पालिकेत नोकरी लावण्याचे अमिष दाखवून महिलेची साडेतीन लाखांची फसवणूक
पिंपरी
2018-01-16
व्हीएस न्यूज - पिंपरी महापालिकेत नोकरी लावण्याचे अमिष दाखवून दोघांनी एका महिलेची साडेतीन लाखांची फसवणूक केली. हा प्रकार पिंपरी येथे नुकताच उघडकीस आला आहे.
संकेत चंद्रकांत मुंदडा (वय-25, रा. धर्मा अपार्टमेंट, नव महाराष्ट्र शाळेसमोर पिंपरीगाव), दिपक नाथाजी पाटील ऊर्फ दिपक नाथाजी रयभान (वय-35, रा. पायल क्लासिक, गोंधळेनगर, हडपसर, पुणे) असे गुन्हा दाखल झालेल्यांची नावे आहेत. याप्रकरणी महिलेचा पती प्रथमेश जाधव (वय-25, रा. पिंपरीगाव) यांनी पिंपरी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, आरोपींनी जाधव यांच्या पत्नीस पिंपरी महापालिकेत नोकरी लावण्याचे अमिष दाखविले. नोकरीसाठी साडेतीन लाख रूपये द्यावे लागतील, असे आरोपींनी फिर्य़ादी यांच्या पत्नीस सांगून वेळोवेळी त्यांच्याकडून पैसे घेतले. नोकरी न लावताच त्यांची फसवणूक केली. सहायक पोलीस निरीक्षख ठुबल अधिक तपास करत आहेत.
.jpg)
~2.jpg)
.jpeg)