व्हीएस न्यूज – पिंपरी चिंचवड ग्रामीण भागातून निर्माण झालेली नगरी असून या नगरीने लोककलेला नेहमीच दाद दिली आहे, असे मत सिक्कीमचे राज्यपाल श्रीनिवास पाटील यांनी व्यक्त केले. अखिल भारतीय मराठी नाट्य परिषद, पिंपरी चिंचवड शाखा व लोकरंग सांस्कृतिक कलामंच यांच्या वतीने आणि पिंपरी चिंचवड महानगरपालिका यांच्या सहकार्याने आयोजित करण्यात आलेल्या तिस-या अखिल भारतीय मराठी लोककला संमेलनाचे उदघाटन त्यांच्या हस्ते झाले त्यावेळी बोलत होते. यावेळी संमेलनाचे अध्यक्ष डॉ. रामचंद्र देखणे, कार्यक्रमाचे अध्यक्ष महापौर नितीन काळजे, मुख्य निमंत्रक आमदार लक्ष्मण जगताप, स्वागताध्यक्ष भाऊसाहेब भोईर, उपमहापौर शैलजा मोरे, स्थायी समिती सभापती ममता गायकवाड, नगरसद्स्या अनुराधा गोरखे, शर्मिला बाबर, आयुक्त श्रावण हर्डीकर, राही भिडे, प्रकाश खांडके, प्रविण गोळे, कार्यकारी अभियंता प्रविण तुपे आदी मान्यवर उपस्थित होते. राज्यपाल श्रीनिवास पाटील म्हणाले , साधी माणसं हे या शहराचा वैशिष्ठ आहे. पिंपरी चिंचवड महानगरपालिका आपल्या वाढलेल्या उत्पनाचा उपयोग सामान्यांसाठी करत आहे हे पाहून आनंद होत आहे. बालगंधर्व व शाहीर पठ्ठे बापूराव हे महाराष्ट्राला पडलेलं सुंदर स्वप्न होतं. असेही ते म्हणाले. संमेलनाध्यक्ष डॉ. रामचंद्र देखणे म्हणाले, पिंपरी चिंचवड लाखो वारक-यांच्या दिंड्यांनी पावन झालेली भूमि आहे. लोककलाकार शरीराने जरी मनोरंजन करत असले तरी मनाने ते प्रबोधन करत असतात. लोककलांच्या संवर्धनासाठी आपण प्रयत्न केले पाहिजेत. लोककलांसाठी स्वतंत्र विद्यापीठ उभे केले पाहिजे. हे संमेलन पठ्ठे बापूरावांच्या नावाने भरवल्याचा आनंद होत आहे. पठ्ठे बापुरावांनी तमाशाला वेगळी ओळख मिळवून दिली. असेही ते म्हणाले. महापौर नितीन काळजे भाषणात म्हणाले, मनपाच्या वतीने लोककला जिवंत ठेवण्यासाठी नेहमीच प्रयत्न केले जातात. चांगले कलाकार या शहरात घडावे याकरिता मनपाच्या वतीने नेहमीच व्यासपीठ उपलब्ध करून दिले जाते, विविध स्पर्धा आयोजित करण्यात येतात. स्वागताध्यक्ष भाऊसाहेब भोईर म्हणाले, लोककलेतील सर्व घटकांचा अभ्यास असलेले व्यक्तिमत्व उदघाटक व अध्यक्ष म्हणून आजच्या संमेलनाला लाभले आहेत. पिंपरी चिंचवड शहरात देशाच्या सर्व भागातून आलेले नागरिक आपापली संस्कृती, परंपरा व लोककला घेऊन येथे आले. त्यामुळे शहरात देशातील विविध सण, समारंभ व लोककला अनुभवायला मिळतात, असेही ते म्हणाले. यावेळी जेष्ठ अभिनेत्री लीलाताई गांधी यांना जीवनगौरव व प्रभाकर मांडे यांना लोककला साहित्य गौरव पुरस्कार देऊन सन्मानित करण्यात आले. तसेच वसंत अवसरीकर, संजीवनी मुळे, पुरषोत्तम महाराज पाटील, बापूराव भोसले, मुरलीधर सुपेकर, सोपानजी खुडे, प्रतिक लोखंडे आदींना देखील सन्मानित करण्यात आले. कार्यक्रमापूर्वी शहरातून निघालेल्या महाराष्ट्राच्या विविध लोककलांचे दर्शन घडवणा-या दिंडीला नागरिकांचा उत्स्फुर्त प्रतिसाद मिळाला. कार्यक्रमाचे सूत्रसंचालन नाना शिवले यांनी केले तर आभार प्रशांत खांडके यांनी मानले.

