व्हिएस न्यूज - बिहारमधील भोजपूर जिल्ह्य़ातील कुमारी सिंह हे नाव संपूर्ण जगासाठी प्रेरणास्थान बनले आहे. स्विसच्या महिला विश्व समिट फाउंडेशनच्या वतीने तिला तिच्या उत्कृष्ट कामासाठी वुमेन्स क्रिएटिविटी इन रुरल लाइफ पुरस्कार प्रदान करण्यात आला. उच्चवर्गाच्या मुलांसारखे दलित समाजातील मुलांना शिक्षण देण्याचे काम केल्याबद्दल तिला हा हा सन्मान देण्यात आला आहे. या मुलीने २०१४ मध्ये रत्नापूर गावातून आपल्या या काम सुरु केली.

कुमारी याबाबत सांगते कि अशा लहान मुलांना शिकवण्याची प्रेरणा तिला तिच्या आध्यात्मिक गुरुकडे गेल्याने मिळाली. देशभरातील १०१ खेडयातील मुलांना शिक्षण देण्याची तिची इच्छा आहे. हा सन्मान मिळवणारा ती सर्वात युवा उमेदवार आहे. कुमारी आपल्या परिसरातील त्या वर्गातील मुलांसाठी देखील काम करते ज्यांच्या पालकांकडे स्वतःच्या जमिनी नाहीत आणि ते फक्त मजुरी करून आपले पोट भरतात. कुमारीने सुरुवातीला या कार्यक्रमात शाळेतून येणा-या अशा मुलांना ट्यूशन देणे सुरु केले जे शाळेत आल्यावर फक्त फिरण्याचे काम करत होते.

लहान मुलांना शिकवत असताना तिने त्या मुलांच्या पालकांचाही त्यांच्यासोबत समावेश केला. तिने सर्वांना महिन्याला किमान २० रुपये बचत केली असे सांगितले. नंतर त्यांनी हा पैसा सर्वसाधारण बँकेत जमा करणे सुरू केले. जेव्हा गावातील लोकांनी यापासून फायदा व्हायला सुरुवात झाली, तेव्हा त्यांनी कुमारीजवळ जवळपासच्या गावातील महिलांनाही पाठविणे सुरू केले. याबरोबरच आजूबाजूच्या गावातील मुले व मुलीही तिच्याजवळ यायला लागले.

बघता बघता १०० मुलांसह सुरु केली शिकवणी १००० मुलांपेक्षा जास्त झाल्यानंतर कुमारीने लोकांच्या मदतीने गावातील जनतेसाठी हात पंप आणि शौचालये तयार केली.

[9:18 AM, 12/22/2017] Swayam Aswar Press:

व्हिएस न्यूज - प्राधिकरणातील शेतकऱ्यांना साडेबारा टक्के परतावा व पिंपरी पोलीस आयुक्तालयाच्या निर्णयाची तातडीने अंमलबजावणी या मागणीसाठी पिंपरीचे आमदार ॲड. गौतम चाबुकस्वार यांच्या नेतृत्वाखाली आज नागपूर येथे आंदोलन करण्यात आले.

नागपूर येथे सुरू असलेल्या हिवाळी अधिवेशनाच्या शेवटच्या टप्प्यात निर्णय होऊनही वेळकाढूपणा चालू असलेल्या पिंपरी चिंचवड शहरातील या दोन प्रश्नांसाठी विधानसभेतील पायऱ्यांवर उभे राहून सरकारचे लक्ष वेधून घेण्यात आले. आमदार चाबुकस्वार यांच्या नेतृत्वाखाली शिवसेनेचे सत्यजित पाटील, राजन साळवी, सुजीत मिंचेकर, सुरेश गोरे, प्रकाश आबीटकर आदी आमदारांनी यामध्ये भाग घेतला.

