थेरगावात कारच्या धडकेने ज्येष्ठ महिलेचा मृत्यू

व्हीएस न्यूज - राहत्या घराजवळ पार्किंगमध्ये बसलेल्या एका 80 वर्षाच्या महिलेचा कारच्या धडकेने मृत्यू झाला. ही घटना 14 नोव्हेंबर रोजी दुपारी साडेतीनच्या सुमारास चंद्र सावित्री पार्क, एफ/7, गणेशनगर, थेरगाव येथे घडली.

जामनाबाई बारीकराव घोडके(वय 80, रा. गणेशनगर, थेरगाव)या प्रकरणी शिवाजी घोडके (वय 20, रा.गणेशनगर, थेरगाव) यांनी वाकड पोलीस ठाण्यात फिर्याद दाखल केली आहे.

वाकड पोलिसांकडून मिळालेल्या माहितीनुसार दिपक विष्णु गुजर असे आरोपीचे नाव आहे. जामनाबाई दुपारच्या वेळी घराजवळील पार्किंगमध्ये बसल्या असता, दिपक गुजर यांनी निष्काळजीपणे कार पाठीमागे घेत त्यांच्या अंगारवर घातली. या अपघातात जखमी होऊन जामनाबाई यांचा मृत्यू झाला. पुढील तपास पोलीस उपनिरीक्षक एम.एल.जाधव करत आहेत.