कर्ज मिळवून देण्याच्या बहाण्याने एकाला सव्वा पाच लाखांचा गंडा
सांगवी
2018-01-18
व्हीएस न्यूज - नामाकिंत फायनान्स कंपनीमधून कर्ज मिळवून देण्याचे अमिष दाखवून त्रिकुटाने बॅंकेत वेळोवेळी पैसे भरण्यास सांगून एकाची सव्वा पाच लाखांची फसवणूक केली. हा प्रकार नवी सांगवी येथे नुकताच उघडकीस आला आहे. रमेश भोंग (वय-38, रा. नवी सांगवी) यांनी सांगवी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, भोंग यांना व्यावसाय करण्यासाठी मोठ्या प्रमाणात पैशांची गरज होती. याच कालावधीत त्यांच्या मोबाईलवर तिन आरोपींनी संपर्क साधला. एका नामाकिंत फायनान्स कंपनीतून कर्ज मिळवून देण्याचे अमिष आरोपींनी भोंग यांना दाखविले. कर्जासाठी विविध कारणे देवून 7 मे 2017 ते 17 जानेवारी 2018 या कालावधीत विविध बॅंक खात्यावर, आरटीजीएस मार्फत तब्बल पाच लाख 18 हजार रूपये भरण्यास सांगितले. त्यांना कर्ज काही मिळाले नाही. आपली फसवणूक झाल्याचे लक्षात येताच त्यांनी सांगवी पोलीस ठाण्यात धाव घेत फिर्याद दिली. फौजदार सचिन बागुल तपास करत आहेत.
~2.jpg)
.jpeg)