व्हीएस न्यूज - पुणे येथे मांज्यामुळे एका महिलेचा मृत्यू झाला, तर पिंपरी-चिंचवड शहरात मांज्यामुळे दोन जण गंभीर जखमी झाले. पोलिसांनी मांजाविक्री करणाऱ्यांवर धडक कारवाई सुरू केली आहे. वाकड पोलिसांनी डांगे चौकातील दुकानातून एक हजार 215 रुपयांचा मांजा जप्त करून दुकान चालकावर गुन्हा दाखल करण्यात आला आहे.
डांगे चौकातील क्लासिक स्टेशनरी मालक रताराम रघुनाथराम सोळंकी (वय-37, रा. विशालनगर, वाकड) आणि चंपालाल रघुनाथ सोळंकी (वय-34) या दोघांविरुद्ध कारवाई करत गुन्हा दाखल करण्यात आला आहे.
बंदी असलेला पतंगाच्या नायलॉन मांज्यामुळे पुण्यातील सुवर्णा मुजुमदार या महिलेचा 11 फेब्रुवारी रोजी गंभीर जखमी होऊन मृत्यू झाला. तर जानेवारी महिन्यात काळेवाडीतील हमजा खान या दोन वर्षाच्या मूलाच्या पतंगाच्या मांज्यामुळे जबर जखम झाली होती. यामध्ये त्याच्या डोळ्याला तब्बल 32 टाके पडले आहेत. तर रंगनाथ बाळकृष्ण भुजबळ (रा. ज्योतिबा नगर काळेवाडी), गंभीर जखमी झाले होते. त्यामुळे बंदी असलेल्या माजा विक्री करणाऱ्या दुकानदारांवर कठोर कारवाई करण्याची मागणी जोर ध़रू लागली होती. याची गंभीर दखल घेत
वाकड पोलीसांनी मंगळवारी डांगे चौकातील क्लासिक स्टेशनरी या दुकानावर कारवाई करत एक हजार 215 रुपयांचा मांजा जप्त केला. दुकान चालकावर गुन्हा दाखल करण्यात आला आहे.
वाकड पोलीस अधिक तपास करत आहेत.

व्हीएस न्यूज - ब्युटी पार्लर चालविणाऱ्या महिलेने गळफास घेऊन आत्महत्या केल्याची घटना उघडकीस आली आहे. ही घटना मोशी प्राधिकरण सेक्टर नंबर सहा येथे सोमवारी सायंकाळी चारच्या सुमारास घडली.
रोहिणी राजेंद्र अष्टेकर (वय 35, रिद्धी-सिद्धी संस्कृती अपार्टमेंट, सेक्टर नं. 6, मोशी प्राधिकरण, पुणे) असे आत्महत्या केलेल्या महिलेचे नाव आहे.
पोलीसांनी दिलेल्या माहितीनुसार, रोहिणी अष्टेकर मोशी ब्युटी पार्लर चालवतात. त्यांचे पती राजेंद्र अष्टेकर एका खाजगी कंपनीत काम करतात. सोमवारी रोहिणी यांनी आपल्या राहत्या घरी गळफास घेऊन आत्महत्या केली. आत्महत्येचे नेमके कारण अद्याप समजू शकले नाही. पोलीस उपनिरीक्षक हेमंत कोकणी अधिक तपास करत आहेत.
...Read More

व्हीएस न्यूज - वाहन चोरी रोखण्यासाठी लावलेल्या सापळ्यात दोन सराईत चोरट्यांना गजाआड करण्यास एमआयडीसी पोलीसांना यश आले आहे. त्यांच्याकडून 13 दुचाकी व सहा मोबाईल जप्त करण्यात आले असून 13 गुन्हे उघडकीस आले आहेत.
अमोल रखमाजी खंडाळे (वय-34, रा. स्वराज गार्डन समोर, हिंद कॉलनी पिंपळे-सौदागर), राजेश ऊर्फ मुन्ना हरीचंद्र डोलारे (वय-28, रा. आनंदनगर, चिंचवड) असे अटक केलेल्या सराईत चोरट्यांची नावे आहेत.
तसेच संशयावरून ताब्यात घेतलेल्या एकाकडून एक घरफोडीचा गुन्हा उघडकीस आला आहे. सोनाजी विष्णु लगाडे (वय-31, रा. तळवडे, चव्हाणनगर, निगडी) असे अटक केलेल्या आरोपीचे नाव आहे.
त्याच्याकडून 1 सोन्याची चैन, 1 अंगठी असा 70 हजार रूपये किंमतीचा ऐवज जप्त करण्यात आला. तिन्ही आरोपींकडून 4 लाख 78 हजार 500 रूपयांचा ऐवज पोलीसांनी जप्त केला आहे. ही कारवाई सहाय्यक पोलीस आयुक्त सतीश पाटील यांच्या मार्गदर्शनाखाली एमआयडीसी पोलीस ठाण्याचे वरिष्ठ पोलीस निरीक्षक भिमराव शिंगाडे, तपास पथकातील पोलीस उपनिरीक्षक रावसाहेब बांबळे, फौजदार भालेराव आदींनी केली.

