व्हीएस न्यूज – सांगवी ते किंवळे आणि वाकड ते नाशिक फाटा बीआरटी रस्त्यावरील बसथांब्यांवर नियुक्त खासगी सुरक्षारक्षकांनी तीनमहिन्यांचे रखडलेले वेतन मिळावे या मागणीसाठी पिंपरीत गुरूवारपासून उपोषण सुरू केले होते. मात्र, स्थायी समिती अध्यक्षा सीमा सावळे यांनी संबंधित ठेकेदाराला सूचना करून सुरक्षा रक्षकांचे एक महिन्याचे वेतन दिले. तसेच, उर्वरित दोन महिन्याचे वेतन दिवाळीपूर्वी देण्याचे आश्वासन दिले आहे.त्यामुळे सुरक्षारक्षकांनी आंदोलन मागे घेतले.
या सुरक्षार क्षकांना सावळे यांच्या हस्ते वेतनाचे धनादेश वाटप करण्यात आले. सांगवी ते किवळे आणि वाकड ते नाशिक फाटा हे दोन बीआरटी रस्ते सुरू करण्यात आले आहेत. महापालिकेने विकसित केलेल्या या दोन रस्त्यांवर पीएमपीमार्फत बससंचलन केले जाते. दोन्ही बीआरटी रस्त्यांवरील बसथांब्यांच्या सुरक्षेचे काम पीएमपीने मुंबईतील शुभम एचपी सिक्युरिटी फोर्स प्रायव्हेट लिमिटेड या ठेकेदाराला दिले आहे.
या ठेकेदाराने बसथांब्यांच्या सुरक्षेसाठी खासगी सुरक्षारक्षकांची नेमणूक केली आहे. मात्र, या सुरक्षारक्षकांना गेल्या तीन महिन्यांपासून वेतन देण्यात आलेले नाही. तसेच,कायद्यानुसार त्यांच्या “पीएफ’ची रक्कमची जमा केली जात नाही. यावेळी रिपब्लिकन वाहतूक आघाडीचे अजिज शेख व पदाधिकारी उपस्थित होते.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)