व्हिएस न्युज - शिवसेना प्रणित शिवशाही व्यापारीसेना महाराष्ट्र राज्याच्या वतीने डॉ बाबासाहेब आंबेडकर यांच्या पिंपरी येथील पुणाॕकृती पुतळ्यास सह संभाजी महाराज लिखीत बुध्दभुषन ग्रंथास शिवशाही व्यापारीसेना प्रदेश आध्यक्ष-युवराज दाखले व प्रदेश सचिव - गणेश आहेर यांच्या शुभ हस्ते पुष्पहार आपॕन करून आभिवादन करण्यात आले. यावेळी शिवशाही व्यापारीसेनेचे महाराष्ट्र राज्य उपाध्यक्ष गोरख पाटील,खजिनदार नवनाथ जाधव ,रविकिरण घटकार,रोहीत विभुत्ते,मारूती म्हस्के,नरसिंग माने,दत्ता गिरी,राज गिरी,गणेश पाडुळे ,निलेश भोरे ,आशिष वाळके, आमोल तेलंगे भाग्यश्रीताई म्हस्के,सारीकाताई तामचिकर,शिल्पाताई मरडेकर, आदी शिवसैनिक मोठ्या संखेने उपस्थित होते. तसेच राहटणी काळेवाडी परिसरात महाराष्ट्र दलित युवक महासंघ व लहुजीश्री बाॕईज् च्या वतीने तापकिरनगर येथे वाकड पोलिसस्टेशनचे पोलिस शिपाई नाना झेंडे व महाराष्ट्र दलित युवक महासंघ संस्थापक प्रमुख मारूती दाखले यांच्या हस्ते भारतरत्न डॉ बाबासाहेब आंबेडकर यांच्या प्रतीमेस व छञपत्ती शिवाजी महाराज यांच्या अधॕकृती पुतळ्यास पुष्पहार आपॕन करण्यात आला. यावेळी आमोल तेलंगे,प्रदिप दळवी,भिम वाळके ,सचिन घोलप ,आतुल गाडवे,सचिन येडके ,निलेश भेलके,आदी प्रमुख कायॕकतेॕ उपस्थित होते.

व्हिएस न्यूज - जुन्या भांडणाचा राग मनात धरून एकाला मारहाण करण्यात आली. हा प्रकार पिंपरीतील वाल्मिकी चौकात मंगळवारी रात्री आठच्या सुमारास घडला. आरोपीला पोलीसांनी अटक केली आहे.
मिथुन गौतम सूर्यवंशी (वय-25, रा. भीमनगर, पिंपरी) असे अटक केलेल्या आरोपीचे नाव आहे. याप्रकरणी भाऊसाहेब वामन कडाळे (वय 45, रा. बौध्दनगर, पिंपरी) यांनी पिंपरी पोलीस ठाण्यात फिर्याद दिली.
पोलिसांनी दिलेल्या माहितीनुसार, भाऊसाहेब आणि मिथुन यांची काही दिवसांपूर्वी किरकोळ कारणावरून भांडणे झाली होती. त्याचा राग मिथुनच्या मनात होता. भाऊसाहेब मंगळवारी रात्री पिंपरी मधील वाल्मिकी चौकातील सिद्धार्थ ऑटो गॅरेजसमोर काही कामानिमित्त आले होते. त्यावेळी मिथुन याने त्यांना अडवून त्यांना दम दिला. मागील भांडणावेळी तू मला शिव्या का दिल्या होत्या, असे म्हणून गॅरेज दुकानातील टॉमीने भाऊसाहेब यांच्या पायावर आणि डोक्यात मारले. भाऊसाहेब गंभीर जखमी झाले. त्यांना रुग्णालयात उपचारासाठी दाखल करण्यात आले आहे. फौजदार अशोक निमगिरी तपास करीत आहेत.