प्राधिकरणातील शेतकऱ्यांना साडेबारा टक्के जमिन परतावा मिळावा यासाठी आमदार चाबुकस्वार यांनी यापूर्वी तीन वेळा नगरविकास खात्याच्या राज्यमंत्र्यासमवेत बैठक घेतली होती. हा विषय अंतिम मान्यतेसाठी मुख्यमंत्र्याकडे प्रलंबित आहे. तशीच परिस्थिती शहरासाठी स्वतंत्र पोलीस आयुक्तालयाच्या निर्मितीबाबत झाली आहे. निर्णय झाला परंतू अर्थखात्याची मान्यता तसेच प्रशासकीय सुस्तपणामुळे हा देखील प्रश्न लटकून राहिला आहे. मार्च मध्ये झालेल्या अर्थसंकल्पीय अधिवेशनामध्ये आमदार चाबुकस्वार यांनी याप्रश्नी विधानसभेत लक्षवेधीही मांडली होती.

आज सकाळी या दोन प्रश्नांच्या मागणीचे बॅनर फडकावत आमदार चाबुकस्वार यांच्या नेतृत्वाखाली शिवसेनेचे सर्व आमदार विधानसभेतील पायऱ्यांवर आले. व त्यांनी आंदोलनास सुरूवात केली. यानंतर झालेल्या पत्रकार परिषदेत बोलताना आमदार चाबुकस्वार म्हणले की, पिंपरी चिंचवड शहरातील जनतेच्या जिव्हाळयाचे हे दोन प्रश्न आहे. गेली तीन वर्षे सातत्याने आपण हे प्रश्न सोडविण्याची मागणी करत आहोत. परंतू सरकार तातडीने निर्णय घेत नाही. येत्या दोन महिन्यात हे दोन्ही प्रश्न निकाली लागले नाही तर अधिक तीव्र आंदोलन करण्यचा इशारा त्यांनी यावेळी दिला.

व्हिएस न्यूज - ओकिनोवा कंपनीने त्यांची पहिली इलेक्ट्रीक स्कूटर प्रेझ भारतात मंगळवारी लाँच केली असून ही स्कूटर अगदी कमी खर्चात युजर चालवू शकणार आहे. ही स्कूटर चालविण्यासाठी प्रति किलेामीटर १० पैसे इतका मामुली खर्च करावा लागेल असा कंपनीचा दावा आहे. या स्कूटरचे प्री बुकींग सुरू झाले असून दोन हजार रूपये भरून ही नोंदणी करता येणार आहे. महिना अखेरी या स्कूटरची डिलिव्हरी सुरू होत आहे. कंपनीची भारतीय बाजारातील ही दुसरी स्कूटर आहे. यापूर्वी त्यांनी रिझ स्कूटर लाँच केली आहे. मात्र प्रेझ ही पहिली इलेक्ट्रीक स्कूटर असून तिची किंमत आहे ५९८८९ रूपये.

या स्कूटरला साईड स्टँड सेन्सर, कीलेस एंट्री, फाइंड माय स्कूटर फंक्शन, एलईडी टेललाईट, इंडिकेटर्स दिले असून ती ३ स्पीड मोडमध्ये उपलब्ध आहे. इकॉनॉमर, स्पोर्ट व टर्बो असे हे तीन स्पीड मोड आहेत. ही स्कूटर २ तासांत फुल चार्ज होते व एकदा चार्ज केल्यानंतर १७० ते २०० किमी जाते असाही दावा कंपनीने केला आहे.

व्हिएस न्यूज - एकीकडे सामान्यांपासून गरीब नागरिक उपचारांसाठी खासगी रुग्णालयातील अवाढव्य बिलामुळे सरकारी रुग्णालयांना प्राधान्य देतात. पण आता शुल्क आणि तपासणीच्या रकमेत सरकारी रुग्णालयेही वाढ करणार आहेत.

