.jpg)
व्हीएस न्यूज - मोटारीस ओव्हरटेक करायला जागा दिली नाही म्हणून एका टोळक्याने वकिलाला 21 मार्च रोजी शिवीगाळ करत लाथा-बुक्यांनी कासारवाडी येथे मारहाण केली होती. सहा जणाच्या भोसरी पोलीसांनी मुसक्या आवळ्या आहेत. त्यांच्याकडून एका मोटारीसह साडेपाच लाखांचा ऐवज जप्त केला आहे.
अतुल मुरलीधर नाईक (वय-23, रा. राधानगरी हौसिंग सोसायटी, दिघी रोड, भोसरी), आकाश महादेव काळपांडे (वय-24, रा. सावंतनगर, शिवनगरी कॉलनी, दिघी), गोकुळ कृष्णा निखाडे (वय-22, रा.महाराष्ट्र कॉलनी, आळंदी रोड, भोसरी), शुभम बाबुराव तायडे (वय-19, रा. महादेव कॉलनी, आळंदी रोड, भोसरी), राजकुमार उमाजी डामसे (वय-20, रा. बनकर वस्ती, मोशी), जगदिश दिगंबर इंगळवाड (वय-18, रा. मोई) अशी अटक केलेल्या आरोपींची नावे आहेत. याप्रकरणी राजेश वाघ (वय-34, रा. दळवीनगर) यांनी भोसरी पोलीस ठाण्यात फिर्याद दिली होती.
पोलीसांनी दिलेल्या माहितीनुसार, 21 मार्च रोजी वाघ मुंबई-पुणे महामार्गावरून मोटारीने जात होते. पाठीमागून आलेल्या एका मोटारीतील सहा आरोपींनी वाघ यांना ओव्हरटेक करण्यास जागा दिली नसल्याच्या कारणावरून शिवीगाळ करत लाथा-बुक्यांनी मारहाण केली होती. यातील आरोपींचा भोसरी पोलीस तपास करत असताना पोलीसांनी आरोपी दिघीतील शिवनगरी कॉलनी येथे येणार असल्याची माहिती मिळाली. त्यानुसार पोलीसांनी सापळा लावून सहाही आरोपींना अटक केली. त्यांच्याकडून सात मोबाईल, सोन्याची चैन, 7 हजार 500रूपयांची रोकड, एक स्वीफ्ट मोटार असा 5 लाख 35 हजार 500 रूपयांचा ऐवज जप्त केला.
तसेच भोसरी पोलीसांनी अलंकार प्रेम कांबळे (वय-22, रा. इंदिरानगर, खडकी बाजार) या दुचाकी चोरट्याला अटक केली. त्याच्याकडून दुचाकी चोरीचे तीन गुन्हे उघडकीस आले असून 93 हजारांचा ऐवज जप्त केला आहे. ही कामगिरी वरिष्ठ पोलीस निरीक्षक नरेंद्र जाधव, पोलीस निरीक्षक (गुन्हे) अजय भोसले यांच्या मार्गदर्शनाखाली फौजदार प्रणोद कठोरे, काळुराम लांडगे, महादेव धनगर, विनायक म्हसकर, गणेश हिंगे, गणेश आव्हाळे आदींच्या पथकाने केली.
https://www.youtube.com/watch?v=wo1GtBzRIqY&feature=youtu.be
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)