व्हिएस न्यूज - जनावरांच्या गोठ्यात काम करणाऱ्या तरूणाला बैलाने धडक दिल्याने गंभीर जखमी होऊन त्याचा मृत्यू झाला. हा प्रकार शुक्रवारी दुपारी दोनच्या सुमारास काळेवाडी येथे घडला. शशिकांत चिरोजीलाल धोबी (वय-22,रा. आदर्शनगर, काळेवाडी) असे बैलाच्या धडकेत मृत्यू झालेल्या तरुणाचे नाव आहे.
पोलिसांनी दिलेल्या माहितीनुसार, शशिकांत काळेवाडी मधील स्मशानभूमीजवळ असलेल्या ग्यानसिंग यादव यांच्या गोठ्यात कामाला आहे. शुक्रवारी तो स्वच्छतेचे काम करत असताना बैलाने त्याला धडक दिली. यामध्ये तो गंभीर जखमी झाला. शशिकांतला तात्काळ उपचारासाठी यशवंतराव चव्हाण स्मृती रुग्णालयात दाखल करण्यात आले,मात्र उपचारापूर्वीच त्याचा मृत्यू झाला असल्याचे डॉक्टरांनी घोषित केले.

व्हिएस न्यूज - अल्पवयीन मुलीवर लैंगिक अत्याचार केल्या प्रकरणी अटक केलेल्या आरोपीस खडकी न्यायालयाने चार दिवसांची पोलिस कोठडी सुनावली. औंधरोड बोपोडी येथिल मित्राच्या अल्पवयीन बहिणीस दि. 25 मार्च रोजी संध्याकाळी राहत्या घरातुन बुलेटवरुन फिरण्यास जाण्याच्या बहाण्याने पळवुन नेऊन दि. 25 मार्च ते 9 एप्रिल दरम्यान काळेवाडी नढेनगर येथे ठेऊन तिच्यावर वेळोवेळी लैंगिक अत्याचार केल्या प्रकरणी आरोपी महेश उर्फ सॅंम रविंन्द्र पाटोळे (रा.भिंगार अहमदनगर) यांस पोलिसांनी अटक करण्यात आली होती. मंगळवारी आरोपी पाटोळे यांस न्यायालयात हजर केले असता न्यायालयाने त्यास चार दिवसांची पोलिस कोठडी सुनावली.

