घरफोडी करणाऱ्या त्रिकुटाच्या निगडी पोलीसांनी आवळल्या मुसक्या

व्हीएस न्यूज - संशयावरून ताब्यात घेतलेल्या तिघांनी चार ठिकाणी घरफोडी केल्याचे पोलीस तपासात कबूल केले. त्यांच्याकडून तीन लाखांचा ऐवज जप्त केला. ही कारवाई निगडी पोलीसांनी बुधवारी केली.
सचिन गोरखनाथ काळे (वय-40, रा. जुना ओटास्कीम, निगडी), संतोष लालाजी पवार (वय-30, रा. आझाद चौक, झोपडपट्टी, निगडी), हमीद अंतुम शिंदे (वय-25, रा. गांधीनगर झोपडपट्टी, देहूरोड) असे अटक केलेल्या सराईतांची नावे आहेत.
पोलीसांनी दिलेल्या माहितीनुसार, गस्त घालणाऱ्या पोलीसांना कृष्णानगरमधील एका मेघमल्हार हौसिंग सोसायटीच्या पार्किंगमध्ये तिघे संशयतरित्या पाहिल्याचे त्यांनी पाहिले. यावरून तिघांना ताब्यात घेवून त्यांची झाडाझडती घेतली. त्यांच्याकडील दोन कापडी पिशव्या सापडल्या. त्यांनी मेघमल्हार हौसिंग सोसायटीमध्येच घरफोडीसह इतर गुन्हे केल्याचे कबूल केले. आरोपीकडून 2 लाख 97 हजार रूपये किंमतीचे सोन्याचे दागिने, 4 हजार 770 रूपयांचे मसाले, रोख रक्कम असा तीन लाख 1 हजार 770 रूपयांचा ऐवज जप्त केला. ही कारवाई निगडी पोलीस ठाण्याचे वरिष्ठ पोलीस निरीक्षक विजयकुमार पळसुले, पोलीस निरीक्षख गुन्हे निरीक्षक शंकर आवताडे यांच्या मार्गदर्शनाखाली सहायक पोलीस निरीक्षक देेवेंद्र चव्हाण, तात्या तापकीर, मंगेश गायकवाड आदींनी केली.
...Read More

अज्ञात वाहनाच्या धडकेत सीओडी कामगाराचा मृत्यू

व्हीएस न्यूज - कामावरून घरी जाणाऱ्या दुचाकीस्वार सीओडी कामगाराला अज्ञात वाहनाने दिलेल्या धडकेत त्याचा जागीच मृत्यू झाला. ही घटना बुधवारी दुपारी चारच्या सुमारास मोरवाडी येथे ग्रेडसेपरेटरमध्ये घडली. सुनिल नारायण जाधव (वय-47, रा. गुलमोहर अपार्टमेंट, बालाजीनगर, वारजे, माळवाडी) असे मृत्यू झालेल्या दुचाकीस्वाराचे नाव आहे. जाधव हे देहूरोड सेंट्रल ऑर्डनस डेपोमध्ये कामाला होते.
पोलीसांनी दिलेल्या माहितीनुसार, जाधव बुधवारी दुपारी चारच्या सुमारास दुचाकीवरून घरी जात होते. मोरवाडीतील ग्रेडसेपटरमध्ये त्यांच्या दुचाकीला अज्ञात वाहनाने जोरदार धडक दिली. यामध्ये त्यांचा गंभीर जखमी होऊन जागीच मृत्यू झाला. विशेष म्हणजे त्यांनी हेल्मेट घातले होते. त्यामुळे त्यांच्या नातेवाईकांनी घातपाताचा संशय व्यक्त केला आहे. त्यांच्या मागे पत्नी, दोन मुले, आई असा परिवार आहे. पिंपरी पोलीस अधिक तपास करत आहेत.
...Read More

