व्हीएस न्यूज - एटीएम मशीनच्या वीज पुरवठ्यामध्ये बिघाड करून चोरट्याने पैसे काढले. पैसे न मिळाल्याची ऑनलाईन तक्रार करून स्वतःच्या खात्यात बॅकेला पैसे जमा करण्यास भाग पाडून चोरट्याने भारतीय स्टेट बॅंक पिंपरी शाखेची दोन लाखांची फसवणूक केली. हा प्रकार बुधवारी उघडकीस आला. जयश्री अय्यर (वय-43, रा. रहाटणी) यांनी भोसरी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, भारतीय स्टेट बॅंकेची पिंपरी येथे शाखा आहे. या शाखेशेजारील एटीएममध्ये एका चोरट्याने मशीनच्या वीज पुरवठ्यात 3 जुलै ते 17 ऑगस्ट 2017 या कालावधीत 18 वेळा तांत्रिक बिघाड केला. त्यानंतर पैसे काढून घेतले. पैसे न मिळाल्याची बॅकेकडे तक्रार करून पुन्हा स्वतःच्या खात्यावर पैसे जमा करण्यास भाग पाडून 1 लाख 90 हजार रूपयांची आर्थिक फसवणूक केली. पोलीस निरीक्षक (गुन्हे) अजय भोसले अधिक तपास करत आहेत.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)