व्हीएस न्यूज - संसदेत पंतप्रधान नरेंद्र मोदींनी काँग्रेस खासदार रेणुका चौधरींच्या हसण्यावर त्यांची तुलना रामायणातील शुर्पणखेशी केली होती. काँग्रेसने तत्काळ मोदींच्या या टिप्पणीचा निषेध केला. रेणुका चौधरींनीही आता मोदींवर पलटवार केला आहे. कोणताही जीएसटी हसण्यावर नसल्यामुळे हसण्यासाठी कोणाची परवानगी घेण्याची गरजही नसल्याचे त्यांनी म्हटले.
मोदींची महिलांप्रती असलेली मानसिकताही माझ्यावर केलेल्या वक्तव्यावरून समोर येते, असा टोलाही त्यांनी लगावला. मी पाच वेळा खासदार राहिले आहे आणि पंतप्रधान माझी तुलना नकारात्मक पात्राशी करतात. परंतु, ते विसरले आहेत की, महिला आज बदलल्या आहेत. त्यांची महिलांप्रती काय मानसिकता आहे, हे त्यांनी आपल्या वक्तव्यातून दाखवून दिले आहे, असेही त्यांनी म्हटले.
तुम्ही जर योग्य असाल तर ते सगळीकडे झळकते. आता हेच होत आहे. कसे आणि केव्हा अशाप्रकारचा नियम नाही. तुम्ही हसा.. आणि हसण्यावर कोणताही जीएसटी नाही. पाचवेळा खासदार राहिल्यानंतर हसण्यासाठी मला कोणाच्या परवानगीची गरज नाही. माझ्या वडिलांनी मुलगा किंवा मुलीच्या रूपात नव्हे तर देशाची नागरिक म्हणून मला वाढवले आह, असे त्या म्हणाल्या.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
