व्हीएस न्यूज - रस्त्याने जाणाऱ्या नागरिकांना विनाकारण शिवीगाळ करणाऱ्या टोळक्याला जाब विचारण्यासाठी गेलेल्या दोघांना या टोळक्याने कोयता व लाकडी दांडक्याने मारहाण केली. दोन वाहनांचीही तोडफोड केली. ही घटना चिखली येथे शुक्रवारी सायंकाळी सहाच्या दरम्यान घडली. विक्की काळे, संतोष कळमकर, सचिन तेली (सर्व रा. विद्यानगर, पिंपरी) यांच्यासह आणखी तिघांविरोधात निगडी ठाण्यात गुन्हा दाखल करण्यात आला आहे. याप्रकरणी समाधान नवनाथ खरात (वय 27, रा. हरगुडेवस्ती, चिखली) यांनी निगडी पोलिस ठाण्यात फिर्याद दिली आहे. हरगुडे वस्ती येथील एका गॅरेजजवळ शुक्रवारी सायंकाळी हे टोळके येणाऱ्या-जाणाऱ्या नागरिकांना विनाकारण शिवीगाळ करीत होते. याबाबत समाधान खरात यांनी जाब विचारला असता चिडलेल्या टोळक्याने समाधान यांना कोयत्याने मारहाण केली. तसेच समाधान यांच्या मित्राला देखील मारहाण करून जखमी केले. निगडी पोलीस तपास करत आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)