.jpg)
व्हीएस न्यूज - व्यवसायात तुमच्यामुळे आमचे 25 लाखांचे नुकसान झाले आहे. असे म्हणत तिघांनी एकाकडून जबरदस्तीने अडीच लाख रूपये घेतले. तसेच दोघांना जीवे मारण्याचीही धमकी दिली. हा प्रकार मंगळवारी बावधन येथे घडला. याप्रकरणी एकाला अटक केली असून दोघे फरार आहेत.
कृष्णा भुजंगराव वारे (वय-38, रा. आनंदनगर, पाथर्डी) असे अटक केलेल्या आरोपीचे नाव आहे. त्याचे दोन साथीदार फरार आहेत. याप्रकरणी संदीप उकरणा (वय-43, रा. बावधन, पुणे) यांनी हिंजवडी पोलीस ठाण्यात फिर्याद दिली आहे. याबाबत फौजदार पगारे यांनी माहिती दिली.
फिर्यादी उकरणा व आरोपी एकमेकाच्या ओळखीचे आहेत. त्यांनी 2017 मध्ये औरंगाबाद येथे डिजीटल मार्केटींगचे नागरिकांना प्रशिक्षण दिले. त्यांना 4 लाख 50 हजार रूपये मिळाले होते. त्यांच्याबरोबर काम करणाऱ्या कामगारांना पैशाच्या देवान-घेवानवरून फिर्यादी व आरोपींचा वाद झाला होता. त्यावेळी फिर्यादीच्या एका मित्राने मध्यस्थी करत हा वाद मिटवला होता. परंतू, फिर्यादीला तुमच्या मित्रामुळे आमचे 25 लाखांचे नुकसान झाल्याचे म्हणत सोमवारी दोघांना मोटारीत बसवून बावधन येथील घरी नेले. तसेच फिर्यादीकडून अडीच लाख रूपये जबरदस्तीने घेवून त्यांच्या मोटारीची चावी घेतली. याचे सर्व व्हिडीओ रेकॉर्डींग केले. फिर्यादी व त्यांच्या मित्राला मारहाण करत जीवे ठार मारण्याची धमकी दिली. हिंजवडी पोलीस अधिक तपास करत आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)