व्हीएस न्युज - पतीने पत्नीच्या मोबाइलवर अश्लील मेसेज पाठवल्याने ३५ वर्षीय पत्नीने पती विरोधात पोलीस ठाण्यात तक्रार दाखल केली. ही घटना पिंपरीतील कामगारनगर येथे घडली.
याप्रकरणी पिंपरी पोलिसांनी ३८ वर्षीय पतीविरोधात विनयभंगाचा गुन्हा दाखल केला आहे.
पोलिसांनी दिलेल्या माहितीनुसार, ३५ वर्षीय पत्नीच्या मोबाइलवर ३८ वर्षीय पती गेल्या काही महिन्यांपासून वारंवार अश्लील मेसेज पाठवत होता. अखेर याला कंटाळून पत्नीने पिंपरी पोलीस ठाणे गाठत पतीविरोधात विनयभंगाचा गुन्हा दाखल केला.
चार ते पाच वर्षांपासून पती पत्नीनेचे पटत नव्हते, दोघांमध्ये सतत वाद होत असत. अखेर दोघांनी वेगळ राहण्याचा निर्णय घेतला आणि पाच महिन्यांपासून ते वेगळे राहात होते. त्यांना मुलगा आणि मुलगी आहे. मुलांचा सांभाळ पती करत असून ते नाशिक येथे वाहनचालक म्हणून काम करतात. तर पत्नी भावाकडे राहते, गेल्या काही महिन्यांपासून पती सतत पत्नीला अश्लील मेसेज करत होता. पत्नीने अनेक मेसेज डिलीट करत दुर्लक्ष केले. परंतु, मेसेजचा अतिरेक होत असल्याने अखेर पत्नीने पिंपरी पोलिसांत धाव घेत गुन्हा दाखल केला. पोलीस उपनिरीक्षक हरिदास बोचरे तपास करत आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)