.webp)
व्हीएस न्यूज - सासरची मंडळी पत्नीला नांदायला पाठवित नसल्याच्या नैराश्यातून जावयाने सासू, सासरा आणि बायकोचे फोटो अंगाला चिकटवून गळफास घेऊन आत्महत्या केली. ही घटना सोमवारी रात्री मोशीतील खंडेवस्तीत घडली. रुपेश उत्तम जाधव (वय- 26, रा. खंडेवस्ती, मोशी) असे आत्महत्या केलेल्या तरुणाचे नाव आहे. तरुणाने आपल्या मृत्यूला पत्नी व सासरचे मंडळी जबाबदार असल्याची चित्रफीत मोबाईलमध्ये तयार केली आहे.
याबाबत एमआयडीसी पोलीस ठाण्याचे पोलीस निरीक्षक भिमराव शिंगाडे यांनी माहिती दिली. रुपेश हा मूळचा नाशिक जिल्ह्यातील सटाणा येथील आहे. त्याचे आई-वडील गावी असतात. तीन वर्षापूर्वी त्याचे लग्न झाले. पाच महिन्यांपूर्वी त्याची पत्नी एका कार्यक्रमानिमित्त माहेरी गेली होती. ती परत आली नाही. रुपेश पत्नीला आणण्यासाठी सासरी गेला होता. सासरच्या मंडळींनी पत्नीला रुपेश सोबत पाठवले नाही. त्यातून आलेल्या नैराश्यातून सोमवारी रात्री स्वतःच्या अंगाला सासू-सासरे आणि बायकोचा फोटो चिकटवून गळफास घेऊन आत्महत्या केली. पोलिसांना घटनास्थळी रुपेशचा मोबाईल सापडला. त्यामध्ये 'माझ्या मृत्यूस पत्नी, सासू-सासरे जबाबदार असल्याचे' त्याने एका चित्रफितीतून म्हटले आहे. एमआयडीसी भोसरी पोलीस तपास करीत आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)