पुर्व वैमनस्यातून सात जणांच्या टोळक्याने केले तरूणावर वार
खराळवाडी
2018-01-16
व्हीएस न्यूज - पूर्व वैमनस्यातून सात जणांच्या टोळक्यांनी कोयता व चॉपरने एका तरूणावर वार केले. ही घटना सोमवारी ही रात्री अकराच्या सुमारास खराळवाडी येथील भागवत गिता मंदिराजवळ घडली आहे.
दिनेश शिंगाडे असे गंभीर जखमी झालेल्या तरूणाचे नाव आहे. याप्रकरणी विठ्ठल मारूती बनपट्टे (वय-35), कमलेश युवराज बनपट्टे (वय-24), गणेश राजू बनपट्टे (वय-26), जॉर्ज विल्याम फ्रांसिस (वय-35, रा. सर्व खराळवाडी), अविनाश राजु चौगुले (वय-22,रा. वडारवाडी, पुणे) या पाच आरोपींना पिंपरी पोलीसांनी अटक केली असून संजय बनपट्टे (वय-35), राजू बनपट्टे (वय-45) हे दोघे फरार आहेत. याप्रकरणी गणेश विलास शिंगाडे (वय-28, रा खऱाळवाडी) याने फिर्याद दिली आहे.
पोलिसांनी दिलेल्या माहितीनुसार, फिर्यादी गणेश शिंगाडे व दिनेश शिंगाडे भाऊ आहेत. त्यांची आई आजारी असल्याने दिनेश तिला भेटण्यासाठी खराळवाडी येथे आला होता. पुर्वीच्या भांडणातून आरोपी विठ्ठल बनपट्टे याने दिनेश याच्या पोटावर कोयत्याने वार केले. आरोपी गणेश बनपट्टे याने चॉपरने वार केले. त्यांच्या साथीदारांनी दिनेशला हाताने जबर मारहाण केली. भांडणे सोडविण्यास आलेल्या फिर्यादी यांची काकू सुंदर शिंगाडे यांना कमलेश बनपट्टे याने मारहाण करून जखमी केले. दरम्यान, दिनेशवर पालिकेच्या वायसीएम रुग्णालयात उपचार सुरू आहेत. फौजदार एस. पाटील अधिक तपास करत आहेत.
~2.jpg)
.jpeg)