याप्रकरणी मुलीच्या वडीलांनी खडकी पोलिसांकडे फिर्याद दाखल केली आहे. दि.10 मार्च रोजी फिर्यादी हे खडकी बाजार येथे नातेवाईकासमवेत लग्नाचा बस्ता बांधण्या करिता गेले होते. पत्नी घरकाम करित असताना मुलगी काही न सांगता घराबाहेर गेली. ती बराच वेळ झाला तरी ती घरी न आल्याने आजुबाजुला व नातेवाईकांकडे चौकशी केली परंतु तिचा शोध लागला नाही. पाटोळे हा नेहमी घरी येत असे त्याचा संशय आल्याने त्याची चौकशी केली असता तो ही गायब असल्याचे समजले. त्यानंतर मुलीच्या वडीलांनी पोलिसांकडे तक्रार दाखल केली.
पोलिस उप निरिक्षक मदन कांबळे व पोलिस कर्मचारी जे.एम.मोमिन यांनी आरोपीने आईला मोबाईल वरुन केलेल्या फोनवरून त्याआधारे कॉंमन आयडीचा शोध घेतला. त्याद्वारे आरोपी पाटोळेचा लोकेशन ट्रेस केला तो प्रथम म्हाळुंगे बालेवाडी व नंतर काळेवाडी येथे असल्याचे निष्पन्न झाले. त्यानंतर त्याचा पाठलाग करुन पोलिसांनी त्यास व अल्पवयीन मुलीस नढे नगर काळेवाडी येथुन ताब्यात घेतले. अल्पवयीन मुलीने आरोपी याने लैंगिक अत्याचार केल्याचे पोलिस तपासा अंतर्गत सांगितले. त्यानंतर पोलिसांनी आरोपी पाटोळे वर गुन्हा दाखल करुन त्यास अटक केली.

व्हिएस न्यूज - आईला झालेल्या गंभीर आजारामुळे यातून आलेल्या नैराश्यातून मुलाने गळफास घेवून आत्महत्या केली. हा प्रकार बुधवारी रात्री आठच्या सुमारास ताथवडे येथे उघडकीस आला.
गौतम चंद्रकांत ठोसर (वय-24, रा. सोनवने वस्ती,ताथवडे, मुळ, सोलापूर) असे आत्महत्या केलेल्या मुलाचे नाव आहे.
याबाबत सहाय्यक पोलीस निरीक्षक अभिजीत जाधव यांनी माहिती दिली. गौतम हा त्याचा मोठा भाऊ व आईसह ताथवडे येथे राहण्यास आहे. काही वर्षांपुर्वी गौतमच्या वडीलांचे निधन झाल्याने दोघां भावांवर कुटूंबाची जबाबदारी होती. गौतम इलेक्ट्रिकची कामे करत होता. काही दिवसांपुर्वीच त्यांच्या आईला गंभीर आजार असल्याचे स्पष्ट झाले. आईवर एका खासगी रूग्णालयात दहा दिवसांपासून उपचार सुरू आहेत. आईच्या आजारपणामुळे गौतमला नैराश्य आले होते. यातून गौतमने घरात कोणी नसताना गळफास घेवून आत्महत्या केली.
वाकड पोलीस अधिक तपास करत आहेत.

व्हिएस न्यूज - चऱ्होलीत दहा वर्षीय मुलावर लैंगिक अत्याचार करण्यात आल्याचा धक्कादायक प्रकार गुरूवारी समोर आला आहे. भारत सुरवसे (वय-28, रा. लोहारा, उस्मानाबाद) असे आरोपीचे नाव आहे. याबाबत32 वर्षीय महिलेने दिघी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, आरोपीने दहा वर्षीय मुलावर मंगळवारी लैंगिक अत्याचार केला. हा प्रकार मुलाने घरच्यांना सांगितला. त्यानंतर मुलाच्या आईने दिघी पोलीस ठाण्यात धाव घेत आरोपीविरोधात फिर्याद दिली. दिघी पोलीस अधिक तपास करत आहेत.

