पेट्रोलपंपावरील स्वच्छतागृहे सर्वांसाठी खुली करण्यास पेट्रोलपंप चालकांची हरकत
पिंपरी-चिंचवड
2017-12-19
व्हीएस न्यूज - पिंपरी चिंचवड महापालिकेचे आयुक्त श्रावण हर्डीकर यांनी महापालिका क्षेत्रातील पेट्रोलपंपांवर असले;ली स्वच्छतागृहे सर्वांसाठी खुली करण्याचा आदेश नुकताच काढला असून पेट्रोलपंप चालकांच्या संघटनेने याला हरकत घेतली आहे.
संघटनेचे अध्यक्ष बाबा धुमाळ यांनी गुरुवारी आयुक्तांना पत्र दिले असून त्यात असे म्हटले आहे की, महापालिका आयुक्तांनी हा निर्णय घेताना पंपचालकांना विश्वासात घेऊन घ्यायला हवा होता. प्रत्येक पंपावर ग्राहकांच्या सोयीसाठी एकच स्वच्छतागृह बांधलेले असते. त्यामुळे ग्राहकांव्यतिरिक्त इतर लोकांची सोय तेथे होणे शक्यच नाही. त्यामुळे या निर्णयाची अंमलबजावणी पेट्रोलपंप चालकांनी करावी असे महापालिकेला वाटत असेल तर, महापालिकेने 24 तास पाणीपुरवठा, स्वच्छतागृहांच्या देखभालीसाठी बी.व्ही.जी. सारखी संस्था उपलब्ध करून द्यावी. अन्यथा, पंपावरील गटारे तुंबतील आणि, आरोग्याची समस्या निर्माण होईल. पंपचालकांना त्यामुळे एम.डी.जी. ऍक्टप्रमाणे अस्वच्छतेबद्दल कारवाईला सामोरे जावे लागेल.
~2.jpg)
.jpeg)