Skip to content

VS News

Pimpri-Chinchwad · Pune

Breaking
शिरगाव साईबाबा ट्रस्टमधील कथित आर्थिक गैरव्यवहारांची चौकशी करा; दोषींवर कारवाई करा – उस्मान शेखपिंपळे गुरवमध्ये एटीएमवर चोरट्यांचा डल्ला; २० लाखांहून अधिक रोकड घेऊन चोरटे पसार!सात महिन्यांपासून फरार मोक्यातील आरोपी जेरबंद; गुन्हे शाखा युनिट ३ पथकाची धडक कारवाईधर्मेंद्र सोनकरचा अटकपूर्व जामीन फेटाळला; अटक होणार का? प्रफुल्ल कदम यांच्या ‘महाराष्ट्र दुष्काळ मुक्ती’ उपोषणाला पिंपरी-चिंचवडच्या मराठवाडा जनविकास संघाचा जाहीर पाठिंबा‘भ्रष्टाचाराची कीड’ नष्ट करण्यासाठी सक्षम कायद्याची गरज – डॉ. बाबा कांबळेघरकुलात फुलला हरित संकल्प! ‘एक व्यक्ती, एक झाड’चा संदेश देत देशी वृक्षांचे वृक्षारोपणजय हिंद स्कूलविरोधातील तक्रारी प्रलंबित; चौकशी समिती दीड वर्षानंतरही निष्क्रिय असल्याचा आरोप!अखिल भारतीय छावा मराठा युवा संघटनेचे पदाधिकारी मच्छिंद्र चिंचोळे यांच्यावर विनयभंगाचा गुन्हा दाखलपिंपरी-चिंचवड बार असोसिएशनच्या सभेत महत्त्वपूर्ण निर्णय; महिला आरक्षणासह विविध ठराव मंजूरपाणी बचतीसाठी महापालिका ॲक्शन मोडवर! निष्काळजी कर्मचाऱ्यांवर शिस्तभंगाची कारवाईरुग्णालयातच शिस्तीचे धिंडवडे! सुरक्षारक्षकाच्या वर्तनावर संतापजनक प्रश्नचिन्ह!अभिजात मराठी भाषा सप्ताहात बालगीतांची मैफल रंगली; चिमुकल्यांचा उत्स्फूर्त प्रतिसाददापोडीच्या विषारी दारूप्रमाणेच सांगवी पोलीस ठाण्याच्या हद्दीतील गॅस चोरीही धोकादायक!PMPML कर्मचाऱ्यांच्या सातव्या वेतन आयोगाच्या थकबाकीसाठी भाजपा कामगार मोर्चाचे निवेदनदोन पदांवर एकाच व्यक्तीची वर्णी; भाजपच्या निष्ठावंत कार्यकर्त्यांचा संतापपीसीयूमधील उच्च तंत्रज्ञान सुविधांचा लाभ घेऊन विद्यार्थ्यांनी कौशल्य सिद्ध करावे : हर्षवर्धन पाटीलकामगार नेते यशवंत भोसले यांना वाढदिवसाच्या शुभेच्छानिष्ठावंत शिवसैनिक गणेश आहेर यांची शिवसेना पिंपरी-चिंचवड उपशहरप्रमुखपदी निवडमराठवाडा मुक्ती संग्राम दिनाचा पिंपरी-चिंचवड महापालिकेला विसर?उन्नतीच्या ‘स्वर निनाद’ मैफिलीला रसिकांचा उत्स्फूर्त प्रतिसाद हिंदुस्थान अँटिबायोटिक्स शाळा २००३ बॅचच्या रियुनियनमध्ये रंगला गुरु-शिष्य स्नेहसोहळाकंत्राटी व मानधन कर्मचाऱ्यांनाही ऑनलाइन पगार स्लिप द्या; हनुमंत लांडगे यांची महापालिका आयुक्तांकडे मागणीसंघर्ष, साधना म्हणजे आशाताई - श्रेया घोषाल पवना धरण 100 टक्के भरले; 15 टक्के पाणी कपात तात्काळ रद्द करा – जयेश चौधरीराष्ट्रीय मागासवर्गीय आयोगाचा बनावट प्रतिनिधी;धर्मेंद्र सोनकरवर गुन्हा दाखल!'पाणीप्रश्न निकाली काढणार'; भामा आसखेड योजनेची कामे मुदतीत पूर्ण करण्याचे आयुक्तांचे आदेशआषाढी वारीत ‘लालपरी’ची दमदार कामगिरी; ५,५०० बसेसमधून ९ लाखांहून अधिक भाविकांचा सुरक्षित प्रवासऔंध जिल्हा रुग्णालयातील पदोन्नतीचा प्रश्न रखडला?; कर्मचाऱ्यांमध्ये तीव्र नाराजीमोशी कचरा डेपोवरील भार कमी करण्यासाठी पर्यायी जागांचा शोध सुरूविद्यार्थी आंदोलनाचा विजय; धर्मेंद्र प्रधान यांचा राजीनामाजंजीरा किल्ल्यावर भगवा झेंडा लावण्याची मागणी; तीन महिन्यांत निर्णय न झाल्यास आंदोलनाचा इशारामोशी कचरा डेपो दुर्घटनेतील मृत कामगारांना न्याय मिळावा; दोषींवर मनुष्यवधाचा गुन्हा दाखल करण्याची सर्वपक्षीय विरोधी पक्षांचे प्रतिनिधींची मागणीमोशीतील कचरा प्रश्नावर जनप्रतिनिधी आक्रमक; अन्य मतदारसंघांचा कचरा स्वीकारण्यास नकारमोरवाडी न्यायालयात न्यायाधीशांची संख्या वाढली; मात्र कर्मचारी व मूलभूत सुविधांचा प्रश्न कायमभाजपा प्रदेशाध्यक्ष रवींद्र चव्हाण यांच्या उपस्थितीत पिंपरी-चिंचवडमध्ये महाबैठक; पदवीधर मतदार नोंदणी व रक्तदान मोहिमेला गती देण्याचे निर्देशबालाजीनगर एसआरए प्रकल्पात ५०० चौ. फूट घरांसह सर्व आधुनिक सुविधांची मागणी; अन्यथा जनआंदोलनाचा इशारामतदार जनजागृतीसाठी जयेश शिवराज चौधरी यांचा पुढाकार; SIR प्रक्रियेसाठी नागरिकांना मोफत मार्गदर्शनपर्यावरण संरक्षणासाठी एसटीपी अनिवार्यच; पिंपरी चिंचवड चाकण हाऊसिंग सोसायटी संघटनेची भूमिकापिंपरी चिंचवड पत्रकार संघ आयोजित कार्यक्रमात उल्लेखनीय कामगिरी करणाऱ्या महिलांचा सन्मान

