.jpg)
व्हीएस न्यूज - जुन्या भांडणाचा राग मनात धरून दुचाकीवरून आलेल्या आठ जणांच्या टोळक्याने एका तरूणाला दुचाकीवरून धक्का देत कोयत्याने वार केले. सोमवारी रात्री पावणेबाराच्या सुमारास सांगवी फाटा उड्डाणपुलाखाली ही घटना घडली. सुनिल मोनाप्पा सुतार (वय-24, रा. वैदवस्ती, पिंपळे-गुरव) असे गंभीर जखमी झालेल्या तरूणाचे नाव आहे. याप्रकरणी त्याचा भाऊ आलोक सुतार (वय-27) यांनी सांगवी पोलीस ठाण्यात फिर्याद दिली आहे. सोन्या क्षिरसागर याच्यासह त्याच्या 7 साथीदारांविरोधात गुन्हा दाखल करण्यात आला आहे.
पोलीसांनी दिलेल्या माहितीनुसार, जखमी सुनील व आरोपी यांच्यात पुर्वी भांडणे झाली होती. सुनिल सोमवारी पावणे बारा वाजता त्याच्या भावाची हातगाडी बंद करून दुचाकीवरून घराकडे जात होता. सांगवी फाटा येथे रक्षक चौकाच्या विरूध्द दिशेने आलेल्या चार मोटारीवरील आठ जणांनी सुनिलच्या दुचाकीला धक्का मारून खाली पाडले. शिवीगाळ करत कोयत्याने वार करून गंभीर जखमी केले. पोलीस निरीक्षक (गुन्हे) प्रसाद गोकुळे अधिक तपास करत आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)