व्हीएस न्यूज - पिंपरी चिंचवड शहरातील भारतरत्न डॉ.बाबासाहेब आंबेडकर, आद्यक्रांतिगुरु लहुजी वस्ताद साळवे व क्रांतिवीर वासुदेव बळवंत फडके यांच्या अर्धकृती पुतळ्यास मेघडंबरी बसवा,अशी मागणी महापालिका आयुक्तांकडे राष्ट्रवादी काँग्रेसचे शहर उपाध्यक्ष अमित बच्छाव यांनी केली आहे.
अमित बच्छाव यांनी दिलेल्या निवेदनात म्हटले आहे की, पिंपरी चिंचवड महापालिकेच्या वतीने पिंपरी पेट्रोल पंम्पाच्या जवळ भारतरत्न डॉ.बाबासाहेब आंबेडकर व चिंचवड पेट्रोल पंम्पाच्या जवळ आद्यक्रांतिगुरु लहुजी वस्ताद साळवे आणि त्यांचे शिष्य क्रांतिवीर वासुदेव बळवंत फडके यांचा अर्धकृती पुतळा उभारण्यात आला होता. परंतु पुतळा परिसराची दुर्दशा झाली आहे. या ठिकाणी घाणीचे साम्राज्य पसरले आहे. याकडे पालिकेचा आरोग्य विभाग जाणीवपूर्वक दुर्लक्ष करीत आहे. तरी पुतळा परिसराची स्वच्छता करण्यात यावी. तसेच सदर पुतळ्यांना उत्कृष्ठ प्रतीची, दर्जेदार, आकर्षक मेघडंबरी उभारण्यात यावी, असे बच्छाव यांनी म्हटले आहे.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)