व्हीएस न्यूज - मौजमजेसाठी मोबाईल व दागिन्यांची चोरी करणाऱ्या तीन सराईत चोरट्यांनी निगडी पोलिसांनी गजाआड केले. त्यांच्याकडून तीन लाख 52 हजार 300 रुपयांचा मुद्देमाल जप्त केला. ही कारवाई मंगळवारी करण्यात आली.
आनंद त्र्यंबक इंदुकाने (वय 21 रा. निगडी प्राधिकरण), ऋषिकेश चांदुप्रसाद काटे (वय 20 रा. धारडी, परभणी) अतुल सोमनाथ काटे (वय 20 रा. धारडी, परभणी) अशी या तिघांची नावे आहेत.
पोलिसांनी दिलेल्या माहितीनुसार, निगडी पोलीस गस्त घालत असताना खबऱ्याकडून मिळालेल्या माहितीनुसार प्राधिकरण येथे पोलिसांनी नाकाबंदी केली. त्यावेळी एका काळ्या रंगाच्या होंडा डिओ दुचाकीवरून जाणाऱ्या तरुणांना पोलिसांनी थांबण्याचा इशारा केला. आरोपींनी पळून जाण्याचा प्रयत्न केला. पोलिसांनी त्यांचा पाठलाग करून पकडले. त्यांची झडती घेतली असता त्यांच्याजवळ महागड्या किंमतीचे मोबाईल आढळून आले. त्यांच्याकडे विचारणा केल्यांनतर उडवाउडवीची उत्तरे दिली. त्यांना पोलिसी खाक्या दाखवताच पायी जाणाऱ्या नागरिकांचे मोबाईल, पर्स, दागिने चोरले असल्याचे कबुली दिली. त्यांच्याकडून सात महागडे मोबाईल, 71 हजार रुपये किंमतीचे सोन्याचे मंगळसूत्र, एक लाख 62 हजार रुपयांचे नेकलेस, गुन्ह्यात वापरलेल्या दोन दुचाकी, दोन हजार 300 रुपये रोख असा तीन लाख 52 हजार 300 रुपयांचा मुद्देमाल जप्त केला.
ही कारवाई निगडी पोलीस ठाण्याचे वरिष्ठ पोलीस निरीक्षक विजयकुमार पळसुले, पोलीस निरीक्षक (गुन्हे) शंकर आवताडे यांच्या मार्गदर्शनाखाली सहायक पोलीस निरीक्षक देवेंद्र चव्हाण, तात्या तापकीर, प्रकाश कांगळे, कबीर पिंजारी, बाळासाहेब शेलार, मंच्छिद्र घनवट, स्वामीनाथ जाधव, रमेश मावसकर, किरण खेडकर, किशोर पढेर यांनी केली.
.jpg)
~2.jpg)
.jpeg)