व्हिएस न्यूज - किरकोळ कारणावरून झालेल्या भांडणातून दोन सख्ख्या भावांनी एका तरुणाचा पोटात चाकू भोकसून खून केला. ही घटना शुक्रवारी रात्री अकराच्या सुमारास चिखली मोरे वस्ती, साने चौक येथे घडली. या प्रकरणी दोन सख्ख्या भावांना अटक करण्यात आली आहे.
दिनेश निवृत्ती पाटील (वय 25) असे खून झालेल्या तरूणाचे नाव आहे. तर त्याचा मित्र अतुल गाडे हा या घटनेत गंभीर जखमी आहे. या प्रकरणी पोलिसांनी समाधान रामदास मोरे (वय 24) आणि चेतन रामदास मोरे (20) या दोन सख्ख्या भावांना अटक केली आहे. याबाबत अतुल अनिल गाडे (वय 25, रा. मोरे वस्ती, चिखली) यांनी निगडी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, दिनेश पाटील हा एका कंपनीत काम करत होता. तर आरोपी समाधान आणि चेतन एका दुकानात काम करतात. हे तिघेही मूळचे जळगावचे रहिवासी आहेत. शुक्रवारी रात्री दिनेश याचा मित्र अतुल याची आरोपींसोबत 'माझ्याकडे काय बघतोय?' या कारणावरून भांडणे झाली. ही भांडणे सोडवण्यासाठी दिनेश पाटील मध्ये पडला. त्यावेळी आरोपी समाधान याने घरातील चाकू आणून दिनेशच्या पोटात भोसकून खून केला. तर अतुलला गंभीर जखमी केले.
निगडी ठाण्याचे पोलिस निरीक्षक (गुन्हे) शंकर आवताडे करीत आहेत.
~2.jpg)
.jpeg)