व्हीएस न्यूज - तूप विकण्याच्या बहाण्याने घरात घुसलेल्या दोन भामट्यांनी तुमचे नातेवाईक आप्पाशी बोला, असे सांगून महिलेचे 6 तोळे दागिने व रोकड असलेला डबा घेवून भामटे पसार झाले. ही घटना मंगळवारी दुपारी बाराच्या सुमारास चिंचवड येथील श्रीसाई हौ. सोसायटीमध्ये घडली. याप्रकरणी कुसूम लालासाहेब झोडगे (वय-58, रा. श्रीसाई हौ. सोसायटी, चिंचवड) यांनी निगडी पोलीस ठाण्यात फिर्याद दिली आहे. झोडगे यांचा मुलगा ठाण्यात सहाय्यक फौजदार म्हणून कार्यरत आहे.
पोलीसांनी दिलेल्या माहितीनुसार, चिंचवड परिसरात मंगळवारी सकाळी दोन भामटे गावरान तुप विकण्यास आले होते. झोडगे यांना भामट्यांनी तुप दाखविले. झोडगे तुप घेवून पैसे आणण्यासाठी घरात गेल्या. पैसे घेवून येताना त्यांनी सोने व पैशांचा डबा बाहेर आणला. त्यातून शंभर रूपये काढून भामट्यांना दिले. त्याचवेळी एकाने मोबाईलवरून फोन लावत आप्पाशी बोला, असे सांगितले. रेंज कमी आहे खिडकी जवळ जाऊन बोला असे सांगून त्या खिडकीजवळ गेल्यानंतर त्यांची नजर चुकवून दागिने व पैसे घेवून भामटे पसार झाले.

निगडी पोलीस अधिक तपास करत आहेत.

व्हीएस न्यूज - व्यवसायासाठी कर्जासाठी ऑनलाईन अर्ज करणाऱ्या तरूणाला कर्ज प्रोसेसिंग फी म्हणून तब्बल 2 लाख 78 हजार रूपये बॅक खात्यावर ट्रान्सफर करण्यास भाग पाडले. कर्ज न देता तरूणाची फसवणूक केली. हा प्रकार चिंचवड येथे नुकताच उघडकीस आला. राहुल शिंदे (वय-36, रा. आनंदनगर, चिंचवड) असे फसवणूक झालेल्या तरूणाचे नाव आहे.
पोलीसांनी दिलेल्या माहितीनुसार, राहूलला व्यवसायासाठी कर्जाची आवश्यकता होती. त्याने कर्जासाठी ऑनलाईन अर्ज केला होता. यावरून माहिती घेवून आरोपीने राहूलशी संपर्क साधला. 'तुम्ही कर्जासाठी ऑनलाईन अर्ज केला आहे, तुम्हाला कर्ज प्रोसेसिंग फी' म्हणून 2 लाख 78 हजार 522 रूपये विविध बॅंकाच्या खात्यावर भरण्यास सांगितले. कर्ज न देताच फसवणूक केली. पोलीस उपनिरीक्षक कदम अधिक तपास करत आहेत.

व्हीएस न्यूज - बालकांचा सक्तीचा आणि मोफत शिक्षण अधिकार कायदा 2009 अनव्ये 25 % आरक्षण प्रवेश प्रक्रियेस सुरुवात झाली असून 28 फेब्रुवारी पार्यंत अर्ज भरण्यात येणार आहे.

या योजनेअंतर्गत पुर्व प्राथमिक वर्गातील नर्सरी, ज्यू.केजी., सिनियर केजी व इयत्ता पहिली च्या वर्गातील प्रवेश घेण्यात येईल. कोणतेही डोनेशन नाही, इयत्ता आठवी पर्यन्त मोफत शिक्षण ही या योजनेचीवैशिष्ट्ये आहेत. मात्र अल्पसंख्याक शाळांचा या मध्ये समावेश नाही . या योजने संदर्भात इच्छुक पालकांची बैठक नगरसेवक जावेद शेख यांनी आयोजित केली होती. कार्यक्रम यशस्वी करण्यासाठीआण्णा कुराडे, वसंत सोनार, ज्ञानेश्वर ननावरे, सुभाष चौधरी, प्रकाश परदेशी यांनी परिश्रम घेतले.

