व्हीएस न्यूज - पत्नीने तिच्या आईच्या मदतीने पतीवर हेक्सा ब्लेडने वार करून गंभीर जखमी केले. ही धक्कादायक घटना भोसरी येथील इंद्रायणीनगर येथे मंगळवारी सकाळी नऊच्या सुमारास घडली. याप्रकरणी पत्नीला भोसरी पोलीसांनी ताब्यात घेतले असून तिची आई फरार आहे.
नारायण मोहन तावरे (वय-30 रा. इंद्रायणीनगर, भोसरी) असे जखमी झालेल्या पतीने नाव आहे. त्यांनी भोसरी पोलीस ठाण्यात फिर्याद दिली आहे. त्यानुसार पत्नी आरती नारायण तावरे (वय-26 रा. बालाजीनगर झोपडपट्टी, भोसरी) हिला पोलिसांनी ताब्यात घेतले असून तिची आई सुमन हरिदास बोबडे फरार आहे.
पोलिसांनी दिलेल्या माहितीनुसार, तावरे व त्याची पत्नी आरती गेल्या काही महिन्यापुर्वी विभक्त झाले आहेत. त्यामुळे मुलांसह तिची आई सुमन हिच्याकडे बालाजीनगर झोपडपट्टीत रहात होती. नारायण मंगळवारी सकाळी त्यांच्या मुलांना भेटण्यासाठी बालाजीनगर येथे आला. त्यावेळी त्याच्यामध्ये शाब्दीक वादावादी झाली. यावरून चिडलेल्या पत्नीने व तिच्या आईने तावरे यांना धरले. तर आरतीने हेक्सा ब्लेडने तावरे यांच्या यांच्या छातीवर गंभीर वार केले. दरम्यान, तावरे यांच्यावर पालिकेच्या वायसीएम रुग्णालयात उपचार सुरु आहेत. भोसरी पोलीस तपास करीत आहेत.
.jpg)
~2.jpg)
.jpeg)