नैराश्यातून इसमाची गळफास घेवून आत्महत्या

...Read More

फॅक्टरी अधिकाऱ्याच्या बंगल्यात सहा लाखाची चोरी

विश्वजीत मित्रा (वय-39, रा. खडकी) यांनी खडकी पोलीस ठाण्यात फिर्याद दिली आहे. मित्रा हे अँम्युनिशन फॅंक्टरी येथे अधिकारी म्हणुन सेवेत आहेत. अर्जुन मार्ग येथिल बंगल्यात ते कुटुंबिया समवेत वास्ताव्यास आहे. गावावरुण त्यांचे काही नातेवाईक दोन दिवसापुर्वी आले होते. मित्रा या नातेवाईकांना कुटुंबियासमवेत मंगळवारी सकाळी शिर्डीला देवदर्शना साठी घेऊन गेले होते. रात्री ते परत आले. बंगल्यातील बेडरुमचे कपाटेचे टाळे तुटलेले व सामान अस्तव्यस्त पडलेले दिसले. त्यांनी बंगल्याची पाहणी केली असता असे दिसुन आले की बंगल्याच्या कंपाउडवरुण उडी मारुन चोरट्यांनी घराचे मागील दाराचे कुलूप तोडले. आतील कडी कोयंडा तोडुन बेडरुममध्ये प्रवेश केला व बेडरुम मधील दोन लाकडी कपाटाचे ताळे तोडुन त्यातील 26 तोळ्याचे सोन्याचे दागिने व रोख 25 हजार रुपये असा 6 लाख 1 हजार रुपयांचा ऐवज चोरून नेला.
पोलिसांनी येथिल सर्व्हंट क्वार्टर मधील तीन महिला व दोन पुरुष असे पाच कामगारांना संशयित म्हणुन चौकशी करिता ताब्यात घेतले आहे. सीसीटीव्हीतील फुटेज ही पोलिसांना मिळाले असुन पोलिस त्या आधारे आपला पुढिल तपास करीत आहेत.
फौजदार एस. बी. भोसले अधिक तपास करत आहेत.
...Read More

न्यू पुणे स्कूलच्या चित्रकला स्पर्धेत वाइंगडे, छामेडिया प्रथम

...Read More

वनस्पतीशास्त्राची राज्यस्तरीय परिषद अभयारण्यात

व्हीएस न्यूज - सावित्रीबाई फुले पुणे विदयापीठ व डॉ.डी.वाय.पाटील विद्या प्रतिष्ठान सोसायटीच्या डॉ.डी.वाय.पाटील कला वाणिज्य व विज्ञान महाविदयालय आकुर्डी यांच्या संयुक्त विदयामाने घाटघर कळसुबाई हरिषचंद्रगड अभयारण्यात वनस्पती शास्त्राच्या राज्यस्तरीय परिषदेचे आयोजन करण्यात आले होते.
दुर्मिळ औषधी वनस्पती अभ्यास करणे, त्यांचा अभ्यास करून तेथील आदिवासी बांधवांना त्याची जपवणुक कशी करावी याची माहिती देणे तसेच निसर्ग आणि जैवविविधता यांचा अभ्यास करणे हा हेतु होता. या राज्यस्तरीय परिषदेचे उद्‌घाटन प्रवरा इंन्स्ट्यूटचे कुलगुरू डॉ. वाय.एम.जयराज, स्वामी रांमानंदतीर्थ मराठवाडा विदयापीठाचे कुलगुरू डॉ. पंडीत विदयासागर उपस्थित होते. या परिषदेला महाराष्ट्र राज्यातील विविध विद्यापीठातील वनस्पतीषास्त्रातील तज्ञ व्यक्तींनी सहभाग घेतला होता. त्यामध्ये प्रामुख्याने डॉ. सचिन पुणेकर, डॉ. मिलींद सरदेसाई, डॉ.डी.आर शिर्के, डॉ.महेश शिंदीकर यासारख्या वनस्पतीषास्त्रात अभ्यासक असणाऱ्या व्यक्ती होत्या.
या परिषदेमध्ये सहभागी व्यक्तींना नाईट टक करणे, निसर्गाची पाहणी करणे, आपला इतिहास अभ्यासणे या गोष्टींचा अनुभव घेता आला. या परिषदेच्या आयोजनामध्ये महाविदयालयातील वनस्पतीशास्त्राच्या प्रमुख प्रा. अर्चना सुतार, ए. आर.सी.अंजली अकीवाटे, प्रा.हेमल ढगे,प्रा.मुकेष तिवारी यांचा समावेष होता. प्रास्ताविक प्रा. अंजली अकीवाटे यांनी केले. आभार प्रा.अर्चना सुतार यांनी मानले.
...Read More

