व्हीएस न्यूज - माजी उपमुख्यमंत्री आणि राष्ट्रवादी काँग्रेसचे नेते अजित पवार यांनी पुण्याचे पालकमंत्री गिरीश बापट यांनी केलेल्या टीकेला उत्तर देताना अप्रत्यक्षपणे बापटांना दम भरला. मी शांत आहे, तोपर्यंत आहे, माझ्या नादाला लागू नका, असा इशारा अजित पवारांनी दिला.
पुण्यात नारळ फोडण्याशिवाय अजित पवारांनी काहीच कामे केली नाहीत, अशी टीका बापटांनी केली होती. अजित पवारांनी या टीकेला उत्तर देताना हा इशारा दिला. अजित पवारांनी पुणे जिल्ह्यातील दौंड तालुक्यातील वरवंड येथे राष्ट्रवादी काँग्रेसच्या हल्लाबोल आंदोलनात बोलताना भाजपवर निशाणा साधला.
बापटांना मी सांगत आहे, मी शांत आहे तो पर्यंत शांत आहे, नाद करायचा नाय बापट. माझ्या बरोबर तुम्ही दहा वर्ष काम केलेले आहे. प्रत्येकाचा आदर आम्हीपण करतो, तशी पवार साहेबांची शिकवण आहे, तुम्ही काय-काय वक्तव्य केली ते येथे महिला असल्याने काढू इच्छित नाही आणि ते सर्वांना माहित आहे आपला आवाका काय आपली कुवत काय, आपण करता काय? असे म्हणत अजित पवारांनी बापटांचा खरपूस समाचार घेतला.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)