व्हीएस न्यूज - - पुणे सत्र न्यायालयाने भीमा-कोरेगाव हिंसाचार प्रकरणातील आरोपी मिलिंद एकबोटे यांच्याविरोधात अटक वॉरंट जारी केले आहे. मिलिंट एकबोटे गुन्हा दाखल झाल्यापासून गायब आहेत. मुंबई उच्च न्यायालयानेही त्यांना दिलासा देण्यास नकार दिला होता. त्यांचा अटकपूर्व जामीन अर्ज पुणे सत्र न्यायालयाने फेटाळल्यानंतर त्यांनी उच्च न्यायालयात धाव घेतली होती.
भीमा-कोरेगाव येथे एक जानेवारीला विजयस्तंभाला वंदन करण्यासाठी जमलेल्या नागरिकांवर सणसवाडीत दीड ते दोन हजारांच्या जमावाने हल्ला केला. एका व्यक्तीचा त्यात मृत्यू झाला होता. मिलिंद एकबोटे आणि संभाजी भिडे गुरुजी यांनी या जमावाला चिथावल्याचा आरोप आहे. पिंपरी आणि औरंगाबाद या दोन ठिकाणी एकबोटे यांच्या विरोधात गुन्हे दाखल करण्यात आले आहेत. हे दोन्ही गुन्हे शिक्रापूर पोलीस ठाण्यात वर्ग करण्यात आले आहेत.
ही घटना ज्या दिवशी झाली त्यावेळेस आपण तिथे नव्हतो, तसेच आपल्या झालेल्या घटनेत कोणताही सहभाग नसल्याचा दावा एकबोटे यांनी केला आहे. २२ जानेवारीला एकबोटे यांचा अटकपूर्व जामीन अर्ज पुण्यातील सत्र न्यायालयाने फेटाळला. त्यामुळे मिलिंद एकबोटे यांनी अटकपूर्व जामिनासाठी उच्च न्यायालयात धाव घेतली होती.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)