व्हीएस न्यूज - राहत्या घरात गळफास घेऊन एका युवकाने आत्महत्या केली. ही घटना सोमवारी दुपारी दिडच्या सुमारास पिंपरी येथे घडली.
फैजान अनिस पठाण (वय 17, रा. लालटोपी नगर,, मोरवाडी, पिंपरी) असे आत्महत्या केलेल्या युवकाचे नाव आहे.
याबाबत पोलिस उपनिरीक्षक मधूसुदन घुगे यांनी माहिती दिली. फैजान हा पिंपरीतील एका गॅरेजमध्ये काला
याने राहत्या घरात कापडाच्या सहाय्याने लोखंडी अँगलला गळफास घेतला. कापड फाटल्याने तो खाली पडला. त्यानंतर हा प्रकार उघडकीस आला.

पिंपरी पोलीस अधिक तपास करत आहेत.

व्हीएस न्यूज - पिंपळे गुरव व सांगवी परिसरातील एटीएम सेंटर मधील बॅटऱ्या चोरणाऱ्या एका टोळीला जेरबंद करण्यास सांगवी पोलीसांना यश आले आहे. त्यांच्याकडून तीन लाख 72 हजार रुपयांचा ऐवज जप्त करण्यात आला आहे.
सुरज हरिश्चंद्र मेश्राम (वय 30, रा. लांडे बिल्डिंग, कासारवाडी पुणे), शौकत मकबूल शेख (वय 38, गुलमोहर कॉलनी, पिंपळे गुरव, पुणे), सतीश वानखेडे (वय 32, रा. वैदवस्ती, पिंपळे गुरव, पुणे) आणि राजेश उर्फ सरदार उर्फ दाजी शिवराम तायडे (वय 35, रा. वैदवस्ती, पिंपळे गुरव, पुणे) अशी अटक करण्यात आलेल्या आरोपींची नावे आहेत.
पोलिसांनी दिलेल्या माहितीनुसार, गस्तीवरील असलेल्या सांगवी पोलीसांना माडर्न व्ही आर सेक्युरिटी फोर्स प्रा. ली. च्या पथकाने बॅटरी चोरी करण्यासाठी चोरांकडून वापरल्या जात असलेल्या वाहनाची माहिती दिली. पोलिसांनी सांगवी परिसरात सापळा रचून वाहन पकडले. वाहनासोबत सुरज मेश्राम व शौकत शेख या दोघांना ताब्यात घेण्यात आले. त्यांच्याकडे पोलिसांनी चौकशी केली असता त्यांचे दोन साथीदार असल्याची माहिती मिळाली. त्यावरून सांगवी पोलिसांनी सतीश वानखेडे व राजेश तायडे या आरोपींना ताब्यात घेवून चौकशी केली. चौकशीत त्यांनी गुन्ह्याची कबुली दिली.
त्यांच्याकडून एक लाख, 92 हजार रुपये किमतीच्या 30 बॅटऱ्या, एक पॅगो वाहन (एम एच 14, एझेड 3821) किंमत सुमारे एक लाख, 50 हजार, एक पॅशन प्रो मोटारसायकल (एम एच 14, जीजे 9568) किंमत अंदाजे 30 हजार रुपये असा एकूण तीन लाख 72 हजार रुपयांचा माल हस्तगत करण्यात आला आहे.
ही कामगिरी वरिष्ठ पोलीस निरीक्षक अजय चांदखेडे, पोलीस निरीक्षक (गुन्हे) प्रसाद गोकुळे यांच्या मार्गदर्शनाखाली सहाय्यक पोलीस निरीक्षक बलभीम ननवरे, पोलीस हवालदार सुरेश खांडेकर आदींच्या पथकाने केली.

व्हीएस न्यूज - पायी जाणाऱ्या एका ज्येष्ठ महिलेला अज्ञात मोटारीने धडक दिल्याने महिलेचा गंभीर जखमी होऊन मृत्यू झाला. ही घटना दि. 22 फेब्रुवारी रोजी कासारवाडी, नाशिक फाटा येथे सकाळी साडेअकराच्या सुमारास घडली.
मंदा सिताराम चासकर (वय-60, रा. म्हाळुंगे, पडवळ, आंबेगाव) असे मृत्यू झालेल्या ज्येष्ठ महिलेचे नाव आहे. त्याचा भाऊ माधव चासकर (वय-50, रा. चिंचवड) यांनी भोसरी पोलीस ठाण्यात फिर्याद दिली आहे.
पोलीसांनी दिलेल्य़ा माहितीनुसार, मंदा चासकर या 22 फेब्रुवारी रोजी नाशिक फाटा येथील मराठा खानावळ येथून पायी जात होत्या. भरधाव वेगाने आलेल्या अज्ञात मोटारीने त्यांना धडक दिली. यामध्ये गंभीर जखमी होऊऩ चासकर यांचा मृत्यू झाला.
फौजदार एन. ए. डावरे अधिक तपास करत आहेत.

