्राधिकरण प्रशासनाच्या नियमाप्रमाणे कमीतकमी 10 टक्के बांधकाम करून आपले उद्योग चालू केले आहेत. प्राधिकरणाने भूखंडाच्या कमीत-कमी 20 टक्के बांधकामाचा ठराव केला आहे. काही उद्योग अशा प्रकारचे आहेत की, त्यांना मोकळ्या जागेतच काम करावे लागते. त्यांना जादा बांधकामाची आवश्‍यकता नाही त्यांनाही 20 टक्के बांधकामाच्या नोटिसा काढल्या आहेत त्या रद्द कराव्यात. तसेच, काही उद्योगांनी पूर्वी 10 टक्के बांधकाम परवाना घेऊन रितसर बांधकाम पूर्ण केले आहे. बांधकाम पूर्णत्वाचा दाखलाही घेतला आहे. त्यांना वाढीव बांधकाम करायचे असल्यास त्यांना ज्यादा शुल्क (ए.पी.) भरायच्या नोटिसा आल्या आहेत, त्या रद्द कराव्यात. शुल्काच्या नावाखाली लघुउद्योजकांकडून वाढीव भुर्दंड आकारला जात आहे, असे गाऱ्हाणे लघुउद्योजक संघटनेच्या वतीने मांडण्यात आले.

पिंपरी-चिंचवड लघुउद्योजक संघटनेच्या वतीने प्राधिकरणाचे मुख्य कार्यकारी अधिकारी सतीशकुमार खडके यांच्यासोबत बैठक घेण्यात आली. यावेळी भोसरीचे आमदार महेश लांडगे, पिंपरी-चिंचवड लघु उद्योग संघटनेचे अध्यक्ष संदीप बेलसरे, संचालक संजय सातव, नवनाथ वायाळ, शिवाजी साखरे, स्वीकृत संचालक प्रमोद राणे उपस्थित होते. याप्रसंगी पेठ क्रमांक 7 आणि 10 या औद्योगिक परिसरातील समस्यांबाबत यावेळी चर्चा करण्यात आली. संघटनेतर्फे खडके यांना विविध मागण्यांचे निवेदन देण्यात आले.

औद्योगिक भूखंड हस्तांतरणासाठी प्राधिकरणाने “रेडीरेकनर’चा दर महाराष्ट्र शासनाच्या दरानुसार घेतला आहे. प्राधिकरणाचा सध्याचा नवीन दर 33 हजार 5 रुपये प्रति चौ.मि. असून, एम.आय.डी.सी.चा दर 17 हजार रुपये प्रति चौ.मि. आहे. त्यामुळे उद्योजकांना “स्टॅम्प ड्युटी’ व हस्तांतरण शुल्काचा भुर्दंड सहन करावा लागतो. भूखंड हस्तांतरण शुल्क एम.आय.डी.सी.च्या धर्तीवर आकारण्यात यावे.

तसेच, पेठ क्रमांक 10 मधील अग्नीशमन केंद्रासाठी राखीव जागेवर अग्नीशमन केंद्र सुरु करावे, अथवा ते सुरु करण्यासाठी भूखंड पिंपरी-चिंचवड महापालिकेकडे हस्तांतरित करावा. सध्या या भूखंडावर महापालिकेने अनधिकृतपणे कचरा विलगीकरण केंद्र सुरू केले असून,विलगीकरण केल्यानंतर उरलेला कचरा जाळला जातो त्यामुळे या परिसरात मोठ्या प्रमाणात प्रदूषण होत आहे. येथे साठवलेल्या कचरामुळे या परिसरात दुर्गंधी पसरली असून या परिसरात कामगारांना काम करणे अशक्‍य झाले आहे. यामुळे परिसरात मोठ्या प्रमाणात डास तयार होत असून डेंगू, मलेरिया सारख्या आजाराचे प्रमाण वाढले आहे, तरी महानगर पालिकेला कचरा विलगीकरण केंद्र तातडीने बंद करण्याची सूचना करावी, अशी मागणी यावेळी करण्यात आली.

व्हीएस न्यूज – श्‍वान घरात असलं की, संरक्षणाची हमी वाटते. त्याला माणसं देखील ओळखता येतात. मालकाची सेवाही तो चोख बजावतो. श्‍वानांचे आणि मालकांचे विशेष नाते असते, श्‍वास विशेष प्रशिक्षित असतात. हे सर्व काही पहायला मिळाले चिंचवडमध्ये आयोजित डॉग शोमध्ये. श्‍वानप्रेमी मोठ्या हिरीरीने डॉग शोमध्ये सहभागी झाले होते. देशभरातून आलेल्या श्‍वानप्रेमींनी डॉग चॅम्पिअनशिपसाठी कसरत केली. श्‍वानांची अनोखी दुनिया पाहून पिंपरी-चिंचवडकरही थक्क झाले.

