.jpg)
व्हीएस न्यूज - गुन्हे प्रकटीकरण शाखेचे अधिकारी आरोपीची चौकशी करत असताना आरोपीने पोलीस ठाण्यातच स्वतःचे डोके फोडून आत्महत्येचा प्रयत्न केला. हा प्रकार सांगवी पोलीस ठाण्यात मंगळवारी दुपारी एकच्या सुमारास घडला.
प्रशांत उर्फ डिग्या भानुदास दिघे (वय-26, रा. तंगडेवस्ती, माथळवाडे फाटा भूगाव, ता. मुळशी, पुणे) असे आरोपीचे नाव आहे.
पोलिसांनी दिलेल्या माहितीनुसार, आरोपी प्रशांत याच्यावर यापूर्वी विविध गुन्हे दाखल होते. त्याबाबत सांगवी पोलीस ठाण्याचे गुन्हे प्रकटीकरण शाखेचे पोलीस अधिकारी आरोपीकडे चौकशी करीत होते. चौकशीमध्ये पोलिसांना सहकार्य न करता त्याने जवळच असलेल्या लोखंडी कपाटावर डोके आपटून घेतले. यामध्ये आरोपीच्या डोक्याला मार लागला. तसेच लोखंडी कपाटाची काच फुटली. त्यामुळे सरकारी कामात अडथळा आणून सार्वजनिक मालमत्तेचे नुकसान व आत्महत्येचा प्रयत्न या गुन्ह्याखाली आरोपीला पोलिसांनी अटक केली.
पुढील तपास सांगवी पोलीस करीत आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)