जेजे, सेंट जॉर्ज, जीटी कामा या रुग्णालयांचा यामध्ये समावेश आहे. शुल्क वाढवण्याचा निर्णय महागाईमुळे घेण्यात आला असून १ जानेवारी २०१८पासून नवे दर लागू होणार आहेत. ब्रेन, इन्प्लांट, लॅप्रोस्कोपी यांसारख्या ३२ प्रकारच्या महत्त्वाच्या शस्त्रक्रियांचे शुल्क १४० रुपयांनी वाढवून २५० रुपये करण्यात आले आहे. केस पेपरच्या शुल्कासह उपचारांशी संबंधित सुमारे १००० सेवा महाग होणार आहेत. या दरम्यान शवविच्छेदनाच्या शुल्कातही वाढ करण्यात आली आहे. त्याचबरोबर तपासणी, शस्त्रक्रिया आणि प्रमाणपत्राच्या शुल्कातही वाढ करण्यात आली आहे.

व्हिएस न्यूज– मोठ्या प्रमाणात २ हजार रुपयांच्या नोटा छापणे भारतीय रिझर्व्ह बँकेने बंद केले असल्याचे भारतीय स्टेट बँकेच्या इकोफ्लॅश अहवालात नमूद करण्यात आले आहे.

याबाबत एसबीआयने बनवलेल्या अहवालानुसार आर्थिक व्यवहारात २ हजार रुपयांची नोट ही देव-घेव करताना अडचणीचे ठरते. आरबीआयने त्यामुळे या नोटांचे प्रमाण कमी केले असावे किंवा ही नोटच बंद केली असावी, असे एसबीआयच्या अहवालात नमूद केले आहे. या २ हजार रुपयांच्या नोटा नोटाबंदीचा निर्णय लागू केल्यानंतर चलनात रोकड उपलब्ध करताना मोठ्या प्रमाणात छापण्यात आल्या होत्या.

बाजारात उपलब्ध असलेल्या कमी मूल्यांच्या नोटा या केवळ ३५ टक्क्यापर्यंत पोहोचल्या असल्याचे एसबीआय समूहाचे मुख्य आर्थिक सल्लागार सौम्य कांति घोष यांनी म्हटले आहे. ८ डिसेंबर २०१७ पर्यंत रिझर्व्ह बँकेने १५,७८,७०० कोटी रुपये मूल्य असलेल्या मोठ्या नोटांची छपाई केली आहे. यात आरबीआयने अद्याप २,४६,३०० कोटी रुपये मुल्यांच्या नोटा व्यवहारात आणलेल्या नाहीत. तसेच २,४६३ अब्ज रुपये मुल्यांच्या २ हजार रुपयाच्या नोटा बाजारात उपलब्ध करण्याऐवजी ५० आणि २०० रुपयाच्या छोट्या चलनी नोटा आरबीआयकडून जारी होण्याची शक्यता आहे. गेल्या वर्षी सरकारने रदद् केलेल्या ५०० रुपये व हजार रुपयांच्या रद्द केलेल्या नोटा बाजारात ८६ ते ८७ टक्के चलनात होत्या.

व्हिएस न्यूज - यंदा अक्षय कुमारचा ‘टॉयलेट एक प्रेम कथा’ समाज प्रबोधन आणि स्वच्छतेचा संदेश देणारा चित्रपट म्हणून चांगलाच गाजला. स्वत: पंतप्रधान नरेंद्र मोदींनी या चित्रपटाचे कौतुक केले होते.

आता तर अक्षयच्या ‘टॉयलेट एक प्रेम कथा’वर जगातील सर्वात श्रीमंत व्यक्ती अर्थात मायक्रोसॉफ्टचे संस्थापक बिल गेट्स यांनीही स्तुतीसुमने उधळली आहेत. २०१७चे विश्लेषण करताना बिल गेट्स यांनी अक्षय कुमारच्या ‘टॉयलेट एक प्रेम कथा’चा उल्लेख करत, या चित्रपटाचे कौतुक केले आहे.

या वर्षभरात आपण कोणत्या गोष्टींमुळे प्रभावित झालो, याची माहिती बिल गेट्स यांनी ट्वीट करुन दिली आहे. यामध्ये त्यांनी ‘टॉयलेट एक प्रेम कथा’चा उल्लेख करत, चित्रपटाचे कौतुक केले. २०१७ हे वर्ष खडतर होते, यात शंका नाही. पण या वर्षानेही काही आशा आणि प्रगतीचे अद्भुत क्षण दिले. ‘टॉयलेट एक प्रेम कथा’ हा बॉलिवूडचा चित्रपट, नवविवाहित दाम्पत्याची प्रेमकहाणी आहे. स्वच्छतेबाबत या चित्रपटातून जनजागृती करण्यात आली असल्याचे ट्विट असं बिल गेट्स यांनी केले आहे.