व्हिएस न्यूज - हॉटेलचा व्यवस्थापक आणि बाऊन्सरने ग्राहकाला किरकोळ कारणावरून लाथाबुक्यांनी जबर मारहाण केली. हा प्रकार नुकताच पिंपळे-सौदागर येथे घडला.
गणेश विठ्ठल पिदुलकर (वय-28, रा. हिंजवडी) याने हिंजवडी पोलीस ठाण्यात फिर्याद दिली आहे. याप्रकरणी बाऊन्सर आकाश करम गंगावणे (रा. रूपीनगर, तळवडे), अमोल विलास चौधरी (रा. मिलिंदनगर, निगडी), मंगेश वाघंबर दुवे (रा. रहाटणी),सनी मायकल गायकवाड (वय-30, रा. दत्तनगर, एकता चौक, थेरगाव), विनीतकुमार विनोदकुमार सिंग (वय-28,रा. रहाटणी) अशी अटक केलेल्या आरोपींची नावे आहेत.
पोलीसांनी दिलेल्या माहितीनुसार, पिंपळे-सौदागर परिसरातील स्पॉट 18 हा पब व हॉटेल आहे. यामध्ये गणेश आपल्या मैत्रिणींसोबत जेवनासाठी गेला होता. गणेशने आणखी जेवन मागविले. आरोपींनी हॉटेल बंद होण्याची वेळ झाली असल्याचे सांगत व्यवस्थापनाने जेवन देण्यास नकार दिला. गणेशने आपल्याकडे हॉटेलचे कुपन असल्याचे सांगितले. यावरून चिडलेल्या व्यवस्थापकाने त्यांना धक्काबुक्की करून हॉटेलच्या बाहेर काढले. हॉटेलच्या बाहेर थांबलेल्या बाऊन्सरने गणेशला लाथाबुक्यांनी व हातातील कड्यानी जबर मारहाण केली. यामध्ये गंभीर जखमी झालेल्या गणेशवर खासगी रूग्णालयात उपचार सुरू आहेत. फौजदार हरीश माने अधिक तपास करत आहेत.

व्हिएस न्यूज - आकुर्डीतील गुंड अजय काळभोर टोळीतील एका गुंडाकडून दोन गावठी पिस्तूल व चार जिवंत काडतुसे असा 61 हजार 200 रूपयांचा ऐवज जप्त केला. ही कारवाई गुन्हे शाखेने केली. दत्ता विठ्ठल आगलावे (वय-25, रा. तुकारामनगर, वाल्हेकरवाडी) असे अटक केलेल्या गुंडाचे नाव आहे. त्याच्यावर पुणे शहर व ग्रामीण पोलीस ठाण्यात खून, कट रचने,दरोड्याचा प्रयत्न, गावठी कट्टे बाळगल्याचे असे गंभीर गुन्हे दाखल आहेत.
पोलीसांनी दिलेल्या माहितीनुसार, पोलीसांनी अटक केलेल्या अजय काळभोर व तिरूपती ऊर्फ बाब्या जाधव यांनी आरोपीला पिस्तूले दिली होती. ही पिस्तूले त्यांनी मध्यप्रदेशातून पुण्यात विक्रीसाठी आणली होती. ही कारवाई पोलीस निरीक्षक ब्रम्हानंद नायकवाडी, सहा. पोलीस निरीक्षक गणेश पवार, राजू मोरे, भालचंद्र बोरकर, निलेश शिवतरे आदींच्या पथकाने केली.

व्हिएस न्यूज - रस्ता ओलांडणाऱ्या पादचारी तरूणाला अज्ञात वाहनाने जोरदार धडक दिली. तरूणाचा गंभीर जखमी होऊन मृत्यू झाला. हा अपघात बुधवारी सायंकाळी साडेसहा वाजता बेंगलोर-मुंबई महामार्गावर घडला.
रूपेश कुमार तिवारी (वय-20, रा. भुमकर चौक,लेबर कॅम्प) असे मृत्यू झालेल्या तरूणाचे नाव आहे. याप्रकरणी मुमताज मनसुरी (वय-20) याने हिंजवडी पोलीस ठाण्यात फिर्याद दिली आहे.
पोलीसांनी दिलेल्या माहितीनुसार, रूपेश हा बुधवारी सायंकाळी साडेसहा वाजता बेंगलोर-मुंबई महामार्ग ओलांडत होता. भरधाव वेगाने आलेल्या अज्ञात वाहनाने रूपेशला जोरदार धडक दिली. गंभीर जखमी होऊन रूपेशचा मृत्यू झाला. अपघातस्थळी न थांबता वाहन चालकाने पोबारा केला.
फौजदार पगारे अधिक तपास करत आहेत.

