व्हीएस न्यूज - मायक्रोसॉफ्ट या तंत्र कंपनीचे प्रमुख व जगातील श्रीमंत व्यक्ती बिल गेट्स यांनी युरोपिअन गायींपेक्षा जड दुध देऊ शकणाऱ्या व विपरीत परिस्थितीतही तग धरू शकणाऱ्या सुपर गायी निर्माण करण्याच्या उद्देशाने ४० दशलक्ष डॉलर म्हणजे २५०० कोटींची गुंतवणूक केली आहे. ब्रिटनच्या एडिनबर्ग विद्यापीठाच्या लिवस्टॉक वेटरनरी मेडिसिन रिसर्च सेंटर मध्ये ही गुंतवणूक केली गेली आहे.
या संस्थेतील संशोधकांनी दिलेल्या माहितीनुसार येथे सुपर कोंबडी बनविण्यासाठीही संशोधन सुरु असून या कोंबड्या नेहमीच्या कोंबड्यांच्या तुलनेत जादा अंडी देतील. सुपरगाय दुष्काळ, अन्य प्रतिकूल परिस्थितीत अधिक दुध देतील. या गायी तीव्र उन्हाळा, जादा थंडी सहन करतील व त्यांचा थेट फायदा शेतकऱ्यांना मिळणार आहे. आफ्रिकेत शेतकरी मोठ्या संख्येने आहेत मात्र नैसर्गिक संकटांमुळे त्यांना खाण्यापुरते उत्पन्न शेतीतून मिळत नाही. सुपरगायी अश्या गरीब १० कोटी शेतकऱ्यांना गरिबीतून बाहेर काढण्यास उपयोगी ठरणार आहेत असा दावा केला जात आहे.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)