व्हिएस न्यूज - शहरातील टपरी पथारी धारकांचे पक्या गाळ्यात पुर्नवसन करावे, हॉकर्स झोन निर्माण करावे, अशी विविध मागण्यासाठी टपरी पथारी हातगाडी धारकांनी पिंपरी महापालिकेवर गुरूवारी मोर्चा काढला.
मोर्चाचे नेतृत्व पंचायत अध्यक्ष बाबा कांबळे यांनी केले. पिंपरी येथील डॉ. बाबासाहेब आंबेडकर पुतळ्यापासून मोर्चास सुरुवात करण्यात आली. मोरवाडी अहिल्यादेवी होळकर यांच्या पुतळापासून महापालिकेपर्यंत हा मोर्चा काढण्यात आला. पालिका गेट वर पोलिसांनी मोर्चा आडवला, यावेळी याठिकाणी आंदोलकांची ठिय्या मांडत सभा सुरु केली. या आंदोलनात शहराध्यक्ष रमेश शिंदे, प्रदेश सचिव प्रल्हाद कांबळे, धर्मराज जगताप, गणेश आहेर घरकाम महिला सभा अध्यक्ष आशा कांबळे, जेकब मॉथू, नवनाथ लोखंडे, रमेश ब्रम्हा, महादेव थोरात, राजेश मायरामणी, मल्हार काळे, बाळू नेटके, भीमाशंकर शिंदे, प्रमोद युवाळे, संभाजी गोरे, बरगल्ली गावडे, अमर जयस्वाल, आशा देवकर, नजर मुलांनी, अरुण भोसले, राजू ठप्पा, प्रशांत गोळे, संतोष परदेशी, शंकर शिंगरे, काशिनाथ रसाळ, आदी उपस्थित होते .
आंदोलकांना मार्गदर्शन करताना पंचायत अध्यक्ष बाबा कांबळे म्हणाले, 2005 पासून आंदोलन केल्यामुळे 2006 साली महापालिका हॉकर्स धोरण हा देशातील पहिला कायदा झाला. यास 10 वर्ष पूर्ण होत आहेत. दहा वर्षात महापालिकेने एक हि अधिकृत हॉकर्स झोन केले नही. कायद्या प्रमाणे पक्क्या गाळ्यात पुनर्वसन झाले पाहिजे, प्रत्येक विभागात हॉकर्स झोन झाले पाहिजे, हि आमची प्रमुख मागणी आहे. मागण्या मान्य नाही केल्यास या पुढे हि हे आंदोलन सुरूच राहील असा इशारा कांबळे यांनी दिला.
अतिरिक्त आयुक्त प्रवीण अष्टीकर यांना निवेदन देण्यात आले.
~2.jpg)
.jpeg)