व्हीएस न्यूज - जुन्या भांडणातून आठ जणाच्या टोळक्याने एका युवकाला लोखंडी रॉडने मारहाण करत गंभीर जखमी केले. ही घटना रविवारी दुपारी साडेचारच्या सुमारास रहाटणीतील श्रीहरी कॉलनी समोर घडली.
निशांत समाधान धनवे (वय-19, रा. धनवेचाळ , शिवाजी चौक, पवनानगर, रहाटणी) असे जखमी झालेल्या युवकाचे नाव आहे. भरत पालमपल्ले, राहूल सावंत, शत्रुघ्न पालमपल्ले, खंडू लोंढे, अविनाश जाधव याच्यासह त्याची तीन साथीदारांवर सांगवी पोलीस ठाण्यात गुन्हा दाखल करण्यात आला आहे.
पोलीसांनी दिलेल्या माहितीनुसार, निशांत व आरोपी यांच्यात पुर्वी भांडणे झाली होती. त्याचाच राग धरून आरोपींनी रविवारी दुपारी साडेचार वाजता निशांतला श्रीहरी कॉलनी येथे अडवून शिवीगाळ केली. तसेच लोखंडी रॉडने डोक्यात, पाठीत, हातावर मारहाण केली. निशांतला सोडविण्यासाठी आलेल्या समाधान धनवेच्या छातीत लोखंडी रॉडने व लाथाबुक्यांनी मारहाण करून गंभीर जखमी केले. सांगवी पोलीस अधिक तपास करत आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)