शहरातील पाणीपुरवठा आज बंद

व्हीएस न्यूज - पिंपरी-चिंचवड महानगरपालिकेच्या सेक्टर क्रमांक येथील जलशुध्दीकरण केंद्रातील पाणी पुरवठा विभागाची नियमित दुरुस्तीसाठी आज (गुरुवार) शहरातील पाणीपुरवठा बंद ठेवण्यात येणार आहे.
विद्युत विभागातील रावेत पंपीग स्टेशनमधील तातडीची आवश्यक कामांसाठी पाणीपुरवठा बंद करण्यात येणार आहे. दुरुस्तीच्या कामासाठी सर्व पाणीपुरवठ्याची यंत्रणा बंद ठेवण्यात येणार असल्यामुळे दुसऱ्या दिवशी म्हणजे शुक्रवारी सकाळचा पाणीपुरवठा अनियमित होण्याची शक्यता आहे. तरी नागरिकांनी पाण्याचा पुरेसा साठा करुन काटकसरीने वापर करावा असे आवाहन करण्यात आले आहे.
...Read More

अट्टल दुचाकीचोर गजाआड; सहा दुचाकी जप्त

...Read More

वाहनतळातील तीन दुचाकी, एक सायकल झाळली, 88 हजारांचे नुकसान

व्हीएस न्यूज - वाहनतळात पार्क केलेल्या तीन दुचाकी व एक सायकलला अज्ञाताने आग लावली. यामध्ये 88 हजारांचे नुकसान झाले आहे. ही घटना सोमवारी मध्यरात्री चिंचवड येथील अजंठानगरातील टीसीआय कंपनीसमोरील वाहनतळ येथे घडली.
सुमन गायकवाड (40, रा. चिंचवड) यांनी निगडी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, फिर्यादी गायकवाड, लता मोहन खरचणे यांची ड्रिम युगा, एक ऍटलस कंपनीची रेंजर सायकल तर भाऊसाहेब सुर्यभान ठोसर यांची हिरो होंडाची दुचाकी अशा तीन दुचाकीला व एका सायकल टीसीआय कंपनीसमोरील वाहनतळात लावली होती. अज्ञात आरोपीने आग लावून 88 हजार रूपयांचे नुकसान केले. याप्रकरणी निगडी पोलीस ठाण्यात अज्ञात आरोपी विरोधात गुन्हा दाखल करण्यात आला आहे. फौजदार एस. एस. सुर्यवंशी अधिक तपास करत आहेत.
...Read More

खडकीत सहा लाखांची दिवसाढवळ्या घरफोडी

व्हीएस न्यूज - बंगल्याच्या कंपाऊंटवरून उडी मारून चोरट्यांनी बंगल्याचे कुलूप तोडून घरात प्रवेश केला. बेडरूममधील लाकडी कपाटातील रोख 25 हजार, सोन्याचे दागिने असा 6 लाखांचा ऐवज दिवसाढवळ्या चोरून नेला. ही घटना खडकीतील अर्जुन मार्ग येथे सकाळी सात ते रात्री आठ या कालावधीत घडली.
विश्वजीत मित्रा (वय-39, रा. खडकी) यांनी खडकी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, मित्रा यांचा खडकीतील अर्जुन मार्ग येथे बंगला आहे. मंगळवारी सकाळी सात ते रात्री आठ वाजेपर्यंत त्यांचे घर कुलूप लावून बंद होते. याकालावधीत चोरट्याने बंगल्याच्या कंपाऊंटवरून उडी मारली. घराचे कुलूप तोडून बेडरूममधील कपाटातील रोख 25 हजार, सोन्याचे दागिने असा 6 लाख 1 हजार रूपयांचा ऐवज चोरून नेला. फौजदार एस. बी. भोसले अधिक तपास करत आहेत.
...Read More