पिंपरी चिंचवड

शिरगाव साईबाबा ट्रस्टमधील कथित आर्थिक गैरव्यवहारांची चौकशी करा; दोषींवर कारवाई करा – उस्मान शेख

· 23 reads

शिरगाव साईबाबा ट्रस्टमधील कथित आर्थिक गैरव्यवहारांची चौकशी करा; दोषींवर कारवाई करा – उस्मान शेख

१५ डिसेंबरपासून जिल्हाधिकारी कार्यालयासमोर आंदोलन व उपोषणाचा समीर शेख यांचा इशारा

व्हिएस न्युज - मावळ तालुक्यातील शिरगाव येथील प्रसिद्ध श्री साईबाबा पब्लिक चॅरिटेबल ट्रस्ट आणि संलग्न श्री साईबाबा अन्नछत्र मंडळाच्या आर्थिक व्यवहारांवरून वाद निर्माण झाला आहे. ट्रस्टमधील काही विद्यमान विश्वस्तांवर कोट्यवधी रुपयांच्या कथित आर्थिक गैरव्यवहाराचे, दानपेटीतील रकमेच्या अफरातफरीचे तसेच बनावट ठराव आणि कागदपत्रांमध्ये फेरफार केल्याचे गंभीर आरोप करण्यात आले आहेत.

Om sai interior

या संपूर्ण प्रकरणाची निष्पक्ष चौकशी करून दोषींवर कठोर कारवाई करावी, अशी मागणी ट्रस्टचे तहहयात विश्वस्त उस्मान दगडू शेख यांनी केली आहे. या संदर्भात गुरुवारी (दि. १९ नोव्हेंबर) पिंपरी येथे आयोजित पत्रकार परिषदेत उस्मान शेख यांनी आपली भूमिका मांडली. यावेळी तहहयात विश्वस्त समीर शेख, ॲड. अनघा कुलकर्णी, अक्षय धावरे, रामभाऊ गोपाळे यांच्यासह शिरगावमधील ग्रामस्थ उपस्थित होते.

पत्रकार परिषदेत समीर शेख यांनी सांगितले की, श्री साईबाबा पब्लिक चॅरिटेबल ट्रस्टची सार्वजनिक विश्वस्त व्यवस्था नोंदणी कार्यालय, पुणे येथे ९ सप्टेंबर २००२ रोजी नोंदणी करण्यात आली असून ट्रस्टचा नोंदणी क्रमांक इ/३६७४/पुणे असा आहे.

