व्हीएस न्यूज - पुण्यातील सांगवी परिसरात सोमवारी दुपारी एक विचित्र अपघात घडला आहे. कारचालकाचे नियंत्रण सुटल्याने कार थेट हॉटेलमध्ये घुसली. सांगवी परिसरातील फेमस चौकात दुपारी एकच्या सुमारास हा अपघात घडला. कार चालकाचे नियंत्रण सुटल्याने कार थेट अनंत भोजनालयात घुसली.

या अपघातात हॉटेलमधील एका वेटरचा मृत्यू झाला असून कारचालक आणि महिला जखमी झाली आहे. सुदैवाने यावेळी भोजनालयात कोणीही नव्हते अन्यथा मोठी दुर्घटना घडली असती. सचिन जाधव असे चालकाच नाव आहे. गाडीत मुलगा, महिला आणि चालक होता. कारचालक सचिन आणि महिला जखमी झाले आहेत. निखिल पुरोहित असे गाडीच्या मूळ मालकाचे नाव आहे. मृत व्यक्तिचे नाव समजलेले नाही.

व्हीएस न्यूज - पिंपरी चिंचवड महापालिकेच्या स्थायी समिती सदस्यपदी राजेंद्र गावडे, करूणा चिंचवडे यांची निवड करण्यात आली. आज झालेल्या महापालिकेच्या सर्वसाधारण सभेत ही निवड करण्यात आली. सभेच्या अध्यक्षस्थानी महापौर नितीन काळजे होते. राहुल जाधव आणि शितल शिंदे यांनी स्थायीच्या सदस्य पदाचा राजीनामा दिला होता. त्यांच्या रिक्त झालेल्या जागेवर ही निवड करण्यात आली.

व्हीएस न्यूज - पिंपरी चिंचवड महापालिकेच्या सर्वसाधारण सभेत भाजप नगरसेविका अश्विनी बोबडे यांनी क्रीडा समितीच्या सदस्य पदाचा राजीनामा देत पक्षाला घरचा आहेर दिला. आज झालेल्या सभेच्या अध्यक्षस्थानी महापौर नितीन काळजे होते. आजच्या सभेत सर्व विषय समितींच्या सदस्यपदाची निवड करण्यात आली. अश्विनी बोबडे यांची क्रीडा समितीच्या सदस्यपदी निवड करण्यात आली. मात्र ही निवड अमान्य असल्याचे सांगत बोबडे यांनी सदस्य पदाचा राजीनामा दिला. त्या म्हणाल्या, मी पक्षाची जुनी कार्यकर्ती आहे. ९२ पासून मी पक्षाचे काम करत आहे. मी विधी समिती सदस्य पदाचा मागणी केली होती. मात्र मला डावलून क्रीडा समितीचे सदस्य पद देण्यात आले. बाहेरून पक्षात आलेल्यांना सर्व पदे दिली जातात.

व्हीएस न्युज - एटीएम सेंटर मधील बॅटऱ्या चोरीच्या घटनामध्ये दिवसेंदिवस वाढ होत आहे. काळेवाडीतील एचडीएफसी बँकेच्या एटीएम मधील 13 बॅट-या चोरीला गेल्याची घटना सोमवारी उघडकीस आली आहे. अमोल शिंदे (वय 37, रा. गणेश पेठ, पुणे) यांनी वाकड पोलीस ठाण्यात फिर्याद दिली. पोलिसांनी दिलेल्या माहितीनुसार, काळेवाडी फाटा येथील कस्पटे वस्ती मधील महालक्ष्मी कॉम्प्लेक्स आणि प्रजापती नगरात एचडीएफसी बँकेचे एटीएम आहे. महालक्ष्मी कॉम्प्लेक्स येथील एटीएममधील 27 मार्च रोजी बॅटरी चोरीचा प्रकार उघडकीस आला. तर प्रजापती नगर एटीएम सेंटरमधील बॅट-या चोरीचा प्रकार 7 एप्रिल रोजी उघडकीस आला. दोन्ही एटीएम मधील एकूण 16 बॅट-या आणि एक युपीएस असा एकूण 1 लाख 40 हजार रुपयांचा ऐवज चोरीस गेला आहे. फौजदार हरिष माने अधिक तपास करीत आहेत.

व्हीएस न्युज - बनावट चावीने घराचे कुलूप उघडून घरातील 5 लाख 30 हजार रुपयांचा ऐवज चोरून नेला. हा प्रकार दि. 13 ते दि. 16 दरम्यान सुसगावात घडला. पूजा पाषाणकर (वय 43, रा. मोहनगर, सुसगाव, ता. मुळशी पुणे) यांनी फिर्याद दिली. पोलिसांनी दिलेल्या माहितीनुसार, पाषाणकर मोहनगर मधील वेस्टर्न हिल्स बिल्डिंगमध्ये राहतात. त्यांच्या घरी शुक्रवार ते सोमवार दरम्यान अज्ञात चोरट्याने त्यांच्या घर चोरट्यांनी बनावट चावीने उघडले. केली. घरातील ड्रॉवरमध्ये असलेले सोने आणि डायमंडचे दागिने, महत्वाची कागदपत्रासह 30 हजार रुपयांची रोकड असा एकूण 5 लाख 30 हजार रुपयांचा ऐवज चोरून नेला. हिंजवडी पोलीस अधिक तपास करीत आहेत.