व्हिएस न्यूज - दूरसंचार क्षेत्रातील आघाडीची कंपनी व्होडाफोन आणि आयटेल या दोन कंपन्यानी एकत्र येत नवा ४जी स्मार्टफोन भारतीय बाजारपेठेत आणला आहेत. या स्मार्टफोनचे ‘A२०’ असे नाव असून, जिओ फोन आणि एअरटेल इंटेक्स अॅक्वा लायन्स N1 या स्मार्टफोनच्या किंमतींएवढी याची किंमत आहे.

या स्मार्टफोनचे फीचर्सही आकर्षक असून एक जीबी रॅम आणि 4 इंचाचा WVGA डिस्प्ले देण्यात आला आहे. ३६९० रुपये ऐवढी ‘A२०’ स्मार्टफोनची मूळ किंमत असून ही पूर्ण किंमत मोबाईल खरेदी करण्यावेळी द्यावी लागेल. मात्र यावर २१०० रुपयांचे कॅशबॅक आहे. पण मोबाईल खरेदी केल्याच्या १८ महिन्यांच्या अंतराने कॅशबॅकची रक्कम मिळेल. म्हणजेच १८ महिन्यांनी ९०० रुपये, त्यानंतरच्या १८ महिन्यांनी १२०० रुपये मिळणार आहेत. त्यामुळे हा स्मार्टफोन तुम्हाला १५९० रुपयांना पडतो.

प्रत्येक महिन्याला या स्मार्टफोनसाठी १५० रुपयांचे रिचार्ज करावे लागेल. ३६ महिने हे रिचार्ज करावे लागेल. ज्यांना शक्य आहे, ते ३६ महिन्यांचे रिचार्ज आधीच एकत्रित करु शकतात. म्हणजे एकत्रित रिचार्ज केल्यास ५४०० रुपये भरावे लागतील. ३१ मार्च २०१८ पर्यंत या स्मार्टफोनसाठीच्या या सर्व ऑफर उपलब्ध असतील.

व्हिएस न्यूज – गुजरात विधानसभा निवडणुकीतील विजयानंतर भाजपकडून विजयोत्सव साजरा केला जात असताना गुजरातमधील नवनिर्वाचित आमदार आणि तरुण दलित नेता जिग्नेश मेवानी यांनी पंतप्रधान नरेंद्र मोदी आता म्हातारे झाले आहेत. ते लोकांना आपले जुने कंटाळवाणे भाषण सतत ऐकवत आहेत. त्यांनी राजकारणातून आता ब्रेक घ्यायला हवा, निवृत्त व्हायला हवे. मोदींनी हिमालयात जाऊन ध्यान करावे, असा वादग्रस्त सल्ला दिला आहे.

गुजरातचा निकाल हा आमच्या आंदोलनाचा विजय असून आम्ही यापुढे विधानसभा आणि रस्त्यावर आमच्या आंदोलनावर आणखी जोर देणार आहोत तसेच भाजपची सत्ता २०१९मध्ये हटवणार आहोत. आता आमच्यासारख्या दलित, आंदोलनातून निघालेल्या तरुणांची गरज देशाला आहे. आता लोकांच्या लक्षात देशाला तोडणारे राजकारण यायला लागले आहे.

त्याचबरोबर १५० जागांचा दावा करणाऱ्या मोदी आणि शहांचा अहंकाराचा फुगा फुटला असून पंतप्रधान नरेंद्र मोदींना २०१९ मध्ये हीच परिस्थिती पुन्हा पाहायला मिळेल असा दावाही मेवानी यांनी केला आहे.

