.jpg)
व्हीएस न्यूज - पुर्ववैमन्यसातुन तरुणावर प्राणघातक हल्ला करुन जिवे मारण्याचा प्रयत्न केल्याप्रकरणी खडकी पोलिसांनी बुधवारी आणखी पाच जणांना अटक केली. यापुर्वी पोलिसांनी या घटनेसंदर्भात चार जणांना अटक केली होती.
मयुर कालिदास चव्हाण (वय25), आशिस संजय लोखंडे (वय20), गुड्ड्या उर्फ महेश दिलीप मोरे (वय19) निखिल दिपक एडलेल्लु (वय19) व विशाल प्रकाश वाघमारे (वय 18सर्व रा. बोपोडी) अशी अटक केलेल्या आरोपींची नावे आहेत. यापुर्वी पोलिसांनी या घटनेसंदर्भात रविवारी आशिष उर्फ मट्टा मुकेश मायकल (वय23), अभिजित प्रकाश कांबळे (वय28), सनी संतोष ओव्हाळ (वय19) व प्रसाद प्रकाश डंबाळे(वय19)यांना अटक केली होती. आतापर्यत एकुण नऊ आरोपींना अटक केली आहे. चार आरोपींना खडकी न्यायालयाने गुरूवारपर्यत पोलिस कोठडी सुनावली होती. या चार आरोपीसह बुधवारी अटक केलेल्या पाच आरोपींना पोलिसांनी गुरूवारी न्यायालयात हजर केले असता चार जणांना न्यायालयीन कोठडी सुनावित त्यांची येरवडा काराग्रुहात रवानगी करण्यात आली. तर पाच आरोपींना दि. 10 पर्यत पोलिस कोठडी सुनावली आहे.
फिर्यादी मनोज शेळके व सर्व आरोपी हे बोपोडी सर्व्हे नंबर 25 व 26 येथे रहायला आहेत. शेळके व आरोपींमध्ये पुर्वीची भांडणे होती. त्याचा राग आरोपींच्या मनात होता. रविवारी रात्री 9 वाजता शेळके सांगवी येथिल एका मित्राला भेटुन घरी जात असताना बोपोडी येथिल जय मात्रुभुमि चौकात अडवुन प्रथम शिवीगाळ केली. आरोपी चव्हाण व डंबाळे यांनी शेळके यांना सिंमेटच्या गटुटुने मारहाण केली. नंतर मायकलने जख्मी शेळकेस दुचाकीवर बसवुन पिंपरी येथिल स्मशानभुमित नेले तेथे चव्हाण याने त्याच्यावर कोयत्याने वार केले. तर लोखंडे याने बिअरच्या बाटलीने मारहाण केली. इतर आरोपींनी लाथाबुक्क्यांनी बेदम मारहाण केली. यामध्ये शेळके गंभीर जख्मी झाला. शेळकेवर रुग्णालयात उपचार सुरु आहेत. पोलिस उपनिरिक्षक मदन कांबळे अधिक तपास करित आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)