चिंचवड, वाल्हेकरवाडी येथील आहेर गार्डन येथे रविवारी (दि. 29) 108 व 109 वा आंतरराष्ट्रीय ऑल ब्रीड चॅम्पियन डॉग शो आयोजित केला होता. या शोमध्ये शहरवासियांनी जवळपास 36 प्रजातीचे श्वान जवळून पहावयास मिळाले. भारतीय श्‍वानाबरोबर परदेशी प्रजातीचे श्वान देखील यात सहभागी झाले होते. पिपंरी-चिंचवडमधील हा दूसरा डॉग शो होता. सर्वजण वेगवेगळे श्‍वान पाहण्यात दंग झाले होते. बालचमू तर श्‍वानांना पाहून खुश झाले. जवळपास 125 वर्षापासून महाराष्ट्रात डॉग शो चे आयोजन केले जात आहे. ही परंपरा पूना केनल फेडरेशनने शहरात जपली आहे.

डॉग शोमध्ये जवळपास 284 पैकी 270 डॉग सहभागी झाले होते. पाच महिन्यांपासून ते 10 वर्षापर्यंतच्या श्‍वानांचा यामध्ये समावेश होता. पुणे, कोल्हापूर, सांगली, सातारा, लोणावळा, अहमदाबाद, गुजरात, मध्यप्रदेश, राजस्थान आदी जिल्हा व राज्यस्तरातून श्‍वानप्रेमींनी श्‍वानासोबत प्रदर्शनास हजेरी लावली होती. काही घरगुती श्‍वान पाळणाऱ्या श्‍वानप्रेमींनी देखील मोठ्या हौसेने आपल्या श्‍वानाला सजवून या शोमध्ये आणले होते. जवळपास 100 किलो वजन असलेले श्‍वान देखील या स्पर्धेत सहभागी होते. खासकरून महाराष्ट्रात आढळून न येणाऱ्या जातींना पाहण्यासाठी जास्त गर्दी जमली होती. यामधील काही श्‍वान हे चीन, थायलंड, सिंगापूर, मलेशिया या देशातील होते. यावेळी श्‍वानाच्या स्पर्धा घेण्यात आल्या. या शोमध्ये बॉंम्ब शोधणे, रुमाल किंवा वस्तूच्या वासावरून माणसाला गर्दीत शोधणे, बॉडीगार्ड म्हणून काम करणे, चक्रातून उडी मारणे अशा कसरतींनी उपस्थितांच्या डोळ्यांचे पारणे फेडले. बर्फाळ प्रदेशात आढळणारा सायबर हशमी हा डॉग या शोचे विशेष आकर्षण ठरला. श्‍वानांच्या देहबोलीपासून ते हावभाव आणि शरीराची ठेवण सर्व बाबींचे निरीक्षण करून गुणांकन करण्यात आले, अशी माहिती प्रशिक्षक अंजली वैद्य यांनी दिली. यावेळी पूना केनल कॉन्फिडरेशनचे अध्यक्ष संजय देसाई, सचिव एन. एस. पटवर्धन, संजीवनी पांडे उपस्थित होत्या. डॉग शोच्या परीक्षणासाठी डॉ. ओरलीनो होसाका (फिलीपीन्स), शरत शर्मा (गुडगाव), अंजली वैद (नवी दिल्ली) यांची नेमणूक करण्यात आली होती.

रूबाबदार डोळे, करारीबाणा, झुपकेदार केस, लपलप करणारे शरीर, हाताएवढी जीभ आणि माणसाच्या खांद्यापेक्षाही वर झेप घेणारे श्‍वान डॉग शोमध्ये सहभागी झाले होते. यामध्ये विविध जातीचे श्‍वान होते. बिगल, ग्रेट डेन, हस्की, ब्रस्ट हौंड, बुलडॉग, जर्मन शेफल,राटविलर, बॉस्टन, फ्रेंच बुलडॉग, सायबेरिअर आस्की, च्यावच्याव, डॉबरमॅन, ग्रेडडॉन, अफगान ओन, नेपोलियन मास्टिफ, बुल मास्टिफ असे विविध प्रकारचे श्‍वान डॉग शोमध्ये लक्षवेधक ठरले.