व्हीएस न्युज - शिवसेनेच्या एका पदाधिका-याला दोघांनी धमकी देऊन खंडणी मागितली. त्यांच्या केबल नेटवर्क कार्यालयातून सेटअप बॉक्स जबरदस्तीने घेऊन गेल्याचा प्रकार निगडी येथे घडला. हा धमकीचा प्रकार 19 ते 24 जून 2017 दरम्यान घडला. याबाबत शिवसेनेचे पदाधिकारी नेताजी काशीद (वय 50, मोरेवस्ती, चिखली, पुणे) यांनी निगडी पोलीस ठाण्यात फिर्याद दिली. दोन अनोळखी इसमांविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, काशीद हे शिवसेनेचे पदाधिकारी आहेत. त्यांचा हॉटेलचा व्यवसाय आहे. 'तुमच्या हॉटेल संदर्भात अतिशय महत्वाची कागदपत्रे आमच्याकडे आहेत. तुमच्या हॉटेलच्या जागेची गुंठेवारी झालेली नाही. त्यामुळे संध्याकाळपर्यंत 10 लाख रुपये आणून द्या. अन्यथा मी हॉटेल सील करण्यास भाग पाडेन.' अशी 19 जून 2017 रोजी अनोळखी इसमांनी धमकी देत त्यांच्याकडे खंडणीची मागणी केली. काशीद यांचे साने चौक चिखली येथे केबल नेटवर्कचे कार्यालय आहे. अनोळखी इसम कार्यालयात येऊन 1 हजार 200 रुपये किमतीचा एक सेटअप बॉक्स जबरदस्तीने घेऊन गेले. आरोपी फरार आहेत. पोलीस निरीक्षक योगेश आव्हाड तपास करीत आहेत.

व्हिएस न्युज - लग्नाचे आमिष दाखवून एका अल्पवयीन मुलीवर बलात्कार केल्याची धक्कादायक घटना निगडी येथे मंगळवारी उघडकीस आली. या प्रकरणी 17 वर्षीय पीडित मुलीने निगडी पोलीस ठाण्यात फिर्याद दिली आहे. 21 वर्षीय तरुणावर गुन्हा दाखल करण्यात आला आहे. पोलिसांनी दिलेल्या माहितीनुसार, पीडित मुलगी आणि आरोपी एकाच भागात रहाण्यास आहेत. दोघेही एकमेकांना ओळखतात. आरोपीने पीडित मुलीला लग्नाचे अमिष दाखवून तिच्यावर वेळोवेळी बलात्कार केला. पीडित मुलगी पाच आठवड्यांची राहिल्याने हा प्रकार उघडकीस आला. निगडी पोलीस तपास करीत आहेत.

व्हीएस न्यूज - जय भवानी तरुण मंडळ आणि कालिमाता मित्र मंडळाच्या संयुक्त विद्यमाने १८ ते २२ एप्रिल २०१८ दरम्यान चिंचवड येथे फुले, शाहू, आंबेडकर लोकमान्य व्याख्यानमालेचे आयोजन करण्यात आले आहे. याबाबतची माहिती कार्यक्रमाचे मुख्य संयोजक व सामाजिक कार्यकर्ते मारुती भापकर यांनी दिली. चिंचवड, मोहननगर येथील श्री दत्त मंदिर चौकात १८ ते २२ एप्रिल २०१८ दरम्यान दररोज सायंकाळी सात ते नऊ या वेळेत विविध मान्यवरांचे व्याखान होणार आहे. बुधवारी (दि.१८) ज्येष्ठ विचारवंत प्रा. तेज निवळीकर यांचे ”संत गाडगेबाबा व आजचा समाज” या विषयावर व्याख्यान होणार आहे. गुरुवारी (दि.१९) राजकीय अभ्यासक प्रा. प्रकाश पवार यांचे ”भारतरत्न डॉ. बाबासाहेब आंबेडकर- संसदीय लोकशाही” या विषयावर व्याख्यान होणार आहे. तर, शुक्रवारी (दि.२०) लेखिका समुपदेशक व सामाजिक अभ्यासिका डॉ. सीमा निकम यांचे ”सोशल मिडिया- एक दुधारी शस्त्र” या विषयावर व्याख्यान होणार आहे. शनिवारी (दि.२१) प्रसिद्ध विचारवंत, पर्यावरण तज्ज्ञ डॉ. विश्वंभर चौधरी यांचे ”स्वातंत्र्य चळवळ आणि आजचा भारत” या विषयावर व्याख्यान होणार आहे. रविवारी (दि.२२) माजी वैद्यकीय शिक्षणमंत्री व राष्ट्रवादी काँग्रेसचे विद्यमान आमदार डॉ. जितेंद्र आव्हाड यांचे ”छत्रपती शिवाजी महाराज आणि आजचे राजकारण” या विषयावर व्याख्यान होणार आहे. पिंपरी-चिंचवड शहरातील जास्तीत-जास्त नागरिकांनी उपस्थित राहून या व्याख्यानमालेचे लाभ घेण्याचे आवाहन, संयोजक मारुती भापकर यांनी केले आहे.

