महाराष्ट्र राज्य डेन्टल असोशिएशनची 56 वी राज्य परिषद पिंपरी मध्ये
पिंपरी चिंचवड
2017-12-05
देशभरातून चार हजार दंत वैद्य उपस्थित राहणार
व्हीएस न्यूज - इंडियन डेन्टल असोशिएशनच्या महाराष्ट्र राज्य डेन्टल असोशिएशनची 56 वी राज्य परिषद पिंपरी चिंचवड येथे आयोजित करण्यात आली आहे. शुक्रवार दि. 8 डिसेंबर ते रविवार 10 डिसेंबर या कालावधीत चिंचवड मधील प्रा. रामकृष्ण मोरे प्रेक्षागृह व ॲटो क्लस्टर येथे राज्य परिषद होणार आहे. शुक्रवार दि. 8 डिसेंबर रोजी सायंकाळी 6 वाजता प्रा. रामकृष्ण मोरे प्रेक्षागृहात आयपीएस आधिकारी विश्वास नांगरे पाटील यांच्या हस्ते परिषदेचे उद्घाटन होईल. यावेळी इंडियन डेन्टल असोशिएशनचे अध्यक्ष डॉ. विश्वास पुराणिक, राष्ट्रीय सचिव डॉ. अशोक ढोबळे, राज्य शाखा अध्यक्ष डॉ. विकास पाटील, सचिव डॉ. नितीन बर्वे, मुख्य मार्गदर्शक डॉ. माऊली फरांदे, स्वागताध्यक्ष डॉ. राकेश प्रसाद, सचिव डॉ. अभिजीत फरांदे, शहराध्यक्ष डॉ. प्रमोद वाघमारे, सचिव डॉ. मनिषा गरुड, वायसीएम रुग्णालयाचे प्रमुख डॉ. यशवंत इंगळे आदी उपस्थित राहणार आहे.
तसेच या परिषदे अंतर्गत दंत वैद्यकीय महाविद्यालयातील विध्यार्थ्यांची राज्यस्तरीय दंत वैद्यकीय विद्यार्थी परिषदेचे उद्घाटन शुक्रवार दि. 8 डिसेंबर रोजी दुपारी 1 वाजता प्रा. रामकृष्ण मोरे प्रेक्षागृह येथे सिने अभिनेते तुषार कपुर यांच्या हस्ते होणार आहे. प्रमुख पाहुणे म्हणून सिने अभिनेत्री केतकी माटेगावकर. डॉ. संदेश मयेकर आदींसह डेन्टल असोशिएशनचे राष्ट्रीय व राज्य कमिटीचे पदाधिकारी उपस्थित राहणार आहेत.
शनिवार दि. 9 डिसेंबर रोजी चिंचवड येथील अॅटो क्लस्टरच्या मुख्य सभागृहात व इतर चार हॉलमध्ये सकाळी 9.30 पासून सायंकाळी 7 वाजेपर्यंत विविध चर्चासत्र, व्याख्यान व मार्गदर्शन सत्र होणार आहेत. यामध्ये देश विदेशातील ज्येष्ठ दंत शल्य विशारद, मान्यवर व्याख्याते, दंत महाविद्यालयातील प्राध्यापक उपस्थितांना मार्गदर्शन करणार आहेत. यामध्ये थायलंड येथील डॉ. बी. बी., डॉ. संदेश मयेकर, डॉ. शाम महाजन, डॉ. हेमंत उमरजी, डॉ. माऊली फरांदे यांचे मुख्य मार्गदर्शन लाभणार आहे. तसेच या डॉक्टरांची मागील 40 वर्षातील या क्षेत्रातील वाटचाल व अनुभव या विषयांवर डी.वाय. पाटील दंत महाविद्यालयाचे अधिष्ठाता डॉ. दिपक कुलकर्णी हे प्रकट मुलाखत घेणार आहेत. या परिषदेमध्ये देशभरातील सुमारे चार हजार दंत वैद्य व दंत वैद्यकीय महाविद्यालयातील विद्यार्थी सहभागी होणार आहे. अशी माहिती मुख्य मार्गदर्शक डॉ. माऊली फरांदे यांनी दिली. यावेळी स्वागताध्यक्ष डॉ. राकेश प्रसाद, स्वागत सचिव डॉ. अभिजीत फरांदे, शहराध्यक्ष डॉ. प्रमोद वाघमारे, वायसीएम रुग्णालयाचे दंत विभाग प्रमुख डॉ. यशवंत इंगळे आदी उपस्थित होते.
या ठिकाणी दंत चिकित्सेसाठी लागणा-या विविध उपकरणांचे व साहित्यांचे प्रदर्शन स्टॉल लावण्यात येणार आहे. यामध्ये आधुनिक तंत्रज्ञानाद्वारे होणारी प्रगत उपचार पध्दती, दंत उपकरणे तयार करण्याची पध्दती व फायदे याबाबत माहिती मिळणार आहे. या परिषदेचे रविवार 10 डिसेंबरला सायंकाळी 5 वाजता अॅटो क्लस्टर येथे संपन्न होणार आहे. या परिषदेचा उपयोग दंत वैद्यकीय महाविद्यालयातील विद्यार्थी व या क्षेत्रातील संबंधितांना होईल.
चौकट - पिंपरी चिंचवड डेन्टल असोशिएशन व पिंपरी चिंचवड महानगरपालिकेच्या दि. 15 डिसेंबर ते दि. 31 डिसेंबर या कालावधीत शहरातील नागरिकांची मोफत मौखिक आरोग्य तपासणी करण्यात येणार आहे. सिगरेट, तंबाखु, मावा, गुटका आदीं व्यसनांमुळे होणा-या तोंडाच्या कर्करोगाने शरीराची हानी होते या विषयी जनजागृती करण्यात येणार आहे. या तपासणी पथकामध्ये शहर व परिसरातील दोनशे दंत वैद्य दि. 15 डिसेंबर ते दि. 31 डिसेंबर या कालावधीत मोफत तपासणी करणार आहेत अशीही माहिती मुख्य मार्गदर्शक डॉ. माऊली फरांदे यांनी दिली.
अधिक माहितीसाठी संपर्क - डॉ. माऊली फरांदे - 9822023835, डॉ. यशवंत इंगळे - 9922501579.
~2.jpg)
.jpeg)