व्हीएस न्यूज - पीएमपीएमएल बस चालकाला बस चालवत असताना अचानक भोवळ आली. बस बाजूला घेत असताना नियंत्रण सुटल्याने बस रस्त्याच्या बाजूला पलटली. ही घटना सोमवारी दुपारी बाराच्या सुमारास देहूरोड येथे केंद्रीय विद्यालयासमोर घडली.
प्रत्यक्षदर्शींनी दिलेल्या माहितीनुसार, निगडी - किवळे (एमएच 12, सीएच 3946) ही बस निगडीवरून देहूरोडच्या दिशेने जात होती. देहूरोड जवळील केंद्रीय विद्यालयासमोर आल्यानंतर बस चालकाला अचानक भोवळ आली. त्यामुळे चालकाने बस बाजूला घेण्याचा प्रयत्न केला. मात्र, नियंत्रण सुटून बसचे एक चाक रस्त्याखाली खड्‌ड्यात उतरले. यामुळे बस पलटी झाली. बसमध्ये प्रवासी होते. त्यातील 7-8 प्रवाशांना किरकोळ दुखापत झाली. तर, चालक गंभीर जखमी झाला. जखमी प्रवाशांना उपचारासाठी तात्काळ रुग्णालयात हलविण्यात आले.

व्हीएस न्यूज - पिंपरी-चिंचवड महापालिकेच्या आचार्य अत्रे सभागृहाचे डागडुजीचे काम सुरु आहे. डागडुजीचे काम करत असताना 65 वर्षीय वृद्ध मजुराचा सज्जावरून पडून मृत्यू झाला. ही घटना सोमवारी दुपारी साडेबाराच्या सुमारास घडली.
कचरू लिंबाजी डोंगरे (वय-65) असे सज्जावरून पडून मृत्यू झालेल्या मजुराचे नाव आहे. आचार्य अत्रे सभागृहाचे डागडुजी करण्याचे काम सुरु आहे. डोंगरे हे याठिकाणी मजुर म्हणून काम करत होते. दुपारी नेहमीप्रमाणे सज्जावर उभे राहून सभागृहाला प्लास्टर करण्याचे काम करत होते. दुपारी साडेबाराच्या सुमारास अचानक भोवळ आल्याने त्यांचा तोल जाऊन ते खाली कोसळले. गंभीर जखमी झाल्याने डोंगरे यांना त्वरीत रूग्णालयात नेण्यात आले. मात्र, उपचारादरम्यान त्यांचा मृत्यू झाला. पिंपरी पोलीस तपास करत आहेत.

व्हीएस न्यूज - पवना नदीत उडी मारून शनिवारी आत्महत्या केलेल्या केलेल्या तरूणाचा मृतदेह रविवारी सकाळी अग्निशामक दलाने शोधून काढला.
अक्षय गेरबा ढोणे (वय 26, रा. जयमालानगर, जुनी सांगवी) असे आत्महत्या केलेल्या तरूणाचे नाव आहे. शनिवारी सायंकाळी चारच्या सुमारास अक्षय याने सांगवीतील मैलाशुध्दीकरण प्रकल्पाजवळ नदीपात्रात उडी मारली. परिसरातील नागरिकांनी त्वरीत महापालिका अग्निशामक दलाला खबर दिली. अग्निशामक जवानांनी त्याचा शोध घेतला. मात्र, रात्री उशिरापर्यंत तो मिळून आला नाही. रविवारी सकाळी पुन्हा शोध घेतल्यानंतर त्याचा मृतदेह आढळून आला.

