व्हीएस न्यूज - पिंपरी चिंचवड एज्युकेशन ट्रस्ट च्या अभियांत्रिकी महाविद्यालयातील यश व समृद्धी ढाके या भावा-बहिणीनी राष्ट्रीय स्तरावरील आराखडा स्पर्धेत कचऱ्या पासून ऊर्जा व बायो गॅस निर्मिती प्रकल्प सादर करून रोख ८० हजार रुपयाचे पारितोषिक मिळवले आहे.
हिंजवडी येथील राजीव गांधी सॉफ्टवेअर पार्क डसॉल्ट सिस्टिम (३ डी पी एल एम) कंपनीत घेण्यात आलेल्या आकृती २०१७ या राष्ट्रीय स्पर्धेत पी.सी.सी.ओईच्या मॅकेनिकल शाखेतील यश ढाके आणि संगणक शाखेतील समृद्धी ढाके यांनी ( वेस्ट मॅनेजमेंट अँड रीयूज )कचऱ्याच्या पुर्नवापरासाठी स्मार्ट आराखडा सादर केला होता .वेळेची-पैशाची बचत करणाऱ्या आणि पर्यावरण पुरक असणाऱ्या "काचऱ्याच्या पुर्नवापरासाठी स्मार्ट आराखडा " या प्रकल्पातून त्यांनी देशभरात सर्वच शहरांना भेडसावणाऱ्या कचऱ्याच्या प्रश्नावर उपाय शोधला आहे. जमा होणाऱ्या सुक्या कचऱ्यातून ऊर्जा निर्मिती तर ओल्या काचऱ्यातुन बायोगॅस निर्मिती करता येईल.या प्रकल्पासाठी पी.सी.सी.ओईचे आर अँड डी डीन डॉ. संजय लकडे यांनी मार्गदर्शन केले.
देश भरातून ८५० संघांनी या स्पर्धेत भाग घेतला होता या मध्ये यश व समृद्धी ढाके यांनी प्रथम क्रमांक मिळवला.यश व समृद्धी ढाके यांना ड सॉल्ट सिस्टिमचे व्यवस्थापकीय संचालक सुदर्शन मोगासले यांच्या हस्ते रोख पारितोषिक, प्रमाण पत्र,स्मृती चिंन्ह देऊन गौरवण्यात आले. या वेळी सूचित जैन, डॉ.संजय लकडे हे उपस्थित होते.यश व समृद्धी ढाके यांना पुढील वर्षी लॉस एंजेलिस येथे होणाऱ्या सॉलिड वर्क्स वर्ल्ड २०१८ स्पर्धेत थेट प्रवेश देण्यात आला.या स्पर्धेत जाण्याकरीता लागणारा सर्व खर्च ड सॉल्ट सिस्टिम कंपनी करणार आहे.
त्याच प्रमाणे दोघांनाही एक वर्षाचा सॉलिड वर्क्स परवाना देऊन पुढील काळात नोकरी देण्याचे जाहीर केले.डॉ. संजय लकडे तसेच यश व समृद्धी ढाके यांच्या या यशा बद्दल पी.सी.ई. टी चे अध्यक्ष ज्ञानेश्वर लांडगे,उपाध्यक्ष पद्मा भोसले,सचिव विठ्ठल काळभोर, कोषाध्यक्ष् एस.डी.गराडे, विश्वस्त हर्षवर्धन पाटील,भाईजान काझी,कार्यकारी संचालक डॉ.गिरीष देसाई,आणि महाविद्यालयाचे प्राचार्य डॉ.अ.म.फुलंबकर यांनी त्यांचे अभिनंदन केले आणि आकृती २०१७ चे राष्ट्रीय स्पर्धेत यश व समृद्धी ढाके या बहीण भावांना विजेते घोषित केले.
~2.jpg)
.jpeg)