ट्रस्टमध्ये एकूण सात विश्वस्त असून तत्कालीन आमदार प्रकाश देवळे हे अध्यक्ष होते. त्यांच्या निधनानंतर रवी जाधव व उमेश कविटकर यांची विश्वस्त म्हणून नोंद करण्यात आली. मात्र, त्यानंतर संबंधित विश्वस्तांकडून इतर विश्वस्तांना विश्वासात न घेता आर्थिक व्यवहार करण्यात आल्याचा आरोप समीर शेख यांनी केला. मंदिरात देशभरातून तसेच परदेशातून हजारो साईभक्त दर्शनासाठी येतात.

भाविकांकडून रोख रक्कम, सोने, चांदी, हिरे आणि इतर मौल्यवान वस्तूंच्या स्वरूपात मोठ्या प्रमाणात दान दिले जाते. दरमहा लाखो रुपयांचा निधी जमा होत असतानाही संपूर्ण देणगीची रक्कम ट्रस्टच्या बँक खात्यात जमा केली जात नसल्याचा संशय त्यांनी व्यक्त केला.

दानपेट्या उघडण्याच्या प्रक्रियेत अनियमितता, रोख रकमेच्या हिशेबात तफावत, बँकेत जमा केलेल्या नोटांच्या तपशिलात विसंगती तसेच दानपेटीतील रकमेच्या नोंदींसाठी कथित बनावट कागदपत्रे तयार केल्याचेही आरोप करण्यात आले. संबंधित कागदपत्रांवरील हस्ताक्षर एकाच व्यक्तीचे असल्याचा संशय असून त्याची हस्ताक्षरतज्ज्ञांकडून तपासणी करण्यात यावी, अशी मागणीही त्यांनी केली.

याशिवाय मंदिराच्या मालकीच्या जागेतील दुकानदारांकडून मिळणाऱ्या भाड्याच्या उत्पन्नाचाही योग्य हिशेब ठेवला जात नसल्याचा आरोप करण्यात आला आहे. या सर्व प्रकरणांबाबत विश्वस्त आणि ग्रामस्थांनी स्थानिक पोलीस प्रशासन तसेच धर्मादाय आयुक्त कार्यालय, पुणे येथे अनेकदा लेखी तक्रारी दिल्या आहेत. मात्र, तक्रारींवर अपेक्षित कारवाई झालेली नसल्याने संबंधित यंत्रणांच्या भूमिकेवरही शेख यांनी प्रश्नचिन्ह उपस्थित केले. काही अधिकारी संबंधित विश्वस्तांना मदत करत असल्याचा संशय त्यांनी व्यक्त केला.

अन्नछत्रातील दूषित पाण्यामुळे नदी प्रदूषणाचा आरोप

श्री साईबाबा मंदिरात भाविकांकडून जमा होणाऱ्या निधीचा उपयोग मंदिराच्या व्यवस्थापनासोबतच शिरगावच्या स्थानिक विकासकामांसाठीही करण्यात यावा, अशी ग्रामस्थांची मागणी आहे. तसेच अन्नछत्रातून निर्माण होणारे दूषित पाणी कोणतीही प्रक्रिया न करता पवित्र नदीत सोडले जात असल्याचा आरोप करण्यात आला. यामुळे नदीचे प्रदूषण होत असून पर्यावरणाला धोका निर्माण होत असल्याचे ग्रामस्थांनी म्हटले आहे.

१५ डिसेंबरपासून आंदोलनाचा इशारा

या संपूर्ण प्रकरणाची सखोल व निष्पक्ष चौकशी करून संबंधितांवर भारतीय न्याय संहिता २०२३ अंतर्गत कायदेशीर कारवाई करावी, अशी मागणी पत्रकार परिषदेत करण्यात आली. प्रशासनाने तातडीने दखल न घेतल्यास १५ डिसेंबर २०२६ पासून पुणे जिल्हाधिकारी कार्यालयासमोर उर्वरित विश्वस्त आणि शिरगाव ग्रामस्थांच्या वतीने आंदोलन व आमरण उपोषण सुरू करण्यात येईल, असा इशारा तहहयात विश्वस्त समीर शेख यांनी दिला.

दरम्यान, ट्रस्टच्या आर्थिक व्यवहारांबाबत करण्यात आलेले आरोप गंभीर स्वरूपाचे असून संबंधित यंत्रणांनी सर्व कागदपत्रे, आर्थिक नोंदी आणि तक्रारींची पडताळणी करून वस्तुस्थिती स्पष्ट करावी, अशी मागणी ग्रामस्थांकडून होत आहे.

Om sai interior