व्हीएस न्यूज - पोलीस असल्याची बतावणी करून दोन महिलांच्या गळ्यातील सोन्याचे दागिने तोतया पोलिसांनी पळवल्याची घटना काही वेळापूर्वी घडली.
याप्रकरणी कुलकर्णी (वय 68) आणि मेघना डबळी (वय 69) यांनी वाकड पोलिसांकडे फिर्याद दिली आहे.
पोलिसांनी दिलेल्या माहितीनुसार, कुलकर्णी आणि मेघना डबळी वीर आर्केड बीआरटी रोड येथून जात असताना मोटारसायकलवरून दोन जण त्यांच्याजवळ आले. त्यांनी 'आम्ही पोलीस आहोत तुमच्या गळ्यातील सोने चोरीला जाऊ शकते तुम्ही तातडीने तुमच्या गळ्यातील दागिने तुमच्या पर्समध्ये टाका'. असे बोलण्यात गुंतवून त्यांच्या पर्स ऐवजी त्यांच्या जवळील बॅगेत टाकून फरार झाले. हे लक्षात येताच दोघींनी पोलिसांशी संपर्क साधला.
त्यांनी दिलेल्या माहितीनुसार, त्यापैकी एक जण उंच असून 30 ते 35 वर्षाचा आहे. त्याने काळी पॅंट आणि तपकिरी रंगाचा शर्ट घातला आहे. तर दुसरा एक जण धिप्पाड सावळा असून त्याने काळा आणि तपकिरी रंगाचा मिक्स काळा टी शर्ट काळी पॅन्ट आणि काळी टोपी घातली आहे. वाकड पोलीस तपास करत आहेत.

व्हीएस न्यूज - महिनाभरापुर्वी धावत्या शिवनेरी एस.टी.बस चे उघडल्या गेलेल्या डीक्कीमुळे घडलेल्या अपघाताच्या घटनेत दोघांचा मृत्यू तर एक जण गंभीर जखमी झाल्याची घटना घडली होती. सोमवारी दुपारी निगडीवरुन मनपा कडे जाणाऱ्या पीएमपीएल बसच्या उघड्या असलेल्या सीएनजी बॉंक्सचे झाकन जागरुक नागरिकाने वेळीच वाहनचालकास निदर्शनास आणुन दिल्यामुळे एसटी बस अपघाताची पुनरावृती टळली.
खडकी येथे वास्तव्यास असलेले डॅंनियल रत्नाकर केदारी (वय50) हे दुपारी 1 वाजता दुचाकीवरुन भवानी पेठ पुणे येथे आईला भेटण्यास निघाले होते. मरीआई पोलिस चौकी समोरील मार्गाने जात असताना निगडीवरुन मनपाकडे निघालेली (एम.एच-12 के.क्यु. 1741) या पीएमपीएल बसच्या उजव्या बाजुस असलेले सीएनजी बॉंक्सचे झाकन उघडे असलेले केदारी यांच्या निदर्शनास आले. त्यांनी तत्काळ येथिल संजय हुंडई शोरुम जवळ बस थांबवुन वाहनचालकास सीएनजी बॉंक्सचे झाकन उघडे असल्याचे सांगितले. वाहनचालकाने बस डेपोत घेऊन जाऊ व झाकन व्यवस्थितरित्या लावुन घेऊ अशा प्रकारचे बेजबाबदारपणाचे उत्तर दिले. मात्र केदारी यांनी सदर प्रकरणाचे गांभिर्य वाहनचालकाच्या निदर्शनास आणुन देत महिनाभरा पूर्वीच शिवनेरी एस.टी.बस अपघाताची घटना लक्षात आणुन दिली. त्यानंतर वाहनचालकाने अखेर सीएनजी बॉंक्सचे उघडलेले झाकन तारेने तात्पुरते बंद केले व डेपोत बस नेऊन झाकन व्यवस्थितरित्या बंद केले जाईल असे केदारी यांना सांगितले. त्यानंतर बस पुढे मार्गस्थ झाली.