गुजरातमधील उना येथे दलितांवर झालेल्या अत्याचारानंतर तीव्र आंदोलनातून जिग्नेश मेवानी हा तरुण दलित नेता उदयास आला. एका मुलाखतीदरम्यान जिग्नेश यांनी मोदी-शहा यांच्यावर कडाडून टीका केली. मेवानी पुढे म्हणाले, २०१९ च्या लोकसभा निवडणुकीसाठी आम्ही पूर्णपणे तयार आहोत.

व्हिएस न्यूज – कोलकाता उच्च न्यायालयाचे निवृत्त मुख्य न्यायमूर्ती एस. कर्णन यांनी न्यायालयाचा अवमानना केल्याप्रकरणी सहा महिने तुरूंगवासाची शिक्षा सुनावण्यात आली होती. त्यानंतर आज त्यांची सुटका करण्यात आली आहे. २० जून रोजी त्यांना अटक करण्यात आली होती.

सर्वोच्च न्यायालयाचे तत्कालिन मुख्य न्यायमूर्ती जे. एस. केहर आणि इतर न्यायाधीशांवर न्या. कर्णन यांनी भ्रष्टाचाराचे आरोप केले होते. त्यांनी यासाठी सीबीआय चौकशीचे निर्देशही दिले होते. दरम्यान केहर यांनी हे आरोप म्हणजे न्यायालयाचा अवमानना असल्याचे म्हटले होते. त्यानंतर कर्णन यांच्याविरोधात चौकशीचे आदेश ७ न्यायाधीशांच्या खंडपीठाने दिले होते.

या खंडपीठाचे न्या. कर्णन यांना निवृत्तीनंतर तुरूंगात पाठवावे का यावर एकमत झाले नव्हते. एक न्यायाधीश तुरूंगात जाणे म्हणजे न्याय व्यवस्थेवर हा कलंक असल्याचे मानले जाईल, असे काहींचे मत बनले होते. परंतु, नंतर खंडपीठाने सर्व शक्यता फेटाळून अवमानना कोण केली आहे फरक पडत नसल्याचे मत व्यक्त केले होते. न्या. कर्णन यांनी यापूर्वी भारताचे तत्कालीन मुख्य न्यायमुर्ती आणि सर्वोच्च न्यायालयाचे इतर ७ न्यायाधीशांना ५ वर्षांची शिक्षा सुनावली होती.

गुरुग्राममधील प्रसिद्ध रायन इंटरनॅशनल शाळेतील ५ वर्षीय प्रद्युम्नच्या हत्येप्रकरणी शाळेतील अल्पवयीन विद्यार्थ्याला ताब्यात घेण्यात आलं आहे. गुन्ह्याचे गांभीर्य लक्षात घेता या विद्यार्थ्याला सज्ञान समजून त्याप्रमाणे त्याच्यावर खटला चालवण्यात यावा, अशी मागणी याप्रकरणी तपास करत असलेल्या सीबीआयने याचिकेद्वारे केली होती. या याचिकेवर आज सुनावणी झाली असता बाल हक्क न्यायालयाने अल्पवयीन आरोपीवर सज्ञानाप्रमाणे गुन्हा चालवण्यात अनुमती दिली.

प्रद्युम्न ठाकूर या मुलाच्या हत्येने देशभरात खळबळ उडाली होती. याप्रकरणी आधी शाळेचा बसचा कंडक्टर अशोकला अटक करण्यात आली होती. मात्र, याप्रकरणाचा तपास सीबीआयच्या हाती गेल्यानंतर तपासाला नवं वळण मिळालं. ही हत्या अशोकने नव्हे तर अकरावीतील १६ वर्षीय विद्यार्थ्याने केल्याचे समोर आले. त्यानंतर या विद्यार्थ्याला अटक करण्यात आली. याच महिन्यात १५ तारखेला कोर्टाने या विद्यार्थ्याचा जामीन अर्जही फेटाळून लावला. या हत्येवरून देशभरात संतापाचे वातावरण आहे. त्यामुळे आरोपीला जामीन दिल्यास तपासावर परिणाम होऊ शकतो आणि पुरावे नष्ट करण्याचा प्रयत्न केला जाऊ शकतो, असे कोर्टाने हा अर्ज फेटाळताना नमूद केले होते.