व्हीएस न्यूज - भोसरीतील प्रितम प्रकाश महाविद्यालयात प्रमोद महाजन कौशल्य व उद्योजकता विकास प्रशिक्षण केंद्र आणि विद्यार्थी व्यक्तिमत्व विकास कार्यशाळेचे उद्‌घाटन महापौर नितीन काळजे यांच्या हस्ते गुरुवारी झाले.
नगरसेवक विलास मडिगेरी कार्यक्रमाचे अध्यक्ष होते. यावेळी संस्थेचे अध्यक्ष डॉ. अशोककुमार पगारिया महाविद्यालयाचे प्राचार्य, प्राध्यापक आदी उपस्थित होते.
कार्यशाळेत 84 विद्यार्थ्यांनी भाग घेतला. प्राचार्य सदाशिव कांबळे यांनी स्वागत केले. प्रा. विभा ब्राह्मणकर यांनी सूत्रसंचालन केले. प्रा. रेणू अगरवाल यांनी आभार मानले.
...Read More

व्हीएस न्यूज - खडकीतील श्री साईबाबा देवस्थानच्या 50 वर्धापन दिनानिमित्त श्री साई भक्त स्नेह संमेलनाचे दि. 26 ते 28 फेब्रुवारी या कालावधीत खडकीत आयोजन करण्यात आले आहे. यानिमित्त विविध कार्यक्रम होणार आहेत.
काकड आरती, मंगलस्नान अभिषेक पुजा आरती, मध्यान्ह आरती, धूपारती, श्री गणेश होम, श्री साईसच्चरीत्र सामुदायिक पारायण, गुरूपाठ अभंग, भजन यासह शेवटच्या दिवशी ह.भ.प. डॉ.अजय आप्पा मार्जने महाराज यांचे काल्याचे किर्तन, श्री साई महाभंडारा आदी कार्यक्रमाचे आयोजन करण्यात आले आहे, अशी माहिती श्री साईबाबा देवस्थान ट्रस्टचे सुभाष कचरे, शिवा एम. शेट्टी, अरूण उत्तरकर यांनी दिली आहे.
...Read More

व्हीएस न्यूज - स्वच्छ भारत अभियानांतर्गत स्वच्छ सर्वेक्षणाकरिता तळेगाव दाभाडे नगरपरिषद सज्ज झाली असून अखेरचा टप्पा म्हणून विविध भागातील स्वच्छतेची पाहणी करण्यासाठी शनिवार व रविवार सुट्टी असूनही अधिकारी व कर्मचारी यांनी आपल्याला नेमून दिलेली कामे करण्यासाठी प्रयत्न केले.
तळेगाव शहर स्वच्छ सर्वेक्षण या स्पर्धेत उतरले असून शहरातील स्वच्छता आरोग्य यासाठी गेली काही जनजागृती मोहीम राबवीत आहे. नगराध्यक्षा चित्रा जगनाडे, उपनगराध्यक्ष सुनील शेळके, आरोग्य सभापती अरुण भेगडे पाटील, पक्षप्रतोद सुशील सैदाणे आणि मुख्याधिकारी वैभव आवारे यांच्यासह अधिकारी व कर्मचारीवर्ग या मोहिमेच्या यशस्वीतेसाठी प्रयत्नशील आहेत. शहराच्या विविध भागातील उपहारगृहे, सर्व प्राथमिक व माध्यमिक शाळा, गृहनिर्माण संस्था, रूग्णालये, व्यापारी संकुले याठिकाणी स्वछता आणि रंगरंगोटी आदी कामांसाठी स्थानिक सहकार्य घेऊन स्पर्धेची तयारी करीत आहेत. याशिवाय कचराडेपो आणि त्याठीकाणची स्वच्छता, कचऱ्याचे नियोजन करण्यासाठी आरोग्य विभाग व त्यांचे कर्मचारी शहरभर प्रयत्नशील आहेत. जनजागृतीसाठी शाळेतील विद्यार्थ्यांच्या प्रभात फेऱ्या, महिला बचतगटांच्या प्रभाग निहाय जागृतीसभा आदी गेले अनेक दिवस सर्व पदाधिकारी, नगरसेवक विशेष प्रयत्नशील आहेत.
शहरातील रोटरी, लायन्स क्लब आदी सामाजिक संस्था यामध्ये सहभागी झाल्या आहेत. तळेगाव रोटरी सिटी क्लबच्यावतीने तळेगाव शहरातील शालेय विद्यार्थ्यांची रॅली रविवारी काढण्यात आली होती. रोटरीचे संस्थापक अध्यक्ष विलास काळोखे, अध्यक्ष शशिकांत हळदे, दिपक फल्ले, संयोजक संतोष शेळके भगवान शिंदे, संतोष लोणकर, नगराध्यक्ष चित्रा जगनाडे, उपनगराध्यक्ष सुनील शेळके, मुख्याधिकारी वैभव आवारे यांनी या रॅलीत सहभाग नोंदविला.
...Read More

