व्हीएस न्यूज - बावधन आणि पिंपळे-निलख येथे दोन वेगवेगळ्या घटनांमध्ये दुचाकीवरून आलेल्या दोन चोरट्यांनी महिलांच्या गळयातील दीड लाख रूपये किमतीचे मंगळसुत्र हिसकावून नेले. या दोन्ही घटना मंगळवारी सायंकाळी सव्वासात ते नऊच्या दरम्यान घडल्या.
बावधन येथे घडलेल्या घटनेप्रकरणी 34 वर्षीय महिलेने हिंजवडी पोलीस ठाण्यात फिर्याद दिली आहे. फिर्यादी महिला मंगळवारी सायंकाळी सव्वासातच्या सुमारास दुचाकीवरून चालली होती. तिरूमला हाईटस सोसायटीजवळ दुचाकीवरून आलेल्या दोन चोरट्यांनी महिलेच्या गळ्यातील 45 हजार रूपये किंमतीचे सोन्याचे मंगळसुत्र हिसकावले आणि पळ काढला. पिंपळे-निलख विशालनगर येथील घटनेप्रकरणी 43 वर्षीय महिलेने सांगवी पोलीस ठाण्यात फिर्याद दिली आहे. फिर्यादी महिला विद्यानिकेतन शाळेजवळून पायी जात असताना दुचाकीवरून दोन जण त्यांच्याजवळ आले. मागे बसलेल्याने त्यांच्या गळयातील एक लाख रूपये किमतीचे मंगळसुत्र हिसकावले आणि पळ काढला.
~2.jpg)
.jpeg)