मृतदेह दीड तास रस्त्यावर पडून ,भोसरी पोलिसांचा हद्दीचा वाद
पिंपरी-चिंचवड
2017-12-18
व्हीएस न्यूज - सर्वसामान्य नागरिकांना पोलिसांच्या मुजोरीचा अनुभव नित्याचाच भाग झाला आहे. याचीच प्रचिती म्हणजेच भोसरीतील रविवार घडलेल्या अपघातातील मृतदेह जो तब्बल दीड तास जागीच पडून होता. त्यामुळे पोलिसांच्या कार्यपद्धतीवर संताप व्यक्त करण्यात येत आहे.
नेहरुनगरवरुन लांडेवाडीकडे जाणाऱ्या रस्त्यावर पंडीत अॅटो समोर रविवारी सकाळी साडेअकराच्या सुमारास मयत इसम त्याच्या मुलासह दुचाकीवरुन जात होता. त्यांचा मुलगा गाडी चालवत होता तर वडीलांच्या मांडीवरती पोते होते. गाडीवरुन पोते खाली पडले मात्र गाडी तशीच पुढे गेली. हे समजताच मुलाने गाडी थांबवली व वडील पोते घेण्यासाठी खाली उतरले. यावेळी समोरुन येणाऱ्या ट्रकची धडक बसली आणि मागचे चाक संबंधीत इसमाच्या डोक्यावरुन गेले व त्यांचा जागीच मृत्यू झाला.
मात्र,पोलीस मदत आणि रुग्णवाहीका न येवू शकल्याने मयत इसमचा मृतदेह दुपारी एक वाजेपर्यंत रस्त्यावरच पडून होता.अखेर नागरीकांनी पोलीस नियंत्रण कक्षाला फोन करुन याची माहिती दिली. नियंत्रण कक्षातून फोन गेल्यानंतर एमआयडीसी पोलीस ठाण्याचे कर्मचारी एक तासानंतर घटनास्थळी आले. या घडलेल्या सर्व प्रकारामुळे नागरिकांमध्ये नाराजी व्यक्त होत आहे. हातओले करणाऱ्या कामात कार्यतत्परता दाखवणाऱ्या पोलिसांनी अशा घटनेकडे दुर्लक्ष केल्याने सर्व थरातून टीका होत आहे.
~2.jpg)
.jpeg)