व्हिएस न्यूज - प्रभात फेरीसाठी गेलेल्या बारा वर्षांच्या मुलाला भरधाव वेगातील मिनी बसने जोरदार धडक दिली. यात मुलाचा जागीच मृत्यू झाला. हा अपघात गुरूवारी सकाळी सव्वा सहा वाजता नाशिक फाटा येथील पुलावर घडला.

प्रतिक परमेश्वर सावंत (वय-12) असे मृत्यू झालेल्या मुलाचे नाव आहे. याप्रकरणी सुरज चंदनशिवे (वय-22, रा. आनंदनगर, पिंपळे-गुरव) याने भोसरी पोलीस ठाण्यात फिर्याद दिली आहे. प्रतिकचे आई-वडील दोघेही अपंग असल्यामुळे त्याचा आधारवड गेल्याने हळहळ व्यक्त करण्यात येत आहे. पोलीसांनी दिलेल्या माहितीनुसार, फिर्यादी सुरजबरोबर प्रतिक हा दररोज प्रभात फेरीसाठी जात असे. गुरूवारी सव्वासहाच्या सुमारास नाशिक फाटा येथील पुलावर प्रतिकला भरधाव वेगाने आलेल्या मिनी बसने जोरदार धडक दिली. त्यामुळे गंभीर जखमी झालेल्या प्रतिकचा जागीच मृत्यू झाला. तर घटनास्थळी न थांबता मिनी बस चालक पसार झाला. फौजदार एन. ए. डावरे अधिक तपास करत आहेत.

व्हीएस न्यूज - पिंपरी चिंचवड महापालिकेच्या मुख्य इमारतीच्या लिफ्ट मधून पडून एक कर्मचारी गंभीर जखमी झाला आहे. शरद भोंडवे असे या जखमी कर्मचाऱ्याचे नाव असूनभोंडवे यांच्या गुडघ्याला गंभीर इजा झाली आहे. त्यांच्यावर खाजगी रूग्णालयात उपचार सुरू आहेत. ही घटना आज (शुक्रवारी) सकाळी १० वाजण्याच्या सुमारास घडली.

पिंपरी महापालिकेतील उपमहापौर कार्यालयात शरद भोंडवे हे कार्यरत आहेत. दररोज प्रमाणे आज सकाळी ते कामावर आल्यानंतर तळमजल्यावरून ४ नंबरच्या लिफ्टने तिसर्या मजल्यावर येण्यास निघाले होते. यावेळी लिफ्टची लाईट अचानकपणे गेली आणि ते लिफ्ट मध्येच अडकली. त्यानंतर लिफ्टचा दरवाजा अचानक उघडला. शरद भोंडवे यांनी लिफ्ट मधून बाहेर पाय टाकला, पण लिफ्ट अर्ध्यातच असल्याने ते जमिनीवर कोसळले. त्यात त्यांच्या गुडघ्याला गंभीर इजा झाली. त्यांच्यावर खाजगी रुग्णलयात उपचार सुरू असून गुडघ्याची शस्त्रक्रिया करण्यात आली आहे.

महापालिकेतील मुख्यालयात एकूण ४ लिफ्ट आहेत. त्यातील एक महापौर,आयुक्त, नगरसेवक, पदाधिकारी तसेच पत्रकार यांच्या वापरासाठी आहे. अन्य तीन लिफ्टचा वापर कर्मचारी तसेच नागरिक करतात. परंतू अनेकदा या लिफ्ट दुरूस्तीच्या कारणास्तव बंद असतात. तसेच या लिफ्टमधे लिफ्टमन जागेवर नसल्याच्या तक्रारीही महापालिकेत येणार्या नागरिकांकडून होत आहे. आज झालेल्या अपघातामुळे या लिफ्टच्या सुरक्षिततेबाबत प्रश्नचिन्ह उपस्थित रहात आहे.