आंघोळ करणाऱ्या अल्पवयीन मुलींचे तरुणांकडुन चित्रीकरण , खडकीतील प्रकार
खडकी
2018-01-16
व्हीएस न्यूज - आंघोळ करणाऱ्या दोन अल्पवयीन व एक महाविद्यालयीन मुलीचे चित्रिकरण करणाऱ्या दोन तरुणांच्या नावे खडकी पोलिस ठाणे येथे सोमवारी गुन्हा दाखल करण्यात आला आहे. शेजारी राहणाऱ्या या दोन टवाळखोरांना रहिवासियांनी चांगला चोप दिला असुन पोलिसी कारवाईच्या भितीने त्यांनी पळ काढला आहे.
खडकीतील सुरती मोहल्ला येथे तिन मुली आपल्या नातेवाईकांसमवेत राहतात. यातील दोन अल्पवयीन तर एक महाविद्यालयिन मुलगी आहे. शनिवारी अल्पवयीन मुलगी आंघोळ करित असताना शेजारी राहणारे नन्या उर्फ तेजस तुपे (वय-21 रा.सुरती मोहल्ला खडकी बाजार) व एक तरुण (त्याचे नाव समजु शकले नाही) हे दोघे खिडकीतुन पाहत होते व मोबाईलवर चित्रिकरण करित होते. आंघोळ करणाऱ्या मुलीस कसला तरी आवाज आला व तिने खिडकीत पाहिले असता दोघे दिसले तिने ओरडून घरच्यांना बोलावुन घेतले व घडलेला प्रकार सांगितला.
कुटुंबियांनी दोन्ही तरुणांच्या घरी जाऊन रहिवासियांच्या मदतीने दोघांना चांगला चोप दिला. नंतर पोलिसांकडे तक्रार दाखल केली रहिवासियांनी व नातेवाईकांनी चोप दिल्यानंतर पोलिस कारवाईच्या भितीने दोघांनी पळ काढला. पोलिस दोघांचा ही शोध घेत आहेत. पोलिस निरिक्षक (गुन्हे) अजित लकडे अधिक तपास करीत आहेत.
~2.jpg)
.jpeg)