व्हीएस न्यूज - पथविक्रेता कायद्याची अंमलबजावणी न करता फेरीवाल्यांवर कारवाई करण्याचे धोरण पिंपरी चिंचवड महापालिकेने अवलंबल्याने त्याचा निषेध करण्यासाठी गुरुवारी सकाळी 11 वाजता कष्टकरी पंचायतीच्यावतीने महापालिका मुख्यालयावर मोर्चा काढण्यात येणार आहे.
कष्टकऱ्यांचे नेता बाबा कांबळे यांच्या नेतृत्वाखाली मोर्चा काढण्यात येणार असून प्रल्हाद कांबळे, बळीराम काकडे, धर्मराज जगताप, शोभा शिंदे, रमेश शिंदे, गणेश आहेर, सुदाम बनसोडे, सोमनाथ कलाटे, आदी मोर्चात सहभागी होणार आहेत.
टपरी पथारी हातगाडी धारकांचे पक्क्या गाळ्यात पुनर्वसन व्हावे, शहरातील टपरी, पथारी हातगाडीधारकांचे पुन्हा सर्वेक्षण व्हावे, फेरीवाला क्षेत्रे जाहीर व्हावीत, अतिक्रमण कारवाई थांबवावी, पुनर्वसनाशिवाय कारवाई करू नये, सर्व फेरीवाल्यांना ओळखपत्र व परवाना मिळावा अशा फेरीवाल्यांच्या मागण्या आहेत असे पंचायत अध्यक्ष रमेश शिंदे यांनी सांगितले. प्रशासनाने सर्व फेरीवाल्यांचे अर्ज दाखल करून घेण्यासाठी व्यवस्था करावी म्हणून आयुक्तांना पत्र दिले असून प्रशासनाने ही व्यवस्था करावी, अशी मागणी पंचायतीचे सचिव प्रल्हाद कांबळे यांनी केली.
...Read More

व्हीएस न्यूज - स्वच्छ व पारदर्शक कारभाराची भाषा करणाऱ्या भारतीय जनता पक्षाला तुकाराम मुंढे सारखे कर्तव्यदक्ष अधिकारी नकोसे वाटत असल्याबाबत खेद वाटतो, असे मत सामाजिक कार्यकर्ते अरूण बकाल यांनी व्यक्त केले आहे.
बकाल यांनी प्रसिध्दीस दिलेल्या निवेदनात म्हटले आहे की, पीएमपीएमएलचे अध्यक्ष तुकाराम मुंढे यांची नुकतीच नाशिक महापालिका आयुक्त म्हणून बदली झाली. त्यांनी दहा महिन्याच्या काळात काही चांगले तसेच कठोर निर्णय घेतले. त्यांनी पीएमपीएमएलमधील कर्मचाऱ्यांवर शिस्तीचा बडगा उगारत अऩेक कर्मचाऱ्यांना घरी बसविले. एकाही पक्षाच्या राजकीय पदाधिकाऱ्यांना त्यांनी जुमानले नाही. त्यामुळे पारदर्शक व स्वच्छ कारभाराच्या गप्पा मारणाऱ्या भाजप पदाधिकाऱ्यांनी मुंढे यांची बदली करण्यास भाग पाडले. पारदर्शक कारभाराचे ढोल बडविणारे मुख्यमंत्री देवेंद्र फडणवीस कसे 'पारदर्शक' आहेत, हेच त्यांनी मुंढे यांची बदली करून दाखविले आहे, असे मत बकाल यांनी व्यक्त केले आहे.
...Read More

व्हीएस न्यूज - डॉ. डी. वाय. पाटील इन्स्टिट्युट ऑफ टेक्नॉलॉजी येथे स्थापित झालेल्या रोटॅ्रक्ट क्लब ऑफ डीवाय पीव्हीपीच्या वतीने आर-वोल्युशन या बुध्दिमता चाचणी व व्यक्तिमत्व विकासावर आधारित स्पर्धेचे आयोजन करण्यात आले आहे.
ही स्पर्धा गुरूवारी होणार आहे. राष्ट्रीय स्तरावर प्राथ मिक फेरीतून निवडल्या जाणाऱ्या स्पर्धकांना आंतरराष्ट्रीय स्तरावर अंतिम फेरीत जाण्याची संधी मिळणार आहे. अंतिम फेरी 18 फेब्रुवारी रोजी पिंपरीत होणार आहे, अशी माहिती प्राचार्य डॉ. सुरेश माळी यांनी दिली.
...Read More