व्हीएस न्यूज - कोयना एक्सप्रेसच्या धडकेत एका महिलेसह दोन चिमुकल्यांचा मृत्यू झाला आहे. ही घटना रविवारी दुपारी साडेचारच्या सुमारास पिंपरी रेल्वे स्थानकाजवळ घडली. या मयत महिलेचे वय 35, तर मुलगा व मुलीचे वय अंदाजे सात वर्ष आहे. अपघातातील मृतांची ओळख पटलेली नाही.
प्रत्यक्षदर्शींनी दिलेल्या माहितीनुसार, ही महिला लोणावळ्यावरून पुण्याला जाणाऱ्या लोकलमधून पिंपरी रेल्वे स्टेशनवर उतरली. यावेळी लोकलच्या पाठीमागून रुळ ओलांडणाऱ्या या महिलेला व मुलांना लोणावळ्याच्या दिशेने जाणाऱ्या कोयना एक्सप्रेसचा अंदाज आला नाही. एक्सप्रेसच्या धडकेत या सर्वांचा जागीच मृत्यू झाला. या अपघातानंतर तीनही मृतदेह शवविच्छेदनाकरिता वायसीएम रुग्णालयात पाठविण्यात आले. या अपघातानंतर भाजी मंडईजवळील उड्डाणपुलावर बघ्यांनी मोठी गर्दी केल्याने वाहतुक कोंडी झाली होती.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)