व्हीएस न्यूज - किरकोळ वादातून दोघांना सहा जणांनी जबर मारहाण केली आहे. ही घटना शुक्रवारी रात्री दहा वाजता देहुगाव येथील महालक्ष्मी चौकातील संत तुकाराम इमारती जवळ घडली.
याप्रकरणी सचिन काळोखे, बबलू काळोखे, सख्या विजय काळोखे, प्रशांत साळुंखे, हर्षद काळोखे, अमित हगवणे (सर्व रा. काळोखे वाडा, देहुगाव) यांच्यावर देहुरोड पोलीस ठाण्यात मारामारीचा गुन्हा दाखल झाला आहे. याप्रकरणी दीपक रावसाहेब मोहिते (वय 27 रा. देहुगाव) यांनी फिर्याद दिली आहे.
पोलिसांनी दिलेल्या माहितीनुसार, दीपक हा त्याच्या मित्रा सोबत कॅरम खेळत बसला होता. यावेळी झालेल्या किरकोळ वादातून सचिन हा त्याच्या मित्रांना तेथे घेऊन आला व त्याने शिवीगाळ करत लाकडी दांडक्याने, सिमेंट ब्लॉक यांनी मारहाण करण्यास सुरुवात केली. यावेळी दिपकचा मित्र अजय गायकवाड हा भांडणे सोडविण्यास गेला असता त्यालाही टोळक्याने जबर मारहाण केली. यामध्ये दोघेही गंभीर जखमी झाले आहेत. दोघांवरही निगडी येथे खासगी रुग्णालयात उपचार सुरु आहेत. देहुरोड पोलीस पुढील तपास करत आहेत.
~2.jpg)
.jpeg)