रस्त्यावर डिझेल सांडल्याने दुचाकी घसरून नागरिक जखमी

...Read More

इंद्रायणी नेत्र रूग्णालय व फेको सेंटरचे उद्‌घाटन

व्हीएस न्यूज - - नेत्रदान हे सर्वश्रेष्ठ दान आहे. पण जनमानसात याविषयी जनजागृती नसल्याने सहसा कुणी नेत्रदान करण्यासाठी पुढे येत नाही. त्यामुळे नेत्रदानाचे महत्व पटवून देण्यासाठी वैद्यकीय क्षेत्रात कार्यरत असलेल्यांनी पुढाकार घेणे गरजेचे आहे. नेत्र रूग्णालयाच्या माध्यमातून गोर-गरीब रूग्णांना माफक दरात सेवा उपलब्ध करून दिल्याने ही एक सामाजिक सेवा आहे, असे मत भारत सरकारच्या कस्टम्सचे उपायुक्त भारत नवले यांनी व्यक्त केले. तसेच दृष्टीहीनांसाठी प्रत्येकाने नेत्रदानाचा संकल्प करावा, असे आवाहन त्यांनी केले.

इंद्रायणी नदीच्या काठी देहूगाव येथे ‘नेत्र सेवेसाठी समर्पित’ या उद्देशाने सुरू केलेल्या इंद्रायणी नेत्र रूग्णालय व फेको सेंटरचे भारत नवले यांच्या हस्ते उद्‌घाटन करण्यात आले. त्यावेळी ते बोलत होते. याप्रसंगी देहूनरीच्या सरपंच उषा चव्हाण, हवेली पंचायत समितीच्या सदस्या हेमलता काळोखे, उपसरपंच संतोष हगवणे, संत तुकाराम महाराज देहूगाव संस्थानचे अध्यक्ष पंढरीनाथ मोरे-इनामदार, माजी सरपंच व विद्यमान ग्रामपंचायत सदस्या रत्नमाला करंडे, औंध जिल्हा रूग्णालयाचे डॉ. बाळासाहेब शिंदे, माजी पंचायत समिती सदस्य बाळासाहेब काळोखे, सुनिल घोडेकर, माजी सरपंच मधुकर यादव, ज्येष्ठ कायदे तज्ज्ञ अँड. सुग्रीव नेरे, सरकारी वकील अँड. प्रतिभा नेरे-तांबारे, डॉ. किशोर यादव, डॉ. संतोष सोमटकर, डॉ. परमेश्वर तिडके, डॉ. रोहन चव्हाण, ऍड. निर्मला यादव, डॉ. विद्या यादव, गंगा यादव, जेजेराम यादव, प्राचार्य सदाशिव कांबळे, पंचक्रोशी हायस्कूलचे मुख्याध्यापक नारायण पवार, कर्तव्य फांऊडेशनचे अमित शिवले यांच्यासह आदी मान्यवर मोठ्या संख्येने उपस्थित होते.

”देशात लाखो लोक अंध आहेत. त्यांना जगण्यासाठी अनेक समस्यांना तोंड द्यावे लागते. आपल्या मृत्यूनंतर शरीराचा काहीही फायदा होत नाही. त्यामुळे अंध व्यक्तींना सुंदर सृष्टी पाहण्यासाठी प्रत्येकाने मरणोत्तर नेत्रदान करण्याचा संकल्प करावा. नेत्रदानामुळे अंध व्यक्तींना नवसंजीवनी मिळणार असल्याने जास्तीत जास्त नागरिकांनी मरणोत्तर नेत्रदान करावे”, असे आवाहनही भारत सरकारच्या कस्टम्सचे उपायुक्त भारत नवले यांनी केले. ”अंध व्यक्तींना नवीन नेत्र बसवून त्यांना नवसंजीवनी देण्याचे तंत्रज्ञान प्रगत आहे. मात्र, नेत्रदात्यांची संख्या अत्यंत कमी असल्याने आपण गरजूंना नवीन नेत्र बसवू शकत नाही. जर आपण मरणोत्तर नेत्रदान केले तर निश्चित गरजूंना त्याचा उपयोग होईल आणि त्यांना नवसंजीवनी देता येईल”, असेही नवले यावेळी म्हणाले. याप्रसंगी देहूच्या सरपंच उषा चव्हाण, हवेली पंचायत समितीच्या सदस्या हेमलता काळोखे, उपसरपंच संतोष हगवणे, रत्नमाला करंडे यांनीही मनोगत व्यक्त केले. कार्यक्रमाचे सूत्रसंचालन जेजेराम यादव यांनी केले. तर, अँड. निर्मला यादव यांनी आभार मानले.

...Read More