.jpg)
व्हीएस न्यूज - ‘निर्भया निधी’वरुन सुप्रीम कोर्टाने गुरुवारी मध्य प्रदेश सरकारला खडे बोल सुनावले. बलात्कार पीडितेला ६ हजार ५०० रुपयांची मदत देऊन मध्य प्रदेश सरकार दानधर्म करत आहे का?, तुमच्या मते बलात्काराची किंमत इतकीच आहे का? असा सवालच कोर्टाने विचारला आहे.
सुप्रीम कोर्टाने गेल्या महिन्यात सर्व राज्य व केंद्राशासित प्रदेशांना निर्भया निधी अंतर्गत केंद्राकडून किती पैसे मिळाले आणि किती बलात्कार पीडितांना याअंतर्गत मदत देण्यात आली याची माहिती सादर करण्याचे आदेश दिले होते. गुरुवारी या प्रकरणाची न्यायमूर्ती मदन लोकूर आणि न्या. दीपक गुप्ता यांच्या खंडपीठासमोर सुनावणी झाली. न्यायमूर्तींनी मध्य प्रदेश सरकारला फटकारले आहे. ‘मध्य प्रदेशमध्ये १, ९५१ बलात्कार पीडित आहेत. तुम्ही प्रत्येकी सहा से साडे सहा हजार रुपयांची मदत दिली. हे काय दानधर्म होते का?, तुम्हाला केंद्राकडून सर्वाधिक पैसे मिळालेत. हा सगळा प्रकारच असंवेदनशील आहे, अशा शब्दात कोर्टाने मध्य प्रदेश सरकारला सुनावले.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)