त्याचप्रमाणे अंशतः नुकसान झालेल्या बोटींसाठी 4 हजार शंभर तर पूर्णपणे नुकसान झालेल्या बोटींसाठी 9 हजार 600 रुपये तसंच अंशतः नुकसान झालेल्या मासेमारी जाळ्यांसाठी 2 हजार 100 तर पूर्णपणे नुकसान झालेल्या जाळ्यांसाठी 2 हजार 600 रुपये मदत देणार असल्याची घोषणा पाटील यांनी यावेळी केली .ही सगळी मदत पूर्णपणे राज्याच्या तिजोरीतून दिली जाईल असं त्यांनी स्पष्ट केलं.

मुंबईसह संपूर्ण कोकणात किनारपट्टी, मच्छिमार आणि फळबागांचं मोठ्या प्रमाणावर नुकसान झाले असून नुकसानग्रस्तांना भरीव मदत करावी अशी मागणी करत राष्ट्रवादी काँग्रेसचे सुनील तटकरे यांनी यासंदर्भात उपस्थित केलेल्या अल्पकालीन चर्चेला उत्तर देताना ते बोलत होते. नुकसानीचे पंचनामे अद्याप झालेले नाहीत सरकारी व्यवस्था मुजोरपणे काम करत आहे असा आरोप तटकरे यांनी या चर्चेत बोलताना केला. राज्यातील रस्त्यांमध्ये पडलेल्या खड्डयांसाठी महाराष्ट्रभर फिरणाऱ्या संवेदनशील महसुलमंत्री चंद्रकांतदादा पाटील यांनी कोकणाला खड्डयात घालण्याचे काम करु नये ते पाप घेवू नका असा सल्ला सुनिल तटकरे यांनी दिला. आज ओखी वादळामुळे झालेल्या शेतकऱ्यांच्या प्रश्नावर आमदार सुनिल तटकरे यांनी सरकारला धारेवर धरले. कोकणावर अन्याय करणाऱ्या सरकारचा सुनिल तटकरे यांनी धिक्कार करत निषेधही केला.

निसर्गातील बदलामुळे कोकणातील बागायतदारांचे मोठे नुकसान झाले. त्या नुकसानीकडे सरकारने लक्ष दिले नाही. झालेल्या नुकसानीचे पंचनामेही साधे घालण्यात आले नाहीत. सरकारच्या या असंवेदनशीलतेबाबत मी सभागृहामध्ये चर्चेच्या माध्यमातून तीव्र संताप व्यक्त करत आहे. सरकारला ओखी वादळ येणार याचा अंदाज मिळाला होता परंतु हे सरकार ओखी वादळ येईपर्यंत ढिम्मपणे पहात राहिले. मच्छीमारांच्या बोटींना फक्त लाल बावटे दाखवण्यापलीकडे सरकारने काही केले नाही असा आरोप तटकरे यांनी केला.

ओखी वादळ येणार हे माहित असूनही कोकणातील महसुल यंत्रणा आणि त्याची व्यवस्था पाहणारे जिल्हाधिकारी काय करत होते असा सवाल सुनिल तटकरे यांनी करत सरकारचे वाभाडे काढले.

चंद्रकांत पाटील यांनी तटकरे यांचे सगळे आरोप फेटाळून लावत सात डिसेंबरलाच पंचनामे करण्याचं काम सुरू आहे असं सांगितलं, मात्र ज्या ठिकाणी पंचनामे सुरू नाहीत असं आढळलं तर संबंधित अधिकार्यांना कडक सूचना दिल्या जातील असा सांगत महसूल मंत्र्यानी सभागृहाला आश्वस्त केलं.

ओखी वादळाबाबत पूर्वकल्पना असूनही सरकारने आवश्यक ती खबरदारी घेतली नाही अशी टीका करून सरकारने जाहीर केलेली मदत तुटपुंजी असल्याचं सांगत विरोधकांनी नाराजी आणि असमाधान व्यक्त केले