व्हीएस न्यूज - चऱ्होली येथील डॉ डी वाय पाटील स्कूल ऑफ मॅनेजमेंट व स्कूल ऑफ एमसीए आणि सावित्रीबाई फुले पुणे विद्यापीठ, पुणे व अजिंक्य डी वाय पाटील विद्यापीठ यांच्या संयुक्त विद्यमाने दि. 27,27 फेब्रुवारी रोजी संयुक्त समकालीन धोरण: जागतिक दृष्टिकोन या विषयावर दोन दिवसांच्या आंतरराष्ट्रीय परिसवांदाचे आयोजन केले असल्याची माहिती कुलगुरू डॉ. एकनाथ खेडकर यांनी प्रसिद्धी पत्रकाद्वारे दिली.
या कार्यक्रमाचे उद्‌घाटन चऱ्होली येथील डॉ अजिंक्य डी वाय पाटील विद्यापीठात सकाळी 11 वा. होणार आहे. या कार्यक्रमाचे उद्घाटन डॉ अजिंक्य डी वाय पाटील विद्यापीठाचे संस्थापक डॉ अजिंक्य डी वाय पाटील व आय. आय. एम. तिरुचिरापल्ली चे संचालक डॉ भीमराया मेत्री यांच्या हस्ते होणार आहे. या वेळी केबांग्सन मलेशिया विद्यापीठाचे विशेष अतिथी डॉ जॉन अंतोनी झेवियर मॉरिशस देशाच्या डॉ अनिता रामागत्ती वौंग , कॅनडा देशाचे डॉ कृष्णलाल, मौरीशस देशाचे डॉ महेंद्रनाथ मोटा, कोलंबो श्रीलंकेचे डॉ अशोका जीनादासा हे मार्गदर्शन करणार आहेत.
या दोन दिवशीय आंतरराष्ट्रीय परिषदेत श्रीलंकेच्या आरोषा जेनिफर मेरी, बांगलादेशाचे डॉ सैफुल मजीद, जाफना विद्यापीठ श्रीलंकेचे डॉ बी निमालाथासन, जपान देशाचे तोमियो एसोगयी, अन्नामलाई विद्यापीठ तामिळनाडूचे डॉ एस. पंचानाथम आदी मान्यवर मार्गदर्शन करणार आहेत.
तसेच विविध क्षेत्रामधील भारतातून व इतर देशातून अनेक मान्यवरांची उपस्थिती राहणार आहे. तरी सर्व महाविद्यालयीन प्राध्यापकांनी व विद्यार्थ्यांनी या संधीचा लाभ घ्यावा असे कुलगुरू डॉ. एकनाथ खेडकर यांनी आवाहन केले आहे.

व्हीएस न्यूज - मराठी असोसिएशन पर्थ तर्फे ऑस्ट्रेलियामध्ये छत्रपती शिवाजी महाराज यांच्या जयंतीचा उत्सव साजरा करण्यात आला. काही तांत्रिक अडचणीमुळे हा सोहळा फेब्रुवारी रोजी साजरा करण्यात आला. या सोहळ्यासाठी अनेक भारतीय नागरिक, तसेच स्थानिक विदेशी नागरिकांनी देखील आवर्जून उपस्थिती लावून छत्रपती शिवरायांप्रती आदर व्यक्त केला. यावेळी शिवाजीमहाराजांच्या प्रतिमेचे पूजन, बालशिवाजींचा पाळणा, शिवाजीमहाराजांचे आचार व विचार, त्यांच्या आयुष्यातील प्रसंग, जिजाऊंचे संस्कार यांसारख्या विषयावर छान माहीती, मराठी अस्मितेवरील समुहगान, लहान मुलांचा पारंपरिक वेशभूषा, शिवकालीन ऐतिहासिक प्रश्नमंजुषा आदी कार्यक्रमांचे आयोजन करण्यात आले होते. शिवराय व जिजाऊंच्या वेशातले बालचमू शोभून दिसते होते.
असोसिएशनच्या वतीने शिवजयंती निमित्त रक्तदान शिबीर अयोजित करीत परदेशात मराठी अस्मितेचा आदर्श निर्माण केला आहे. ऑस्ट्रेलियामध्ये सदर उपक्रम चर्चेचा व कौतुकाचा विषय ठरत आहे. यावेळी असोसिएशनचे कमिटी मेंबर व इतर सभासद उपस्थित होते.

व्हीएस न्यूज - पुणे-मुंबई एक्सप्रेसवेवर वाहनांची संख्या वाढल्याने आज सकाळपासूनच पुण्याकडे जाणार्‍या मार्गावर खंडाळा बोर घाटातील अमृतांजन पुलापासून जवळपास तीन किमी अंतरापर्यत वाहनांच्या रांगा लागून वाहतूक कोंडी झाली आहे.

शुक्रवारी रात्रीपासून या मार्गावर वाहनांची गर्दी वाढल्याने वेग मंदावला होता. त्यातच अनेक मोठी अवजड वाहने वाढल्याने वाहतूक कोंडीत भर पडली होती. शनिवार व रविवार अशा दोन दिवस सुट्टया असल्याने अनेक पर्यटक फिरायला जाण्याचा बेत आखत सकाळच्या सत्रात घराबाहेर पडल्याने वाहनांची संख्या वाढून एक्सप्रेसवेवर वाहतूक कोंडी झाली आहे.