व्हीएस न्यूज - रस्त्यावर पार्क केलेल्या टेम्पोतून चोरट्यांनी अडीच लाख रूपये किंमतीची साखरेची 50 पोती चोरून नेली. ही घटना बुधवारी पहाटे पावणेतीनच्या सुमारास ताथवडे येथे घडली.
इंद्रकुमार गुप्ता (वय-62, रा. गंगाधाम मार्कटयार्ड, पुणे) यांनी वाकड पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, गुप्ता यांनी द्रारूंबे, कासारसाई येथील श्री संत तुकाराम सहकारी साखर कारखान्यातून 50 किलो वजनाची 50 पोती साखर ( एमएच 14 बीजी 0730) या टेम्पोतून साखर आणली होती. बुधवारी पहाटे टेम्पो ताथवडे येथील बालाजी महाविद्यालयाजवळ पार्क केला होता. चोरट्यांनी टेम्पोतील अडीच लाख रूपये किंमतीची 50 पोती साखर चोरून नेली. वाकड पोलीस अधिक तपास करत आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)