व्हीएस न्युज - पौर्णिमेच्या रात्री सुन गरोदर राहिली असून तिच्या पोटी मुलगीच जन्माला येणार असल्याच्या अंधश्रद्धेतून सासरच्या मंडळींनी सुनेच्या पाठीत आणि पोटात लाथा मारल्या. हा धक्कादायक प्रकार थेरगाव येथे घडला. याप्रकरणी पती, सासू आणि नणंदेच्या विरोधात गुन्हा दाखल करण्यात आला आहे. स्वाती संजय पवार (वय 24, रा. कैलास नगर, थेरगाव) यांनी वाकड पोलीस ठाण्यात फिर्याद दिली. त्यानुसार पती संजय पांडुरंग पवार (वय 31, रा. कैलास नगर, थेरगाव), सासू सुमन पांडुरंग पवार आणि नणंद अर्चना हर्षद यादव (दोघी रा. वाटंबरे, ता. सांगोला, जि. सोलापूर) यांच्यावर गुन्हा दाखल करण्यात आला आहे. पोलिसांनी दिलेल्या माहितीनुसार, स्वाती आणि संजय थेरगाव मधील कैलासनगर येथे भाड्याने राहतात. पौर्णिमेच्या रात्री स्वाती गरोदर राहिली असल्यामुळे तिच्या पोटी मुलगीच जन्माला येणार आहे. या अंधश्रद्धेतून आणि वंशाला दिवा हवा असल्याच्या हव्यासातून गेल्या काही दिवसांपासून स्वातीला सासू सुमन आणि नणंद अर्चना दोघीही वारंवार शारीरिक आणि मानसिक छळ करत होत्या. शनिवारी रात्री पती, सासू आणि नणंद यांनी गर्भपात करण्याच्या कारणावरून स्वाती यांच्या पाठीत आणि पोटात लाथा मारल्या. यामुळे घाबरलेल्या स्वाती यांनी पोलीस ठाणे गाठत सासरच्या मंडळींविरोधात फिर्याद दिली.

सहाय्यक पोलीस निरीक्षक तानाजी भोगम तपास करीत आहेत.

व्हीएस न्यूज – अॅड. प्रकाश आंबेडकर यांनी भ्रष्टाचारप्रकरणी तुरुंगात असलेल्या छगन भुजबळांना चौकशीनंतर जामीन मिळायला हवा. अन्यथा त्यांच्यावर गुन्हा दाखल करून कायद्यानुसार कारवाई करण्यात यावी. संविधानाने त्यांना दिलेला तो अधिकार असल्याचे सांगत चौकशीनंतरही छगन भुजबळांना तुरुंगात ठेवणे हा अक्षम्य गुन्हा असल्याचे म्हटले आहे. भुजबळांच्या सुटकेसाठी त्यांच्या समर्थकांनी यापूर्वी राज ठाकरे यांची भेट घेतली होती. तुरुंगात आमचा विकास कोंडला गेला आहे. नाशिक जिल्ह्याकडे लक्ष देणारा नेता नसल्याचे गाऱ्हाणे त्यांनी ठाकरेंसमोर मांडले. भुजबळांना कधीच जामीन मिळायला हवा होता. आता भुजबळ जोडो नाही, तर भुजबळ छोडो आंदोलन झाले पाहिजे, असे राज ठाकरे त्यावर म्हणाले होते, असा संदर्भ आंबेडकर यांनी दिला. सरसंघचालकाच्या ‘संविधान बदलले पाहिजे’ या वक्तव्याचे मोदींनी खंडन न केल्यामुळे त्यामुळे बाबासाहेबांच्या नावाने राजकारण करणे ही पंतप्रधान नरेंद्र मोदी यांची नौटंकी आहे. दोन दिवसांपूर्वी छत्तीसगड येथे मोदींनी बाबासाहेबांमुळेच आपण पंतप्रधान होऊ शकलो, असे म्हटले होते. दरम्यान, सरसंघचालक खोटारडे असून त्यांच्याविषयी काहीच बोलायचे नसल्याचेही प्रकाश आंबेडकरांनी म्हटले